ആലപ്പുഴ: ആലപ്പുഴ നഗരത്തിലെ പ്രധാന റോഡുകൾ നവീകരിക്കുന്ന പദ്ധതിയായ സിറ്റി റോഡ് ഇമ്പ്രൂവ്മെന്റ് പ്രോജെക്ടിൽ ഉൾപ്പെടുത്തി 31.25കി.മീ. നീളമുള്ള 20 റോഡുകൾ പുനർനിർമിക്കുന്നതിനായി 55.21 കോടി രൂപയാണ് അനുവദിച്ചിരിക്കുന്നത്. അമ്പലപ്പുഴ മണ്ഡലത്തിലെ 13 റോഡുകളുടെ നിർമാണ ഉദ്ഘാടനം വൈകുന്നേരം 5.30 ന്  പൊതുമരാമത്തു വകുപ്പ് മന്ത്രി ജി സുധാകരൻ നിർവഹിക്കും. ധനമന്ത്രി ഡോ.ടി എം തോമസ് ഐസക് അധ്യക്ഷത വഹിക്കും. മുനിസിപ്പൽ ചെയർമാൻ ഇല്ലിക്കൽ കുഞ്ഞുമോൻ, എ എം ആരിഫ് എം പി,മത്സ്യഫെഡ് ചെയർമാൻ  പി പി ചിത്തരഞ്ജൻ, മുനിസിപ്പൽ പ്രതിപക്ഷ നേതാവ് ഡി ലക്ഷ്മണൻ എന്നിവർ മുഖ്യതിഥികളാകും.

സംസ്ഥാന സര്‍ക്കാര്‍ റീബില്‍ഡ് കേരള ഇനിഷ്യേറ്റീവിന്റെ നേതൃത്വത്തില്‍ കുടുംബശ്രീ മുഖേന പുളിക്കീഴ് ബ്ലോക്കിലെ ഗ്രാമ പഞ്ചായത്തുകളിലായി റീബില്‍ഡ് കേരള ഇനിഷ്യേറ്റീവ്‌സംരംഭ വികസന പദ്ധതി നടപ്പിലാക്കുന്നതിന്റെ പ്രാരംഭ നടപടികള്‍ ആരംഭിച്ചിരിക്കുന്നു. ഒരു ബ്ലോക്ക് പ്രദേശത്ത് സുസ്ഥിരമായ വരുമാനദായക സംരംഭങ്ങള്‍ (വ്യക്തി/ഗ്രൂപ്പ്) ആരംഭിക്കുക എന്നതാണ് പദ്ധതിയുടെ ലക്ഷ്യം. 

ജില്ലയിലെ ആദ്യ ടേക്ക് എ ബ്രേക്ക് ടോയ്‌ലറ്റ് സമുച്ചയവും വിശ്രമ കേന്ദ്രവും പൂര്‍ത്തീകരിച്ച കൊടുമണ്‍ ഗ്രാമപഞ്ചായത്തിന് ജില്ലാ ഭരണകൂടത്തിന്റെ ആദരം. മുഖ്യമന്ത്രി പ്രഖ്യാപിച്ചിട്ടുള്ള പ്രാധാന്യം നല്‍കേണ്ട പന്ത്രണ്ടിന പരിപാടികളില്‍ ഏറ്റവും പ്രധാനപ്പെട്ടതാണ് 'ടേക്ക് എ ബ്രേക്ക്' പദ്ധതി. 

കുന്ദമംഗലം മണ്ഡലത്തിലെ പന്തീരങ്കാവ് മണക്കടവ് റോഡ്, മൂഴാപാലം എന്നിവയുടെ പ്രവൃത്തി ഉദ്ഘാടനം പൊതുമരാമത്ത് വകുപ്പ് മന്ത്രി ജി. സുധാകരന്‍ നിര്‍വ്വഹിച്ചു. പി.ടി.എ റഹീം എം.എല്‍.എ അദ്ധ്യക്ഷത വഹിച്ചു.

എന്‍.എച്ച് 66 ബൈപ്പാസില്‍ പന്തീരങ്കാവില്‍ നിന്നാരംഭിച്ച് മണക്കടവ് വരെയുള്ള  റോഡുപ്രവൃത്തിക്ക് 2 കോടി രൂപയുടെ ഭരണാനുമതിയാണ് ലഭ്യമാക്കിയിട്ടുള്ളത്. 5.5 മീറ്റര്‍ വീതിയില്‍ ടാറിംഗ്, 500 മീറ്റര്‍ നീളത്തില്‍ ഡ്രൈനേജ്, ട്രാഫിക് സുരക്ഷക്കാവശ്യമായ റോഡ് മാര്‍ക്കിംഗ്, ട്രാഫിക് ചിഹ്നങ്ങള്‍ എന്നിവ ഉള്‍പ്പെടെയുള്ള പ്രവൃത്തികളാണ് നടത്തുന്നത്.

ജലജീവന്‍ പദ്ധതിയില്‍ ഉള്‍പ്പെടുത്തി നാറാണംമൂഴി പഞ്ചായത്തില്‍ നടപ്പാക്കുന്ന കുടിവെള്ള വിതരണ പദ്ധതിയുടെ ഉദ്ഘാടനം രാജു എബ്രഹാം എംഎല്‍എ നിര്‍വഹിച്ചു. 4027 വീടുകളാണ് ആകെയുള്ളത്. ഇതില്‍ 687 വീടുകളില്‍ കുടിവെള്ള കണക്ഷന്‍ ഉണ്ട്. 3340 വീടുകള്‍ക്കാണ് ഇനി കുടിവെള്ള കണക്ഷന്‍ നല്‍കാനുള്ളത്. ഈ സാമ്പത്തിക വര്‍ഷം ഒന്നാം ഘട്ടത്തില്‍ 350 ഉം രണ്ടാംഘട്ടത്തില്‍ 300 കണക്ഷനുകളും നല്‍കും. ബാക്കി 2690 വീടുകള്‍ക്ക് 2023-24 നുള്ളില്‍ കുടിവെള്ള കണക്ഷന്‍ നല്‍കും. ഇതിനായി അടിച്ചിപ്പുഴ കുടിവെള്ള പദ്ധതിയുടെ വിപുലീകരണത്തിനായി റിപ്പോര്‍ട്ട് തയാറാക്കി വരുന്നു.

ചെങ്ങന്നൂർ :   സംസ്ഥാനത്ത് നിരവധി പുഴകളാണ് ജനകീയ മുന്നേറ്റത്തിലൂടെ സംരക്ഷിക്കപ്പെട്ടത് .  ഈ പ്രവർത്തനങ്ങൾക്ക് തുടർച്ച വേണമെന്ന്  ധനകാര്യ കയർ വകുപ്പ് മന്ത്രി ടി. എം  തോമസ് ഐസക് പറഞ്ഞു. ബുധനൂർ കുട്ടൻപേരൂർ ആറിന്റെ രണ്ടാംഘട്ട നിർമ്മാണ പ്രവർത്തനങ്ങളുടെ ഉദ്ഘാടനം നിർവഹിക്കുകയായിരുന്നു അദ്ദേഹം. 

ചെങ്ങോട്ടുകാവ് മുതല്‍ മുതുകൂറ്റില്‍ ക്ഷേത്രം വരെ നീളുന്ന കനാല്‍ റോഡ് പ്രവൃത്തിയുടെ നിര്‍മ്മാണോദ്ഘാടനം കെ.ദാസന്‍ എം.എല്‍.എ നിര്‍വഹിച്ചു. ചെങ്ങോട്ടുകാവ് മുതല്‍ പൊയില്‍ക്കാവ് വരെയുള്ള കനാല്‍ റോഡിന്റെ ആദ്യഘട്ടമായി 851 മീറ്റര്‍ ദൂരമാണ് ഈ പ്രവൃത്തിയില്‍ ഉള്‍പ്പെടുന്നത്. എം.എല്‍.എ ഫണ്ടില്‍ അനുവദിച്ച 34 ലക്ഷം രൂപ വിനിയോഗിച്ചാണ് ആദ്യഘട്ടം നിര്‍മ്മാണം. കനാല്‍ സൈഡില്‍ ഗാര്‍ഡ് സ്റ്റോണ്‍ അടക്കം സ്ഥാപിച്ച് മൂന്ന് മീറ്റര്‍ വീതിയിലാണ് റോഡ് നിര്‍മ്മിക്കുന്നത്. കുറ്റ്യാടി ജലസേചന പദ്ധതി എഞ്ചിനീയറിംഗ് വിഭാഗത്തിനാണ് നിര്‍മ്മാണ ചുമതല.

മലയാലപ്പുഴ പഞ്ചായത്തിലെ വെട്ടൂര്‍ ആയൂര്‍വേദ ആശുപത്രിക്ക് മലയാലപ്പുഴയില്‍ സബ് സെന്റര്‍ അനുവദിച്ച് സര്‍ക്കാര്‍ ഉത്തരവായതായി അഡ്വ.കെ.യു. ജനീഷ് കുമാര്‍ എംഎല്‍എ അറിയിച്ചു. മലയാലപ്പുഴ ഗ്രാമപഞ്ചായത്തിന്റെ പഴയ കെട്ടിടം നവീകരിച്ചാണ് സബ് സെന്റര്‍ പ്രവര്‍ത്തനത്തിനായി നല്‍കുക.

      വെട്ടൂര്‍ ആയുര്‍വേദ ആശുപത്രിയുടെ പ്രവര്‍ത്തനത്തിന് തടസം വരാത്ത നിലയിലായിരിക്കും സബ് സെന്റര്‍ പ്രവര്‍ത്തിപ്പിക്കുക. ആവശ്യമായ അടിസ്ഥാന സൗകര്യങ്ങള്‍ ഗ്രാമ പഞ്ചായത്ത് ഒരുക്കി നല്‍കും. സ്റ്റാഫിനെ വര്‍ക്കിംഗ് അറേഞ്ച്മെന്റില്‍ നിയമിക്കും.