ഐ.എന്‍.എസ് ദ്രോണാചാര്യ കപ്പലില്‍ നിന്നും 2021 ജനുവരി 1,5,8,12,15,19,22, 26, 29 ഫെബ്രുവരി 2,5,9,12,16,19,23,26 മാര്‍ച്ച് 2,5,9,12,16,19,23,26 തീയതികളില്‍ പരീക്ഷണ വെടിവെയ്പ്പ് നടക്കുന്നതിനാല്‍ കടലില്‍ മീന്‍ പിടിക്കാന്‍ പോകുന്ന മത്സ്യതൊഴിലാളികള്‍ ജാഗ്രത പാലിക്കണമെന്ന് ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു.

എസ്.ആര്‍.സി കമ്മ്യൂണിറ്റി കോളേജ് നടത്തുന്ന ഒരുവര്‍ഷത്തെ മോണ്ടിസോറി ടീച്ചര്‍ ട്രെയിനിംഗ് ഡിപ്ലോമ കോഴ്‌സിലേക്കും രണ്ടുവര്‍ഷത്തെ അഡ്വാന്‍സ്ഡ് ഡിപ്ലോമ കോഴ്‌സിലേക്കും അപേക്ഷ ക്ഷണിച്ചു. പ്ലസ് ടു, ടീച്ചേഴ്‌സ് ട്രെയിനിംഗ് കോഴ്‌സ്, ഡിപ്ലോമ എന്നിവയിലേതെങ്കിലും യോഗ്യതയുള്ളവര്‍ക്ക് അപേക്ഷിക്കാം. അവസാന തീയതി 2021 ജനുവരി 15. കൂടുതല്‍ വിവരങ്ങള്‍ക്ക് 9074635780, 9447049125,www.srccc.in.

നെയ്യാറ്റിന്‍കര താലൂക്കിലെ പൊതുജനങ്ങളില്‍ നിന്നും പരാതികള്‍ സ്വീകരിക്കുന്നതിനും പരിഹാരം കാണുന്നതിനുമായി 2021 ജനുവരി ആറിന് ജില്ലാ കളക്ടര്‍ ഡോ. നവജ്യോത് ഖോസ ഓണ്‍ലൈന്‍ പൊതുജന പരാതിപരിഹാര അദാലത്ത് നടത്തുന്നു. പങ്കെടുക്കാന്‍ താത്പര്യമുള്ളവര്‍ ഡിസംബര്‍ 31ന് മുന്‍പ് പുല്ലുവിള, ചപ്പാത്ത്, വെള്ളായണി, പൂവാര്‍, ധനുവച്ചപുരം, മാരായമുട്ടം, പെരുമ്പഴുതൂര്‍, പാലിയോട്, കാഞ്ഞിരംകുളം, പുന്നക്കുളം എന്നിവിടങ്ങളിലെ അക്ഷയ കേന്ദ്രങ്ങളിലെത്തി ജില്ലാ കളക്ടര്‍ക്ക് അപേക്ഷ സമര്‍പ്പിക്കണം. പരാതികള്‍ വീഡിയോ കോണ്‍ഫറന്‍സിംഗിലൂടെ ജില്ലാ കളക്ടര്‍ നേരിട്ടു പരിശോധിച്ച് പരിഹാരം നിര്‍ദേശിക്കും.

ഭരണഭാഷാ വാരാചരണത്തോടനുബന്ധിച്ച് തിരുവനന്തപുരം ജില്ലയിലെ സ്‌കൂള്‍ വിദ്യാര്‍ഥികള്‍ക്കായി ജില്ലാ ഇന്‍ഫര്‍മേഷന്‍ ഓഫിസ് സംഘടിപ്പിച്ച ഓണ്‍ലൈന്‍  കവിതാ പാരായണ മത്സര വിജയികളെ പ്രഖ്യാപിച്ചു. ഹൈസ്‌കൂള്‍ വിഭാഗത്തില്‍ ദേവനന്ദ എ.എസ് (ഉഴമലയ്ക്കല്‍ എസ്.എന്‍.എച്ച്.എസ്.എസ് ) ഒന്നാം സ്ഥാനവും അലോഹ സാറ റെജി ( മുക്കോലയ്ക്കല്‍ സെന്റ് തോമസ് റെസിഡന്‍ഷ്യല്‍ സ്‌കൂള്‍, ) രണ്ടാം സ്ഥാനവും കരസ്ഥമാക്കി. ഹയര്‍ സെക്കന്ററി വിഭാഗത്തില്‍ അഭിനന്ദന വി.എസ് (പട്ടം സെന്റ് മേരീസ് എച്ച്.എസ്.എസ് ) ഒന്നാം സ്ഥാനവും മാളവിക എന്‍.രാജ് (വഴുതയ്ക്കാട് കാര്‍മല്‍ ഗേള്‍സ് ഹയര്‍ സെക്കന്ററി സ്‌കൂള്‍) രണ്ടാം സ്ഥാനവും നേടി. 

ടൈറ്റാനിയത്തിലെ ജൈവകൃഷി വിളവെടുപ്പ് മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്തു

കുട്ടികള്‍, പ്രായമേറിയവര്‍, ഗര്‍ഭിണികള്‍ എന്നിവര്‍ പ്രത്യേകം ജാഗ്രത പാലിക്കണം

*കൂട്ടംചേരലുകള്‍ പരമാവധി ഒഴിവാക്കണം

സംസ്ഥാനത്തെ വിവിധ പോളിടെക്നിക് കോളേജുകളിൽ നിലവിലുള്ള ഒഴിവുകൾ നികത്തുന്നതിനായി ജില്ലാതലത്തിൽ നോഡൽ പോളിടെക്‌നിക് കോളേജിൽ വെച്ച് 28 മുതൽ 31 വരെ സ്‌പോട്ട് അഡ്മിഷൻ നടത്തുന്നു. ഒരു ജില്ലയിലെ എല്ലാ പോളിടെക്‌നിക് കോളേജുകളിലേക്കും (സ്വാശ്രയമുൾപ്പെടെ) ഉള്ള പ്രവേശനത്തിന് അതാതു ജില്ലകളിലെ നോഡൽ പോളിടെക്‌നിക് കോളേജിൽ ഹാജരായാൽ മതിയാവും. പ്രത്യേകം രജിസ്റ്റർ ചെയ്യാത്തവരെ സ്‌പോട്ട് അഡ്മിഷനിൽ പങ്കെടുപ്പിക്കുന്നതല്ല.

മൂപ്പൈനാട് വില്ലേജില്‍ ബ്ലോക്ക് 30 ല്‍ റീസര്‍വെ 192/5 ല്‍പ്പെട്ട 0.9066 ഹെക്ടര്‍ സ്ഥലവും 194/1 ല്‍പ്പെട്ട 0.2660 ഹെക്ടര്‍ സ്ഥലവും 194/9ല്‍പ്പെട്ട 0.0680 ഹെക്ടര്‍ സ്ഥലവും ഡിസംബര്‍ 29 ന് രാവിലെ 11 ന് വില്ലേജ് ഓഫീസില്‍ ലേലം ചെയ്യും.