പട്ടികജാതി വികസനവകുപ്പിന് കീഴില്‍ കോഴിക്കോട് പ്രവര്‍ത്തിക്കുന്ന ആണ്‍കുട്ടികളുടെ / പെണ്‍കുട്ടികളുടെ പോസ്റ്റ് മെട്രിക് ഹോസ്റ്റലുകളില്‍ പ്രവേശനത്തിന് അപേക്ഷ ക്ഷണിച്ചു. കോവിഡ് മാനദണ്ഡങ്ങള്‍ പാലിച്ചുകൊണ്ട്  ക്ലാസുകള്‍ നടത്തുന്നതിന് സര്‍ക്കാര്‍ അനുമതി നല്‍കിയിട്ടുള്ള കോഴ്‌സുകളില്‍ പഠിക്കുന്ന വിദ്യാര്‍ഥികള്‍ക്കാണ് പ്രവേശനം നല്‍കുക. ജാതി, വരുമാന, നേറ്റിവിറ്റി, കോഴ്‌സ് സര്‍ട്ടിഫിക്കറ്റുകള്‍ അവസാനം പഠിച്ച കോഴ്‌സിന്റെ മാര്‍ക്ക് ലിസ്റ്റിന്റെ പകര്‍പ്പ് എന്നിവ സഹിതം ജില്ലാ പട്ടികജാതി വികസന ഓഫീസില്‍ അപേക്ഷ സമര്‍പ്പിക്കണം. ഫോണ്‍: 0495-2370379, 2370657.

 ജില്ലയില്‍ ദേശീയപാത 766- ല്‍ മണ്ണില്‍കടവ് മുതല്‍ അടിവാരം വരെയുളള  വിവിധ ഇടങ്ങളില്‍ കള്‍വര്‍ട്ട് നിര്‍മ്മാണം, കയറ്റം കുറയ്ക്കുന്ന പ്രവൃത്തി, ടാറിംഗ് എന്നിവ നടന്നുവരുന്നതിനാല്‍ പ്രവൃത്തി തീരുന്നതുവരെ വാഹന ഗതാഗതത്തിന് നിയന്ത്രണം ഏര്‍പ്പെടുത്തുന്നതാണെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

കോഴിക്കോട് മേഖലാ സ്റ്റേഷനറി ഓഫീസില്‍ 2021-22 സാമ്പത്തിക വര്‍ഷത്തില്‍ ഉണ്ടാകാവുന്ന ഗതാഗത കയറ്റിറക്ക് ജോലികളുടെ വാര്‍ഷിക കരാര്‍ നിശ്ചയിക്കുന്നതിനായി ' ദര്‍ഘാസ് നം. 01/2020-21' എന്ന മേലെഴുത്തോടു കൂടിയ മുദ്രവെച്ച ദര്‍ഘാസുകള്‍ ക്ഷണിച്ചു. നിശ്ചിത ദര്‍ഘാസ് ഫോറം  മാര്‍ച്ച് 23 ഉച്ചയ്ക്ക് രണ്ട്  വരെ കോഴിക്കോട് വെസ്റ്റ്ഹില്ലിലുള്ള മേഖലാ സ്റ്റേഷനറി ഓഫീസില്‍ നിന്ന്  ലഭിക്കും. മാര്‍ച്ച് 24 -ന് ഉച്ചയ്ക്ക് 2 മണി വരെ പൂരിപ്പിച്ച ദര്‍ഘാസുകള്‍ സ്വീകരിക്കും.   ഫോണ്‍-0495-2380348
 

കേരള സംസ്ഥാന ജൈവവൈവിധ്യ ബോര്‍ഡിന്റെ കുട്ടികള്‍ക്കായുള്ള 13-ാമത് ജൈവവൈവിധ്യ കോണ്‍ഗ്രസിന്റെ ഭാഗമായി പ്രോജക്ട് അവതരണം, ഉപന്യാസം (മലയാളം, ഇംഗ്ലീഷ്), ഫോട്ടോഗ്രാഫി, പെയിന്റിംഗ്, പെന്‍സില്‍ ഡ്രോയിങ്, പോസ്റ്റര്‍ നിര്‍മ്മാണം, മൊബൈല്‍ വീഡിയോ നിര്‍മ്മാണം എന്നീ മത്സരങ്ങള്‍ സംസ്ഥാനതലത്തില്‍ ഓണ്‍ലൈനായി സംഘടിപ്പിക്കുന്നു. കൂടുതല്‍ വിവരങ്ങള്‍ക്ക്:  www.keralabiodiversity.org  

കോഴിക്കോട് ഗവ. എഞ്ചിനീയറിങ്് കോളേജിലെ ഫിസിക്കല്‍ എജ്യുക്കേഷന്‍ ഡിപ്പാര്‍ട്ട്മെന്റിലേക്ക് സ്പോട്സ് സാമഗ്രികള്‍  വാങ്ങുന്നതിന് വേണ്ടി ക്വട്ടേഷന്‍ ക്ഷണിച്ചു. അവസാന തീയതി മാര്‍ച്ച് 16 ഉച്ച രണ്ട് മണി വരെ. ഫോണ്‍ : 0495 2383220, 2383210.

ജില്ലയില്‍ മാര്‍ച്ച് ആറിന് ഉച്ചക്ക് 1.30 മുതല്‍ 3.15 വരെ നടക്കുന്ന പത്താംതരം അടിസ്ഥാനമാക്കിയുള്ള പൊതുപ്രാഥമിക പരീക്ഷയുടെ കേന്ദ്രത്തില്‍ മാറ്റം. ബാലുശ്ശേരി ജി.വി.എച്ച്. എസ്. എസ്.(സെന്റര്‍ നമ്പര്‍ 6458) എന്ന പരീക്ഷാകേന്ദ്രത്തില്‍ ഹാജരാകേണ്ട രജി.നമ്പര്‍ 439501 മുതല്‍ 439700 വരെയുള്ള(200 പേര്‍) ഉദ്യോഗാര്‍ഥികളുടെ പരീക്ഷാകേന്ദ്രം ചില സാങ്കേതിക കാരണങ്ങളാല്‍ ബാലുശ്ശേരി ഗവ.ഗേള്‍സ് എച്ച്.എസ്.എസിലേക്ക് (ഫോണ്‍: 9446435465) മാറ്റി. ഇതുസംബന്ധിച്ച അറിയിപ്പ് പ്രൊഫൈല്‍, എസ്.എം.എസ് വഴി അറിയിക്കും. ഉദ്യോഗാര്‍ഥികള്‍ പഴയ ഹാള്‍ടിക്കറ്റുമായി പുതിയ കേന്ദ്രത്തില്‍ ഹാജരാകണം.