ജില്ലയിൽ രൂക്ഷമായ കടലാക്രമണമുണ്ടാകുന്ന പൊഴിയൂർ, വലിയതുറ മേഖലകളിൽ കടൽഭിത്തി നിർമാണത്തിനുള്ള പാറ അടിയന്തരമായി ലഭ്യമാക്കുന്നതിനുള്ള നടപടി സ്വീകരിക്കാൻ ജില്ലാ ജിയോളജിസ്റ്റിന് ജില്ലാ കളക്ടർ നിർദേശം നൽകി. ദുരന്ത നിവാരണ പ്രവർത്തനങ്ങളുടെ ഭാഗമായി ജില്ലയിൽ കടൽക്ഷോഭ മേഖലകളിൽ കടൽഭിത്തി നിർമാണം വേഗത്തിലാക്കാൻ നേരത്തേ തീരുമാനമെടുത്തിരുന്നു.

മങ്കട ഗവ. ആര്‍ട്‌സ് & സയന്‍സ് കോളജിലെ ഒറൈസ് ക്ലാസ് റൂം നവീകരണത്തിന് ടി.വി (55 ഇഞ്ച്, യു.എച്ച്.ഡി, ഒ.എല്‍.ഇ.ഡി ഡിസ്‌പ്ലേ), പ്രൊജക്ടര്‍, എ.സി എന്നിവ വിതരണം ചെയ്യാന്‍ താത്പര്യമുള്ളവരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ പ്രിന്‍സിപ്പല്‍, ഗവ.ആര്‍ട്‌സ് ആന്‍ഡ് സയന്‍സ് കോളജ്, മങ്കട, കൊളത്തൂര്‍ പോസ്റ്റ്, മലപ്പുറം, പിന്‍- 679338 എന്ന വിലാസത്തില്‍ മാര്‍ച്ച് 12ന് ഉച്ചയക്ക് 12നകം സമര്‍പ്പിക്കണം.

നിയമസഭാ തെരെഞ്ഞെടുപ്പിന് സ്ഥാനാര്‍ഥികള്‍ക്ക് പ്രചാരണ പ്രവര്‍ത്തനങ്ങള്‍ക്കും പൊതുയോഗങ്ങള്‍ സംഘടിപ്പിക്കുന്നതിനും ജില്ലയിൽ 83 മൈതാനങ്ങള്‍ നിശ്ചയിച്ച് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ എസ് ഷാനവാസ്‌ ഉത്തരവിട്ടു.

ചാലക്കുടി നിയോജക മണ്ഡലത്തിൽ 8 ഗ്രൗണ്ടുകൾ, ഗുരുവായൂർ -9, മണലൂർ- 10, വടക്കാഞ്ചേരി-8, ഒല്ലൂർ -4, തൃശൂർ-1, നാട്ടിക-8, കൊടുങ്ങല്ലൂർ -4, ചേലക്കര -9, കുന്നംകുളം -6, പുതുക്കാട് -8, ഇരിങ്ങാലക്കുട നിയോജകമണ്ഡലത്തിൽ 8 എന്നിങ്ങനെയാണ് മൈതാനങ്ങൾ അനുവദിച്ചത്.

** ലോക്ക് ഡൗൺ സമയത്ത് തിരുവനന്തപുരം സ്വദേശികളായ ദമ്പതികൾക്ക് സഹായഹസ്തമായി കളക്ടർ നവ്ജ്യോത് ഖോസ

ലോക്ക് ഡൗൺ സമയത്ത് തിരുവനന്തപുരം സ്വദേശികളായ ദമ്പതികൾക്ക് കുഞ്ഞിനെ ദത്തെടുക്കുന്നതിന് സഹായം നൽകിയത് തിരുവനന്തപുരം ജില്ലാ കളക്ടർ ഡോ. നവ്ജ്യോത് ഖോസ. 

വനിതാകമ്മീഷന്‍ മാര്‍ച്ച് 12ന് തിരൂര്‍ ഇ.എം.എസ് സാംസ്‌ക്കാരിക സമുച്ചയ ഹാളില്‍ രാവിലെ 10 മുതല്‍ മെഗാ അദാലത്ത് നടത്തുന്നു.

ഇരിങ്ങാലക്കുട ജനറൽ ആശുപത്രിയിലേക്കാവശ്യമായ മരുന്നുകളും ആശുപത്രി ഉപകരണങ്ങളും വിതരണം ചെയ്യുന്നതിന് ടെണ്ടർ ക്ഷണിച്ചു. 2021 ഏപ്രിൽ ഒന്നു മുതൽ 2022 മാർച്ച് 31 വരെയാണ് ടെണ്ടർ കാലാവധി. മാർച്ച് 15 മുതൽ 20 വരെ അപേക്ഷ ഇരിങ്ങാലക്കുട ജനറൽ ആശുപത്രിയിൽ ലഭിക്കും. 

മാർച്ച് 23 ന് ഉച്ചക്ക് 12 മണി വരെ പൂരിപ്പിച്ച ടെണ്ടറുകൾ സമർപ്പിക്കാം. ടെണ്ടറിനൊപ്പം നിരതദ്രവ്യമായി 5000 രൂപയുടെ ഡിഡി അടക്കം ചെയ്യണം.

 വിശദവിവരങ്ങൾക്ക് ഓഫീസ് പ്രവൃത്തി ദിവസങ്ങളിൽ രാവിലെ 10 മുതൽ വൈകിട്ട് 5 വരെ നേരിട്ടോ 0480 2833710 എന്ന നമ്പറിലോ ബന്ധപ്പെടാം.

ജില്ലയിലെ 43 സര്‍ക്കാര്‍ കേന്ദ്രങ്ങളിലും 25 സ്വകാര്യ ആശുപത്രികളിലും കോവിഡ് വാക്‌സിനേഷന്‍ നല്‍കുമെന്ന് ജില്ലാ കളക്ടര്‍ ഡോക്ടര്‍ നവ്ജ്യോത് ഖോസ പറഞ്ഞു. സര്‍ക്കാര്‍ കേന്ദ്രങ്ങളില്‍ 45 സെഷനുകളായിട്ടാകും വാക്‌സിനേഷന്‍ നല്‍കുക. ജനറല്‍ ആശുപത്രികളിലും ജില്ലാ ആശുപത്രികളിലും താലൂക്ക് ആശുപത്രികളിലും 200 പേര്‍ക്ക് കുത്തിവയ്പ് നടത്താനുള്ള സജ്ജീകരണങ്ങള്‍ ഏര്‍പ്പെടുത്തിയിട്ടുണ്ട്. സാമൂഹിക ആരോഗ്യ കേന്ദ്രങ്ങളില്‍ 150 പേര്‍ക്കും പ്രാഥമികാരോഗ്യകേന്ദ്രങ്ങളില്‍ 100 പേര്‍ക്കും കുത്തിവയ്പ് നല്‍കും.

കൊണ്ടോട്ടി മോയിന്‍ കുട്ടി വൈദ്യര്‍ മഹോത്സവം ഇന്നും നാളെയുമായി( മാര്‍ച്ച് ആറ്, ഏഴ്) വൈദ്യര്‍ അക്കാദമിയില്‍ നടക്കും. മലബാര്‍ സമര ശതാബ്ദി ആചരണത്തിന്റെ ഭാഗമായി സെമിനാറും റിയാലിറ്റി ഷോയും സംഘടിപ്പിക്കും. ഇന്ന് ഉച്ചയ്ക്ക് രണ്ടിന് പൂര്‍വ വിദ്യാര്‍ഥി സംഗമവും വൈകീട്ട് നാലിന് മാപ്പിളപ്പാട്ടുകളുടെ അവതരണവും നടക്കും.  വൈകീട്ട് ഏഴിന് മാപ്പിളപ്പാട്ടിന്റെ   സംസ്‌കൃതി എന്ന വിഷയത്തില്‍ ആലങ്കോട് ലീലാകൃഷ്ണന്‍ വൈദ്യര്‍ സ്മാരക പ്രഭാഷണം നടത്തും. ഇശല്‍ പൈതൃകം മലബാര്‍ സമര ശതാബ്ദി പ്രത്യേക പതിപ്പ്, ഡോ.ഷംഷാദ് ഹുസൈന്‍ രചിച്ച മലബാര്‍ കലാപത്തിന്റെ വാമൊഴി പാരമ്പര്യം എന്നിവയുടെ പ്രകാശനവും നടക്കും.

പട്ടികജാതി വികസന വകുപ്പിൻ്റെ അധീനതയിലുള്ള ഉത്തരമേഖലയിലെ മായന്നൂർ ഐ ടി ഐ യിൽ സ്വീയിംഗ് ടെക്നോളജി ട്രേഡിലേക്കാവശ്യമായ അസംസ്കൃത സാധനങ്ങൾ വാങ്ങുന്നതിന് ക്വട്ടേഷൻ ക്ഷണിച്ചു.

ക്വട്ടേഷൻ സീൽ വെച്ച കവറുകളിൽ ഉത്തരമേഖല ട്രെയിനിംഗ് ഇൻസ്പെക്ടർ (പട്ടികജാതി വികസന വകുപ്പ് ,ബി - ബ്ലോക്ക്, 6-നില, കോഴിക്കോട് - 20) എന്ന വിലാസത്തിൽ അയക്കുകയോ നേരിട്ട് എത്തിക്കുകയോ ചെയ്യണം. ഫോൺ: 8281853944

തിരുവനന്തപുരത്ത് ഇന്ന് (05 മാര്‍ച്ച് 2021) 190 പേര്‍ക്കു കൂടി കോവിഡ് 19 സ്ഥിരീകരിച്ചു. 337 പേര്‍ രോഗമുക്തരായി. നിലവില്‍ 2,391 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 140 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ ഒരാള്‍ ആരോഗ്യപ്രവര്‍ത്തകനാണ്. 

രോഗലക്ഷണങ്ങളെത്തുടര്‍ന്നു ജില്ലയില്‍ 1,417 പേരെക്കൂടി നിരീക്ഷണത്തിലാക്കി. ഇവരടക്കം ആകെ 17,840 പേര്‍ വീടുകളിലും 47 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,207 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.