ഇന്ന് ആലപ്പുഴ ജില്ലയിൽ364 പേർക്ക് കോവിഡ് സ്ഥിരീകരിച്ചു.  9പേർ   മറ്റ് സംസ്ഥാനത്തു നിന്നുംഒരാൾ  വിദേശത്തുനിന്നും എത്തിയതാണ് .   345പേർക്ക് സമ്പർക്കത്തിലൂടെയാണ് രോഗം ബാധിച്ചത് . 9
പേരുടെ സമ്പർക്ക ഉറവിടം വ്യക്തമല്ല .   397പേരുടെ പരിശോധനാഫലം നെഗറ്റീവായി. ആകെ 34050പേർ രോഗ മുക്തരായി. 8056പേർ ചികിത്സയിൽ ഉണ്ട്.

ആലപ്പുഴ: തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് വിവിധ ജില്ലാ പഞ്ചായത്ത്, ബ്ലോക്ക്‌ പഞ്ചായത്ത്, ഗ്രാമപഞ്ചായത്ത്, മുനിസിപ്പാലിറ്റിയിലായി  1021 നാമനിർദ്ദേശ പത്രികകളാണ് ഇന്ന് ലഭിച്ചത്.

ജില്ലാ പഞ്ചായത്തിൽ നിന്നും ഒരു പത്രിക ലഭിച്ചു. മാവേലിക്കര 20, കായംകുളം 11,  ചേർത്തല 48, ഹരിപ്പാട് 7, ആലപ്പുഴ 23,  എന്നിങ്ങനെ 109 പത്രികകളാണ് മുനിസിപ്പാലിറ്റികളിൽ നിന്നും ലഭിച്ചത്.

സംസ്ഥാന കാര്‍ഷിക സ്ഥിതിവിവരക്കണക്ക് സംബന്ധിച്ച് കോഴിക്കോട് നാഷനല്‍ സ്റ്റാറ്റിസ്റ്റിക്കല്‍ ഓഫീസിന്റെ നേതൃത്വത്തില്‍ ജില്ലയിലെ വിവിധ ഗ്രാമപഞ്ചായത്തുകളില്‍ സംയുക്ത പരിശോധന നടത്തി. മേലാറ്റൂര്‍, കുറ്റിപ്പുറം, തേഞ്ഞിപ്പലം, മുന്നിയൂര്‍, കീഴാറ്റൂര്‍, പെരുവള്ളൂര്‍ പഞ്ചായത്തുകളിലെ 90 ഏക്കര്‍ പുരയിടങ്ങളും വയലുകളും സന്ദര്‍ശിച്ചാണ് കൃഷി-കൃഷിയേതര ഉപയോഗവും വിളകളും വിലയിരുത്തിയത്. നാഷണല്‍ സ്റ്റാറ്റിസ്റ്റിക്കല്‍ ഓഫീസ് ഡയറക്ടര്‍ മുഹമ്മദ് എഫ്. യാസിര്‍,  സംസ്ഥാന  എക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് വകുപ്പ് അഡീഷനല്‍ ഡിസ്ട്രിക്ട് ഓഫീസര്‍ മുഹമ്മദ് ജമാല്‍, സീനിയര്‍ സ്റ്റാറ്റിസ്റ്റിക്കല്‍ ഓഫീസര്‍ പി.കെ.

കോവിഡ് രോഗവ്യാപനത്തെ തുടര്‍ന്ന് 2020 ഏപ്രില്‍ മാസത്തിന് മുന്‍പ് ലേണേഴ്‌സ് ടെസ്റ്റ് പാസ്സായ നിരവധി പേര്‍ക്ക് ഡ്രൈവിങ് ടെസ്റ്റിന് ഹാജരാകുന്നതിന് തടസ്സം നേരിട്ടതിനാല്‍ അവര്‍ക്കുള്ള ഡ്രൈവിങ് ടെസ്റ്റ് നടത്തുന്നതിന് ഒരു പുതിയ ബാച്ച് (സ്ലോട്ട്) ഉച്ചക്ക് രണ്ട് മുതല്‍ 3.30 വരെ അനുവദിച്ചിട്ടുണ്ട്. ലോക്ഡൗണിന് മുന്‍പ് ലേണേഴ്‌സ് എടുത്തവര്‍ക്ക് സാരഥി പോര്‍ട്ടലില്‍ കയറി  സ്ലോട്ട് ബുക്ക് ചെയ്യാം. ലോക്ഡൗണിനുശേഷം ലേണേഴ്‌സ് എടുത്തവരെ സ്ലോട്ടില്‍ അനുവദിക്കില്ലെന്ന് മലപ്പുറം ആര്‍.ടി.ഒ അറിയിച്ചു. കൂടുതല്‍ വിവരങ്ങള്‍ക്ക് മലപ്പുറം ആര്‍.ടി.ഒ ഓഫീസുമായി ബന്ധപ്പെടണം. ഫോണ്‍: 0483 2734924.

തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് പോളിങ് സ്റ്റേഷനുകളിലെ പ്രവര്‍ത്തനങ്ങള്‍ വിലയിരുത്തുന്നതിനും പുരോഗതികള്‍ അറിയിക്കുന്നതിനുമായി സെക്ടറല്‍ ഓഫീസര്‍മാരെ നിയമിക്കാന്‍ ഇലക്ഷന്‍ കമ്മീഷന്‍ തീരുമാനിച്ചു. ഇലക്ട്രോണിക് വോട്ടിങ് യന്ത്രങ്ങളുമായി ബന്ധപ്പെട്ട തകരാറുകള്‍ പരിഹരിക്കുന്നതുള്‍പ്പടെയുള്ള പ്രവര്‍ത്തനങ്ങള്‍ക്കായി ഇരുപത് പോളിങ് സ്റ്റേഷനുകള്‍ക്ക് ഒരു സെക്ടറല്‍ ഓഫീസര്‍ എന്ന നിലയിലാണ് ഉദ്യോഗസ്ഥരെ നിയമിക്കുക.

തദ്ദേശ തെരഞ്ഞെടുപ്പിലെ പെരുമാറ്റചട്ടവുമായി ബന്ധപ്പെട്ട് ലഭിക്കുന്ന സംശയനിവാരണത്തിനും പരാതികളില്‍ പരിഹാരം കാണുന്നതിനും  ജില്ലാതല മോണിറ്ററിങ് കമ്മിറ്റി രൂപീകരിച്ചു. ജില്ലാകലക്ടര്‍ കെ. ഗോപാലകൃഷ്ണന്‍ ചെയര്‍മാനായി അഞ്ച്് അംഗ കമ്മിറ്റിയാണ് രൂപീകരിച്ചിട്ടുള്ളത്. പഞ്ചായത്ത് ഡെപ്യൂട്ടി ഡയറക്ടറായ ഇ.എ രാജന്‍ അഞ്ചംഗ സമിതിയുടെ കണ്‍വീനറാണ്. ജില്ലാ പൊലീസ് മേധാവി യു. അബ്ദുള്‍ കരീം, ഇലക്ഷന്‍ ഡെപ്യൂട്ടി കലക്ടര്‍ ടി.ആര്‍ അഹമ്മദ് കബീര്‍, ജില്ലാ ഇന്‍ഫര്‍മേഷന്‍ ഓഫീസര്‍ പി. റഷീദ് ബാബു തുടങ്ങിയവര്‍ കമ്മിറ്റിയില്‍ അംഗങ്ങളാണ്.

തദ്ദേശസ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ കക്ഷികളും സ്ഥാനാര്‍ഥികളും നടത്തുന്ന പ്രചാരണ പരിപാടികള്‍ നിരീക്ഷിക്കുന്നതിനായി ആന്റി ഡീഫെയ്‌സ്‌മെന്റ് സ്‌ക്വാഡ് രൂപീകരിക്കാന്‍ തെരഞ്ഞെടുപ്പ് കമ്മീഷന്‍ ജില്ലാ കലക്ടര്‍മാര്‍ക്ക് നിര്‍ദേശം നല്‍കി. രാഷ്ട്രീയ കക്ഷികളും സ്ഥാനാര്‍ഥികളും നടത്തുന്ന പ്രചാരണ പരിപാടികള്‍ നിയമാനുസൃതമാണോയെന്ന് പരിശോധിക്കുകയാണ് സ്‌ക്വാഡിന്റെ ചുമതല.

2021 വര്‍ഷത്തെ സര്‍ക്കാര്‍ കലണ്ടര്‍ 30 രൂപ 30 പൈസയ്ക്ക് മേപ്പാടിയിലെ ജില്ലാ ഫോറം സ്റ്റോര്‍ ഓഫീസില്‍ ലഭിക്കുമെന്ന് സീനിയര്‍ സൂപ്രണ്ട് അറിയിച്ചു.

ഐ.എസ്.ആര്‍.ഒ. അഖിലേന്ത്യാ തലത്തില്‍ സ്‌കൂള്‍ വിദ്യാര്‍ത്ഥികള്‍ക്കായി നടത്തിയ  ഐ.എസ്.ആര്‍.ഒ.  സൈബര്‍ സ്പേസ് കോമ്പറ്റീഷനില്‍ (ഡ്രോയിംഗ്) അലോക് ഷാന്‍ മൂന്നാം സ്ഥാനം നേടി. ചീങ്ങേരി സെന്റ് മേരീസ് എ.യു.പി. സ്‌കൂളിലെ മൂന്നാം ക്ലാസ് വിദ്യാര്‍ത്ഥിയാണ് അലോക്.

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പുമായി ബന്ധപ്പെട്ട് നിശ്ചയിക്കപ്പെട്ടിട്ടുള്ള ബൂത്തുകളില്‍ വെബ് കാസ്റ്റിംഗ് നടത്താന്‍ സൗകര്യമില്ലാത്ത ബൂത്തുകളില്‍ വീഡിയോഗ്രാഫി ചെയ്യുന്നതിന് വ്യക്തികളില്‍ നിന്നും സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു.  ഒരു ദിവസത്തേക്ക് രാവിലെ 6 മുതല്‍ വൈകീട്ട് 7 വരെ വീഡിയോഗ്രാഫി ചെയ്യുന്നതിനും സി.ഡി. തരുന്നതിനുമുള്ള തുക ജി.എസ്.ടി. ഉള്‍പ്പെടെ രേഖപ്പെടുത്തിയ ക്വട്ടേഷന്‍ നവംബര്‍ 23 ന് ഉച്ചയ്ക്ക് 2 നകം ഇലക്ഷന്‍ ഡെപ്യൂട്ടി കളക്ടര്‍ക്ക് നല്‍കണം.