നിയമസഭാ തിരഞ്ഞെടുപ്പ് ക്രമീകരണങ്ങളുടെ ഭാഗമായി കളക്ടറേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു. തിരഞ്ഞെടുപ്പുമായി ബന്ധപ്പെട്ട സംശയങ്ങളും മാതൃകാ പെരുമാറ്റച്ചട്ടം സംബന്ധിച്ച പരാതികളും  1950 എന്ന ടോള്‍ ഫ്രീ നമ്പറില്‍ അറിയിക്കാം.

നിയമസഭാ തിരഞ്ഞെടുപ്പില്‍ കോട്ടയം ജില്ലയില്‍ ഉപയോഗിക്കുന്നതിന് ഈ മാസം കൊണ്ടുവന്ന വോട്ടിംഗ് യന്ത്രങ്ങളുടെയും ആദ്യ ഘട്ട പരിശോധന പൂര്‍ത്തിയായി. മഹാരാഷ്ട്രയില്‍നിന്നും തൃശൂരില്‍ എത്തിച്ചിരുന്ന 190 യന്ത്രങ്ങളാണ് ഫെബ്രുവരി 22ന് കോട്ടയം തിരുവാതുക്കലിലെ ഇ.വി.എം വെയര്‍ ഹൗസില്‍ കൊണ്ടുവന്നത്. ഭാരത് ഇലക്ട്രോണിക്സ് ലിമിറ്റഡിലെ എന്‍ജിനീയര്‍മാരുടെ സാങ്കേതിക മേല്‍നോട്ടത്തില്‍ ഫെബ്രുവരി 23നാണ് പരിശോധന ആരംഭിച്ചത്.

നിയമസഭാ തിരഞ്ഞെടുപ്പിൻ്റെ ഭാഗമായി ഇന്നും നാളയും ( മാർച്ച് 1, 2 )  മാന്നാനം കെ.ഇ. ഇംഗ്ലീഷ് മീഡിയം സ്കൂൾ, വൈക്കം എസ്.എം.എസ്.എൻ‌ വി.എച്ച്.എസ്.എസ്, പാലാ സെൻ്റ് തോമസ് കോളേജ് ഓഫ് ടീച്ചേഴ്സ് എജ്യൂക്കേഷൻ, ചങ്ങനാശേരി ഫാത്തിമാപുരം എസ്.എച്ച് ഇംഗ്ലീഷ് മീഡിയം സ്കൂൾ എന്നിവിടങ്ങളിൽ നടത്താൻ നിശ്ചയിച്ചിരുന്ന പോളിംഗ് ഉദ്യോഗസ്ഥർക്കുള്ള ആദ്യ ഘട്ട പരിശീലനം റദ്ദാക്കി.

===================

കോട്ടയം ജില്ലയില്‍ 363 പേര്‍ക്ക് കൂടി കോവിഡ് സ്ഥിരീകരിച്ചു. 356 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്ത് നിന്നെത്തിയ  ഏഴു പേര്‍ രോഗബാധിതരായി.    പുതിയതായി  5289 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 161 പുരുഷന്‍മാരും 172 സ്ത്രീകളും 30 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 69 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

 കോവിൻ പോർട്ടലിന്റെ പുന:ക്രമീകരണം പൂർത്തിയായ സാഹചര്യത്തിൽ കോവിഡ് വാക്സിൻ വിതരണം ഇന്ന് (മാർച്ച് 1) പുനരാരംഭിക്കും. കോവിഡ് പ്രതിരോധത്തിന്റെ മുൻനിര പ്രവർത്തകർക്കും തിരഞ്ഞെടുപ്പ് ജോലിക്ക് പരിഗണിക്കപ്പെടുന്ന  ജീവനക്കാർക്കും ആദ്യ ഡോസും ആരോഗ്യ പ്രവർത്തകർക്ക് രണ്ടാം ഡോസുമാണ് നൽകുന്നത്.

ആദ്യഘട്ടത്തിൽ നൽകുന്നത് 60 വയസിന് മുകളിലുള്ളവർക്കും 
45 -60 പ്രായപരിധിയിൽ ഗുരുതര ആരോഗ്യപ്രശ്നങ്ങൾ നേരിടുന്നവർക്കും

കോട്ടയം ജില്ലയിൽ പൊതുജനങ്ങൾക്ക് കോവിഡ് വാക്സിൻ വിതരണം ഇന്ന് (മാർച്ച് 1) ആരംഭിക്കും.  60 വയസ്സിന് മുകളിൽ പ്രായമുള്ളവർക്കും 45 - 60 പ്രായപരിധിയിൽ  ഗുരുതര ആരോഗ്യപ്രശ്നങ്ങൾ നേരിടുന്നവർക്കുമാണ് ഒന്നാം ഘട്ടത്തിൽ പ്രതിരോധ കുത്തിവെപ്പ് നൽകുന്നത്.

എറണാകുളം: നിയമസഭാ തിരഞ്ഞെടുപ്പ് 2021 നു മുന്നോടിയായി തിരഞ്ഞെടുപ്പ് ഉദ്യോഗസ്ഥർക്കുള്ള പരിശീലനം ആരംഭിച്ചു. വിവിധ നിയോജക മണ്ഡലങ്ങളുടെ ചുമതലയുള്ള അസിസ്റ്റൻറ് ഇലക്ടറൽ ഓഫീസർമാർ, റിട്ടേണിംഗ് ഓഫീസർമാരുടെ സ്റ്റാഫ് , അക്കൗണ്ടിംഗ് ഉദ്യോഗസ്ഥർ തുടങ്ങിയവർക്കാണ് പരിശീലനം നൽകിയത്. അസിസ്റ്റൻ്റ് നോഡൽ ഓഫീസർ ഫാമിൻ എസ്.എം കളക്ട്രേറ്റ് കോൺഫറൻസ് ഹാളിൽ നടന്ന പരിശീലനത്തിന് നേതൃത്വം നൽകി. തിരഞ്ഞെടുപ്പ് ചെലവ് നിരീക്ഷകർക്ക് സമർപ്പിക്കേണ്ട റിപ്പോർട്ടുകൾ തയാറാക്കുന്നതുമായി ബന്ധപ്പെട്ട നടപടികളാണ് വിശദീകരിച്ചത്.

പൊതുവിദ്യാഭ്യാസവകുപ്പ് വി.എച്ച്.എസ്.ഇ വിഭാഗം നാഷണൽ സർവ്വീസ് സ്‌കീം സംസ്ഥാനത്തെ എല്ലാ സ്‌കൂൾ യൂണിറ്റുകളിലും സാനിറ്റൈസർ ബൂത്ത് സജ്ജീകരിച്ചു. വാർഷിക പരീക്ഷകൾ നടക്കാനിരിക്കെ കോവിഡ് പ്രതിരോധ ജാഗ്രത പുലർത്തുന്നതിന്റെ ഭാഗമായാണ് ആരോഗ്യവകുപ്പ് എൻ.സി.ഡി സെല്ലുമായി സഹകരിച്ച് സാനിറ്റൈസർ ബൂത്തുകൾ സജ്ജീകരിച്ചത്. ബ്രേക്ക് ദ ചെയിൻ സന്ദേശത്തോടെ സെൻസർ ഘടിപ്പിച്ച  ആട്ടോമാറ്റിക്  സാനിറ്റൈസർ ഡിസ്പെൻസർ മെഷീനാണ് സ്‌കൂൾ പ്രോഗ്രാം ഓഫീസർമാർ വാങ്ങി വോളണ്ടിയർമാരുടെ നേത്യത്വത്തിൽ സ്ഥാപിച്ചത്. ഇലക്ട്രോണിക്സ് തൊഴിൽ വിഷയങ്ങളുളള സ്‌കൂളുകളിൽ വിദ്യാർത്ഥികൾ സ്വയം മെഷീൻ നിർമ്മിച്ചാണ് സാനിറ്റൈസർ ബൂത്ത് സ്ഥാപിച്ചത്.

വനിത ശിശു വികസന വകുപ്പിന്റെ നിയന്ത്രണത്തിൽ മഹിള സമഖ്യ മുഖേന കാസർഗോഡ് ജില്ലയിൽ പ്രവർത്തിക്കുന്ന സ്ത്രീകളുടെയും പെൺകുട്ടികളുടെയും ഹോമിലേക്ക് മാർച്ച് നാലിന് നടത്താൻ നിശ്ചയിച്ചിരുന്ന വാക്ക് ഇൻ ഇന്റർവ്യു തിരഞ്ഞെടുപ്പ് പെരുമാറ്റചട്ടം നിലവിൽ വന്നതിനാൽ മാറ്റി വച്ചു.
പി.എൻ.എക്സ്.1105/2021
 

സംസ്ഥാന ഐ.ടി മിഷന്റെ കീഴിൽ പ്രവർത്തിക്കുന്ന സർക്കാർ കോൺടാക്ട് സെന്റർ പുതിയ ആസ്ഥാന  മന്ദിരത്തിലേക്ക് മാറ്റുന്നതിനാൽ ഇന്ന് (മാർച്ച് രണ്ട്) മുതൽ ഒൻപത് വരെ കോൺടാക്ട് സെന്റർ സേവനങ്ങൾ ലഭിക്കില്ല.
പി.എൻ.എക്സ്.1104/2021