കോവിഡ് 19 ബാധിതരായി  ജില്ലയില്‍ നിലവില്‍ 5218 പേരാണ് ചികിത്സയിലുള്ളത്.  ഇന്ന് (നവംബർ 17) ജില്ലയില്‍ 380 പേര്‍ക്കാണ് രോഗം സ്ഥിരീകരിച്ചത്. ഇന്ന് 120 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 87045 സാമ്പിളുകള്‍ പരിശോധനയ്ക്കായി അയച്ചതില്‍ 85386 പരിശോധനാ ഫലങ്ങളാണ് ലഭ്യമായത്. ഇന്ന് 472 പരിശോധനാ ഫലങ്ങളാണ് ലഭിച്ചത്. പുതുതായി 436 സാമ്പിളുകൾ അയച്ചു. 32900 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 27347 പേർ രോഗമുക്തി നേടി. ഇനി 512 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

നാമനിര്‍ദ്ദേശ പത്രികകള്‍ സമര്‍പ്പിക്കേണ്ടതിന്റെ നാലാം ദിവസം (നവംബര്‍ 17) ജില്ലയില്‍
ജില്ലാ പഞ്ചായത്ത്,മുനിസിപ്പാലിറ്റി,  ബ്ലോക്ക്, ഗ്രാമപഞ്ചായത്തുകളിലായി ലഭിച്ചത് 2868 നാമനിര്‍ദ്ദേശപത്രികകള്‍. മുനിസിപ്പാലിറ്റികളില്‍ 272 ഉം ജില്ലാ പഞ്ചായത്തിൽ 53 ഉം ബ്ലോക്ക് പഞ്ചായത്തില്‍ 299 ഉം  ഗ്രാമപഞ്ചായത്തുകളില്‍ 2244 നാമനിര്‍ദ്ദേശപത്രികകളുമാണ് ലഭിച്ചത്.

ജില്ലാ പഞ്ചായത്തിലെ വിവിധ ഡിവിഷനുകളിലേക്ക് 53 നാമനിർദേശ പത്രികകൾ ആണ് ലഭിച്ചത്.

പാലക്കാട് ജില്ലയിൽ ഇന്ന്(നവംബർ 17) 380 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 177 പേർ, ഉറവിടം അറിയാതെ രോഗം ബാധിച്ച 191 പേർ, ഇതര സംസ്ഥാനത്തുനിന്നും വിദേശത്തുനിന്നുമായി വന്ന 10 പേർ , രണ്ട് ആരോഗ്യപ്രവർത്തകർ എന്നിവർ ഉൾപ്പെടും. 820 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 56 പേർ

ഒറ്റപ്പാലം സ്വദേശികൾ-21 പേർ

ഓങ്ങല്ലൂർ സ്വദേശികൾ- 15 പേർ

പുതുപ്പരിയാരം സ്വദേശികൾ- 12 പേർ 

കോങ്ങാട് സ്വദേശികൾ- 11 പേർ

ദേശീയപാത 966 ല്‍ ടാറിംഗ് പ്രവൃത്തികള്‍ നടക്കുന്നതിനാല്‍ ഇന്ന് (നവബര്‍ 18) മുതല്‍ ടാറിംഗ് തീരുന്നത് വരെ വാണിയംകുളം - വല്ലപ്പുഴ റോഡില്‍ ഗതാഗതം നിരോധിച്ചതായി മലപ്പുറം പി.ഡബ്ല്യു.ഡി ദേശീയപാത വിഭാഗം എക്സിക്യൂട്ടീവ് എന്‍ജിനീയര്‍ അറിയിച്ചു. വാണിയംകുളം ഭാഗത്തു നിന്നും വരുന്ന വാഹനങ്ങള്‍ കൂനത്തറ വഴി വായനശാല ഭാഗത്തേക്കും വല്ലപ്പുഴ ഭാഗത്തു നിന്നും വരുന്ന വാഹനങ്ങള്‍ മാമ്പറ്റപ്പടി വഴി കുളപ്പുള്ളി ഭാഗത്തേക്കും തിരിഞ്ഞു പോകേണ്ടതാണ്.

 ജില്ലയില്‍ 2020 ഫെബ്രുവരി വരെ നടന്ന കെ-ടെറ്റ് പരീക്ഷയില്‍ വിജയികളായവരുടെ സര്‍ട്ടിഫിക്കറ്റുകള്‍ വിതരണത്തിന് തയ്യാറായിട്ടുണ്ട്. സര്‍ട്ടിഫിക്കറ്റുകള്‍ നവംബര്‍ 19 ന് രാവിലെ 10.30 മുതല്‍ കോവിഡ് മാനദണ്ഡങ്ങള്‍ പാലിച്ച് ഹാള്‍ടിക്കറ്റ് സഹിതം വന്ന് കൈപ്പറ്റേണ്ടതാണെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.

സംസ്ഥാന ഇന്‍ഷുറന്‍സ് വകുപ്പ് 2021 വര്‍ഷത്തേക്കുള്ള ഗ്രൂപ്പ് ആക്‌സിഡന്റ് ഇന്‍ഷുറന്‍സ് പദ്ധതി പുതുക്കിയതായി ജില്ലാ ഇന്‍ഷുറന്‍സ് ഓഫീസര്‍ അറിയിച്ചു.  ഡ്രോയിംഗ് ഡിസ്‌ബേഴ്‌സിംഗ് ഓഫീസര്‍മാര്‍ നവംബര്‍ മാസത്തെ ശമ്പളത്തില്‍ നിന്നും ഇന്‍ഷുറന്‍സ് തുക ഡിസംബര്‍ 30 നകം ട്രഷറിയില്‍ അടക്കണം.

*സര്‍ക്കാര്‍ അതിഥി മന്ദിരങ്ങളിലും സമാനമായ മറ്റു സര്‍ക്കാര്‍ സ്ഥാപനങ്ങളിലും തിരഞ്ഞെടുപ്പ് യോഗങ്ങള്‍ നടത്തുന്നതിനും തിരഞ്ഞെടുപ്പ് ഓഫീസായി ഉപയോഗിക്കുന്നതിനും നിയന്ത്രണമുണ്ട്.

*സര്‍ക്കാര്‍ അതിഥി മന്ദിരങ്ങള്‍ ഒരു കക്ഷിക്ക് മാത്രമായി അനുവദിക്കരുത്. മറ്റു കക്ഷികളും സ്ഥാനാര്‍ത്ഥികളും ആവശ്യപ്പെടുകയാണെങ്കില്‍ താമസസൗകര്യം അനുവദിക്കണം.

*രാഷ്ട്രീയ കക്ഷികളുടെ  അനൗദ്യോഗിക യോഗങ്ങള്‍ ഇത്തരം സ്ഥാപനങ്ങളില്‍ അനുവദനീയമല്ല.

*48 മണിക്കൂറില്‍ കൂടുതല്‍ ആര്‍ക്കും മുറി അനുവദിക്കുവാന്‍ പാടില്ല.

തദ്ദേശഭരണ സ്ഥാപന തിരഞ്ഞെടുപ്പിനോടനുബന്ധിച്ച് സ്ഥാനാര്‍ത്ഥികള്‍ പ്രചരണത്തിനായി വീടുകള്‍ സന്ദര്‍ശിക്കുമ്പോള്‍ സ്ഥാനാര്‍ത്ഥിയുള്‍പ്പെടെ അഞ്ച് പേരില്‍ കവിയരുത്. മാസ്‌ക് ധരിക്കുകയും ശാരീരിക അകലം പാലിക്കുകയും ചെയ്യണം. കോവിഡ്- 19 രോഗപ്രതിരോധത്തിന്റെ ഭാഗമായി തദ്ദേശ തിരഞ്ഞെടുപ്പിന്റെ എല്ലാ പ്രവര്‍ത്തനങ്ങളിലും മാസ്‌ക്, സാനിറ്റൈസര്‍, ഗ്ലൗസ്, ശാരീരിക അകലം എന്നിവ തിരഞ്ഞെടുപ്പ് കമ്മീഷന്‍ നിര്‍ബന്ധമാക്കിയിട്ടുണ്ട്.