നിയമസഭാ തിരഞ്ഞെടുപ്പിന്റെ  നടത്തിപ്പുമായി ബന്ധപ്പെട്ട് ഹരിത പ്രോട്ടോകോൾ  കൃത്യമായി നിർവഹിക്കുന്നതിനും മാർഗ നിർദേശങ്ങൾ നൽകുന്നതിനുമായി ജില്ലയിലെ  ആർ.ഒ. മാർ, എ.ആർ.ഓ. മാർ, ഇ.ആർ.ഒ മാർ എന്നിവർക്കുള്ള പരിശീലനം മാർച്ച് മൂന്നിന്   രാവിലെ 11ന് ഗൂഗിൾ മീറ്റ് മുഖേന നടത്തുമെന്ന് ജില്ലാ ശുചിത്വമിഷൻ കോഡിനേറ്റർ അറിയിച്ചു.  ഗ്രീൻ ഇലക്ഷൻ നോഡൽ ഓഫീസറായ ശുചിത്വ മിഷൻ ജില്ലാ കോഡിനേറ്ററും,  പൊലൂഷൻ കൺട്രോൾ ബോർഡ് ജില്ലാ എൻജിനീയറും ക്ലാസുകൾ എടുക്കും. 

കഴിഞ്ഞ ഡിസംബറിൽ നടന്ന തദ്ദേശ തിരഞ്ഞെടുപ്പിൽ വോട്ടു ചെയ്തെന്ന കാരണത്താൽ വരാനിരിക്കുന്ന നിയമസഭ തിരഞ്ഞെടുപ്പ് വോട്ടർ പട്ടികയിൽ പേരുണ്ടാകണമെന്നില്ലെന്നും ഇത് വോട്ടർമാർ പരിശോധിക്കണമെന്നും  ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കലക്ടർ അറിയിച്ചു. 

തദ്ദേശ തിരഞ്ഞെടുപ്പിൻ്റെയും നിയമസഭാ തിരഞ്ഞെടുപ്പിൻ്റെയും വോട്ടർ പട്ടിക വ്യത്യസ്തമാണ്. നാഷണല്‍ വോട്ടേഴ്‌സ് സര്‍വീസ് പോര്‍ട്ടലായ nvsp.in ൽ വോട്ടർ പട്ടികയിൽ പേരു നോക്കാനുള്ള സൗകര്യം ഉണ്ടായിരിക്കും. 

 പുതിയ വോട്ടർമാർക്കുൾപ്പെടെ nvsp.in വഴി പേര് ചേർക്കാം 

2021 നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ മുഴുവൻ രാഷ്ട്രീയ കക്ഷി നേതാക്കളുടെ യോഗം ജില്ലാ കളക്ടർ മൃൺമയി ജോഷി ശശാങ്കിന്റെ അധ്യക്ഷതയിൽ   കളക്ടറേറ്റ് കോൺഫറൻസ് ഹാളിൽ  നടന്നു.

രാജ്യാന്തര ചലച്ചിത്ര മേളയോടനുബന്ധിച്ചുള്ള ഫെസ്റ്റിവൽ ഓഫീസും മീഡിയ സെന്ററും ഇന്ന് (തിങ്കളാഴ്ച) മുതൽ പ്രവർത്തനം തുടങ്ങും .രാവിലെ 10 ന്പ്രിയ തിയേറ്റർ കോപ്ലക്സ്  ഉടമ നന്ദകുമാർ ഫെസ്റ്റിവൽ ഓഫീസും എഴുത്തുകാരനും കഥാകൃത്തുമായ മുണ്ടൂർ സേതുമാധവൻ മീഡിയാ സെന്ററും ഉദ്ഘാടനം ചെയ്യും. ചലച്ചിത്ര അക്കാഡമി ചെയർമാൻ കമൽ ,വൈസ് ചെയർ പേഴ്‌സൺ ബീനാ പോൾ ,സെക്രട്ടറി അജോയ് ചന്ദ്രൻ തുടങ്ങിയവർ പങ്കെടുക്കും.മേളയുടെ മുഖ്യവേദിയായ പ്രിയദർശിനി കോംപ്ലക്സിലാണ്  ഫെസ്റ്റിവൽ ഓഫീസും മീഡിയ സെന്ററും പ്രവർത്തിക്കുക . 

രാജ്യാന്തര ചലച്ചിത്ര മേളയോടനുബന്ധിച്ചുള്ള ഫെസ്റ്റിവൽ ഓഫീസും മീഡിയ സെന്ററും ഇന്ന് (തിങ്കളാഴ്ച) മുതൽ പ്രവർത്തനം തുടങ്ങും .രാവിലെ 10 ന്പ്രിയ തിയേറ്റർ കോപ്ലക്സ്  ഉടമ നന്ദകുമാർ ഫെസ്റ്റിവൽ ഓഫീസും എഴുത്തുകാരനും കഥാകൃത്തുമായ മുണ്ടൂർ സേതുമാധവൻ മീഡിയാ സെന്ററും ഉദ്ഘാടനം ചെയ്യും. ചലച്ചിത്ര അക്കാഡമി ചെയർമാൻ കമൽ ,വൈസ് ചെയർ പേഴ്‌സൺ ബീനാ പോൾ ,സെക്രട്ടറി അജോയ് ചന്ദ്രൻ തുടങ്ങിയവർ പങ്കെടുക്കും.മേളയുടെ മുഖ്യവേദിയായ പ്രിയദർശിനി കോംപ്ലക്സിലാണ്  ഫെസ്റ്റിവൽ ഓഫീസും മീഡിയ സെന്ററും പ്രവർത്തിക്കുക . 

പാലക്കാട് ജില്ലയില്‍ ഇന്ന് (ഫെബ്രുവരി 28) 88 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 49 പേര്‍, ഉറവിടം അറിയാതെ രോഗം ബാധിച്ച 34 പേര്‍,  ഇതര സംസ്ഥാനത്ത്  നിന്നും  വന്ന 5 പേർ എന്നിവര്‍ ഉള്‍പ്പെടും. 188 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ- 18 പേർ 

ഒറ്റപ്പാലം സ്വദേശികൾ - 13 പേർ വീതം

അനങ്ങനടി സ്വദേശികൾ - 8 പേർ

പുതുശ്ശേരി, നല്ലേപ്പിള്ളി സ്വദേശികൾ -6 പേർ

നിയമസഭാ തെരഞ്ഞെടുപ്പുമായി ബന്ധപ്പെട്ടുള്ള പ്രവർത്തനങ്ങൾ പകർത്താൻ വീഡിയോഗ്രാഫർ മാരിൽ നിന്ന് ജില്ലാ തെരഞ്ഞെടുപ്പ് ഓഫീസർ കൂടിയായ ജില്ലാ കലക്ടർ സീൽഡ്  ക്വട്ടേഷൻ ക്ഷണിച്ചു.വീഡിയോ ക്യാമറയുടെ വാടക, വീഡിയോഗ്രാഫറുടെ വേതനം, ഡി.വി.ഡി യുടെ ചെലവ് എന്നിവ സഹിതം ടാക്സ് ഉൾപ്പെടെയുള്ള തുകയാണ്  ക്വട്ടേഷനിൽ രേഖപ്പെടുത്തേണ്ടത്. ക്വട്ടേഷന് പുറത്ത് 'video graphy for various election activities for GE to Kerala LAC 2021 ,palakkad ' എന്ന് രേഖപ്പെടുത്തണം. ക്വട്ടേഷനുകൾ മാർച്ച് മൂന്നിന് ഉച്ചയ്ക്ക് രണ്ടിനകം ഇലക്ഷൻ ഡെപ്യൂട്ടി കളക്ടർക്ക്  സമർപ്പിക്കണം.അതേ ദിവസം  മൂന്നിന്  ക്വട്ടേഷനുകൾ തുറക്കും.