കേന്ദ്ര സ്റ്റാറ്റിസ്റ്റിക്സ് മന്ത്രാലയം നടത്തുന്ന ഏഴാം സാമ്പത്തിക സെന്‍സസിനെത്തിയ എന്യൂമറേറ്റര്‍മാരെ കായക്കൊടി കാട്ടൂരില്‍ തടഞ്ഞ് ഭീഷണിപ്പെടുത്തി തിരിച്ചയക്കുകയും വീഡിയോയും ഫോട്ടോയും സോഷ്യല്‍ മീഡിയ വഴി ഷെയര്‍ ചെയ്യുകയും ചെയ്ത സംഭവത്തില്‍ റൂറല്‍ എസ് പിക്കും സൈബര്‍ പോലീസിനും പരാതി നല്‍കിയതായി നാഷണല്‍ സ്റ്റാറ്റിസ്റ്റിക്കല്‍ ഓഫീസ് ഡയറക്ടര്‍ എഫ്. മുഹമ്മദ് യാസിര്‍ അറിയിച്ചു.
ഔദ്യോഗിക കൃത്യം തടസ്സപ്പെടുത്തിയതിന്  തൊട്ടില്‍പാലം പോലീസ് കേസെടുക്കും. സെന്‍സസ് തടഞ്ഞ സംഭവം  പ്രിന്‍സിപ്പല്‍ സെക്രട്ടറിയെയും ജില്ലാ കളക്ടറെയും അറിയിച്ചിട്ടുണ്ട്.

താമരശ്ശേരി അപ്ലൈഡ് സയന്‍സ് കോളേജില്‍ ഒന്നാം വര്‍ഷ ബി.കോം, ബി.എ.ഇംഗ്ലീഷ് കോഴ്സുകളില്‍ ഇ.ടി.ബി വിഭാഗത്തില്‍ ഒരു സീറ്റ് ഒഴിവുണ്ട്. ബി.കോം, ബി.ബി.എ, ബി.സി.എ,. ബി.എസ് സി,. ബി.എ ഇംഗ്ലീഷ് കോഴ്സുകളില്‍ മുന്നോക്കത്തിലെ പിന്നോക്കക്കാര്‍ക്ക് അര്‍ഹതപ്പെട്ട ഇ ഡബ്ല്യൂ എസ് സീറ്റും ഒഴിവുണ്ട്. അര്‍ഹരായ വിദ്യാര്‍ത്ഥികള്‍ സംവരണം തെളിയിക്കുന്ന സര്‍ട്ടഫിക്കറ്റുകളും ബന്ധപ്പെട്ട രേഖകളും സഹിതം ഡിസംബര്‍ 28 ന് 10 മണിക്കകം കോളേജ് ഓഫീസില്‍ ഹാജരാകണമെന്ന് പ്രിന്‍സിപ്പാള്‍ അറിയിച്ചു.  ഫോണ്‍ : 0495 2223243.
 

കോഴിക്കോട് ഗവ. ആര്‍ട്സ് & സയന്‍സ് കോളേജില്‍ ഒന്നാം വര്‍ഷ ഡിഗ്രി ക്ലാസില്‍ ഒഴിവുകളുണ്ട്. ക്ലാസ്സ്, വിഭാഗം എന്നീ ക്രമത്തില്‍ :  ബി എ അറബിക് ആന്‍ഡ് ഹിസ്റ്ററി - ഇഡബ്ല്യൂഎസ് - 5, ഒബിഎക്സ് - 1, എസ്സി - 1, എസ്ടി - 2,   ബി. എസ്സി ഫിസിക്സ് -  എസ്ടി - 1, എല്‍സി-1 , ബി.എസ്സി മാത്തമാറ്റിക്സ് - ഒബിഎക്സ് - 1,  എസ്ടി - 1.  കാലിക്കറ്റ് യൂണിവേഴ്സിറ്റിയില്‍ രജിസ്റ്റര്‍ ചെയ്ത താല്‍പര്യമുള്ള കുട്ടികള്‍ ഡിസംബര്‍ 28 ന് ഉച്ചയ്ക്ക് രണ്ട്  മണിക്കകം  കോളേജില്‍ റിപ്പോര്‍ട്ട് ചെയ്യണമെന്ന് പ്രിന്‍സിപ്പാള്‍ അറിയിച്ചു.

ജില്ലാ ഇന്‍ഫര്‍മേഷന്‍ ഓഫീസില്‍ വീഡിയോ സ്ട്രീംഗര്‍മാരുടെ പാനല്‍ രൂപീകരിക്കുന്നതിനുളള വാക്ക് ഇന്‍ ഇന്റര്‍വ്യൂ ഡിസംബര്‍ 30 ന് രാവിലെ 10.30 ന് കോഴിക്കോട് സിവില്‍ സ്റ്റേഷനിലെ പബ്ലിക് റിലേഷന്‍സ് വകുപ്പ് മേഖലാ ഡെപ്യൂട്ടി ഡയറക്ടര്‍ ഓഫീസില്‍ നടക്കും. പ്ലസ് ടു ആണ് വിദ്യാഭ്യാസ യോഗ്യത. ദൃശ്യ മാധ്യമ രംഗത്ത് വാര്‍ത്താ വിഭാഗങ്ങളില്‍ കുറഞ്ഞത് ഒരു വര്‍ഷത്തെ പ്രവൃത്തി പരിചയം ഉണ്ടായിരിക്കണം. താല്പര്യമുളളവര്‍ യോഗ്യത തെളിയിക്കുന്ന രേഖകള്‍ സഹിതം ഹാജരാവണം. കൂടുതല്‍ വിവരങ്ങള്‍ 0495 2370225 എന്ന നമ്പറില്‍ ലഭിക്കും.