തിരഞ്ഞെടുപ്പ് വാര്‍ത്തകള്‍

നിയമസഭാ തിരഞ്ഞെടുപ്പ് 2021 ന്റെ ഭാഗമായി ജില്ലയിലെ എല്ലാ താലൂക്കുകളിലേയും സര്‍ക്കാര്‍ ഉദ്യോഗസ്ഥര്‍ക്കായുള്ള തിരഞ്ഞെടുപ്പ് പരിശീലനം ആരംഭിച്ചു. ഓരോ താലൂക്കുകളിലും വിവിധ കേന്ദ്രങ്ങളിലായാണ് പരിശീലനം നടക്കുന്നത്. ഒരോ മണിക്കൂര്‍ ഇടവിട്ട് നൂറു പേരടങ്ങുന്ന ടീമിനാണ് വിവിധ കേന്ദ്രങ്ങളില്‍ പരിശീലനം നല്‍കുന്നത്.

കൊച്ചി: 2021  ലെ നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട കാര്യങ്ങള്‍ വിശദീകരിക്കുന്നതിന് രാഷ്ട്രീയപാര്‍ട്ടി പ്രതിനിധികളുടെ യോഗം മാര്‍ച്ച് മൂന്നിന് ഉച്ചയ്ക്ക് ശേഷം മൂന്നിന് കണയന്നൂര്‍ താലൂക്ക് ഓഫീസില്‍ നടത്തും. യോഗത്തില്‍ എല്ലാ രാഷ്രീയ പാര്‍ട്ടി പ്രതിനിധികളും പങ്കെടുക്കണമെന്ന് വരണാധികാരി അറിയിച്ചു.

 കൊച്ചി: കൊച്ചി ശാസ്ത്ര സാങ്കേതിക സര്‍വകലാശാല മാര്‍ച്ച് രണ്ടിന് (ചൊവ്വാഴ്ച) നടത്താനിരുന്ന എല്ലാ പരീക്ഷകളും മോട്ടോര്‍ വാഹന പണിമുടക്കിനെ തുടര്‍ന്ന് മാറ്റിവെച്ചു. പുതുക്കിയ തീയതി പിന്നീട് അറിയിക്കും.

2021 നിയമസഭാ പൊതു തെരഞ്ഞെടുപ്പുമായി ബന്ധപെട്ട് രാഷ്രീയ നേതാക്കളുടെ യോഗം മാര്‍ച്ച് നാലിന് ഉച്ചയ്ക്ക് ശേഷം നാലിന് വൈപ്പിന്‍ ബ്ലോക്ക് പഞ്ചായത്ത് കാര്യാലയത്തില്‍  നടത്തും. യോഗത്തില്‍ എല്ലാ രാഷ്രീയ പാര്‍ട്ടി പ്രതിനിധികളും പങ്കെടുക്കണമെന്ന് വരണാധികാരി അറിയിച്ചു.

കൊച്ചി: ഭക്ഷ്യ ഉത്പാദനരംഗത്ത് സ്വയം  പര്യാപ്തത കൈവരിക്കുന്നതിന് കര്‍ഷകരെ പ്രാപ്തരാക്കുന്നതിന് മൃഗസംരക്ഷണവകുപ്പിലെ ആലുവയിലെ മൃഗസംരക്ഷണ പരിശീലന കേന്ദ്രം  പരിശീലനങ്ങള്‍ നടത്തുന്നു. പരിശീലനത്തിന് പങ്കെടുക്കുവാന്‍ താല്‍പര്യമുള്ളവര്‍ 9188522708 എന്ന മൊബൈല്‍ നമ്പറില്‍  ആയോ വാട്‌സ്ആപ്പ് വഴിയോ അപേക്ഷിക്കണം. കൂടുതല്‍ വിവരങ്ങള്‍ക്ക് 04842631355 എന്ന നമ്പറില്‍ ബന്ധപ്പെടാവുന്നതാണ്. കറവ പശുക്കളുടെ പരിപാലനം മാര്‍ച്ച് മൂന്നിന്,  ആട് വളര്‍ത്തല്‍  മാര്‍ച്ച് ആറ്, തീറ്റപ്പുല്‍ കൃഷി മാര്‍ച്ച് എട്ട്,  മുട്ടക്കോഴി വളര്‍ത്തില്‍ മാര്‍ച്ച് 10, കാട വളര്‍ത്തലല്‍ മാര്‍ച്ച്  12.

കൊച്ചി: 2021  ലെ നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട കാര്യങ്ങള്‍ വിശദീകരിക്കുന്നതിന് രാഷ്ട്രീയപാര്‍ട്ടി പ്രതിനിധികളുടെ യോഗം മാര്‍ച്ച് മൂന്നിന് ഉച്ചയ്ക്ക് ശേഷം മൂന്നിന് ആലുവ താലൂക്ക് ഓഫീസില്‍ നടത്തും. യോഗത്തില്‍ എല്ലാ രാഷ്രീയ പാര്‍ട്ടി പ്രതിനിധികളും പങ്കെടുക്കണമെന്ന് വരണാധികാരി അറിയിച്ചു.
 

എറണാകുളം: കേരള നിയമസഭാ പൊതു തിരഞ്ഞെടുപ്പുമായി ബന്ധപ്പെട്ട കാര്യങ്ങൾ വിശദീകരിക്കുന്നതിനായി രാഷ്ട്രീയ പാർട്ടി പ്രതിനിധികളുടെ യോഗം മാർച്ച് മൂന്നിന് ഉച്ചക്ക് 3 ന് കണയന്നൂർ താലൂക്ക് ഓഫീസിൽ നടക്കും. മുഴുവൻ രാഷ്ട്രീയ പാർട്ടി പ്രതിനിധികളും പങ്കെടുക്കണമെന്ന് വരണാധികാരി അറിയിച്ചു.

നിയമസഭ തിരഞ്ഞെടുപ്പിനു മുന്നോടിയായി രാഷ്ട്രീയ പാര്‍ട്ടി പ്രതിനിധികളുമായി ജില്ലാ കളക്ടര്‍ എസ്. സുഹാസ് ചര്‍ച്ച നടത്തി. മാതൃകാപെരുമാറ്റം നിലവില്‍ വന്ന സാഹചര്യത്തില്‍ പാലിക്കേണ്ട മാര്‍ഗനിര്‍ദേശങ്ങള്‍ സംബന്ധിച്ച് ജില്ലാ കളക്ടര്‍ പ്രതിനിധികള്‍ക്ക് വിശദീകരിച്ച് നല്‍കി. 
30.8 ലക്ഷം രൂപയാണ് സ്ഥാനാര്‍ഥിക്ക് ചെലവാക്കാവുന്ന ആകെ തുക.   

നിയമസഭാ തിരഞ്ഞെടുപ്പ് 2021 നു മുന്നോടിയായി തിരഞ്ഞെടുപ്പ് ഉദ്യോഗസ്ഥര്‍ക്കും രാഷ്ട്രീയ പാര്‍ട്ടി പ്രതിനിധികള്‍ക്കും ഫ്‌ളൈയിംഗ് സ്‌ക്വാഡുകള്‍ക്കുമുള്ള പരിശീലനം ബുധനാഴ്ച മാര്‍ച്ച് മൂന്നാം തീയതി നടക്കും. രാവിലെ 10.30 മുതലും ഉച്ചയ്ക്ക് രണ്ടിനുമാണ് പരിശീലനം നടക്കുക.

എറണാകുളം സർക്കാർ മെഡിക്കൽ കോളേജ് ആശുപത്രിയിൽ പുതിയതായി തുടങ്ങുന്ന എ.സി. കഫെറ്റേരിയ നടത്തുന്നതിന് ടെണ്ടർ ക്ഷണിച്ചു. കരാർ കാലയളവ് 2021 ഏപ്രിൽ ഒന്നു മുതൽ 2024 മാർച്ച് 31 വരെ. മാസവാടക 50,000 രൂപയിൽ കൂടുതൽ നൽകാൻ തയാറുള്ളവരായിരിക്കണം. പ്രവർത്തി പരിചയമുള്ള വ്യക്തികൾക്കും സ്ഥാപനങ്ങൾക്കും www.etenders.kerala.gov.in എന്ന വെബ് സൈറ്റിലൂടെ ടെണ്ടറുകൾ അയക്കാം. 22 ന് സർക്കാർ മെഡിക്കൽ കോളേജ് ആശുപത്രി സൂപ്രണ്ടിൻ്റെ ചേംബറിൽ ടെണ്ടറുകൾ തുറക്കും. ടെണ്ടർ രേഖകൾ സമർപ്പിക്കേണ്ട അവസാന തീയതി മാർച്ച് 18.