സംസ്ഥാന ജൈവവൈവിധ്യ ബോർഡിന്റെ പതിമൂന്നാമത് കുട്ടികളുടെ ജൈവവൈവിധ്യ കോൺഗ്രസിന്റെ ഭാഗമായി പ്രോജക്ട് അവതരണം, ഉപന്യാസം (മലയാളം, ഇംഗ്ലീഷ്), ഫോട്ടോഗ്രഫി, പെയിന്റിംഗ്, പെൻസിൽ ഡ്രോയിങ്, പോസ്റ്റർ നിർമ്മാണം, മൊബൈൽ വീഡിയോ നിർമാണ മത്സരങ്ങൾ ഓൺലൈനായി സംഘടിപ്പിക്കുന്നു. കോവിഡ് മഹാമാരിയും ജൈവവൈവിധ്യ സംരക്ഷണവുമാണ് മുഖ്യ പ്രമേയം. കൂടുതൽ വിവരങ്ങൾക്ക്: www.keralabiodiversity.org. ഫോൺ: 0471-2724740.
പി.എൻ.എക്സ്.1119/2021

പെരുമാറ്റ ചട്ട ലംഘനം ഉൾപ്പെടെ നിയമസഭാ തിരഞ്ഞെടുപ്പു രംഗത്തെ പരാതികളും ക്രമക്കേടുകളും അറിയിക്കാനായി സി വിജിൽ ആപ്പ്. സുതാര്യമായ തിരഞ്ഞെടുപ്പ് പ്രക്രിയ ഉറപ്പാക്കുന്നതിനുള്ള സംവിധാനമാണിത്. 
ഇതുവഴി അയയ്ക്കുന്ന പരാതികൾക്കു 100 മിനിറ്റിനകം നടപടിയുണ്ടാകും. 
ചട്ട ലംഘനം കണ്ടാൽ അതു മൊബൈൽ ഫോൺ ക്യാമറയിൽ പകർത്തി സി വിജിൽ വഴി ജില്ലാ തിരഞ്ഞെടുപ്പു സെന്ററിലേക്ക് അയയ്ക്കാം. അവിടെ നിന്നു സന്ദേശം അതതു നിയമസഭ മണ്ഡലങ്ങളിലെ സ്ക്വാഡുകൾക്കു കൈമാറും. അവർ ഉടൻ സ്ഥലത്തെത്തി നടപടി സ്വീകരിക്കും. സ്വീകരിച്ച നടപടി 100 മിനിറ്റിനകം പരാതിക്കാരനെ അറിയിക്കും.
പ്ലേ സ്റ്റോറിൽ നിന്ന് ആപ് ഡൗൺലോഡ് ചെയ്യാം.

നിയമസഭ തിരഞ്ഞെടുപ്പുമായി ബന്ധപ്പെട്ട കാര്യങ്ങള്‍ വിശദീകരിക്കുന്നതിന് രാഷ്ട്രീയ പാര്‍ട്ടി പ്രതിനിധികളുടെ യോഗം മാര്‍ച്ച് മൂന്നിന് ഉച്ചയ്ക്ക് 2.30 ന് പറവൂര്‍ ബ്ലോക്ക് ഡെവലപ്‌മെന്റ് ഓഫീസില്‍ നടത്തും. രാഷ്ട്രീയ പാര്‍ട്ടി പ്രതിനിധികള്‍ പങ്കെടുക്കണം.

നെഹ്‌റു യുവകേന്ദ്രയുടെ നാഷണല്‍ യൂത്ത് വോളണ്ടിയര്‍മാരുടെ മാര്‍ച്ച് 5, 6 തീയതികളില്‍ നടത്താനിരുന്ന ഇന്റര്‍വ്യൂ തെരഞ്ഞെടുപ്പ് പെരുമാറ്റച്ചട്ടം നിലവില്‍ വന്നതിനാല്‍ മാറ്റി വെച്ചു.

സമൂഹത്തിൽ വർധിച്ചു വരുന്ന ലഹരി ഉപഭോഗം കുറയ്ക്കുന്നതിന് വേണ്ടി കേന്ദ്ര സർക്കാർ നടപ്പിലാക്കി വരുന്ന നാഷണൽ ആക്ഷൻ ഫോർ ഡ്രഗ് ഡിമാൻ്റ് റിഡക്ഷൻ പദ്ധതിയിൽ റിസോഴ്സ്‌ ടീം അംഗങ്ങളാകാൻ അപേക്ഷ ക്ഷണിച്ചു.

ലഹരി വിരുദ്ധ പ്രവർത്തന മേഖലയിൽ ബോധവൽക്കരണം, കപ്പാസിറ്റി ബിൽഡിംഗ്‌ നടത്തുകയാണ് ലക്ഷ്യം. 

ലഹരിവിരുദ്ധ മേഖല/ ഐ ആർ സി എ കളിൽ പ്രവൃത്തി പരിചയം ഉള്ളവർക്ക് മുൻഗണന.

സോഷ്യൽ വർക്ക് അല്ലെങ്കിൽ സൈക്കോളജിയിൽ ബിരുദാനന്തര ബിരുദമാണ് യോഗ്യത. 

അപേക്ഷകർ തൃശൂർ ജില്ലയിൽ സ്ഥിരതാമസം ഉള്ളവരായിരിക്കണം. 

മാതൃകാ പെരുമാറ്റച്ചട്ടം നിലവില്‍ വന്ന സാഹചര്യത്തില്‍ പൊതുസ്ഥലങ്ങളില്‍ സ്ഥാപിച്ചിട്ടുളള പരസ്യ ബോര്‍ഡുകള്‍, പോസ്റ്ററുകള്‍ തുടങ്ങിയവ മാര്‍ച്ച് ഇന്ന് (മാര്‍ച്ച് 03) നീക്കം ചെയ്ത് റിപ്പോര്‍ട്ട് നല്‍കാന്‍ ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ എസ് ഷാനവാസ് അറിയിച്ചു. പഞ്ചായത്ത് ഡെപ്യൂട്ടി ഡയറക്ടര്‍ക്കും, വിവിധ മുനിസിപ്പാലിറ്റി സെക്രട്ടറിമാര്‍ക്കും എല്ലാ ഗ്രാമപഞ്ചായത്ത് സെക്രട്ടറിമാര്‍ക്കും ഇത് സംബന്ധിച്ച നിര്‍ദ്ദേശം നല്‍കി.

നിയമസഭാ തെരഞ്ഞെടുപ്പിനോടനുബന്ധിച്ച് ജില്ലാ കളക്ടറേറ്റില്‍ കണ്‍ട്രോള്‍ റൂം തുറന്നു.  നമ്പര്‍ 0471-2732255.  തെരഞ്ഞെടുപ്പു സംബന്ധിച്ച സംശയങ്ങള്‍ക്ക് ഈ നമ്പരില്‍ വിളിക്കാമെന്ന് ജില്ലാ കളക്ടര്‍ അറിയിച്ചു.

** പട്ടികയില്‍ പേരുണ്ടെന്നു സമ്മതിദായകര്‍ ഉറപ്പാക്കണം