നിയമസഭാ/ലോകസഭാ ഉപതെരഞ്ഞെടുപ്പില്‍ പെരുമാറ്റച്ചട്ട ലംഘനം ശ്രദ്ധയില്‍പെട്ടാല്‍ ജനങ്ങള്‍ക്ക് തെരഞ്ഞെടുപ്പ് കമ്മീഷന്റെ സി വിജില്‍ മൊബൈല്‍ ആപ്പ് ഉപയോഗിച്ച് നേരിട്ട് പരാതിപ്പെടാം. മാതൃകാ പെരുമാറ്റച്ചട്ട ലംഘനം, തെരഞ്ഞെടുപ്പ് ചെലവ് പരിധി ലംഘനം തുടങ്ങിയവ ശ്രദ്ധയില്‍ പെട്ടാല്‍ അതിന്റെ ചിത്രമോ വീഡിയോ ദൃശ്യമോ സഹിതം ആപ്പ് വഴി തെരഞ്ഞെടുപ്പ് കമ്മീഷന് അയച്ചുകൊടുക്കാം.
 

ജില്ലയില്‍ ഇന്നലെ (മാര്‍ച്ച് 4) 73 കേന്ദ്രങ്ങളിലായി ഒന്നും രണ്ടും ഡോസുകളുള്‍പ്പടെ  7692 പേര്‍ക്ക് കോവിഡ് വാക്‌സിന്‍ നല്‍കി. 218 ആരോഗ്യ പ്രവര്‍ത്തകരും 366 മുന്നണിപ്പോരാളികളും 3841 തിരഞ്ഞെടുപ്പ് ഉദ്യോഗസ്ഥരും 45 നും 59 നും ഇടയില്‍ പ്രായമുള്ള 85 പേരും 60 വയസ്സിനു മുകളില്‍ പ്രായമുള്ള 1930 പേരും  ആദ്യ ഡോസ് സ്വീകരിച്ചു. 1252 ആരോഗ്യപ്രവര്‍ത്തകര്‍ക്ക് രണ്ടാമത്തെ ഡോസും നല്‍കി.
(പി.ആര്‍.കെ നമ്പര്‍.588/2021)

ആലപ്പുഴ: തെരഞ്ഞെടുപ്പ് ഉദ്യോഗസ്ഥർക്ക് കോവിഡ് 19 പ്രതിരോധ വാക്‌സിൻ നൽകുന്നതിനായി മാർച്ച് 5 മുതൽ മാർച്ച് ഏഴു വരെ ജില്ലയിലെ ആറു കേന്ദ്രങ്ങളിലായി മെഗാ ക്യാമ്പുകൾ നടത്തുമെന്ന് ജില്ലാ കളക്ടർ എ. അലക്‌സാണ്ടർ പറഞ്ഞു.

 ചേർത്തല ടൗൺ ഹാൾ, ആലപ്പുഴ എസ്.ഡി.വി. സെന്റിനറി ഹാൾ, ഹരിപ്പാട് കാവൽ മർത്തോമ ഡെവലപ്‌മെന്റ് സെന്റർ, കായംകുളം ടൗൺഹാൾ, മാവേലിക്കര ബിഷപ് ഹോഡ്ജസ് സ്‌കൂൾ, ചെങ്ങന്നൂർ ക്രിസ്ത്യൻ കോളജ് എന്നിവിടങ്ങളിലായാണ് ക്യാമ്പ്. രാവിലെ 9.30 മുതൽ വാക്‌സിനേഷൻ ആരംഭിക്കും. ഉദ്യോഗസ്ഥർ ഔദ്യോഗിക തിരിച്ചറിയൽരേഖയും ആധാർ കാർഡുമായി അടുത്തുള്ള വാക്‌സിനേഷൻ കേന്ദ്രത്തിലെത്തി വാക്‌സിൻ സ്വീകരിക്കണം.

ആലപ്പുഴ: നിയമസഭ തെരഞ്ഞെടുപ്പുമായി ബന്ധപ്പെട്ട് ആലപ്പുഴ ജില്ലയിലെ വോട്ടെണ്ണൽ കേന്ദ്രങ്ങളിലും സ്‌ട്രോങ് റൂമുകളുടെ പരിസരങ്ങളിലും ഇലക്ട്രിക്കൽ സാമഗ്രികൾ വയറിംഗ് നടത്തി സ്ഥാപിക്കുന്നതിന് ഇലക്ട്രിക്കൽ ഇൻസ്പക്ടറേറ്റ് ലൈസൻസുള്ള വ്യക്തികൾ/സ്ഥാപനങ്ങളിൽ നിന്ന് മുദ്രവച്ച ക്വട്ടേഷനുകൾ ക്ഷണിച്ചു. ഒമ്പത് നിയമസഭ നിയോജകമണ്ഡലങ്ങളിൽ മണ്ഡല അടിസ്ഥാനത്തിലാണ് ക്വട്ടേഷൻ ക്ഷണിച്ചത്. മാർച്ച് ആറിന് വൈകിട്ട് മൂന്നിനകം ആലപ്പുഴ കളക്ടറേറ്റിൽ സ്ഥാപിച്ചിട്ടുള്ള ഡ്രോപ് ബോക്‌സിൽ ക്വട്ടേഷൻ ഇടണം. അന്നേദിവസം വൈകിട്ട് നാലിന് തുറക്കും. വിശദവിവരത്തിന് ജില്ല തെരഞ്ഞെടുപ്പ് വിഭാഗവുമായി ബന്ധപ്പെടുക. ഫോൺ: 0477 2251801.
 

ജില്ലയില്‍ ഇന്നലെ (മാര്‍ച്ച് 4) 262 പേര്‍ കോവിഡ് രോഗമുക്തി നേടി. 258 പേര്‍ക്ക് കോവിഡ് സ്ഥീരീകരിച്ചു. വിദേശത്തു നിന്നെത്തിയ അഞ്ചു പേര്‍ക്കും സമ്പര്‍ക്കം വഴി 253 പേര്‍ക്കും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 34 പേര്‍ക്കാണ് രോഗബാധ. കാവനാട്-ആറ്,  കോട്ടയ്ക്കകം-നാല്, തൃക്കടവൂര്‍, കൈരളി നഗര്‍, പള്ളിത്തോട്ടം, ശക്തികുളങ്ങര എന്നിവിടങ്ങളില്‍ മൂന്നു വീതവുമാണ് കോര്‍പ്പറേഷന്‍ പരിധിയില്‍ രോഗബാധിതരുള്ളത്.
മുനിസിപ്പാലിറ്റികളില്‍ പുനലൂര്‍-ഒന്‍പത്, കരുനാഗപ്പള്ളി-നാല്, കൊട്ടാരക്കര-മൂന്ന്, പരവൂര്‍-മൂന്ന് എന്നിങ്ങനെയാണ് രോഗബാധിതരുടെ എണ്ണം.

തിരഞ്ഞെടുപ്പ് പരിശീലനം നടക്കുന്ന കേന്ദ്രങ്ങളില്‍ കോവിഡ് മാനദണ്ഡം കര്‍ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഓഫീസറും ജില്ലാ കലക്ടറുമായ ബി അബ്ദുല്‍ നാസര്‍ അറിയിച്ചു. കോവിഡ് പ്രതിരോധ പ്രവര്‍ത്തനങ്ങളും തിരഞ്ഞെടുപ്പ് നടപടിക്രമങ്ങളും ഗൂഗിള്‍ യോഗം വഴി വിലയിരുത്തുകയായിരുന്നു അദ്ദേഹം.