നിയമസഭാ തെരഞ്ഞെടുപ്പ്, മലപ്പുറം ലോക്‌സഭാ മണ്ഡലം ഉപതെരഞ്ഞെടുപ്പ് എന്നിവയുമായി ബന്ധപ്പെട്ട് മാധ്യമ നിരീക്ഷണത്തിനും രാഷ്ട്രീയ പാര്‍ട്ടികളുടെ പരസ്യ സര്‍ട്ടിഫിക്കേഷനുമായി ജില്ലാതല മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിങ് കമ്മിറ്റി രൂപീകരിച്ചു. ജില്ലാ തെരഞ്ഞെടുപ്പ് ഓഫീസറും ജില്ലാകലക്ടറുമായ കെ.ഗോപാലകൃഷ്ണന്‍ ചെയര്‍മാനും ജില്ലാ ഇന്‍ഫര്‍മേഷന്‍ ഓഫീസര്‍  പി. റഷീദ് ബാബു കണ്‍വീനറുമായ അഞ്ചംഗ സമിതിയാണ് രൂപീകരിച്ചത്.

രോഗമുക്തി 341

ജില്ലയില്‍ ഇന്ന് 380 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്തു നിന്ന് എത്തിയ നാലുപേര്‍ക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ രണ്ടുപേര്‍ക്കും പോസിറ്റീവായി. 13 പേരുടെ ഉറവിടം വ്യക്തമല്ല. സമ്പര്‍ക്കം വഴി 361 പേര്‍ക്കാണ് രോഗം ബാധിച്ചത്.  5039 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സികള്‍ എന്നിവിടങ്ങളില്‍ ചികിത്സയിലായിരുന്ന 341 പേര്‍ കൂടി രോഗമുക്തിനേടി ആശുപത്രി വിട്ടു.

വിദേശത്ത് നിന്ന് എത്തിയവര്‍   - 4

നിയമസഭാ/ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ജില്ലാ തെരഞ്ഞെടുപ്പ് ഓഫീസറായ ജില്ലകലക്ടര്‍ കെ. ഗോപാലകൃഷ്ണന്റെ അധ്യക്ഷതയില്‍ കലക്ടറുടെ ചേംബറില്‍ വിവിധ രാഷ്ടീയ പാര്‍ട്ടി പ്രതിനിധികളുടെ യോഗം  ചേര്‍ന്നു. മാതൃകാപെരുമാറ്റചട്ടം നിലവില്‍ വന്ന സാഹചര്യത്തില്‍ പാലിക്കേണ്ട മാര്‍ഗ നിര്‍ദേശങ്ങള്‍ സംബന്ധിച്ച് ജില്ലാകലക്ടര്‍ പ്രതിനിധികള്‍ക്ക് വിശദീകരിച്ചു.  
 

എല്ലാ പോളിങ് ഉദ്യോഗസ്ഥര്‍ക്കും കോവിഡ് പ്രതിരോധ കുത്തിവെപ്പ് നല്‍കാനുള്ള ഒരുക്കങ്ങള്‍ ജില്ലയില്‍ പൂര്‍ത്തിയായതായി ജില്ലാ മെഡിക്കല്‍ ഓഫീസര്‍ ഡോ.കെ സക്കീന അറിയിച്ചു. സര്‍ക്കാര്‍ ആശുപത്രികളിലും തെരെഞ്ഞെടുത്ത സ്വകാര്യ ആശുപത്രികളിലും കോവിഡ് പ്രതിരോധ കുത്തിവെപ്പ് ലഭിക്കും.        വാക്‌സിനേഷന് കോവിന്‍ പോര്‍ട്ടലില്‍ പേര് റജിസ്റ്റര്‍ ചെയ്തവര്‍ക്ക് റജിസ്റ്റര്‍ ചെയ്തു എന്ന സന്ദേശം മൊബൈല്‍ ഫോണില്‍ ലഭിക്കും. ഈ സന്ദേശവുമായി തൊട്ടടുത്തുള്ള ഏത്  വാക്‌സിനേഷന്‍ കേന്ദ്രത്തില്‍ പോയാലും വാക്‌സിന്‍ ലഭിക്കും. വാക്‌സിനേഷന് എത്താന്‍ പ്രത്യേക സന്ദേശം ലഭിക്കില്ല.

ഭാഷയിലും സാഹിത്യത്തിലും കലാസാംസ്‌കാരിക രംഗങ്ങളിലും മഹത്തായ സംഭാവനകള്‍ നല്‍കിയ മഹാകവി അക്കിത്തം അച്യുതന്‍ നമ്പൂതിരിപ്പാട്, ഡോ.     സ്‌കറിയ സക്കറിയ, സി. രാധാകൃഷ്ണന്‍, വി.എം. കുട്ടി എന്നീ നാല് വിശിഷ്ട വ്യക്തികള്‍ക്ക് ഡി-ലിറ്റ് പുരസ്‌കാരങ്ങള്‍ മലയാളസര്‍വകലാശാലയിലെ ചാന്‍സലര്‍ കൂടിയായ കേരള ഗവര്‍ണര്‍ ആരിഫ് മുഹമ്മദ് ഖാന്‍ നാളെ (മാര്‍ച്ച് മൂന്ന്) വിതരണം ചെയ്യും.

മാര്‍ച്ച് ഒന്ന്, രണ്ട് തിയ്യതികളില്‍ നടത്താനിരുന്ന പാലക്കാട് പോലീസ് കംപ്ലെയ്ന്റ് അതോറിറ്റിയുടെ ഹിയറിംഗ് മാറ്റിവെച്ചതായി ജില്ലാ പോലീസ് കംപ്ലയ്ന്റ്സ് അതോറിറ്റി സെക്രട്ടറി കൂടിയായ ഹുസൂര്‍ ശിരസ്തദാര്‍ അറിയിച്ചു.

പട്ടിക വര്‍ഗ്ഗ വികസന വകുപ്പിന്റെ ഇടുക്കി ഐ.റ്റി.ഡി. പ്രോജക്ട് ഓഫീസറുടെ അധീനതയില്‍ പീരുമേട് ട്രൈബല്‍ എക്സ്റ്റന്‍ഷന്‍ ഓഫീസിന്റെ പ്രവര്‍ത്തന പരിധിയില്‍ കുമളി ഗ്രാമപഞ്ചായത്തില്‍ പ്രീ മെട്രിക് ഹോസ്റ്റല്‍ (ആണ്‍) കുമളി കോമ്പൗണ്ടിലെ പഴയ കെട്ടിടം പൊളിച്ചു മാറ്റിവച്ചിരിക്കുന്ന സാധനങ്ങള്‍ മാര്‍ച്ച് 4 രാവിലെ 11ന്  കുമളി പ്രീ മെട്രിക് ഹോസ്റ്റല്‍ വളപ്പില്‍ വച്ച് ലേലം ചെയ്യും. കൂടുതല്‍ വിവരങ്ങള്‍ക്ക് ഫോണ്‍: 9496070357
 

ഇടുക്കി  ജില്ലയില്‍ ആയുര്‍വേദ ഫാര്‍മസിസ്റ്റ്, നേഴ്‌സ് തസ്തികയില്‍ താല്‍ക്കാലിക നിയമനം നടത്തുന്നതിന് മാര്‍ച്ച് ഒന്നിന്  ജില്ലാ മെഡിക്കലാഫീസില്‍ നടത്തുവാന്‍ നിശ്ചയിച്ചിരുന്ന വാക്-ഇന്‍-ഇന്റര്‍വ്യൂ തെരഞ്ഞെടുപ്പ് പെരുമാറ്റച്ചട്ടം നിലവില്‍ വന്നതിനാല്‍ മാറ്റിവച്ചതായി ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫീസര്‍ അറിയിച്ചു.