പൗരാണിക ക്ഷേത്രമായ ഐരാണിക്കുളം മഹാദേവ ക്ഷേത്ര പുനരുദ്ധാരണത്തിന് 3.45 കോടി അനുവദിച്ചു. മുസിരിസ് പൈതൃക പദ്ധതിയിൽ ഉൾപ്പെടുത്തിയാണ് ക്ഷേത്ര പുനരുദ്ധാരണ പ്രവൃത്തികൾ നടത്തുന്നത്. ചരിത്രവും പൈതൃകവും മനോഹരമായി വിളക്കിചേർത്ത പുണ്യപുരാതന ഐരാണിക്കുളം ക്ഷേത്രം എറ്റെടുത്തതോടെ മുസിരിസ് പൈതൃക പദ്ധതിക്ക് മകുടം ചാർത്തിയതായി അഡ്വ വി ആർ സുനിൽ കുമാർ എം എൽ എ പറഞ്ഞു.

ജില്ലയിലെ എല്ലാ കൃഷിഭവനുകളിലും ഫ്രണ്ട് ഓഫീസും, അഗ്രോ ക്ലിനിക്കും  ഉറപ്പാക്കുമെന്ന് കൃഷിവകുപ്പ് മന്ത്രി വി എസ് സുനിൽകുമാർ പറഞ്ഞു. സംസ്ഥാനത്തെ ആദ്യ മാതൃകാ കൃഷിഭവനാകുന്ന ഒല്ലൂക്കര കൃഷിഭവന്റെ  തറക്കല്ലിടൽ കർമം നിർവഹിച്ച് സംസാരിക്കുകയായിരുന്നു മന്ത്രി. കൃഷിഭവനുകളുടെ മാതൃകാപരമായ പ്രവർത്തനത്തിനും കൃഷിക്കാവശ്യമായ എല്ലാവിധ സാങ്കേതിക സഹായവും  നൽകുന്നതിന്റെയും   ഭാഗമായാണ് അഗ്രോ  ക്ലിനിക്കുകൾ സ്ഥാപിക്കുന്നത്. 

ഗുരുവായൂർ നഗരസഭയിലെ ഷീ ലോഡ്ജ് നിർമ്മാണവും ടൗൺ ഹാൾ വിപുലീകരണവും സൗന്ദര്യവൽക്കരണവും കെ വി അബ്ദുൾ ഖാദർ എം എൽ എ ഉദ്ഘാടനം ചെയ്തു. വിവിധ ആവശ്യങ്ങൾക്കായി ഗുരുവായൂരിലെത്തുന്ന സ്ത്രീകൾക്ക് സുരക്ഷിതമായ താമസ സൗകര്യം ഒരുക്കുന്നതിനായി എൻ യു എൽ എം പദ്ധതി വിഹിതമായ 2.42 കോടി നഗരസഭ വിഹിതവും ചേർത്ത് 3. 45 കോടി ചെലവഴിച്ചാണ് ഷീ ലോഡ്ജ് പൂർത്തിയാക്കുക. എം എൽ എ ഫണ്ടിൽ നിന്നും അനുവദിച്ച 95 ലക്ഷവും നഗരസഭ വിഹിതമായ 15 ലക്ഷവും ചേർത്ത് 1.10 കോടി രൂപയുടെ വികസനമാണ് നഗരസഭ ടൗൺഹാളിൻ്റെ വിപുലീകരണത്തിനും സൗന്ദര്യവൽക്കരണത്തിനുമായി വിനിയോഗിക്കുക.

ഗുരുവായൂർ നഗരസഭ താഴശ്ശേരി - സുനേന നഗർ - പനാമ റോഡിൻ്റെ നിർമാണോദ്ഘാടനം കെ വി അബ്ദുൾ ഖാദർ എം എൽ എ നിർവഹിച്ചു മുഖ്യമന്ത്രിയുടെ പ്രാദേശിക റോഡ് വികസന പദ്ധതിയിൽ ഉൾപ്പെടുത്തി 48 ലക്ഷം രൂപ ചിലവഴിച്ചാണ് പ്രദേശത്തെ ഏറ്റവും കൂടുതൽ ജനങ്ങൾക്ക് ഉപയോഗപ്രദമായ റോഡിൻ്റെ പ്രവർത്തനങ്ങൾ പൂർത്തീകരിക്കുന്നത്. നഗരസഭ ചെയർപേഴ്സൺ എം രതി ടീച്ചർ അദ്ധ്യക്ഷത വഹിച്ച ചടങ്ങിൽ വൈസ് ചെയർമാൻ അഭിലാഷ് വി ചന്ദ്രൻ, നഗരസഭ സ്ഥിരം സമിതി അദ്ധ്യക്ഷരായ എം എ ഷാഹിന, ടി എസ് ഷെനിൽ, മുൻ ചെയർമാൻ ടി ടി ശിവദാസ്, കൗൺസിലർമാരായ ശ്രീന സുവീഷ്, ബഷീർ പൂക്കോട്, ഹബീബ് നാറാണത്ത് എന്നിവർ പങ്കെടുത്തു.

കലക്ട്രേറ്റിൽ പ്രവർത്തിക്കുന്ന ഒ ആർ സി (ഔവർ റെസ്പോൺസിബിലിറ്റി ടു ചിൽഡ്രൻ) യുടെ ജില്ലാ റിസോഴ്സ് സെൻ്റർ പൂർണ്ണ സജ്ജമാക്കും. ജില്ലാ കലക്ടർ എസ് ഷാനവാസിന്റെ അധ്യക്ഷതയിൽ ചേർന്ന ഒ ആർ സി ജില്ലാ ആക്ഷൻ ഗ്രൂപ്പ് യോഗത്തിലാണ് തീരുമാനം. ഔവർ റെസ്പോൺസിബിലിറ്റി ടു ചിൽഡ്രൻ പദ്ധതിയിൽ അംഗങ്ങളുടെ ഒരുമിച്ചുള്ള പ്രവർത്തനം അനിവാര്യമെന്നും ജില്ലയിൽ കുട്ടികളുടെ ശാരീരിക മാനസിക സാമൂഹിക ആരോഗ്യവും സംരക്ഷണവും ഉറപ്പ് വരുത്തുവാൻ  കഴിയണമെന്നും കലക്ടർ പറഞ്ഞു.

തൃശൂർ ജില്ലയിൽ വെള്ളിയാഴ്ച (30/10/2020) 1096 പേർക്ക് കൂടി കോവിഡ്-19 സ്ഥീരികരിച്ചു. 778 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 9916 ആണ്. തൃശൂർ സ്വദേശികളായ 72 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോവിഡ് സ്ഥീരികരിച്ചവരുടെ എണ്ണം 38,659 ആണ്. 28,424 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ് ചെയ്തത്.  

ആറാട്ടുപുഴ വില്ലേജില്‍ സര്‍വ്വെ നമ്പര്‍ 80/3 (റീ സര്‍വ്വെ നമ്പര്‍-162/6)ല്‍പ്പെട്ട സ്ഥലത്ത് പ്രവര്‍ത്തിച്ചുവരുന്ന ആറാട്ടുപുഴ സമൃദ്ധികേന്ദ്രത്തിനായി പുതിയ കെട്ടിടനിര്‍മ്മാണത്തിന് തടസ്സമായി നില്‍ക്കുന്ന 2 പ്ലാവ്, ഒരു മാവ് എന്നിവ മുറിച്ചുമാറ്റുന്നതിന് നവംബര്‍ 16ന് ഉച്ചയ്ക്ക് 2.30ന് അയ്യന്തോള്‍ സിവില്‍ സ്റ്റേഷനിലുള്ള ജില്ലാ പട്ടികജാതി വികസന ഓഫീസറുടെ ചേംബറില്‍ ലേലം ചെയ്യും. ഫോണ്‍-0487 2360381 

ജില്ലാ പഞ്ചായത്ത് പദ്ധതി പ്രകാരം വടക്കാഞ്ചേരി ജില്ലാ ആശുപത്രിയിലേക്ക് ആശുപത്രി ഉപകരണങ്ങള്‍ വാങ്ങുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ഫോം നല്‍കുന്ന അവസാന തിയതി നവംബര്‍ 4 രാവിലെ 11. ക്വട്ടേഷന്‍ സ്വീകരിക്കുന്ന അവസാന തിയ്യതി നവംബര്‍ 9 വൈകീട്ട് 5. നവംബര്‍ 10 ന് ഉച്ചയ്ക്ക് 2മണിക്ക് ക്വട്ടേഷന്‍ തുറന്ന് പരിശോധിക്കും. 

Reply all

ആരോഗ്യ ശാസ്ത്ര സര്‍വ്വകലാശാലയിലെ യൂണിവേഴ്‌സിറ്റി എഞ്ചിനീയര്‍(സ്‌കെയില്‍ 55350-101400) തസ്തികയിലേക്ക് ഡെപ്യൂട്ടേഷന്‍/റീ എംപ്ലോയ്‌മെന്റ് വ്യവസ്ഥയില്‍ നിയമനത്തിന് അപേക്ഷ ക്ഷണിച്ചു. സര്‍ക്കാര്‍/സര്‍വകലാശാലാ/ സ്വയംഭരണ/പൊതുമേഖലാ സര്‍വ്വീസില്‍ എക്‌സിക്യൂട്ടീവ് എഞ്ചിനീയര്‍ തസ്തികയില്‍ സേവനം അനുഷ്ഠിച്ചുകൊണ്ടിരിക്കുന്നവരോ, സമാന സര്‍വ്വീസിലെ സമാന തസ്തികയില്‍ നിന്നും വിരമിച്ചവര്‍ക്കോ അപേക്ഷിക്കാം. യോഗ്യത- സിവില്‍ എഞ്ചിനീയറിംഗ് ബിരുദവും സര്‍ക്കാര്‍/സര്‍വകലാശാല/സ്വയംഭരണ/പൊതുമേഖലാ സര്‍വ്വീസില്‍ ഡിസൈനിംഗ്, കണ്ടസ്ട്രക്ഷന്‍ പ്രവര്‍ത്തികളില്‍ കുറഞ്ഞത് 15 വര്‍ഷത്തെ സേവന പരിചയം.

മത്സ്യവകുപ്പ് നടപ്പിലാക്കുന്ന സുഭിക്ഷ കേരളം പദ്ധതിയിലേക്ക് രണ്ട് അക്വാകള്‍ച്ചര്‍ കോ-ഓര്‍ഡിനേറ്റര്‍മാരെയും 11 അക്വാകള്‍ച്ചര്‍ പ്രൊമോട്ടര്‍മാരെയും കരാറടിസ്ഥാനത്തില്‍ നിയമിക്കുന്നു. കോ-ഓര്‍ഡിനേറ്റര്‍ യോഗ്യത-ബി.എഫ്.എസ്.സി ബിരുദം/ഫിഷറീസ് സയന്‍സ് വിഷയങ്ങളില്‍ ബിരുദാനന്തരബിരുദം/എം.എസ്.സി സുവോളജി. പ്രൊമോട്ടര്‍മാര്‍ യോഗ്യത-ഫിഷറീസ് വിഷയത്തില്‍ വി.എച്ച്.എസ്.സി/ബിരുദം, ബി.എസ്.സി സുവോളജി, /എസ്.എസ്.എല്‍.സിയും ഗവ.സ്ഥാപനത്തില്‍ അക്വാകള്‍ച്ചര്‍ സെക്ടറില്‍ 4 വര്‍ഷത്തില്‍ കുറയാത്ത പ്രവര്‍ത്തി പരിചയം. പ്രായം18-35.