കണ്ണൂര്‍ സര്‍വ്വകലാശാലയുടെ കീഴിലുള്ള മാനന്തവാടി ഗവ.കോളേജില്‍ 2020-21 അധ്യയന വര്‍ഷത്തില്‍ ഒന്നാം വര്‍ഷ ബി.എസ്.സി ഫിസിക്‌സ് കോഴ്‌സിന് അപേക്ഷ ക്ഷണിച്ചു. ഇന്ന് (മാര്‍ച്ച് രണ്ട് മുതല്‍ അഞ്ച്, മൂന്ന് മണിവരെ കോളേജ് ഓഫീസില്‍ നിന്നും അപേക്ഷ ഫോം വിതരണം ചെയ്യുമെന്ന് പ്രിന്‍സിപ്പാള്‍ അറിയിച്ചു. പ്രവേശനം ആഗ്രഹിക്കുന്ന വിദ്യാര്‍ത്ഥികള്‍ മാര്‍ച്ച് അഞ്ചിന് 5 മണിക്കകം അപേക്ഷ ഫോം കോളേജ് ഓഫീസില്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് 9539596905, 8075235542.

വീട്ടില്‍ ഒരു വിദ്യാലയം പദ്ധതിയുടെ ഭാഗമായ ടെലി റിഹാബിലിറ്റേഷന്‍ പ്രോഗ്രാമിലെ പ്രൊഫഷണല്‍ തെറാപ്പിസ്റ്റുകള്‍ക്ക് ജില്ലാ കലക്ടര്‍ സാംബശിവ റാവു സര്‍ട്ടിഫിക്കറ്റുകള്‍ വിതരണം ചെയ്തു. ലോക്ക് ഡൗണ്‍ കാലത്ത് ഭിന്നശേഷിക്കാരായ കുട്ടികളുടെ തുടര്‍പരിശീലനം ഉറപ്പുവരുത്തുന്നതിനുവേണ്ടി സാമൂഹ്യ നീതി വകുപ്പും ജില്ലാ ഭരണകൂടവും കാലിക്കറ്റ് യൂണിവേഴ്‌സിറ്റിയും സി.ഡി.എം.ആര്‍.പിയും സംയുക്തമായി നടപ്പിലാക്കുന്ന പദ്ധതിയാണ് വീട്ടില്‍ ഒരു വിദ്യാലയം. വ്യത്യസ്തമായ പരിശീലന പ്രവര്‍ത്തനങ്ങളാണ് പദ്ധതി വഴി നടപ്പിലാക്കുന്നത്.

പാലക്കാട് ജില്ലയില്‍ ഇന്ന് (ഫെബ്രുവരി 27) 115 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍  സമ്പര്‍ക്കത്തിലൂടെ രോഗബാധ ഉണ്ടായ 52 പേര്‍, ഉറവിടം അറിയാതെ രോഗം ബാധിച്ച 60 പേര്‍,  ഇതര സംസ്ഥാനത്ത്  നിന്നും  വന്ന 2 പേർ, ഒരു ആരോഗ്യപ്രവർത്തകൻ എന്നിവര്‍ ഉള്‍പ്പെടും. 160 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ- 21 പേർ 

ഒറ്റപ്പാലം, കാവശ്ശേരി സ്വദേശികൾ - 6 പേർ വീതം

ശ്രീകൃഷ്ണപുരം, പൂക്കോട്ടുകാവ്, മരുതറോഡ്, ആലത്തൂർ സ്വദേശികൾ - 5 പേർ വീതം

ഐ.എഫ്.എഫ്.കെ മീഡിയ പാസിനായി  ജില്ല ഇൻഫർമേഷൻ ഓഫീസിൽ അപേക്ഷിച്ച മാധ്യമ പ്രവർത്തകരുടെ ലിസ്റ്റ് താരേക്കാട് ആന്റിജൻ ടെസ്റ്റ് നടത്തുന്ന വിഭാഗത്തിന്  കൈമാറിയിട്ടുണ്ട്. മാധ്യമപ്രവർത്തകർ ഐഡി കാർഡ് സഹിതം  എത്തുന്ന പക്ഷം   പരിശോധന നടത്താവുന്നതാണ്.
 

വേനല്‍ ചൂട് വര്‍ധിച്ചുവരുന്ന സാഹചര്യത്തില്‍ സൂര്യാഘതാപവും, നിര്‍ജലീകരണം മൂലമുള്ള ആരോഗ്യപ്രശ്‌നങ്ങളും ഉണ്ടാവാന്‍ സാധ്യതയുള്ളതിനാല്‍ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ.കെ.സക്കീന അറിയിച്ചു.
• രാവിലെ 11  മുതല്‍ വൈകീട്ട് മൂന്ന് വരെ നേരിട്ടുള്ള വെയില്‍ കൊള്ളുന്നത് ഒഴിവാക്കണം.
•ജോലി സമയം  ശരീരത്തില്‍ സൂര്യപ്രകാശം ഏല്‍ക്കാത്ത വിധം ശരീരം മൂടുന്ന രീതിയിലുള്ള ഇളം നിറത്തിലുള്ള പരുത്തി വസ്ത്രങ്ങള്‍ ധരിക്കണം.
•യാത്രയില്‍ കുപ്പിയില്‍ വെള്ളം കരുതണം. ദാഹമില്ലെങ്കില്‍ പോലും ധാരാളം വെള്ളം കുടിക്കണം.

സംസ്ഥാന ഭക്ഷ്യകമ്മീഷന്‍ നിലമ്പൂര്‍ താലൂക്കിലെ പോത്തുകല്ല്  പഞ്ചായത്തിലെ വാണിയമ്പുഴ, ഇരുട്ടുകുത്തി, തരിപ്പപ്പൊട്ടി, കുമ്പളപ്പാറ ആദിവാസി കോളനിയില്‍ മാര്‍ച്ച് അഞ്ചിന് സന്ദര്‍ശനം നടത്തുമെന്ന് നിലമ്പൂര്‍ താലൂക്ക് സപ്ലൈ ഓഫീസര്‍ അറിയിച്ചു.
 

വോട്ടര്‍മാരെ സ്വാധീനിക്കുന്നതിനായി പണം, മദ്യം, പാരിതോഷികങ്ങള്‍ തുടങ്ങിയവ നല്‍കുന്നത് നിരീക്ഷിക്കാന്‍ സംവിധാനമേര്‍പ്പെടുത്തി. ഇലക്ഷന്‍ ഫ്ളയിംഗ് സ്‌ക്വാഡുകളെയും സ്റ്റാറ്റിക് സര്‍വൈലന്‍സ് ടീമുകളെയുമാണ് നിയമസഭാ മണ്ഡലാടിസ്ഥാനത്തില്‍ ജില്ലയില്‍ നിയോഗിച്ചിട്ടുള്ളത്. സ്ഥാനാര്‍ത്ഥി, ഏജന്റ്, പാര്‍ട്ടി പ്രവര്‍ത്തകര്‍ തുടങ്ങിയവര്‍ സഞ്ചരിക്കുന്ന വാഹനത്തില്‍ 50,000 രൂപയില്‍ കൂടുതല്‍ കൈവശം വയ്ക്കാന്‍ പാടില്ല. മദ്യം, മയക്കുമരുന്ന്, ആയുധങ്ങള്‍ തുടങ്ങിയവ പിടിച്ചെടുക്കുന്നതും ജനപ്രാതിനിധ്യ നിയമപ്രകാരം നടപടി സ്വീകരിക്കുന്നതുമാണെന്ന് ജില്ലാ തെരഞ്ഞെടുപ്പ് ഓഫീസര്‍ അറിയിച്ചു.

വേങ്ങര നിയോജകമണ്ഡലത്തിന്റെ പരിധിയില്‍ വരുന്ന എല്ലാ സര്‍ക്കാര്‍ സ്ഥാപനങ്ങളിലെയും ഉദ്യോഗസ്ഥര്‍ക്കുള്ള ഇലക്‌ട്രോണിക് വോട്ടിങ് മെഷീന്‍ പരിചയപ്പെടുത്തല്‍ നാളെ( മാര്‍ച്ച് മൂന്ന്) രാവിലെ 10ന് വേങ്ങര ഡവലപ്‌മെന്റ് കോണ്‍ഫറന്‍സ് ഹാളില്‍ നടത്തും.  ഉദ്യോഗസ്ഥര്‍ പരിശീലനത്തില്‍ നിര്‍ബന്ധമായും പങ്കെടുക്കണമെന്ന് വേങ്ങര നിയോജകമണ്ഡലം വരണാധികാരി അറിയിച്ചു.