തദ്ദേശ സ്ഥാപനങ്ങളിലെ പൊതുതെരഞ്ഞെടുപ്പിലേക്കുള്ള പത്രിക സമര്‍പ്പണത്തിന്റെ നാലാം ദിനത്തില്‍ ലഭിച്ചത് ( നവംബര്‍ 17) 2,367 പത്രികകള്‍. (ജില്ലാപഞ്ചായത്തിലേക്ക് മത്സരിക്കുന്ന സ്ഥാനാര്‍ഥികളുടെ നാമനിര്‍ദേശ പത്രിക സമര്‍പ്പണം ഇപ്പോഴും തുടര്‍ന്നു കൊണ്ടിരിക്കുന്ന സാഹചര്യത്തില്‍ ജില്ലാ പഞ്ചായത്തിന്റെ കണക്ക് ഒഴികെയുള്ള കണക്കാണ് ഈ റിലീസില്‍ ഉള്‍പ്പെടുത്തിയിരിക്കുന്നത്. ജില്ലാ പഞ്ചായത്തിന്റെ കണക്ക് കിട്ടുന്ന മുറയക്ക് അടുത്ത റിലീസില്‍ നല്‍കുന്നതായിരിക്കും.)
നഗരസഭകളിലേക്ക് 311 ഉം ബ്ലോക്ക് പഞ്ചായത്തുകളിലേക്ക് 181 ഉം ഗ്രാമപഞ്ചായത്തുകളിലേക്ക് 1,875 ഉം നാമനിര്‍ദേശ പത്രികകളാണ് ഇന്നലെ ലഭിച്ചത്.

    • കേരള തീരത്ത് നിന്ന് മത്സ്യബന്ധനത്തിന് പോകാൻ പാടുള്ളതല്ല

ആലപ്പുഴ: നവംബര്‍ 17 മുതൽ 19 വരെ കേരള തീരത്ത് മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗത്തിൽ കാറ്റ് വീശാനും മോശം കാലാവസ്ഥക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.  മൽസ്യത്തൊഴിലാളികൾ ഈ ദിവസങ്ങളിൽ കേരള തീരത്ത് നിന്ന് മൽസ്യബന്ധനത്തിനു പോകരുത്.

മാതൃകാപെരുമാറ്റച്ചട്ടം നോഡല്‍ ഓഫീസറായി പഞ്ചായത്ത് ഡെപ്യൂട്ടി ഡയറക്ടറെ നിയമിച്ച് ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കളക്ടര്‍ ഉത്തരവായി.

നേരിട്ടുള്ള സമ്പര്‍ക്കത്തിലൂടെ 734 പേര്‍ക്ക് വൈറസ്ബാധ
29 പേര്‍ക്ക് ഉറവിടമറിയാതെ രോഗബാധ
നാല് ആരോഗ്യ പ്രവര്‍ത്തകര്‍ക്കും വൈറസ്ബാധ
രോഗബാധിതരായി ചികിത്സയില്‍ 6,705 പേര്‍
ആകെ നിരീക്ഷണത്തിലുള്ളത് 76,891 പേര്‍

ആലപ്പുഴ: തദ്ദേശ സ്വയംഭരണ തെരഞ്ഞെടുപ്പില്‍ പ്രചാരണം മുതല്‍ ഫലപ്രഖ്യാപനം വരെയുള്ള പരിപാടികള്‍  ഹരിതചട്ടം പാലിച്ച് നടപ്പിലാക്കും. ഇതുസംബന്ധിച്ച ജില്ലയിലെ പോലീസ് ഉദ്യോഗസ്ഥരുടെ യോഗം തിരഞ്ഞെടുപ്പ് വിഭാഗം ഡെപ്യൂട്ടി കളക്ടര്‍ പി എസ് സ്വര്‍ണ്ണമ്മയുടെ നേതൃത്വത്തില്‍ ജില്ലാ പഞ്ചായത്ത് ഹാളില്‍ ചേര്‍ന്നു.

ജില്ലകളില്‍ പി.ആര്‍.ഡിയുടെ വീഡിയോ സ്ട്രിങര്‍ പാനല്‍ രൂപീകരിക്കുന്നതിനുള്ള അപേക്ഷ ബന്ധപ്പെട്ട ജില്ലാ ഇന്‍ഫര്‍മേഷന്‍ ഓഫീസുകളില്‍ നവംബര്‍ 20 വരെ സമര്‍പ്പിക്കാം. ദൃശ്യമാധ്യമ രംഗത്ത് വാര്‍ത്താ വിഭാഗത്തില്‍ കുറഞ്ഞത് ഒരു വര്‍ഷത്തെ പ്രവൃത്തി പരിചയമുള്ളവര്‍ക്ക് അപേക്ഷിക്കാം. പ്രീഡിഗ്രി/പ്ലസ്ടു അഭിലഷണീയം. അപേക്ഷിക്കുന്ന ജില്ലയില്‍ സ്ഥിര താമസക്കാരനാകണം. സ്വന്തമായി ഫുള്‍ എച്ച്.ഡി. പ്രൊഫഷനല്‍ ക്യാമറ, ഡ്രൈവിങ് ലൈസന്‍സ് എന്നിവയും ദൃശ്യങ്ങള്‍ വേഗത്തില്‍ അയക്കുന്നതിനുള്ള സംവിധാനവും പരിജ്ഞാനവും ഉണ്ടാകണം.

ആലപ്പുഴ: ത്രിതല സ്ഥാപനങ്ങളിലേക്കുള്ള തിരഞ്ഞെടുപ്പ് ഹരിതചട്ടം പാലിച്ച് നടത്തുന്നതിൻറെ ഭാഗമായി  ശുചിത്വ മിഷൻ, ഹരിത കേരളം മിഷൻ എന്നിവ ചേർന്ന് തയ്യാറാക്കിയ “ഹരിത ചട്ടപാലനം” കൈപുസ്തകത്തിൻറെ പ്രകാശനം ജില്ല കളക്ടർ എ അലക്സാണ്ടർ നിർവ്വഹിച്ചു. ശുചിത്വ മിഷൻ കോ-ഓർഡിനേറ്റർ പി.വി ജയകുമാരി, തിരഞ്ഞെടുപ്പ് ഡപ്യൂട്ടി കളക്ടർ പി.എസ് സ്വർണ്ണമ്മ, ഹരിത കേരളം മിഷൻ കോ-ഓർഡിനേറ്റർ കെ.എസ് രാജേഷ് , പഞ്ചായത്ത് ഉപഡയറക്ടർ എസ് ശ്രീകുമാർ, എ ഡി സി ജനറൽ ഡി. ഷിൻസ് എന്നിവർ പങ്കെടുത്തു.

സ്‌റ്റേറ്റ് റിസോഴ്‌സ് സെന്ററിന് കീഴിലുള്ള എസ്.ആര്‍.സി കമ്മ്യൂണിറ്റി കോളജ് നടത്തുന്ന സര്‍ട്ടിഫിക്കറ്റ് ഡിപ്ലോമ ഇന്‍ കൗണ്‍സലിങ് സൈക്കോളജി കോഴ്‌സിന് അപേക്ഷ ക്ഷണിച്ചു. സര്‍ട്ടിഫിക്കറ്റ് കോഴ്‌സിന് ആറുമാസവും ഡിപ്ലോമയ്ക്ക് ഒരു വര്‍ഷവുമാണ് കാലാവധി. കൂടുതല്‍ വിവരങ്ങള്‍ www.srcc.in ല്‍ ലഭിക്കും. അപേക്ഷ സ്വീകരിക്കുന്ന അവസാന തീയതി ഡിസംബര്‍ 10.  ഫോണ്‍: 9567991416, 9847610871.