മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്നവര്‍ക്ക് തൊഴിലിനും വിദ്യാഭ്യാസത്തിനും സര്‍ക്കാര്‍ നല്‍കുന്ന സംവരണത്തിന്റെ ആനുകൂല്യം ലഭിക്കുന്നതിന് എംപ്ലോയ്മെന്റ് എക്സ്ചേഞ്ചില്‍ പേര് രജിസ്്റ്റര്‍ ചെയ്തിട്ടുളള ഉദ്യോഗാര്‍ത്ഥികള്‍ ആയത് തെളിയിക്കുന്ന സര്‍ട്ടിഫിക്കറ്റ് സര്‍ക്കാര്‍ നിശ്ചയിച്ചിട്ടുളള അധികാരികളില്‍ നിന്നും ലഭ്യമാക്കി ഹാജരാക്കണമെന്ന് സബ് റീജ്യണല്‍ എംപ്ലോയ്മെന്റ് ഓഫീസര്‍ അറിയിച്ചു.  സര്‍ട്ടിഫിക്കറ്റ് ഹാജരാക്കുന്നവര്‍ക്ക് മാത്രമേ ആനുകൂല്യം ലഭിക്കുകയുളളൂ. 
 

വ്യാജമദ്യ ഉല്പാദനം, വില്പന, കടത്ത്  എന്നിവ പൊതുജന സഹകരണത്തോടെ തടയുന്നതിനുളള ജില്ലാതല ജനകീയ കമ്മിറ്റിയുടെ യോഗം ഇന്ന് (ഡിസംബര്‍ 24) മൂന്ന് മണിക്ക് അഡീഷണല്‍ ജില്ലാ മജിസ്‌ട്രേറ്റിന്റെ അധ്യക്ഷതയില്‍ ഓണ്‍ലൈനായി  ചേരും.

 കോഴിക്കോട് കേളുക്കുട്ടി ഭണ്ഡാര മൂര്‍ത്തി ക്ഷേത്രത്തിലെ  പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമത വിശ്വാസികളായ തദ്ദേശ വാസികളില്‍ നിന്നും അപേക്ഷ ക്ഷണിച്ചു. അപേക്ഷകള്‍ ജനുവരി 15 ന് വൈകീട്ട്  അഞ്ച് മണിക്കകം മലബാര്‍ ദേവസ്വം ബോര്‍ഡ് കോഴിക്കോട് അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം

അപേക്ഷ ക്ഷണിച്ചു

വയോജന ക്ഷേമ മേഖലയില്‍ മികച്ച പ്രവര്‍ത്തനം നടത്തുന്ന ട്രസ്റ്റ്, ചാരിറ്റബിള്‍ സൊസൈറ്റി, വോളണ്ടറി ഓര്‍ഗനൈസേഷന്‍ എന്നിവയ്ക്ക് അവാര്‍ഡ് /ഇന്‍സെന്റീവ് നല്‍കുന്നതിന്  സ്ഥാപനങ്ങളില്‍ നിന്നും അപേക്ഷ ക്ഷണിച്ചു.
നിശ്ചിത മാതൃകയിലുള്ള അപേക്ഷയും അനുബന്ധരേഖകളും കണ്ണൂര്‍ ജില്ലാ സാമൂഹ്യനീതി ഓഫീസില്‍ ഡിസംബര്‍ 23ന് ഉച്ചയ്ക്ക് രണ്ടു മണിക്കകം ലഭ്യമാക്കണം. അപേക്ഷയും  വിശദവിവരങ്ങളും  www.swd.kerala.gov.in ല്‍ ലഭ്യമാണ്.

ഗതാഗതം നിരോധിച്ചു

ഹെപ്പറ്റൈറ്റിസ് വൈറസ് ബാധക്കെതിരെ അതീവ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. കെ നാരായണ നായ്ക് അറിയിച്ചു. ലക്ഷക്കണക്കിന് ആളുകളുടെ മരണ കാരണമായ ഹെപ്പറ്റൈറ്റിസ്  വൈറസ് ബാധ ആഗോള  പൊതുജനാരോഗ്യ പ്രശ്‌നമാണ്. എച്ച് ഐ വി ബാധിച്ചുളള മരണങ്ങളേക്കാള്‍ കൂടുതലാണ് ഹെപ്പറ്റൈറ്റിസ് മരണങ്ങള്‍. 2030 ഓടു കൂടി  ഹെപ്പറ്റൈറ്റിസ് വൈറസിനെ ഭൂമുഖത്തു നിന്നും  നിര്‍മ്മാര്‍ജ്ജനം ചെയ്യുക എന്നത് ഐക്യരാഷ്ട്ര സഭയുടെ സുസ്ഥിര വികസന ലക്ഷ്യങ്ങളിലൊന്നാണ്.

അര്‍ഹരായ മുഴുവന്‍ പേരെയും ഉള്‍പ്പെടുത്തി കുറ്റമറ്റ വോട്ടര്‍പട്ടിക തയ്യാറാക്കാന്‍ എല്ലാ രാഷ്ട്രീയ പാര്‍ട്ടികളും തെരഞ്ഞെടുപ്പ് കമ്മീഷനുമായി സഹകരിക്കണമെന്ന്് വോട്ടര്‍ പട്ടിക ഒബ്‌സര്‍വര്‍ കെ ഗോപാലകൃഷ്ണഭട്ട് അഭ്യര്‍ത്ഥിച്ചു. വോട്ടര്‍ പട്ടിക നവീകരണം ചര്‍ച്ചചെയ്യാന്‍ കലക്ടറേറ്റ് കോണ്‍ഫറന്‍സ് ഹാളില്‍ വിളിച്ച് ചേര്‍ത്ത ജില്ലയിലെ ജനപ്രതിനിധികളുടെയും രാഷ്ട്രീയ പാര്‍ട്ടി പ്രതിനിധികളുടെയും യോഗത്തില്‍ സംസാരിക്കുകയായിരുന്നു അദ്ദേഹം. ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷിന്റെ സാന്നിധ്യത്തിലായിരുന്നു യോഗം.