ദക്ഷിണ കൊറിയന്‍ സംവിധായകന്‍ ലീ ചാങ് ഡോംഗിന്റെ മൂന്ന് വിസ്മയ ചിത്രങ്ങളുടെ പ്രദര്‍ശനത്തിന് രാജ്യാന്തര ചലച്ചിത്രോത്സവം വേദിയാകും . മികച്ച ചിത്രത്തിനുള്ള ഓസ്‌കാര്‍ നോമിനേഷന്‍ നേടിയ ബേണിംഗ്, വെനീസ് ചലച്ചിത്രമേളയില്‍ സില്‍വര്‍ ലയണ്‍ നേടിയ  ഒയാസിസ്, പോയട്രി എന്നീ ചിത്രങ്ങളാണ് റെട്രോസ്‌പെക്ടീവ് വിഭാഗത്തില്‍ പ്രദര്‍ശിപ്പിക്കുന്നത്.

മൂന്ന് വ്യക്തികളുടെ  ജീവിതത്തിലെ ആന്തരിക സംഘര്‍ഷങ്ങള്‍ പ്രമേയമാക്കിയ സസ്‌പെന്‍സ് ചിത്രമായ   ബേണിംഗ് ജാപ്പനീസ് എഴുത്തുകാരനായ ഹാറുകി മുറുകാമിയുടെ നോവലിനെ ആസ്പദമാക്കിയാണ് ചിത്രീകരിച്ചിരിക്കുന്നത് .

ദേശീയ നഗരാരോഗ്യ ദൗത്യത്തിന് കീഴില്‍ പ്രവര്‍ത്തിക്കുന്ന തൊടുപുഴ പാറക്കടവ് നഗര കുടുംബാരോഗ്യ കേന്ദ്രത്തിന് ഗുണനിലവാരത്തിനുളള ദേശീയ അംഗീകാരമായ എന്‍.ക്യൂ.എ.എസ് ലഭിച്ചു.  2021 ജനുവരി 29ന് ഓണ്‍ലൈനായി നടത്തിയ പരിശോധനയിലാണ്  ഈ അംഗീകാരത്തിന് സ്ഥാപനം അര്‍ഹരായത്. ഇടുക്കി ജില്ലയില്‍ ഈ അംഗീകാരം ലഭിക്കുന്ന മൂന്നാമത്തെ ആശുപത്രിയാണ് പാറക്കടവ്  കുടുംബാരോഗ്യ കേന്ദ്രം. ഈ സര്‍ട്ടിഫിക്കേഷന്റെ ഭാഗമായി ഓരോ വര്‍ഷവും 2 ലക്ഷം രൂപ  കേന്ദ്രസര്‍ക്കാരില്‍ നിന്നും ആശുപത്രിക്കു ലഭിക്കും. എന്‍.ക്യൂ.എ.എസ് അംഗീകാരത്തിനു പുറമെ കായ കല്‍പ അവാര്‍ഡും  KASH Accreditation ഉം  സ്ഥാപനത്തിനു ലഭിച്ചു.
 

മണ്‍ മറഞ്ഞ പത്ത് പ്രതിഭകള്‍ക്ക് രാജ്യാന്തര ചലച്ചിത്ര മേള ആദരമൊരുക്കും. മലയാളികളുടെ പ്രിയപ്പെട്ട കൊറിയന്‍  സംവിധായകനായിരുന്ന കിം കി ഡുക്ക്, അര്‍ജന്റീനിയന്‍ സംവിധായകന്‍ ഫെര്‍ണാണ്ടോ സോളനാസ്, ഇര്‍ഫാന്‍ ഖാന്‍ , രാമചന്ദ്രബാബു ,ഷാനവാസ് നരണിപ്പുഴ ,സൗമിത്ര ചാറ്റര്‍ജി , ഭാനു അത്തയ്യ , സച്ചി, അനില്‍ നെടുമങ്ങാട് , ഋഷികപൂര്‍ എന്നീ പ്രതിഭകള്‍ക്കാണ് മേള അഭ്രപാളിയില്‍ ആദരമൊരുക്കുന്നത് .

പിഎച്ച്‌സി സേനാപതിയില്‍ മാര്‍ച്ച് 2 നു നടത്താനിരുന്ന സ്റ്റാഫ് നേഴ്‌സ് അഭിമുഖം മാറ്റിവച്ചതായി പി.എച്ച്.സി സേനാപതി മെഡിക്കല്‍ ഓഫീസര്‍  അറിയിച്ചു.

പാലക്കാട്ട് രാജ്യാന്തര ചലച്ചിത്രമേള മികച്ച രീതിയില്‍ റിപ്പോര്‍ട്ട് ചെയ്യുന്ന മാധ്യമങ്ങള്‍ക്കും റിപ്പോര്‍ട്ടര്‍, ക്യാമറാമാന്‍ എന്നിവര്‍ക്കും പുരസ്‌കാരങ്ങള്‍ നല്‍കും. പത്ര, ദ്യശ്യ, ശ്രവ്യ, ഓണ്‍ലൈന്‍ വിഭാഗങ്ങള്‍ക്ക്  വെവ്വേറെയാകും പുരസ്‌കാരങ്ങള്‍ നല്‍കുക .അച്ചടി, ദൃശ്യ മാധ്യമങ്ങളിലെ റിപ്പോര്‍ട്ടര്‍മാര്‍ക്ക് (ബൈലൈന്‍ സ്റ്റോറികള്‍ വിലയിരുത്തി) മാത്രമാവും വ്യക്തിഗത പുരസ്‌കാരം നല്‍കുക.

കേരള നിയമസഭയിലേക്കുള്ള 2021ലെ പൊതുതെരഞ്ഞെടുപ്പിന്റെ ഭാഗമായി ഇടുക്കി ജില്ലയില്‍ 275 വീഡിയോ ഗ്രാഫര്‍മാരെ ദിവസ വേതനത്തിന് നിയമിക്കുന്നു. പരിചയസമ്പന്നരായ വീഡിയോ ഗ്രാഫര്‍മാര്‍/ സ്ഥാപനങ്ങളില്‍ നിന്നും വ്യവസ്ഥകള്‍ക്ക് വിധേയമായി സീല്‍ ചെയ്ത ക്വട്ടേഷനുകള്‍ ക്ഷണിച്ചു.

ഇടുക്കി പൊതുവിദ്യാഭ്യാസ വകുപ്പിനു കീഴില്‍ സംസ്ഥാന സാക്ഷരതാ മിഷന്‍ നടത്തുന്ന പത്താംതരം, ഹയര്‍ സെക്കണ്ടറി തുല്യത കോഴ്‌സുകളിലേയ്ക്ക്   മാര്‍ച്ച് 15 വരെ അപേക്ഷിക്കാം.

50 രൂപ പിഴയോടെ ഈ മാസം 10 വരെയും 200 രൂപ സൂപ്പര്‍ ഫൈനോടെ 15 വരെയും പഠിതാക്കള്‍ക്ക് കോഴ്‌സുകളില്‍ രജിസ്റ്റര്‍ ചെയ്യാം.

സാക്ഷരതാ മിഷന്‍ നടത്തുന്ന പച്ചമലയാളം, ഗുഡ് ഇംഗ്ലീഷ്, അച്ഛീ ഹിന്ദി സര്‍ട്ടിഫിക്കറ്റ് കോഴ്‌സുകളിലേയ്ക്കും ഈ മാസം 15 വരെ  രജിസ്റ്റര്‍ ചെയ്യാം. 50 രൂപ പിഴയോടെ 10-ാം തീയതി വരെയും 200 രൂപ സൂപ്പര്‍ ഫൈനോടെ 15 വരെയുമാണ് അപേക്ഷിക്കാവുന്നത്.

തൊടുപുഴ ജില്ലാ അശ്രുപത്രിയില്‍ പ്രവര്‍ത്തിച്ച് വരുന്ന  കോവിഡ്   വാക്‌സിനേഷന്‍ കേന്ദ്രത്തിലേക്ക് കമ്പ്യട്ടറും പ്രിന്ററും എത്തിച്ച് നല്‍കി. സി.എസ്.ആര്‍. പ്രവര്‍ത്തനങ്ങളുടെ ഭാഗമായി ബ്രാഹ്മിന്‍സ് ഗ്രൂപ്പ് നല്‍കുന്ന രണ്ടാമത്തെ സഹായമാണിത്.    കോവിഡ് മഹാമാരിയുടെ തുടക്കത്തില്‍ ഒരു ലക്ഷം രൂപ വിലമതിക്കുന്ന കട്ടിലുകള്‍ കോവിഡ് വാര്‍ഡിലേക്ക് എത്തിച്ച് നല്‍കിയിരുന്നു. ആശ്രുപത്രി അങ്കണത്തില്‍ നടന്ന ചടങ്ങില്‍ ബ്രാഹ്മിണ്‍സ് ഗ്രുപ്പ് അഡ്മിനിസ്രടഷന്‍ മാനേജര്‍ അനുപ് സി യില്‍ നിന്നും ആശുപത്രി സൂപ്രണ്ട് ഡോ. എംആര്‍ ഉമാദേവി കമ്പ്യട്ടറും പ്രിന്ററും ഏറ്റുവാങ്ങി.  

ജാസ്മില സബാനിക് സംവിധാനം ചെയ്ത ബോസ്നിയന്‍  ചിത്രം ക്വോ വാഡിസ്, ഐഡ? രാജ്യാന്തര ചലച്ചിത്രമേളയുടെ ഉദ്ഘാടന ചിത്രമാകും. പ്രിയ കോംപ്ലക്‌സില്‍  വൈകിട്ട് ആറിന് ഉദ്ഘാടനത്തിന് ശേഷമാവും ചിത്രം പ്രദര്‍ശിപ്പിക്കുക. ബോസ്നിയന്‍ വംശഹത്യയുടെ പിന്നാമ്പുറങ്ങള്‍ പുതിയ കാഴ്ചപ്പാടിലൂടെ ആവിഷ്‌കരിക്കുന്ന ചിത്രം അന്താരാഷ്ട്ര സംഘര്‍ഷങ്ങളുടെ ഉത്ഭവവും യുദ്ധത്തിന്റെ അര്‍ത്ഥരാഹിത്യവും അനാവരണം ചെയ്യുന്നു.  

ഇടുക്കി ജില്ലാ വ്യവസായ കേന്ദ്രത്തിന് കീഴിലുളള എല്ലാ താലൂക്ക് വ്യവസായ ഓഫീസുകളിലും ഇ- ഓഫീസ് പ്രവര്‍ത്തനം ആരംഭിച്ചതിന്റെ ഔദ്യോഗിക ഉദ്ഘാടന കര്‍മ്മം ജില്ലാ കലക്ടര്‍ എച്ച്. ദിനേശന്‍ ഇടുക്കി ജില്ലാ വ്യവസായ കേന്ദ്രത്തില്‍ നിര്‍വ്വഹിച്ചു.  എല്ലാ താലൂക്ക് വ്യവസായ ഓഫീസുകളിലും ഇ- ഓഫീസ് സംവിധാനം നടപ്പിലാക്കിയ സംസ്ഥാനത്തെ ആദ്യ ജില്ലയാണ് ഇടുക്കി. ജില്ലയ്ക്ക് ഈ നേട്ടം കൈവരിക്കുന്നതിന് പിന്നില്‍ പ്രവര്‍ത്തിച്ച എല്ലാ ഉദ്യോഗസ്ഥരെയും ജില്ലാ കലക്ടര്‍ അനുമോദിച്ചു.