കേന്ദ്ര-സംസ്ഥാന സർക്കാരുകളുടെ സംയുക്താഭിമുഖ്യത്തിൽ നടപ്പിലാക്കുന്ന ആർ കെ വി വൈ - പിഡിഎംസി സൂക്ഷ്മ ജലസേചനം 2025-26 പദ്ധതിയിലൂടെ കൃഷിയിടങ്ങളിൽ ഡ്രിപ്പ്, സ്പ്രിംഗ്ലർ എന്നിവ സബ്സിഡിയോടെ സ്ഥാപിക്കുന്നതിന് അപേക്ഷ ക്ഷണിച്ചു. സ്വന്തമായി കൃഷിയിടമുള്ള കർഷകർക്ക് പദ്ധതി പ്രകാരം ചെലവിന്റെ 55 ശതമാനം പദ്ധതി നിബന്ധനകളോടെ ധനസഹായമായി ലഭിക്കും. നിബന്ധനകൾക്ക് വിധേയമായി ജലസ്രോതസ്സുകളുടെ വികസനം, പമ്പിംഗ് ആവശ്യങ്ങൾ എന്നിവയ്ക്ക് കൂടി സഹായം ലഭ്യമാണ്. 

ജില്ലാ സാക്ഷരതാ മിഷൻ സംഘടിപ്പിച്ച ഹയർ സെക്കൻഡറി തുല്യതാ വിജയോത്സവവും ബിരുദപഠന സെമിനാറും ജില്ലാ പഞ്ചായത്ത് പ്രസിഡന്റ് അഡ്വ. കെ.കെ രത്നകുമാരി ഉദ്ഘാടനം ചെയ്തു. ഹയർ സെക്കൻഡറി തുല്യതാ പരീക്ഷയിൽ മുഴുവൻ വിഷയത്തിലും എ പ്ലസ് നേടിയ ജി വി എച്ച് എസ് എസ് കണ്ണൂർ പഠന കേന്ദ്രത്തിലെ രഹന കക്കറയിൽ, ഏറ്റവും പ്രായം കൂടിയ പഠിതാവ് പി ഓമന, മികച്ച വിജയം നേടിയ എട്ട് ജനപ്രതിനിധികൾ എന്നിവരെ പ്രസിഡന്റ്  അനുമോദിച്ചു. രണ്ട് സി ഡി എസ് ചെയർപേഴ്സൺമാർ, സഹോദരങ്ങൾ, ദമ്പതിമാർ ഉൾപ്പെടെ മികച്ച വിജയം നേടിയ 34 പഠിതാക്കളെയാണ് ആദരിച്ചത്. നൂറ് ശതമാനം വിജയം കൈവരിച്ച മട്ടന്നൂർ പഠന കേന്ദ്രത്തേയും അനുമോദിച്ചു.

മലപ്പുറം ജില്ലാ പഞ്ചായത്ത് ഇതുവരെ ഭിന്നശേഷിക്കാര്‍ക്ക് വിതരണം ചെയ്തത് 348 ഇലക്ട്രിക് വീല്‍ചെയറുകളും 116 സൈഡ് വീല്‍ സ്‌കൂട്ടറുകളും

പൊതുജന സേവനാര്‍ഥം ആധാര്‍ സേവനങ്ങള്‍ കാര്യക്ഷേമമാക്കുന്നതിന് ആധാര്‍ സെന്റര്‍ മലപ്പുറം, മഞ്ചേരി, നിലമ്പൂര്‍, അരീക്കോട്, കാലിക്കറ്റ് യൂണിവേഴ്‌സിറ്റി, പുളിക്കല്‍ പോസ്റ്റോഫീസുകളില്‍ സജീവമായി പ്രവര്‍ത്തനം ആരംഭിച്ചു. പൗരന്മാര്‍ക്ക് ആധാര്‍ എന്റോള്‍മെന്റ്, ബയോമെട്രിക്/ഡെമോഗ്രാഫിക് അപ്‌ഡേഷന്‍ തുടങ്ങിയ സേവനങ്ങള്‍ എളുപ്പത്തില്‍ നേടാം. ആധാര്‍ സേവനങ്ങള്‍ ഉപയോഗിക്കാന്‍ ആഗ്രഹിക്കുന്നവര്‍ക്ക് മുന്‍കൂറായി ബുക്ക് ചെയ്യാം. ബുക്കിംഗിനും വിശദ വിവരങ്ങള്‍ക്കുമായി ബന്ധപ്പെടുക:

ഒഴിവാക്കല്‍ മാനദണ്ഡങ്ങളില്‍ ഉള്‍പ്പെടാത്ത കുടുംബങ്ങളുടെ പൊതുവിഭാഗം റേഷന്‍ കാര്‍ഡുകള്‍ പി.എച്ച്.എച്ച് വിഭാഗത്തിലേക്ക് (മുന്‍ഗണന വിഭാഗം) തരം മാറ്റുന്നതിന് അര്‍ഹരായ മുന്‍ഗണനേതര റേഷന്‍ കാര്‍ഡ് ഉടമകള്‍ക്ക് ഓണ്‍ലൈനായി ഒക്ടോബര്‍ 20 വരെ അപേക്ഷ സമര്‍പ്പിക്കാം. അര്‍ഹരായ അപേക്ഷകര്‍ ആവശ്യമായ രേഖകള്‍ സഹിതം നിശ്ചിത സമയത്തിനകം അപേക്ഷ സമര്‍പ്പിക്കണമെന്ന് ജില്ലാ സപ്ലൈ ഓഫീസര്‍ അറിയിച്ചു.

ജില്ലയിലെ റൂം ഫോര്‍ റിവര്‍ പദ്ധതിയുടെ ഭാഗമായി ചാലിയാര്‍ പുഴയുടെയും കൈവഴികളുടെയും പ്രളയ സാധ്യത നിലനില്‍ക്കുന്ന ഭാഗങ്ങളില്‍ നിന്ന് നീക്കം ചെയ്ത് വിവിധ പഞ്ചായത്തുകളിലെ 12 ഇടങ്ങളിലായി കൂട്ടിവെച്ചിരിക്കുന്ന എക്കലും ചെളിയും മറ്റവശിഷ്ടങ്ങളും സെപ്റ്റംബര്‍ 29ന് രാവിലെ 11ന് മലപ്പുറം ഇറിഗേഷന്‍ സബ് അസിസ്റ്റന്റ് എക്സിക്യൂട്ടീവ് എഞ്ചിനീയറുടെ കാര്യാലയത്തില്‍ വെച്ച് ലേലം ചെയ്യും. ലേലത്തില്‍ പങ്കെടുക്കാന്‍ ആഗ്രഹിക്കുന്നവര്‍ ഫോട്ടോ പതിച്ച തിരിച്ചറിയല്‍ കാര്‍ഡും പാന്‍ കാര്‍ഡും സഹിതം ലേല സമയത്തിന് മുന്‍പായി ഹാജരാവണം. ഫോണ്‍: 04832731402.

എംപ്ലോയ്മെന്റ് എക്സ്ചേഞ്ച് മുഖേന പാർട്ട് ടൈം സ്വീപ്പർ തസ്തികയിലേക്ക് ആഗസ്റ്റ് 26 ന് മലപ്പുറം കളക്ടറേറ്റിൽ നടന്ന അഭിമുഖത്തിൽ പങ്കെടുത്തവരുടെ മാർക്ക് ലിസ്റ്റ് പരിശോധനയ്ക്കായി മലപ്പുറം കളക്ടറേറ്റിലെ നോട്ടീസ് ബോർഡിൽ പ്രസിദ്ധീകരിച്ചു.

മമ്പാട് ബഡ്‌സ് സ്‌കൂളിലേക്ക് ദിവസ വേതനാടിസ്ഥാനത്തില്‍ ഡ്രൈവറെ നിയമിക്കുന്നതിന് അപേക്ഷ ക്ഷണിച്ചു. 18 നും 41 നും ഇടയില്‍ പ്രായമുള്ള എല്‍.എം.വി ലൈസന്‍സും അഞ്ച് വര്‍ഷത്തെ പ്രവൃത്തി പരിചയമുള്ള (എച്ച്എംവി ലൈസന്‍സ് അഭികാമ്യം) ഉദ്യോഗാര്‍ഥികള്‍ക്ക് അപേക്ഷിക്കാം. അപേക്ഷ സമര്‍പ്പിക്കേണ്ട അവസാന തീയതി സെപ്റ്റംബര്‍ 30. ഫോണ്‍: 0493 1200260.

കെല്‍ട്രോണ്‍ നടത്തുന്ന മൂന്ന് മാസം ദൈര്‍ഘ്യമുള്ള സര്‍ട്ടിഫിക്കറ്റ് കോഴ്‌സ് ഇന്‍ ഇലക്ട്രോണിക്‌സ് സെക്യൂരിറ്റി ആന്‍ഡ് സര്‍വയലന്‍സ് സിസ്റ്റം(സിസിടിവി/ഫയര്‍ അലാം/ബർഗ്ലര്‍ അലാം/ആക്‌സസ് കണ്‍ട്രോള്‍ സിസ്റ്റം), സര്‍ട്ടിഫിക്കറ്റ് കോഴ്‌സ് ഇന്‍ ഫൈബര്‍ ഒപ്റ്റിക് ടെക്‌നോളജി കോഴ്‌സുകളിലേക്ക് പ്രവേശനം ആരംഭിച്ചു. എസ്.എസ്.എല്‍.സി ആണ് അടിസ്ഥാന യോഗ്യത. ഉയര്‍ന്ന വിദ്യാഭ്യാസ യോഗ്യതയുള്ളവര്‍ക്ക് മുന്‍ഗണന. കൂടുതല്‍ വിവരങ്ങള്‍ക്ക് കോഴിക്കോട് റെയില്‍വേ സ്‌റ്റേഷന്‍ ലിങ്ക് റോഡിലുള്ള കെല്‍ട്രോണ്‍ നോളഡ്ജ് സെന്ററില്‍ ബന്ധപ്പെടുക. ഫോണ്‍: 0495 2301772,9626871584.

ബിസില്‍ ട്രെയിനിങ് ഡിവിഷന്‍ നടത്തുന്ന തൊഴില്‍ അധിഷ്ഠിത സ്‌കില്‍ ഡിപ്ലോമ ഇന്‍ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്‌സിലേക്ക് അഡ്മിഷന്‍ ആരംഭിച്ചു. പ്ലസ്ടു കഴിഞ്ഞവര്‍ക്ക് അപേക്ഷിക്കാം. ഒരു വര്‍ഷം, ആറ് മാസം ദൈര്‍ഘ്യമുള്ള കോഴ്സ് വിജയകരമായി  പൂര്‍ത്തിയാക്കുന്നവര്‍ക്ക് ഇന്റേണ്‍ഷിപ്പും പ്ലേസ്മെന്റ് അസിസ്റ്റന്‍സും ലഭിക്കും.ഫോണ്‍: 7994449314.