പൊലീസ് അക്കാദമി ഡയറക്ടറുടെ അധീനതയിലുള്ളതും പൊലീസ് അക്കാദമി മോട്ടോര്‍ ട്രാന്‍സ്‌പോര്‍ട്ട് ഇന്‍സ്‌പെക്ടറുടെ കാര്യലയത്തില്‍ സൂക്ഷിച്ചിട്ടുള്ളതുമായ വാഹനങ്ങള്‍ നവംബര്‍ 11ന് രാവിലെ 11ന് പൊലീസ് അക്കാദമി മോട്ടോര്‍ ട്രാന്‍സ്‌പോര്‍ട്ട് ഇന്‍സ്‌പെക്ടറുടെ കാര്യാലയത്തില്‍ ലേലം ചെയ്യും. ബൊളേറോ 2, ടാറ്റാ സുമോ 1, ടാറ്റാ ഇന്‍ഡിഗോ 1, ഇന്‍വേഡര്‍ 1, ജീപ്പ് 9, മോട്ടോര്‍ സൈക്കിള്‍ 2, ബജാജ് എം.80 2 എന്നീ വാഹനങ്ങളാണ് ലേലം ചെയ്യുന്നത്. ലേലത്തില്‍ പങ്കെടുക്കാന്‍ ആഗ്രഹിക്കുന്നവര്‍ ദര്‍ഘാസ് നവംബര്‍ 10 ന് വൈകീട്ട് 3 മുന്‍പ് പോലീസ് അക്കാദമി ഡയറക്ടറുടെ കാര്യാലയത്തില്‍ എത്തിക്കണം.

ആലപ്പുഴ : ചേർത്തല വടക്കേ അങ്ങാടിക്കവല വികസന പ്രവർത്തനങ്ങളുടെ നിർമ്മാണ ഉദ്ഘാടനം നാളെ  ( 5/11/ 2020) രാവിലെ 9.30 ന് പൊതുമരാമത്ത് വകുപ്പ് മന്ത്രി ജി സുധാകരൻ നിർവഹിക്കും. ഭക്ഷ്യ പൊതുവിതരണ വകുപ്പ് മന്ത്രി പി തിലോത്തമൻ അധ്യക്ഷത വഹിക്കും. 10.5 കോടി രൂപ ചിലവിലാണ് വികസനം.

സംസ്ഥാന ബജറ്റിൽ നിന്നുള്ള 8.5 കോടി രൂപയും മന്ത്രി പി തിലോത്തമന്റെ ആസ്തി വികസന ഫണ്ടിൽ നിന്നുള്ള തുകയും വിനിയോഗിച്ചാണ് വികസന പ്രവർത്തനം. കവലയുടെ മധ്യത്തിൽ നിന്നും നാലു വശങ്ങളിലേക്കും 50 മീറ്റർ നീളത്തിലും 20 മീറ്റർ വീതിയിലുമാണ് വികസനം.

സംസ്ഥാന ജൈവവൈവിധ്യ ബോർഡിൽ ആലപ്പുഴ, പത്തനംതിട്ട, ഇടുക്കി, വയനാട് ജില്ലകളിലെ അസിസ്റ്റന്റ് പ്രോഗ്രാം കോർഡിനേറ്റർ തസ്തികയിൽ താത്കാലിക നിയമനം നടത്തുന്നു. അതാത് ജില്ലകളിൽ താമസിക്കുന്ന ഉദ്യോഗാർത്ഥികൾക്ക് ഒൻപതുവരെ ഓൺലൈനായി അപേക്ഷിക്കാം. വിശദവിവരങ്ങൾ www.keralabiodiversity.org ൽ ലഭിക്കും. ഫോൺ: 0471-2724740.
പി.എൻ.എക്‌സ്. 3887/2020

ജില്ലകളിൽ പി.ആർ.ഡിയുടെ വീഡിയോ സ്ട്രിംഗർ പാനൽ രൂപീകരിക്കുന്നതിന് അപേക്ഷ ക്ഷണിച്ചു. ബന്ധപ്പെട്ട ജില്ലാ ഇൻഫർമേഷൻ ഓഫീസുകളിലാണ് അപേക്ഷ സമർപ്പിക്കേണ്ടത്.
യോഗ്യത: ദൃശ്യമാധ്യമ രംഗത്ത് വാർത്താ വിഭാഗത്തിൽ കുറഞ്ഞത് ഒരു വർഷത്തെ പ്രവൃത്തി പരിചയം, അപേക്ഷിക്കുന്ന ജില്ലയിൽ സ്ഥിര താമസക്കാരനാകണം,  പ്രീഡിഗ്രി/പ്ലസ്ടു അഭിലഷണീയം, സ്വന്തമായി ഫുൾ എച്ച്.ഡി. പ്രൊഫഷണൽ ക്യാമറ, ഡ്രൈവിംഗ് ലൈസൻസ് ഉണ്ടാകണം, ദൃശ്യങ്ങൾ വേഗത്തിൽ അയക്കുന്നതിനുള്ള സംവിധാനവും പരിജ്ഞാനവും ഉണ്ടാകണം.
അപേക്ഷിക്കേണ്ട അവസാന തീയതി: നവംബർ 20.

നിയമസഭാ സെക്രട്ടേറിയറ്റിന്റെ സഭാ ടി.വിയിൽ റിസർച്ച് അസിസ്റ്റന്റുമാരെ കരാറടിസ്ഥാനത്തിൽ നിയമിക്കുന്നതിന് അപേക്ഷ ക്ഷണിച്ചു.  ഇന്ത്യയിലെ ഏതെങ്കിലും അംഗീകൃത സർവകലാശാലയിൽ നിന്ന് കല, സാഹിത്യം, സാമൂഹ്യശാസ്ത്രം എന്നീ വിഷയങ്ങളിൽ എം.ഫിൽ അഥവാ പി.എച്ച്.ഡി ബിരുദവും കമ്പ്യൂട്ടർ പരിജ്ഞാനവും മലയാളം, ഇംഗ്ലീഷ് ഭാഷകളിൽ പ്രാവീണ്യമുള്ളവരും 25നും 45നും ഇടയിൽ പ്രായമുള്ളവരുമായ ഉദ്യോഗാർത്ഥികൾക്ക് അപേക്ഷിക്കാം.

സംസ്ഥാന യുവജനക്ഷേമ ബോർഡ് വൈസ് ചെയർമാൻ പി.ബിജുവിന്റെ നിര്യാണത്തിൽ മന്ത്രിമാരായ കെ.രാജുവും രാമചന്ദ്രൻ കടന്നപ്പള്ളിയും അനുശോചിച്ചു.
പി.എൻ.എക്‌സ്. 3884/2020

യുവജന നേതാവും ജനങ്ങൾക്കാകെ പ്രിയപ്പെട്ടവനുമായ പി.ബിജുവിന്റെ അകാല വിയോഗം വേദനാജനകമാണെന്ന് മുഖ്യമന്ത്രി പിണറായി വിജയൻ പറഞ്ഞു. കമ്മ്യൂണിസ്റ്റ് പാർട്ടിക്കും കേരള സമൂഹത്തിനും വലിയ നഷ്ടമാണ് തീർത്തും ആകസ്മികമായ വേർപാട്.

മോട്ടോര്‍ വാഹന വകുപ്പ് കൊടുങ്ങല്ലൂര്‍ സബ് ആര്‍ ടി ഓഫീസിന്റെ കീഴിലുള്ള കെ.എല്‍.01 എഫ് 1919 അംബാസിഡര്‍ കാര്‍ നവംബര്‍ 19ന് കൊടുങ്ങല്ലൂര്‍ മിനി സിവില്‍ സ്റ്റേഷന്‍ കോമ്പൗണ്ടില്‍ ലേലം ചെയ്യും. ടെണ്ടര്‍ നവംബര്‍ 5ന് വൈകീട്ട് 5 വരെ സ്വീകരിക്കും. വിശദ വിവരങ്ങള്‍ക്ക് 0480-2807666.
 

വനിത ശിശുവികസന വകുപ്പിന് കീഴില്‍ പോഷകാഹാര വിദഗ്ധരെ ദിവസ വേതനാടിസ്ഥാനത്തില്‍ നിയമിക്കുന്നു. എം.എസ്.സി ന്യൂട്രീഷ്യന്‍/ഫുഡ് സയന്‍സ്/ഫുഡ് ആന്റ് ന്യൂട്രീഷ്യന്‍ ക്ലിനിക്/ന്യൂട്രീഷ്യന്‍ ആന്റ് ഡയബറ്റിക്‌സ് യോഗ്യതയുള്ളവര്‍ക്ക് അപേക്ഷിക്കാം. ഒരു വര്‍ഷത്തെ ആശുപത്രിയില്‍ സേവനം അനുഷ്ഠിച്ച് പരിചയം, ഡയറ്റ് കൗണ്‍സിലിങ്ങ്, ന്യൂട്രീഷ്യന്‍ അസ്സസ്‌മെന്റ്, പ്രഗ്നന്‍സി ആന്റ് ലാക്‌റ്റേഷന്‍ കൗണ്‍സിലിങ്ങ്, തെറാപ്യൂട്ടിക് ഡയറ്റ് ഇവയില്‍ 5 വര്‍ഷ പരിചയം അഭികാമ്യം.

ജില്ലയിലെ ആദ്യത്തെ ഹരിത ഐ ടി ഐ ക്യാമ്പസായി മാറിയ നേട്ടത്തിന്റെ മികവില്‍ ചാലക്കുടി ഗവ വനിത ഐ ടി ഐ. ഹരിത കേരള മിഷന്റെയും കോസ്റ്റ് ഫോര്‍ഡിന്റെയും സഹകരണത്തോടെയാണ് ഹരിത ക്യാമ്പസ് പദ്ധതി നടപ്പാക്കുന്നത്. അഞ്ചര ലക്ഷം ചെലവിലാണ് പദ്ധതി വിഭാവനം ചെയ്തിരിക്കുന്നത്. തൊഴില്‍ പരിശീലന കേന്ദ്രങ്ങളെ പരിസ്ഥിതി സൗഹാര്‍ദ്ധമാക്കുക എന്നതാണ് ലക്ഷ്യം. കൃഷി, ജല സംരക്ഷണം, മാലിന്യ സംസ്‌ക്കരണം തുടങ്ങിയവയ്ക്ക് പ്രാധാന്യം നല്‍കിക്കൊണ്ടുള്ള 14 പ്രവര്‍ത്തനങ്ങളാണ് നടപ്പിലാക്കുക.