കേരള ചരിത്ര ഗവേഷണ കൗൺസിലിന്റെ വെബിനാർ സീരിസിൽ ഇന്ന് (മാർച്ച് 4) വൈകിട്ട് മൂന്നിന് 'വിശ്വാസത്തിനും സംസ്ഥാനത്തിനുമിടയിൽ: പത്തൊമ്പതാം നൂറ്റാണ്ടിലെ ബംഗാൾ വ്യക്തിഗത നിയമങ്ങൾ' എന്ന വിഷയത്തിൽ പ്രഭാഷണം സംഘടിപ്പിക്കുന്നു. ജവഹർലാൽ നെഹ്‌റു യൂണിവേഴ്‌സിറ്റിയിലെ സെന്റർ ഫോർ ഹിസ്റ്റോറിക്കൽ സ്റ്റഡീസിലെ റിട്ടയേർഡ് പ്രൊഫസർ തനിക സർക്കാർ ആണ് പ്രഭാഷണം നടത്തുന്നത്.  കെ.സി.എച്ച്.ആർ വെബ്‌സൈറ്റിലെ ഗൂഗിൾ ലിങ്കിലൂടെ  (https://meet.google.com/cxu-nmco-gsa) വെബിനാറിൻ പങ്കെടുക്കാം. കൂടുതൽ വിവരങ്ങൾക്ക്: www.kchr.ac.in.

കുന്നംകുളം താലൂക്ക് ആശുപത്രിയിൽ 2021 ഏപ്രിൽ ഒന്ന് മുതൽ 2022 മാർച്ച് 31 വരെയുളള കാലയളവിൽ ജെഎസ്എസ്‌കെ, കെഎഎസ്പി, ആർബിഎസ്‌കെ, എകെ എന്നീ പദ്ധതികൾ പ്രകാരം ചികിത്സക്കായി പ്രവേശിക്കപ്പെടുന്ന രോഗികൾക്ക് വിവിധ ടെസ്റ്റുകൾ ചെയ്യുന്നതിന് ടെണ്ടർ ക്ഷണിച്ചു. ടെണ്ടർ സ്വീകരിക്കുന്ന അവസാന തീയതി മാർച്ച് നാല് വൈകീട്ട് മൂന്ന് മണി.

കേരള സംസ്ഥാന സാക്ഷരതാ മിഷന്‍ നടത്തുന്ന പച്ച മലയാളം, ഗുഡ് ഇംഗ്ലീഷ്, അച്ചി ഹിന്ദി എന്നീ ഭാഷാ കോഴ്‌സുകളുടെ അഞ്ചാം ബാച്ചിലേക്കുള്ള രജിസ്‌ട്രേഷന്‍ മാര്‍ച്ച് 15വരെ ദീര്‍ഘിപ്പിച്ചു. വിശദവിവരങ്ങള്‍ക്ക് 04872365024, 9446793460 എന്നീ നമ്പരുകളില്‍ ബന്ധപ്പെടുക.

പൊതു വിദ്യാഭ്യാസ വകുപ്പിന്റെ സഹകരണത്തോടെ സാക്ഷരതാ മിഷന്‍ വഴി നടപ്പാക്കുന്ന തുല്യത പത്താം തരം, ഹയര്‍സെക്കന്ററി കോഴ്‌സുകളുടെ രജിസ്‌ട്രേഷന്‍ തിയ്യതി ദീര്‍ഘിപ്പിച്ചു. ഇതു പ്രകാരം 50/- രൂപ ഫൈന്‍ അടച്ച് മാര്‍ച്ച് 10 വരെയും, 200/- രൂപ സൂപ്പര്‍ ഫൈന്‍ അടച്ച് മാര്‍ച്ച് 15 വരെയും കോഴ്‌സുകള്‍ക്ക് രജിസ്റ്റര്‍ ചെയ്യാം. തദ്ദേശ സ്ഥാപനങ്ങളില്‍ പ്രവര്‍ത്തിക്കുന്ന സാക്ഷരത തുടര്‍/വികസന വിദ്യാകേന്ദ്രം പ്രേരക്മാര്‍ വഴിയോ ഓണ്‍ലൈനായോ രജിസ്‌ട്രേഷന്‍ നടത്താം. വിശദവിവരങ്ങള്‍ക്ക് 0487-2365024, 9446793460 എന്നീ നമ്പരുകളില്‍ ബന്ധപ്പെടണമെന്ന് സാക്ഷരതാ മിഷന്‍ തൃശൂര്‍ ജില്ലാ കോര്‍ഡിനേറ്റര്‍ അറിയിച്ചു.

നിയസഭാ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ എപിക് (ഇലക്ടറല്‍ ഫോട്ടോ ഐഡന്റിറ്റി കാര്‍ഡ്) കാര്‍ഡ് ലഭിച്ചത് 18301 പേര്‍ക്ക്. 2021 ജനുവരി 20ന് പ്രസിദ്ധീകരിച്ച വോട്ടര്‍ പട്ടികയില്‍ പുതുതായി പേരു ചേര്‍ത്തവര്‍ക്കാണ് എപിക് കാര്‍ഡ് നല്‍കി വരുന്നത്. ബൂത്ത് അടിസ്ഥാനത്തില്‍ ബൂത്ത് ലെവല്‍ ഓഫീസര്‍മാരാണ് എപിക് കാര്‍ഡുകള്‍ വിതരണം ചെയ്യുന്നത്. മാര്‍ച്ച് ഒന്‍പതു വരെയാണ് നിയമസഭാ തെരഞ്ഞെടുപ്പിന് വോട്ടര്‍ പട്ടികയില്‍ പേരു ചേര്‍ക്കാന്‍ അവസരമുള്ളത്.

ആലപ്പുഴ: 2021 കേരള നിയമസഭ തിരഞ്ഞെടുപ്പുമായി ബന്ധപ്പെട്ട് വിവിധ പ്രചരണ സാമഗ്രികളുടെ റേറ്റ് ഷെഡ്യൂൾ നിർണ്ണയിക്കുന്നതിനായി വിവിധ രാഷ്ട്രീയ കക്ഷി നേതാക്കളുടെ യോഗം  മാർച്ച് നാലിന് വൈകിട്ട് നാലിന് ജില്ല കളക്ടറുടെ ചേബറിൽ ചേരും. യോഗത്തിൽ പ്രമുഖ രാഷ്ട്രീയ കക്ഷി പ്രതിനിധികൾ പങ്കെടുക്കും.

ആലപ്പുഴ: നിയമസഭ തിരഞ്ഞെടുപ്പുമായി ബന്ധപ്പെട്ടുള്ള ചെലവ് കണക്കുകൾ സംബന്ധിച്ച് ജില്ലയിലെ അസിസ്റ്റന്റ് എക്‌സ്‌പെൻഡിച്ചർ ഒബ്‌സർവർമാർ, വീഡിയോ സർവയലൻസ് ടീമുകൾ, വീഡിയോ വ്യൂവിങ് ടീമുകൾ, അക്കൗണ്ടിങ് ടീമുകൾ, ഫ്‌ളയിങ് സ്‌ക്വാഡുകൾ, സ്റ്റാറ്റിക് സർവലയൻസ് ടീമുകൾ എന്നിവർക്കുള്ള പരിശീലന ക്ലാസുകൾ ഫെബ്രുവരി 27, മാർച്ച് ഒന്ന് തീയതികളിൽ നടത്തി. ജില്ല തിരഞ്ഞെടുപ്പ് ഓഫീസർ കൂടിയായ ജില്ല കളക്ടറുടെ നേതൃത്വത്തിൽ ഫിനാൻസ് ഓഫീസർ ഷിജു ജോസ്, ലോക്കൽ ഫണ്ട് വകുപ്പിലെ ഫാമിൻ എന്നിവർ ചേര്‍ന്നാണ് പരിപാടി സംഘടിപ്പിച്ചത്.

നിയമസഭാ തെരഞ്ഞെടുപ്പിന് പോളിംഗ് ഉദ്യോഗസ്ഥരെ നിയമിക്കുന്നതിന് ജീവനക്കാരുടെ പട്ടിക യഥാസമയം നല്‍കാത്ത ഓഫീസ് മേലധാകാരികള്‍ക്കെതിരെ തെരഞ്ഞെടുപ്പ് ചട്ടം അനുസരിച്ച് കര്‍ശന നടപടി സ്വീകരിക്കുമെന്ന് ജില്ലാ കളക്ടര്‍ ഡോ. നരസിംഹുഗാരി ടി.എല്‍. റെഡ്ഡി അറിയിച്ചു. സ്റ്റാഫ് ലിസ്റ്റ് ഇനിയും ലഭ്യമാക്കാത്ത ഓഫീസ് മേലധികാരികള്‍ മാര്‍ച്ച് നാലിന്  വൈകുന്നേരം നാലിന് അതത് ഓഫീസ് പരിധിയിലുള്ള വില്ലേജ് ഓഫീസില്‍ എത്തിച്ചേരണം.