തൃശൂർ ജില്ലയിൽ ചൊവ്വാഴ്ച്ച (17/11/2020) 667 പേർക്ക് കൂടി കോവിഡ്-19 സ്ഥീരികരിച്ചു. 723 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 7900 ആണ്. തൃശൂർ സ്വദേശികളായ 93 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോവിഡ് സ്ഥിരീകരിച്ചവരുടെ എണ്ണം 52063 ആണ്. 43766 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ്ജ് ചെയ്തത്.
ജില്ലയിൽ ചൊവ്വാഴ്ച്ച സമ്പർക്കം വഴി 650 പേർക്കാണ് രോഗം സ്ഥീരികരിച്ചത്. കൂടാതെ 4 ആരോഗ്യ പ്രവർത്തകർക്കും സംസ്ഥാനത്തിന് പുറത്തുനിന്ന് എത്തിയ 3 പേർക്കും രോഗ ഉറവിടം അറിയാത്ത 10 പേർക്കും രോഗബാധ ഉണ്ടായി.

 ക്രമക്കേടു കണ്ടെത്തിയതിനെത്തുടര്‍ന്ന് റേഷന്‍ കടയുടെ ലൈസന്‍സ് താത്കാലികമായി റദ്ദാക്കി കോട്ടയം ജില്ലാ സപ്ലൈ ഓഫീസര്‍ ഉത്തരവായി. പ്രമീള തോമസ് ലൈസന്‍സിയായ കോട്ടയം താലൂക്കിലെ 58-ാം നമ്പര്‍ റേഷന്‍ കടയില്‍ ഈ മാസം ആറിന് നടത്തിയ പരിശോധനയിലാണ് ക്രമക്കേട് കണ്ടെത്തിയത്. 

ഈ പോസ് മെഷീനിലെ സ്റ്റോക്കില്‍നിന്നും വ്യത്യസ്തമായി പുഴുക്കലരി 150 കിലോഗ്രാം കുറവും പച്ചരി 53 കിലോഗ്രാമും ഗോതമ്പ് 57 കിലോഗ്രാമും കൂടുതലുമായിരുന്നു. ലൈസന്‍സ് റദ്ദാക്കുന്നതു സംബന്ധിച്ച തുടര്‍ നടപടികള്‍ സ്വീകരിക്കാന്‍ താലൂക്ക് സപ്ലൈ ഓഫീസറെ ചുമതലപ്പെടുത്തി.

ബാലാവകാശ വാരാചരണത്തിന്‍റെ  ഭാഗമായി നവംബര്‍ 14 മുതല്‍ 20 വരെ ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് ഹൈസ്കൂള്‍ വിദ്യാര്‍ഥികള്‍ക്കായി പ്രസംഗം മത്സരം, ചാച്ചാജി മത്സരം എന്നിവയും  ബോധവല്‍ക്കരണ ക്ലാസ്സുകളും  സംഘടിപ്പിക്കും. ഓണ്‍ലൈനില്‍ നടത്തുന്ന പരിപാടികളില്‍ പങ്കെടുക്കുവാന്‍ താല്‍പ്പര്യമുള്ളവര്‍ ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് ഓഫീസുമായി ബന്ധപ്പെടണം.ഫോണ്‍:04812580548

ഇല്ലിക്കല്‍കല്ല് വിനോദസഞ്ചാര കേന്ദ്രത്തില്‍ സുരക്ഷാ ക്രമീകരണങ്ങളുടെ ഭാഗമായ നിര്‍മാണ ജോലികള്‍ നടക്കുന്ന സാഹചര്യത്തില്‍ ടോപ്പ് സ്റ്റേഷനായ ഉമ്മിക്കുന്നില്‍  പ്രവേശനം നിരോധിച്ചു. നവംബര്‍ 30 വരെയാണ് നിരോധനം. മറ്റ് ഭാഗങ്ങളില്‍ കോവിഡ് മാനദണ്ഡങ്ങള്‍ പാലിച്ച് പ്രവേശനം അനുവദിക്കും

======
തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ കോവിഡ് പ്രതിരോധ മുന്‍കരുതല്‍ ഉറപ്പാക്കാന്‍ സ്ഥാനാര്‍ഥികളും  രാഷ്ട്രീയ പാര്‍ട്ടികളും ജാഗ്രത പുലര്‍ത്തണമെന്ന് ജില്ലാ കളക്ടര്‍ എം. അഞ്ജന നിര്‍ദേശിച്ചു. തിരഞ്ഞെടുപ്പിനോടനുബന്ധിച്ച് അംഗീകൃത രാഷ്ട്രീയ പാര്‍ട്ടി പ്രതിനിധികളുടെ യോഗത്തില്‍ സംസാരിക്കുകയായിരുന്നു കളക്ടര്‍.

കോവിഡ് സമ്പര്‍ക്ക വ്യാപനം തുടരുന്ന സാഹചര്യം കണക്കിലെടുത്ത് നാമനിര്‍ദേശപത്രിക സമര്‍പ്പണം, പ്രചാരണം, യോഗങ്ങള്‍ തുടങ്ങി വോട്ടെണ്ണല്‍ വരെയുള്ള ഘട്ടങ്ങളില്‍ പ്രത്യേക ജാഗ്രത അനിവാര്യമാണ്.

=======

തദ്ദേശ ഭരണ സ്ഥാപനങ്ങളിലെ പൊതു തെരഞ്ഞെടുപ്പില്‍ മത്സരിക്കുന്നതിന് വിജ്ഞാപനം പുറപ്പെടുവിക്കുന്ന  ഇന്നു (നവംബര്‍ 12 ) മുതല്‍ നാമനിര്‍ദ്ദേശ പത്രികകള്‍ സമര്‍പ്പിക്കാം. അതത് തദ്ദേശ ഭരണ  സ്ഥാപനങ്ങളിലെ  വരണാധികാരിയുടെയോ ഉപവരണാധികാരിയുടെ യോ മുമ്പാകെയാണ് പത്രിക സമര്‍പ്പിക്കേണ്ടത്. 

കോട്ടയം ജില്ലയില്‍ 71 ഗ്രാമപഞ്ചായത്തുകളിലും 11 ബ്ലോക്ക് പഞ്ചായത്തുകളിലും ജില്ലാ പഞ്ചായത്തിലും ആറു നഗരസഭകളിലുമാണ് ഡിസംബര്‍ 10ന് തിരഞ്ഞെടുപ്പ് നടക്കുന്നത്. 

=======================================

കോട്ടയം ജില്ലയില്‍  580 പേര്‍ക്കു കൂടി കോവിഡ് സ്ഥിരീകരിച്ചു.580 പേർക്ക് സമ്പര്‍ക്കം മുഖേനയാണ് വൈറസ് ബാധിച്ചത്. പുതിയതായി 4980 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 250 പുരുഷന്‍മാരും 255 സ്ത്രീകളും 75 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 99 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

353 പേര്‍ രോഗമുക്തി നേടി. രോഗം സ്ഥിരീകരിച്ചവരില്‍ നിലവില്‍ 4677 പേരാണ് ചികിത്സയിലുള്ളത്.  ഇതുവരെ ആകെ 28402 പേര്‍ കോവിഡ് ബാധിതരായി. 23675 പേര്‍ രോഗമുക്തി നേടി. ജില്ലയില്‍ ആകെ 20465 പേര്‍ ക്വാറന്‍റയിനില്‍ കഴിയുന്നുണ്ട്.

======
തദ്ദേശ സ്വയംഭരണ സ്ഥാപന തെരഞ്ഞെടുപ്പിന്റെ  നടത്തിപ്പുമായി ബന്ധപ്പെട്ട വിവിധ പ്രവര്‍ത്തനങ്ങള്‍ ഏകോപിപ്പിക്കുന്നതിന് ഉദ്യോഗസ്ഥരെ നിയമിച്ച് ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ എം. അഞ്ജന ഉത്തരവായി. 

മാതൃകാ പെരുമാറ്റച്ചട്ടം, തിരഞ്ഞെടുപ്പ് സാമഗ്രികളുടെ സംഭരണവും വിതരണവും, വിവിധ പരിശീലന പരിപാടികള്‍ തുടങ്ങിയ പ്രവര്‍ത്തനങ്ങള്‍ ഇവര്‍ ഏകോപിപ്പിക്കും.

=======================================

കോട്ടയം ജില്ലയില്‍  344 പേര്‍ക്കു കൂടി കോവിഡ് സ്ഥിരീകരിച്ചു. 337 പേർക്ക് സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്ത് നിന്നെത്തിയ 7 പേരും രോഗബാധിതരായി. പുതിയതായി 3993 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 313 പുരുഷന്‍മാരും 147 സ്ത്രീകളും 31 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 44 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

തദ്ദേശ ഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന് നാമനിര്‍ദേശ പത്രികകള്‍ സ്വീകരിച്ചു തുടങ്ങിയ ഇന്നലെ (നവംബര്‍ 12) സമര്‍പ്പിക്കപ്പെട്ടത് ആറു പത്രികകള്‍. 

തലയാഴം ഗ്രാമപഞ്ചായത്തില്‍ രണ്ടു സ്ഥാനാര്‍ഥികളും  ചങ്ങാശേരി മുനിസിപ്പാലിറ്റിയിലും ഉഴവൂര്‍, പൂഞ്ഞാര്‍, അകലക്കുന്നം ഗ്രാമപഞ്ചായത്തുകളിലും ഓരോ സ്ഥാനാര്‍ഥികള്‍ വീതവുമാണ് പത്രിക നല്‍കിയത്.