ബേപ്പൂര്‍ മണ്ഡലത്തിലെ മൂന്ന് സര്‍ക്കാര്‍ സ്‌കൂളുകളുടെ നവീകരണത്തിനും അടിസ്ഥാന സൗകര്യ വികസനത്തിനുമായി  മൂന്ന് കോടി രൂപ അനുവദിച്ചു. രാമനാട്ടുകര ഗവ. യു പി സ്‌കൂളില്‍ മികച്ച ഡൈനിങ് സ്‌പേസും അത്യാധുനിക സൗകര്യങ്ങളടങ്ങിയ കിച്ചണും ഒരുക്കുന്നതിനും കോമ്പൗണ്ട് വാള്‍ നിര്‍മാണത്തിനും ഉള്‍പ്പെടെ ഒരു കോടി രൂപയും വെസ്റ്റ് നല്ലൂര്‍ ഗവ. എല്‍ പി സ്‌കൂളിലും നടുവട്ടം ഗവ. യു പി സ്‌കൂളിലും പുതിയ കെട്ടിട നിര്‍മാണത്തിന് ഓരോ കോടി രൂപ വീതവുമാണ് അനുവദിച്ചത്.

സാങ്കേതിക കാരണങ്ങളാല്‍ 2025 സെപ്റ്റംബര്‍ 24 മുതല്‍ 26 വരെ തീയ്യതികളില്‍ നോര്‍ക്ക റൂട്ട്‌സിന്റെ കോഴിക്കോട് സര്‍ട്ടിഫിക്കറ്റ് ഒതന്റിക്കേഷന്‍ സെന്ററില്‍ അറ്റസ്റ്റേഷന്‍ സേവനം ഉണ്ടായിരിക്കുന്നതല്ലെന്ന് സെന്റര്‍ മാനേജര്‍ അറിയിച്ചു. കൂടുതൽ വിവരങ്ങൾക്കായി  24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്)  ലോ ബന്ധപ്പെടാവുന്നതാണ്.

ഗതാഗതം നിരോധിച്ചു

കിഫ്ബി പദ്ധതിയില്‍ ഉള്‍പ്പെട്ട തലയാട്-മലപുറം-കോടഞ്ചേരി റോഡ് പ്രവൃത്തി നടക്കുന്നതിനാല്‍ കോടഞ്ചേരി പോലീസ് സ്റ്റേഷന്‍ മുതല്‍ തെയ്യപ്പാറ വരെ ഇന്ന് (സെപ്റ്റംബര്‍ 24) മുതല്‍ ഒക്ടോബര്‍ ആറ് വരെ ഗതാഗതം പൂര്‍ണമായി തടസ്സപ്പെടും. 
കോടഞ്ചേരി ഭാഗത്തുനിന്ന് തെയ്യപ്പാറ പോകുന്ന വാഹനങ്ങള്‍ കൈതപ്പൊയില്‍ മലപുറം വഴി തെയ്യപ്പാറക്കും തിരിച്ചും പോകണം. മലപുറത്തുനിന്ന് കോടഞ്ചേരിക്ക് പോകുന്ന വാഹനങ്ങള്‍ എന്‍എച്ച് വഴി കൈതപ്പൊയില്‍-കോടഞ്ചേരി റൂട്ട് തെരഞ്ഞെടുക്കണമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

ഗതാഗതം നിരോധിച്ചു

കേരള കള്ള് വ്യവസായ തൊഴിലാളി ക്ഷേമനിധിയിൽ അംഗങ്ങളായ തൊഴിലാളികളുടെ മക്കളിൽ നിന്നും 2025-26 അധ്യയന വർഷത്തെ ലാപ്ടോപ്പിനുള്ള അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ഒക്ടോബർ 15. അപേക്ഷാ ഫോറത്തിൻ്റെ മാതൃകയും വിശദ വിവരങ്ങളും ജില്ലാ വെൽഫെയർ ഫണ്ട് ഇൻസ്പെക്ടറുടെ ഓഫീസിൽ നിന്നും ലഭ്യമാണ്. 0484-2800581.

ഇന്റേൺഷിപ്പ് @ കൃഷിഭവൻ' പദ്ധതി പ്രകാരം ജില്ലയിലെ കൃഷിഭവനുകളിൽ 180 ദിവസത്തെ പരിശീലനത്തിനായി വി.എച്ച്.എസ്.ഇ (അഗ്രിക്കൾച്ചർ) , ഡിപ്ലോമ ഇ൯ അഗ്രിക്കൾച്ചർ, ഡിപ്ലോമ ഇ൯ ഓർഗാനിക് ഫാമിംഗ് ഇ൯ അഗ്രിക്കൾച്ചർ എന്നീ യോഗ്യതകൾ ഉള്ള ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. അപേക്ഷ ഓൺലൈനായി www.keralaagriculture.gov.in എന്ന വെബ്സൈറ്റിലും, കൃഷി അസിസ്റ്റന്റ് ഡയറക്ടറുടെ കാര്യാലയം, കൃഷിഭവനുകൾ എന്നിവിടങ്ങളിൽ നേരിട്ടും നൽകാം. അപേക്ഷ www.keralaagriculture.gov.in എന്ന വെബ്‌സൈറ്റിൽ നിന്നും ഡൗൺലോഡ് ചെയ്യാം. പ്രായപരിധി 2025 ആഗസ്റ്റ് ഒന്നിന് 18 നും 41 നും ഇടയിൽ. അവസാന തീയതി സെപ്റ്റംബർ 26.

വന്യജീവി വാരാഘോഷത്തിന്റെ ഭാഗമായി 

ജില്ലയിൽ 34 റേഷൻകടകൾ നടത്തുന്നതിന് പുനർവിജ്ഞാപനം. എസ്.സി, ഭിന്നശേഷി എന്നീ സംവരണ വിഭാഗക്കാർക്ക് അപേക്ഷിക്കാം. നിർദിഷ്ട ഫോറത്തിലുള്ള അപേക്ഷ, അനുബന്ധ രേഖകൾ സഹിതം 30 ദിവസത്തിനകം ( 2025 ഒക്ടോബർ 22- ന് വൈകിട്ട് മൂന്നിനകം) നേരിട്ടോ തപാൽ മുഖേനയോ ജില്ലാ സപ്ലൈ ഓഫീസിൽ ലഭ്യമാക്കണം. അപേക്ഷാ ഫോറം ജില്ലാ സപ്ലൈ ഓഫീസിലും സിറ്റി റേഷനിംഗ് ഓഫീസിലും സിവിൽ സപ്ലൈസ് വകുപ്പിന്റെ ഔദ്യോഗിക വെബ് സൈറ്റിലും(civilsupplieskerala.gov.in) ലഭ്യമാണ്.

ഭാവി കേരളത്തെ പുരോഗമനപരവും വികസിതവുമാക്കുക എന്ന ലക്ഷ്യത്തോടെ വിഷൻ 31 ന്റെ ഭാഗമായി സംസ്ഥാന സർക്കാർ കൊച്ചിയിൽ സംഘടിപ്പിക്കുന്ന ന്യൂനപക്ഷ ക്ഷേമ- വികസന സെമിനാറിന്റെ വിജയകരമായ നടത്തിപ്പിനു സംഘാടകസമിതി രൂപീകരിച്ചു. 

എറണാകുളം ഗവൺമെന്റ് ഗസ്റ്റ് ഹൗസിൽ കെ.ജെ മാക്സി എംഎൽഎയുടെ അധ്യക്ഷതയിൽ ചേർന്ന യോഗത്തിലാണ് സംഘാടകസമിതിക്ക് രൂപം നൽകിയത്. ഒക്ടോബർ 16ന് ഫോർട്ട് കൊച്ചി വെളി മൈതാനത്താണ് സംസ്ഥാന സെമിനാർ നടക്കുക. സംസ്ഥാനത്തിന്റെ വിവിധ ഭാഗങ്ങളിൽ നിന്നായി 1000 പേർ സെമിനാറിൽ പങ്കെടുക്കുമെന്ന് എം.എൽ.എ യോഗത്തിൽ അറിയിച്ചു.

അന്താരാഷ്ട്ര തീർത്ഥാടന കേന്ദ്രമായ മലയാറ്റൂർ കുരിശുമുടിയോട് ചേർന്നുള്ള മണപ്പാട്ടുചിറയിൽ ഒക്ടോബർ രണ്ടിന് വള്ളംകളി മത്സരം സംഘടിപ്പിക്കുന്നു . 

ക്രിസ്തുമസ് – പുതുവത്സരാഘോഷങ്ങളുടെ ഭാഗമായി മെഗാ കാർണിവൽ നടക്കുന്ന മണപ്പാട്ടുചിറയിൽ ഉച്ചക്ക് 2.30 മുതലാണ് വള്ളംകളി മത്സരം നടക്കുക. പന്ത്രണ്ട് പേർ ചേർന്ന് തുഴയുന്ന എട്ട് ചെറുവള്ളങ്ങളാണ് മത്സരത്തിൽ പങ്കെടുക്കുക.

മത്സരത്തിന് മുന്നോടിയായി ജലഘോഷയാത്ര ഉണ്ടാകും. ജനപങ്കാളിത്തത്തോടെ മത്സരം വിജയകരമാക്കുവാൻ ആവശ്യമായ എല്ലാ ഒരുക്കങ്ങളും പൂർത്തിയായതായി സംഘാടകസമിതി ചെയർമാനായ റോജി എം. ജോൺ എം.എൽ.എ. പറഞ്ഞു.

"മുടങ്ങാതെ പെൻഷനും മറ്റ് സഹായവുമായി ചേർത്തുപിടിക്കുന്ന സർക്കാർ തലചായ്ക്കാൻ ഞങ്ങൾക്ക് സുരക്ഷിതമായ ഇടവും ഒരുക്കിയിരിക്കുന്നു". സ്വന്തം വീട് അരികിലെത്തിയ

 സന്തോഷത്തിലും അതിലേറെ ആശ്വാസത്തിലുമാണ് ഫോർട്ട്‌ കൊച്ചി മെഹബുബ് നഗർ പാർക്ക്‌ കോളനിയിലെ ഉമ്മമാരായ സുബൈദയും ആമിനയും.

വിവാഹം കഴിച്ചയച്ച മക്കളെ ഒരു രാത്രിയെങ്കിലും കൂടെ നിര്‍ത്തണമെന്നത് ആമിനുമ്മയുടെ ആഗ്രഹമാണ്. "പേരക്കുട്ടികളെ നിർത്താം എന്നോർത്താൽ ആദ്യം മനസിൽ വരുന്നത് അവരെ സുഖമായി എങ്ങനെ കിടത്തും എന്നതാണ്. എന്തായാലും അതെല്ലാം ഇനി സാധിക്കുമല്ലോ" ഏറെ വികാരത്തോടെയാണ് ആമിനുമ്മ ഇത് പറയുന്നത്.