എറണാകുളം: നിയമസഭ തിരഞ്ഞെടുപ്പ് 2021 ല്‍ ജില്ലയില്‍ ആകെ 3899 പോളിംഗ് സ്‌റ്റേഷനുകളാണുള്ളതെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ എസ്. സുഹാസ്. കളക്ട്രേറ്റ് കോണ്‍ഫറന്‍സ് ഹാളില്‍ നിയമസഭാ തിരഞ്ഞെടുപ്പുമായി ബന്ധപ്പെട്ട് മാധ്യമങ്ങളുമായി സംസാരിക്കുകയായിരുന്നു അദ്ദേഹം. മുന്‍തിരഞ്ഞെടുപ്പുകളില്‍ ആകെ 2252 പോളിംഗ് സ്‌റ്റേഷനുകളാണുണ്ടായിരുന്നത്. താത്കാലിക സ്‌റ്റേഷനുകളുടെ എണ്ണം 119 ആണ്. 1647 പോളിംഗ് സ്‌റ്റേഷനുകളാണ് അധികമായി സജ്ജമാക്കുന്നത്. 

വാഹന പണിമുടക്കിനെ തുടർന്ന് ഇന്ന് (മാർച്ച് 2) നടത്താനിരുന്ന എസ്.എസ്.എൽ.സി മോഡൽ പരീക്ഷ മാർച്ച് എട്ടിലേക്ക് മാറ്റിവെച്ചു. സമയക്രമത്തിനും മറ്റ് തിയതികളിലെ പരീക്ഷകൾക്കും മാറ്റമില്ല.

ചാർട്ടേർഡ് അക്കൗണ്ട്സ്/ കോസ്റ്റ് ആന്റ് വർക്ക് അക്കൗണ്ട്സ്(കോസ്റ്റ് ആന്റ് മാനേജ്മെന്റ് അക്കൗണ്ട്സ്)/കമ്പനി സെക്രട്ടറിഷിപ്പ് കോഴ്സുകൾക്ക് പഠിക്കുന്ന ന്യൂനപക്ഷ മതവിഭാഗങ്ങളിലെ ദാരിദ്ര്യ രേഖയ്ക്ക് താഴെയുള്ള കുടുംബങ്ങളിലെ വിദ്യാർത്ഥികൾക്ക് സ്‌കോളർഷിപ്പ് നൽകുന്നതിന് പുതുക്കിയ മാനദണ്ഡ പ്രകാരം (പ്ലസ് ടു വിദ്യാർത്ഥികളെ കൂടി അർഹരാക്കി) സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു.

ജില്ലയില്‍ ഇന്നലെ (മാര്‍ച്ച് 1) 244 പേര്‍ കോവിഡ്  രോഗമുക്തി നേടി. 128 പേര്‍ക്ക് കോവിഡ് സ്ഥിരീകരിച്ചു. വിദേശത്തു നിന്നെത്തിയ രണ്ടുപേര്‍ക്കും സമ്പര്‍ക്കം വഴി 125 പേര്‍ക്കും ഒരു ആരോഗ്യ പ്രവര്‍ത്തകയ്ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷന്‍ 13 പേര്‍ക്കാണ് രോഗബാധ. കാവനാട്, വടക്കേവിള എന്നിവിടങ്ങളില്‍ മൂന്നുവീതം  രോഗബാധിതരുണ്ട്.
മുനിസിപ്പാലിറ്റികളില്‍ പുനലൂര്‍-അഞ്ച,് കരുനാഗപ്പള്ളി-മൂന്ന് എന്നിങ്ങനെയാണ് രോഗബാധിതരുടെ എണ്ണം.

നിയമസഭാ തിരഞ്ഞെടുപ്പ് ചട്ടം ലംഘിക്കുന്ന പ്രവര്‍ത്തനങ്ങള്‍ തടയുന്നതിനുള്ള വിവിധ സ്‌ക്വാഡുകളുടെ പ്രവര്‍ത്തനം സജീവമായി തുടരുന്നുവെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ബി. അബ്ദുല്‍ നാസര്‍ വ്യക്തമാക്കി. തിരഞ്ഞെടുപ്പ്-കോവിഡ് പ്രതിരോധ പ്രവര്‍ത്തനങ്ങളുടെ അവലോകനം നിര്‍വഹിക്കുയായിരുന്നു അദ്ദേഹം.

ടി എം വര്‍ഗീസ് ഹാളില്‍ നടത്തിയിരുന്ന കോവിഡ് പരിശോധന ഇനി കൊല്ലം ലാല്‍ ബഹദൂര്‍ ശാസ്ത്രി സ്റ്റേഡിയം ഭവനില്‍ ചൊവ്വ, വെള്ളി ദിവസങ്ങളില്‍ നടക്കും. നിയമസഭ തിരഞ്ഞെടുപ്പുമായി ബന്ധപ്പെട്ട പരിശീലന പരിപാടികള്‍ നടക്കുന്നതിനാല്‍ മറ്റൊരറിയിപ്പുണ്ടാകുന്നതുവരെ ക്രമീകരണം തുടരുമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.
(പി.ആര്‍.കെ നമ്പര്‍.564/2021)
പൊതുജനങ്ങള്‍ക്ക് കോവിഡ് വാക്‌സിന്‍ വിതരണം: രജിസ്‌ട്രേഷന്‍ തുടങ്ങി

60 വയസ്സ് കഴിഞ്ഞ കോവിഡ് വാക്‌സിന്‍ എടുക്കാനുളളവര്‍ക്ക്, താഴെ പറയുന്ന സ്ഥാപനങ്ങളില്‍, ഓണ്‍ലൈനായി രജിസ്റ്റര്‍ ചെയ്തിട്ടുളള 100 പേര്‍ക്കും സ്‌പോട്ട് ആയി 50 പേര്‍ക്കും വാക്‌സിനേഷനുളള സൗകര്യമൊരുക്കിയിട്ടുണ്ട്. സ്‌പോട്ട് ആയി വാക്‌സിന്‍ എടുക്കാന്‍ വരുന്നവരില്‍ രാവിലെ 9 മണി മുതല്‍ 11 വരെ ആദ്യം വന്ന 25 പേര്‍ക്കും, ഉച്ചക്ക് 1 മണി മുതല്‍ 3 മണി വരെ പിന്നീട് വന്ന 25 പേര്‍ക്കും സ്‌പോട്ട് ആയി ചെയ്യാവുന്നതാണ്. 

ഓണ്‍ലൈനായി രജിസ്റ്റര്‍ ചെയ്യുന്നവര്‍ക്ക് അതില്‍ പറയുന്ന സമയക്രമമനുസരിച്ച് അതാത് സെന്ററുകളില്‍ നിന്ന് വാക്‌സിനേഷന്‍ സ്വീകരിക്കാവുന്നതാണ്. 

ഗുരുവായൂര്‍ ക്ഷേത്രദര്‍ശനത്തിനും പഴുക്കാമണ്ഡപ ദര്‍ശനത്തിനും കൂടുതല്‍ പേര്‍ക്ക് പ്രവേശനം. കോവിഡ് പ്രോട്ടോകോള്‍ പാലിച്ച് ക്ഷേത്ര ദര്‍ശനത്തിന് വെര്‍ച്വല്‍ ക്യൂ പ്രകാരം ഒരു ദിവസം 5000 പേര്‍ക്ക് പ്രവേശിക്കാം. കൂടാതെ തിരക്കില്ലാത്ത സമയങ്ങളില്‍ ബുക്കിംഗ് ഇല്ലാതെ വരുന്ന ഭക്തര്‍ക്ക് തിരിച്ചറിയല്‍ കാര്‍ഡ് വിവരങ്ങള്‍ രേഖപ്പെടുത്തിയും ക്ഷേത്രത്തില്‍ പ്രവേശിക്കാന്‍ അനുമതി നല്‍കി.