2021 നിയമസഭാ തിരഞ്ഞെടുപ്പിന് മുന്നോടിയായി തിരഞ്ഞെടുപ്പ് ഉദ്യോഗസ്ഥര്‍ക്ക് പരിശീലനം നല്‍കി. കലക്ടറേറ്റ്  കോണ്‍ഫറന്‍സ് ഹാളില്‍ നടന്ന പരിശീലന ക്ലാസില്‍ എം സി സി, സി വിജില്‍, ആന്റിഡിഫേസ്മന്റ്‌സംബന്ധിച്ച വിഷയങ്ങളിലാണ് പരിശീലനം നല്‍കിയത്. ഇലക്ഷന്‍ ഹെഡ് ക്ലാര്‍ക്ക് അബ്ബാസ് ക്ലാസ് നയിച്ചു. 13 നിയോജകമണ്ഡലങ്ങളിലും രൂപീകരിച്ച സ്‌ക്വാഡുകളിലെ ഉദ്യോഗസ്ഥരാണ് പരിശീലനത്തിനെത്തിയത്. എം സി സി നോഡല്‍ ഓഫീസര്‍ പി എ പ്രദീപ്, സി വിജില്‍ നോഡല്‍ ഓഫീസര്‍ പി എസ് രാജേഷ്, ആന്റി ഡീഫേസ്‌മെന്റ് നോഡല്‍ ഓഫീസര്‍ സി ലതിക തുടങ്ങിയവര്‍ പരിശീലന ക്ലാസിന് നേതൃത്വം നല്‍കി.

പാലക്കാട് വ്യാവസായിക ട്രൈബ്യൂണലും, ഇൻഷുറൻസ് കോടതി ജഡ്ജിയും, എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യൻ മാർച്ച് രണ്ട്, എട്ട്, ഒൻപത്, 15, 16, 22, 23, 29, 30 തിയതികളിൽ പാലക്കാട് റവന്യൂ ഡിവിഷണൽ മജിസ്‌ട്രേറ്റ് കോടതി ഹാളിലും (ആർഡിഒ കോർട്ട്) അഞ്ചിന് പെരിന്തൽമണ്ണ സബ്ബ് ഡിവിഷണൽ മജിസ്‌ട്രേറ്റ് കോടതി ഹാളിലും 19, 26 തിയതികളിൽ മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ കോടതി ഹാളിലും തൊഴിൽ തർക്ക കേസ്സുകളും, ഇൻഷുറൻസ് കേസ്സുകളും എംപ്ലോയീസ് കോമ്പൻസേഷൻ കേസ്സുകളും വിചാരണ ചെയ്യും.
പി.എൻ.എക്സ്.1112/2021

വ്യവസായ വാണിജ്യ വകുപ്പിന് കീഴിലെ ചങ്ങനാശ്ശേരി കോമൺ ഫെസിലിറ്റി സർവീസ് സെന്റർ മാർച്ച് നാല് മുതൽ ആറ് വരെ പ്ലാസ്റ്റിക് ഉത്പന്ന നിർമാണം സംബന്ധിച്ച പരിശീലന പരിപാടി സംഘടിപ്പിക്കുന്നു. കൂടുതൽ വിവരങ്ങൾക്ക് ഫോൺ: 0481 2720311, 9895632030, ഇ-മെയിൽ: cfscchry@gmail.com.
പി.എൻ.എക്സ്.1110/2021

സംസ്ഥാന ഭവന നിർമ്മാണ ബോർഡിന്റെ ഉടമസ്ഥതയിൽ ആലുവ ഐശ്വര്യ നഗർ ഭവന പദ്ധതിയിൽ മെട്രൊസ്റ്റേഷനടുത്തുള്ള ഫ്‌ളാറ്റ്  (Plinth area 88.93m2) മാർച്ച് 17ന് രാവിലെ 11.30ന് ആലുവ ഐശ്വര്യ നഗർ സ്‌കീമിൽ ലേല വ്യവസ്ഥയിൽ വിൽപ്പന നടത്തും. താൽപ്പര്യമുള്ളവർ എറണാകുളം ബോട്ട് ജെട്ടിക്കുസമീപം റവന്യു ടവറിലെ എക്‌സ്‌ക്യൂട്ടീവ് എൻജിനീയറുടെ ഓഫീസിൽ നിന്നും ഫോറം മുൻകൂറായി വാങ്ങി പൂരിപ്പിച്ച് നൽകണം. നിരതദ്രവ്യം 50,000 രൂപ ലേലത്തിൽ പങ്കെടുക്കുന്നതിന് മുൻപ് അടയ്ക്കണം. ഫോൺ: 0484-2369059.
പി.എൻ.എക്സ്.1109/2021

വാഹന പണിമുടക്കിനെ തുടർന്ന് ഇന്ന് (മാർച്ച് 2) നടത്താനിരുന്ന റ്റി.എച്ച്.എസ്.എൽ.സി മോഡൽ പരീക്ഷ എട്ടിലേക്ക് മാറ്റിവെച്ചു. എട്ടിന് നടത്താനിരുന്ന പരീക്ഷകൾ ഒൻപതിലേക്കും മാറ്റി. സമയക്രമത്തിനും മറ്റ് തിയതികളിലെ പരീക്ഷകൾക്കും മാറ്റമില്ല.
പി.എൻ.എക്സ്.1108/2021

2004 ജനുവരി ഒന്ന് മുതൽ 2010 ഡിസംബർ 31 വരെ ആറ്റിങ്ങൽ എംപ്ലോയ്‌മെന്റ് എക്‌സ്‌ചേഞ്ച് മുഖേന താത്കാലിക നിയമനം ലഭിച്ച ഭിന്നശേഷിക്കാർ എംപ്ലോയ്‌മെന്റ് രജിസ്‌ട്രേഷൻ കാർഡിന്റെയും ഡിസ്ചാർജ് സർട്ടിഫിക്കറ്റിന്റെയും പകർപ്പ് സഹിതം എംപ്ലോയ്‌മെന്റ് എക്‌സ്‌ചേഞ്ചിൽ മാർച്ച് 15നു മുൻപ് ഹാജരാകണം. നേരിട്ട് ഹാജരാകാൻ കഴിയാത്തവർ  teeatg.emp.lbr.kerala.gov.in മെയിൽ ഐഡിയിലേക്ക് രജിസ്‌ട്രേഷൻ കാർഡിന്റെയും ഡിസ്ചാർജ് സർട്ടിഫിക്കറ്റിന്റെയും പകർപ്പ് അയക്കണമെന്നും എംപ്ലോയ്‌മെന്റ് ഓഫീസർ അറിയിച്ചു.
പി.എൻ.എക്സ്.1107/2021

അയ്യന്തോൾ സിവിൽ ലൈൻ റോഡിൽ ബിഎം & ബി സി പ്രവ്യത്തികൾ നടക്കുന്നതിനാൽ  മാർച്ച് 3 മുതൽ ഗതാഗതം പൂർണ്ണമായും തടസപ്പെടുമെന്ന്  പൊതുമരാമത്ത് വകുപ്പ് അസിസ്റ്റന്റ് എഞ്ചിനീയർ അറിയിച്ചു.

കൊടുങ്ങല്ലൂര്‍ ഭരണിയുമായി ബന്ധപ്പെട്ട ആചാരാനുഷ്ഠാനങ്ങള്‍ നടത്താമെന്ന് ജില്ലാ കലക്ടര്‍ എസ് ഷാനവാസ്. കോവിഡ് സാഹചര്യത്താല്‍ വ്യാപന തോത് ക്രമീകരിക്കുന്നതിന്റെ ഭാഗമായി ഭക്തര്‍ക്ക് നിയന്ത്രണം ഉണ്ടായിരിക്കും. കലക്ടറേറ്റ് ചേംബറില്‍ ചേര്‍ന്ന യോഗത്തില്‍ ഭക്തരുടെ പ്രവേശനം നിയന്ത്രിക്കുന്നതിന്റെ ഭാഗമായി മറ്റ് ജില്ലകളിലെ കലക്ടര്‍മാരുടെയും പൊലീസ് മേധാവികളുടെയും യോഗം ചേരുമെന്നും ജില്ലാ കലക്ടര്‍ അറിയിച്ചു.

കാണം/വെറുമ്പാട്ടാവകാശ ഭൂമിക്ക് ജന്മം അനുവദിച്ച് പട്ടയം നല്‍കുന്നതുമായി ബന്ധപ്പെട്ട് തൃശൂര്‍ ലാന്റ് ട്രിബ്യൂണല്‍ ആന്റ് ഡെപ്യൂട്ടി കലക്ടര്‍ മാര്‍ച്ച് 2, 4, 6 തിയ്യതികളില്‍ കലക്ടറേറ്റില്‍ നടത്താന്‍ നിശ്ചയിച്ചിട്ടുള്ള എല്ലാ എസ് എം കേസുകളുടെയും വിചാരണ യഥാക്രമം സെപ്റ്റംബര്‍ 30, ഒക്ടോബര്‍ 5, 7 തിയ്യതികളിലേക്ക് മാറ്റിയതായി എല്‍ ആര്‍ ഡെപ്യൂട്ടി കലക്ടര്‍ അറിയിച്ചു.