ഇടുക്കി കരുണാപുരം ഗവ. ഐ.ടി.ഐ.യിലെ ഡ്രാഫ്റ്റ്‌സ്മാൻ സിവിൽ, കംമ്പ്യൂട്ടർ ഓപ്പറേറ്റർ ആൻഡ് പ്രോഗ്രാമിംഗ് അസിസ്റ്റന്റ് എന്നീ ട്രേഡുകളിൽ സീറ്റൊഴിവുണ്ട്.

സർവെ ട്രെയിനിങ് ഇൻസ്റ്റിറ്റ്യൂട്ട്- കേരളയിൽ ഉടൻ ആരംഭിക്കുന്ന മോഡേൺ സർവെ കോഴ്സിലേക്ക് ഐ.ടി.ഐ സർവെ/ സിവിൽ, ചെയിൻ സർവെ, വി.എച്ച്.എസ്.ഇ സർവെ, ബി.ടെക്. സിവിൽ, ഡിപ്ലോമ സിവിൽ യോഗ്യതയുള്ളവരിൽ നിന്നും, ചെയിൻ സർവെ കോഴ്സിലേക്ക് എസ്.എസ്.എൽ.സി. തത്തുല്യ യോഗ്യതയുള്ളവരിൽ നിന്നും അപേക്ഷ ക്ഷണിച്ചു.

ജില്ലയിലെ മുട്ടാർ നദിക്കു കുറുകെയുള്ള ചേരാനല്ലൂർ ഏലൂർ ചൗക്ക പാലം നിർമ്മാണത്തിന് ഭരണാനുമതി ലഭിച്ചു. കാലങ്ങളായി ചുവപ്പ് നാടയിൽ കുടുങ്ങി കിടന്നിരുന്ന പദ്ധതിക്ക് അംഗീകാരം ലഭിക്കാൻ മന്ത്രി പി.രാജീവിന്റെ ഇടപെടലുകൾ സഹായകമായെന്ന് ടി.ജെ വിനോദ് എം.എൽ.എ പറഞ്ഞു.

നിലവിൽ ലഭിച്ചിരിക്കുന്നത് 2018ലെ എസ്.ഒ.ആർ പ്രകാരമുള്ള തുകയാണ്. നിലവിലെ സാഹചര്യത്തിൽ പ്രവൃത്തി ആരംഭിക്കാൻ 2021 എസ്.ഒ.ആർ പ്രകാരമുള്ള തുകയിലേക്ക് പദ്ധതിക്ക് അനുമതി ലഭിക്കേണ്ടതുണ്ട്, ഇതിനായി പരിഷ്കരിച്ച എസ്റ്റിമേറ്റ് പൊതുമരാമത്ത് പാലം വിഭാഗം സർക്കാരിലേക്ക് സമർപ്പിച്ചിട്ടുണ്ടെന്നും ടി.ജെ വിനോദ് എം.എൽ.എ പറഞ്ഞു.

കാസര്‍കോട് ഗവ: ഐ.ടി.ഐയില്‍  പ്രവേശനത്തിന് അംഗീകൃത അനാഥാലയങ്ങളിലെ അന്തേവാസികള്‍, സാമൂഹ്യനീതിവകുപ്പിന് കീഴിലുള്ള ജുവനൈല്‍ ജസ്റ്റിസ്ഹോമിലെയും, ആഫ്റ്റര്‍കെയര്‍ ഹോമിലെയും യോഗ്യരായ അന്തേവാസികള്‍ എന്നീ വിഭാഗങ്ങള്‍ക്ക് സംവരണം ചെയ്തിട്ടുള്ള സീറ്റുകളിലേക്ക്  പ്രവേശനത്തിന് അപേക്ഷ ക്ഷണിച്ചു. യോഗ്യരായ അപേക്ഷകര്‍ നിശ്ചിത മാതൃകയിലുള്ള അപേക്ഷ സെപ്റ്റംബര്‍ 24-നു രാവിലെ 11 നകം ഐ.ടി.ഐയില്‍ നേരിട്ട് സമര്‍പ്പിക്കണം. ഫോണ്‍- 04994-256440.

കേരള ഓട്ടോ മൊബൈല്‍ വര്‍ക്ക്ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗങ്ങളായ കുടിശ്ശിക വരുത്തിയിട്ടുളള തൊഴിലാളികള്‍ക്ക്  ഒക്ടോബര്‍ മൂന്ന് മുതല്‍ ഒക്ടോബര്‍ 31 വരെ കുടിശ്ശിക അടക്കാം.  കേരള മോട്ടോര്‍ തൊഴിലാളി ക്ഷേമനിധി ബോര്‍ഡിന്റെ ആഭിമുഖ്യത്തില്‍ നടത്തുന്ന കുടിശ്ശിക നിവാരണ ക്യാമ്പുകളിലും ജില്ലാ ഓഫീസുകളിലും കുടിശ്ശിക അടക്കാവുന്നതാണെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു. ഫോണ്‍- 04672205380.
 

കാഞ്ഞങ്ങാട് നഗരസഭയില്‍ 2024-25 വര്‍ഷത്തെ വാര്‍ഷിക ധനകാര്യ പത്രിക തയ്യാറാക്കുന്നതിന് പ്രവൃത്തി പരിചയമോ കമ്പ്യൂട്ടര്‍ അധിഷ്ഠിത ബി.കോം യോഗ്യതയോ ഉള്ളവരില്‍ നിന്നും അപേക്ഷ ക്ഷണിച്ചു. താല്‍പര്യമുള്ളവര്‍ മുന്‍പരിചയം, യോഗ്യത എന്നിവ തെളിയിക്കുന്ന സാക്ഷ്യപത്രം, ബയോഡാറ്റ സഹിതം സെപ്തംബര്‍ 25ന് രാവിലെ 11ന്  നഗരസഭ ഓഫീസില്‍ ഹാജരാകണം.  
ഫോണ്‍- 0467 2204530.

മംഗല്‍പാടി ഗ്രാമപഞ്ചായത്ത് ജനകീയ ആസൂത്രണം വാര്‍ഷിക പദ്ധതി സമഗ്ര പച്ചക്കറി കൃഷി വികസനം പദ്ധതിയുടെ ഭാഗമായി High Density Polyethylene (HDPE) ചട്ടിയും നടീല്‍ മിശ്രിതവും ഹ്രൈബിഡ് പച്ചക്കറി തൈകളടങ്ങിയ യുണിറ്റുകള്‍ മംഗല്‍പാടി ഗ്രാമപഞ്ചായത്തിലെ 23 വാര്‍ഡുകളില്‍ വിതരണം ചെയ്യുന്നതിന്  ഇ-ടെണ്ടര്‍ ക്ഷണിച്ചു. വെബ് സെറ്റ് - http:// etenders.kerala.gov.in/LSGD ഇ- ടെണ്ടര്‍ വിതരണം ചെയ്യുന്ന അവസാന തീയതി ഒക്ടോബര്‍ മൂന്ന് വൈകുന്നേരം ആറ് വരെ. ഒക്ടോബര്‍ ആറിന് രാവിലെ 11ന് ടെണ്ടര്‍ തുറക്കും. ഫോണ്‍- 9383472292.
 

2025 ലെ തദ്ദേശ സ്വയംഭരണ സ്ഥാപനങ്ങളിലെ പൊതു തെഞ്ഞെടുപ്പിന് മുന്നോടിയായി ബ്ലോക്ക് പഞ്ചായത്ത് തലത്തില്‍ സ്വീകരണ വിതരണ കേന്ദ്രങ്ങള്‍ കണ്ടെത്തുന്നതിന് പ്രധാന രാഷ്ട്രീയ പാര്‍ട്ടികളുടെയും ഗ്രാമ പഞ്ചായത്ത് റിട്ടേണിംഗ് ഓഫീസര്‍മാരുടെയും യോഗം ഇന്ന് (സെപ്തംബര്‍ 23ന്) ഉച്ചക്ക് 2.30 ന് നീലേശ്വരം ബ്ലോക്ക് പഞ്ചായത്ത് ഹാളില്‍ ചേരുമെന്ന് നീലേശ്വരം ബ്ലോക്ക് പഞ്ചായത്ത് അസിസ്റ്റന്റ് റിട്ടേണിംഗ് ഓഫീസര്‍ അറിയിച്ചു.
 

ഇരിയണ്ണി ഗവണ്‍മെന്റ് വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ വി.എച്ച്.എസ്.ഇ വിഭാഗം കരിയര്‍ ഗൈഡന്‍സ് ആന്‍ഡ് കൗണ്‍സിലിംഗ് സെല്ലും നാഷണല്‍ സര്‍വീസ് സ്‌കീമും സംയുക്തമായി ശാസ്ത്ര സെമിനാര്‍ സംഘടിപ്പിച്ചു. ഐ.എസ്.ആര്‍.ഒ സാറ്റലൈറ്റ് സെന്റര്‍ സീനിയര്‍ സയന്റിസ്റ്റ് കെ.കുഞ്ഞിക്കണ്ണന്‍ ആചാരി സെമിനാര്‍ നയിച്ചു. ചന്ദ്രയാന്‍, മംഗള്‍യാന്‍ തുടങ്ങി 50 ലധികം ബഹിരാകാശ പദ്ധതികളില്‍ നിര്‍ണായക പങ്കുവഹിച്ച കെ.കുഞ്ഞിക്കണ്ണന്‍, കുട്ടികളുടെ ചോദ്യങ്ങള്‍ക്ക് മറുപടി നല്‍കി.

കാഞ്ഞങ്ങാട് നഗരസഭയുടെ 2020-25 ഭരണകാലഘട്ടത്തിലെ നഗരസഭയുടെ വികസന പ്രവര്‍ത്തനങ്ങള്‍ ഡോക്യുമെന്റേഷന്‍ തയ്യാറാക്കുന്നതിന്  നിശ്ചിത പ്രൊഫോര്‍മയില്‍ തയ്യാറാക്കിയ ക്വട്ടേഷന്‍ ക്ഷണിച്ചു. ക്വട്ടേഷനുകള്‍ സെപ്തംബര്‍ 24 ന്  വൈകുന്നേരം മൂന്ന് വരെ  നഗരസഭ ഓഫീസില്‍  സ്വീകരിക്കും.  കൂടുതല്‍ വിവരങ്ങള്‍ നഗരസഭാ വെബ് സൈറ്റ് വഴിയും നഗരസഭ ഓഫീസില്‍ നിന്നും ലഭ്യമാണ്. ഫോണ്‍- 0467 2204530.