നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിലെ സ്വീപ് (സിസ്റ്റമാറ്റിക് വോട്ടേഴ്സ് എഡ്യൂക്കേഷന്‍ ആന്‍ഡ് ഇലക്റ്ററല്‍ പാര്‍ട്ടിസിപ്പേഷന്‍ പ്രോഗ്രാം) പ്രവര്‍ത്തനങ്ങളുടെ ഭാഗമായി 

പട്ടികവര്‍ഗ പ്രൊമോട്ടര്‍മാര്‍ക്ക് പരിശീലന ക്ലാസ് സംഘടിപ്പിച്ചു. പട്ടിക വര്‍ഗ ജനവിഭാഗങ്ങളെ വോട്ടര്‍ പട്ടികയില്‍ ചേര്‍ക്കല്‍, 100% വോട്ട് ചെയ്യിക്കല്‍ എന്നിവ ഉറപ്പാക്കുന്നതിനാണ് പരിശീലനം നല്‍കിയത്. ചാലക്കുടി, മുകുന്ദപുരം താലൂക്കുകളിലെ 22 പേരാണ് ക്ലാസില്‍ പങ്കെടുത്തത്. സ്വീപ് ജില്ലാ നോഡല്‍ ഓഫീസര്‍ പി സി ബാലഗോപാല്‍ സ്വീപ്പ് പ്രവര്‍ത്തനങ്ങള്‍ വിശദീകരിച്ചു.

ജില്ലയിലെ പിന്നോക്ക പ്രദേശങ്ങളിൽ തിരഞ്ഞെടുപ്പിന്റെ സന്ദേശം എത്തിക്കുന്നതിന്റെ ഭാഗമായി ജില്ലാ കലക്ടർ എസ് ഷാനവാസ്‌ ഒളകരയിലെ ആദിവാസി കോളനി സന്ദർശിച്ചു.പിന്നോക്ക വിഭാഗക്കാരുടെ പരമാവധി വോട്ട് ഉറപ്പാക്കുമെന്ന് ജില്ലാ കലക്ടർ പറഞ്ഞു. പീച്ചിക്ക് സമീപം ഒളകര ആദിവാസി കോളനിയിൽ പ്രശ്നബാധിത ബൂത്ത് സന്ദർശന വേളയിലാണ് കലക്ടർ ഇക്കാര്യം വ്യക്തമാക്കിയത്.

സ്വതന്ത്രമായി എല്ലാവരും അവരുടെ സമ്മതിദാനാവകാശം വിനിയോഗിക്കണം.

 പ്രലോഭനങ്ങളിലും ഭീഷണിയിലും വഴങ്ങാതെ 

വോട്ട് രേഖപ്പെടുത്താനുള്ള എല്ലാവിധ സഹായ സംവിധാനങ്ങളും ഭരണകൂടം ഒരുക്കുമെന്നും ഏതെങ്കിലും രീതിയിലുള്ള 

തൃശൂര്‍ ജില്ലയില്‍ 2021 ജനുവരി ഒന്നു വരെയുള്ള കണക്ക് പ്രകാരം ആകെ 2505794 വോട്ടര്‍മാര്‍. ഇതില്‍ 1204248 പേര്‍ പുരുഷന്‍മാരും 1301520 പേര്‍ സ്ത്രീകളുമാണ്. ട്രാന്‍സ്‌ജെന്റര്‍ വിഭാഗത്തില്‍പ്പെട്ട 26 വോട്ടുര്‍മാരുണ്ട്. വോട്ടര്‍ പട്ടികയില്‍ പേരു ചേര്‍ക്കുന്ന നടപടികള്‍ ഇപ്പോഴും പുരോഗമിക്കുന്ന സാഹചര്യത്തില്‍ വോട്ടര്‍മാരുടെ എണ്ണം ഇനിയും വര്‍ധിക്കും. ജില്ലയില്‍ ഈ മാസത്തില്‍ തന്നെ പുതിയ വോട്ടര്‍ പട്ടിക പ്രസിദ്ധീകരിക്കും.

കോവിഡിന്റെ പശ്ചാത്തലത്തില്‍ സാമൂഹിക അകലവും മറ്റു കോവിഡ് മാനദണ്ഡങ്ങളും ഉറപ്പാക്കി മാത്രമേ ജില്ലയില്‍ തെരഞ്ഞെടുപ്പിന്റെ പരസ്യ പ്രചാരണം പാടുള്ളൂവെന്ന് ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. നവ്ജ്യോത് ഖോസ. വലിയ യോഗങ്ങളും പൊതുസമ്മേളനങ്ങളും ചേരുന്നതിന് നിലവില്‍ 25 കേന്ദ്രങ്ങള്‍ ജില്ലയില്‍ തെരഞ്ഞെടുത്തിട്ടുണ്ടെന്നും ഇവിടെ മാത്രമേ ഇത്തരം പരിപാടികള്‍ സംഘടിപ്പിക്കാവൂ എന്നും കളക്ടര്‍ അറിയിച്ചു.

നിയമസഭാ തെരഞ്ഞെടുപ്പിനുള്ള ജില്ലാതല മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിങ് കമ്മിറ്റി രൂപീകരിച്ചു. ജില്ലാ തെരഞ്ഞെടുപ്പ് ഓഫിസര്‍ ഡോ. നവ്‌ജ്യോത് ഖോസയുടെ അധ്യക്ഷതയില്‍ രൂപീകരിച്ച കമ്മിറ്റിയില്‍ ജില്ലാ ഇന്‍ഫര്‍മേഷന്‍ ഓഫിസര്‍ ജി. ബിന്‍സിലാല്‍, എ.ഡി.എം. ടി.ജി. ഗോപകുമാര്‍, ഇന്‍ഫര്‍മേഷന്‍ - പബ്ലിക് റിലേഷന്‍സ് വകുപ്പ് വെബ് ആന്‍ഡ് ന്യൂ മീഡിയ വിഭാഗം ഇന്‍ഫര്‍മേഷന്‍ ഓഫിസര്‍ കെ.എസ്. ഇന്ദുശേഖര്‍, ദൂരദര്‍ശന്‍ ന്യൂസ് എഡിറ്റര്‍ എം. മുഹ്‌സീന്‍, മുതിര്‍ന്ന മാധ്യമ പ്രവര്‍ത്തകന്‍ മലയിന്‍കീഴ് ഗോപാലകൃഷ്ണന്‍ എന്നിവര്‍ അംഗങ്ങളാണ്.

നിയമസഭാ തെരഞ്ഞെടുപ്പിന്റെ നടപടിക്രമങ്ങള്‍ പൂര്‍ണമായി നടപ്പാക്കുന്നതിന് എല്ലാ സഹകരണവും നല്‍കണമെന്നു ജില്ലയിലെ രാഷ്ട്രീയ കക്ഷി നേതാക്കളോടു ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. നവ്‌ജ്യോത് ഖോസ അഭ്യര്‍ഥിച്ചു. പെരുമാറ്റച്ചട്ടവുമായി ബന്ധപ്പെട്ട നടപടിക്രമങ്ങള്‍ പാലിക്കുന്നതില്‍ രാഷ്ട്രീയ കക്ഷികള്‍ സൗഹാര്‍ദ സമീപനം സ്വീകരിക്കണമെന്നും കളക്ടര്‍ പറഞ്ഞു.  തെരഞ്ഞെടുപ്പുമായി ബന്ധപ്പെട്ടു കളക്ടറേറ്റ് കോണ്‍ഫറന്‍സ് ഹാളില്‍ വിളിച്ചുചേര്‍ത്ത രാഷ്ട്രീയ കക്ഷി നേതാക്കളുടെ യോഗത്തില്‍ സംസാരിക്കുകയായിരുന്നു കളക്ടര്‍.

നിയമസഭാ തെരഞ്ഞെടുപ്പില്‍ പോസ്റ്റല്‍ ബാലറ്റിന് അര്‍ഹതയുള്ള സമ്മതിദായകര്‍ക്ക് മാര്‍ച്ച് 17 വരെ അപേക്ഷ നല്‍കാമെന്നു ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. നവ്‌ജ്യോത് ഖോസ. വോട്ടര്‍ പട്ടികയില്‍ പേരുള്ള 80 വയസിനു മുകളില്‍ പ്രായമുള്ളവര്‍, ശാരീരിക വൈകല്യമുള്ളവര്‍, കോവിഡ് പോസിറ്റിവായും നിരീക്ഷണത്തിലും കഴിയുന്നവര്‍ എന്നീ വിഭാഗക്കാര്‍ക്കാണു പോസ്റ്റല്‍        ബാലറ്റ് അനുവദിക്കുന്നത്. 

കോവിഡ് രോഗവ്യാപനം നിയന്ത്രണവിധേയമായതിനെ തുടര്‍ന്ന് മണമ്പൂര്‍ ഗ്രാമപഞ്ചായത്തിലെ തേന്‍ചേരിക്കോണം, തൊളിക്കോട് ഗ്രാമപഞ്ചായത്തിലെ പനങ്ങോട്, ആര്യനാട് ഗ്രാമപഞ്ചായത്തിലെ ആര്യനാട് ടൗണ്‍, ഇരവൂര്‍, ചെമ്മരുതി ഗ്രാമപഞ്ചായത്തിലെ തരട്ട-തൊക്കാട് പ്രദേശങ്ങള്‍ എന്നിവിടങ്ങളില്‍ ഏര്‍പ്പെടുത്തിയിരുന്ന കണ്ടെയിന്‍മെന്റ് സോണ്‍ നിയന്ത്രണങ്ങള്‍ പിന്‍വലിച്ചതായി ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു.

കോവിഡ് രോഗവ്യാപനം നിയന്ത്രിക്കുന്നതിന്റെ ഭാഗമായി വിതുര ഗ്രാമപഞ്ചായത്തിലെ തലച്ചിറ, പെരിങ്ങമ്മല ഗ്രാമപഞ്ചായത്തിലെ കൊല്ലരുക്കോണം, തിരുവനന്തപുരം കോര്‍പ്പറേഷനിലെ പൂജപ്പുര, നേമം, മേലാംകോട് എന്നീ പ്രദേശങ്ങളെ കണ്ടെയിന്‍മെന്റ് സോണായി ജില്ലാ കളക്ടര്‍ ഡോ. നവജ്യോത് ഖോസ പ്രഖ്യാപിച്ചു. ഇവയോട് ചേര്‍ന്നുള്ള പ്രദേശങ്ങളിലും ജാഗ്രത പുലര്‍ത്തണം. അടിയന്തര ആവശ്യങ്ങള്‍ക്കല്ലാതെ ആരുംതന്നെ കണ്ടെയിന്‍മെന്റ് സോണിനു പുറത്തുപോകാന്‍ പാടില്ലെന്നും കളക്ടര്‍ അറിയിച്ചു.

ആലപ്പുഴ: കോവിഡ് വാക്‌സിനേഷന്‍ ലഭിക്കാന്‍ രജിസ്റ്റര്‍ ചെയ്തിട്ടും കുത്തിവയ്പ് എടുക്കാന്‍ കഴിയാത്തവരും, ഇതുവരെ രജിസ്റ്റര്‍ ചെയ്യാന്‍ കഴിയാതിരുന്ന ആരോഗ്യപ്രവര്‍ത്തകര്‍ ആലപ്പുഴ വനിതാ-ശിശു ആശുപത്രി, ജനറല്‍ ആശുപത്രി, ആലപ്പുഴ, ചെങ്ങന്നൂര്‍ മാവേലിക്കര ജില്ലാ ആശുപത്രികള്‍, ചേര്‍ത്തല, ഹരിപ്പാട്, കായംകുളം, തുറവൂര്‍, പുളിങ്കുന്ന് താലൂക്ക് ആശുപത്രികള്‍, ആലപ്പുഴ മെഡിക്കല്‍ കോളേജ് എന്നിവിടങ്ങളിലെ ആരോഗ്യപ്രവര്‍ത്തകരെ ബന്ധപ്പെട്ട് മുന്‍കൂര്‍ സമയമെടുത്ത് മാര്‍ച്ച് അഞ്ചിനു മുന്‍പായി വാക്‌സിന്‍ എടുക്കണമെന്ന് ജില്ലാ മെഡിക്കല്‍ ഓഫിസര്‍ അറിയിച്ചു.