തപാല്‍ വകുപ്പ് സംഘടിപ്പിക്കുന്ന ജില്ലാതല ഫിലാറ്റലി എക്സിബിഷന്‍ 'കണ്ണൂര്‍ പെക്സ് 2025' ന്റെ ലോഗോ ജില്ലാ വിദ്യാഭ്യാസ ഉപഡയറക്ടര്‍ ഡി ഷൈനി ജില്ലാ പോസ്റ്റല്‍ സൂപ്രണ്ട് സി.കെ മോഹനന് നല്‍കി പ്രകാശനം ചെയ്തു. ഡാക് സേവക് കണ്ണൂര്‍ ഡിസി എം. സായന്താണ് ലോഗോ ഡിസൈന്‍ ചെയ്തത്.
ഒക്ടോബര്‍ 15, 16 തീയതികളില്‍ കണ്ണൂര്‍ നായനാര്‍ അക്കാദമിയിലാണ് എക്സിബിഷന്‍ നടക്കുന്നത്. കണ്ണൂര്‍ ഹെഡ് പോസ്റ്റ് ഓഫീസില്‍ നടന്ന പരിപാടിയില്‍ ഹെഡ് പോസ്റ്റ് മാസ്റ്റര്‍ ഇ.പി മഹേഷ്, പോസ്റ്റല്‍ ഇന്‍സ്പെക്ടര്‍ മനു കൂള്‍വാള്‍ എന്നിവര്‍ പങ്കെടുത്തു.

തദ്ദേശ പൊതുതിരഞ്ഞെടുപ്പിന് മുന്നോടിയായി സംസ്ഥാനത്തെ തദ്ദേശ സ്ഥാപനങ്ങളിലെ സംവരണവാർഡുകൾ നിശ്ചയിക്കുന്നതിനുള്ള നറുക്കെടുപ്പ് ഒക്ടോബർ 13 മുതൽ 21 വരെ നടത്തുമെന്ന് സംസ്ഥാന തിരഞ്ഞെടുപ്പ് കമ്മീഷണർ എ. ഷാജഹാൻ അറിയിച്ചു. തദ്ദേശസ്വയംഭരണ പൊതുതിരഞ്ഞെടുപ്പിന്റെ മുന്നൊരുക്കപ്രവർത്തനങ്ങൾ വിലയിരുത്താനായി സംസ്ഥാന തിരഞ്ഞെടുപ്പ് കമ്മീഷൻ വിളിച്ചു ചേർത്ത ജില്ലാ കളക്ടർമാരുടെ യോഗത്തിൽ സംസാരിക്കുകയായിരുന്നു കമ്മീഷണർ.

സംസ്ഥാന സർക്കാരിന്റെ നാല് വർഷത്തെ വികസന പ്രവർത്തനങ്ങൾ ഉൾപ്പെടുത്തിയ വികസനരേഖയുടെ 15 കോപ്പി പ്രിന്റ് എടുക്കുന്നതിന് ക്വട്ടേഷൻ ക്ഷണിച്ചു. സീൽ ചെയ്ത ക്വട്ടേഷനുകൾ ജില്ലാ മെഡിക്കൽ ഓഫീസർ, ജില്ലാ മെഡിക്കൽ ഓഫീസ് (ആരോഗ്യം) എന്ന വിലാസത്തിൽ ഒക്ടോബർ ആറിന് രാവിലെ 11 മണിക്കകം ലഭിക്കണം. കൂടുതൽ വിവരങ്ങൾക്ക് പ്രവൃത്തി ദിവസങ്ങളിൽ ഓഫീസ് മാസ് മീഡിയ വിഭാഗവുമായി ബന്ധപ്പെടാം. ഫോൺ: 04972 700194

ഇരിട്ടി പോലീസ് സ്റ്റേഷൻ വളപ്പിലെ തേക്ക് മരത്തടി സെപ്റ്റംബർ 29 ന് രാവിലെ 11 മണിക്ക് പോലീസ് സ്റ്റേഷൻ പരിസരത്ത് ലേലം ചെയ്യും. തടി ലേല തീയതിക്ക് മൂന്ന് ദിവസം മുമ്പ് വരെയുള്ള പ്രവൃത്തി ദിവസങ്ങളിൽ രാവിലെ 10 മണി മുതൽ വൈകീട്ട് അഞ്ച് മണിവരെ അനുമതിയോടുകൂടി പരിശോധിക്കാം. 

ഏച്ചൂർ കെ എസ് ഇ ബി ഇലക്ട്രിക്കൽ സെക്ഷനു കീഴിൽ എച്ച് ടി ലൈനിനു സമീപമുള്ള മരച്ചില്ലകൾ വെട്ടി മാറ്റുന്നതിനാൽ കടാങ്കോട്, കടാങ്കോട്പള്ളി, ചാലിൽ മൊട്ട, പൊലുപ്പിൽ കാവ് ട്രാൻസ്ഫോർമർ പരിധിയിൽ സെപ്റ്റംബർ 24 ന് രാവിലെ എട്ട് മണി മുതൽ ഉച്ചയ്ക്ക് രണ്ട് വരെ വൈദ്യുതി മുടങ്ങും. 

കണ്ണൂർ ഗവ. ഐ ടി ഐയിൽ വിവിധ മെട്രിക് ട്രേഡുകളിലേക്ക് അപേക്ഷ നൽകിയവരുടെ പ്രവേശനത്തിനുള്ള കൗൺസിലിംഗ് സെപ്റ്റംബർ 24 ന് നടക്കും. രാവിലെ ഒൻപത് മണി മുതൽ 10 വരെയാണ് രജിസ്‌ട്രേഷൻ. ഓപ്പൺ കാറ്റഗറി, ഒ ബി എച്ച്, ഈഴവ, മുസ്ലിം, എസ് സി ഇൻഡക്‌സ് മാർക്ക് 170 വരെയും എസ് സി ഇൻഡക്‌സ് മാർക്ക് 150 വരെയുമുള്ള അപേക്ഷകർ രക്ഷിതാവിനൊപ്പം കൗൺസിലിംഗിന് എത്തണം. ഇതുവരെ അപേക്ഷ നൽകാത്ത പെൺകുട്ടികൾക്കും കൗൺസിലിംഗിൽ പങ്കെടുക്കാം. ഫോൺ: 9895265951
 

കണ്ണൂർ നാഷണൽ ആയുഷ് മിഷന് കീഴിലുള്ള വിവിധ ആയുർവേദ/ ഹോമിയോ സ്ഥാപനങ്ങളിൽ മൾട്ടി പർപ്പസ് വർക്കർ (നഴ്‌സ്), അക്കൗണ്ടിംഗ് ക്ലർക്ക്, ഫിസിയോ തെറാപ്പി അസിസ്റ്റന്റ്, ഫാർമസിസ്റ്റ് (ആയുർവേദ) തസ്തികകളിലേക്ക് അപേക്ഷ ക്ഷണിച്ചു. പ്രായം, യോഗ്യത എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം കണ്ണൂർ സിവിൽ സ്റ്റേഷൻ ബി ബ്ലോക്ക് രണ്ടാം നിലയിൽ പ്രവർത്തിക്കുന്ന നാഷണൽ ആയുഷ്മിഷൻ ഓഫീസിൽ നേരിട്ടോ തപാൽ വഴിയോ ഒക്ടോബർ നാലിന് വൈകീട്ട് അഞ്ചിനകം ലഭിക്കണം. അപേക്ഷാ ഫോറം http://www.nam.kerala.gov.in/careers വെബ്‌സൈറ്റിൽ ലഭിക്കും. ഫോൺ: 0497 2944145

എംപ്ലോയീസ് പ്രോവിഡന്റ് ഫണ്ട് ഓർഗനൈസേഷനും എംപ്ലോയീസ് സ്റ്റേറ്റ് ഇൻഷുറൻസ് കോർപ്പറേഷനും സംയുക്തമായി നടത്തുന്ന നിധി ആപ്‌കെ നികട് ഗുണഭോക്താക്കൾക്കായുള്ള പ്രതിമാസ പരാതി പരിഹാര സമ്പർക്ക പരിപാടി സെപ്റ്റംബർ 29 ന് രാവിലെ 10 മണി മുതൽ തളിപ്പറമ്പ് മുനിസിപ്പൽ ഷോപ്പിംഗ് കോംപ്ലക്‌സിലുള്ള പ്രസ് ഫോറത്തിൽ നടക്കും. എല്ലാ ഗുണഭോക്താക്കളും തൊഴിലുടമകളും പങ്കെടുക്കണമെന്ന് പാപ്പിനിശ്ശേരി ഇ എസ് ഐ ബ്രാഞ്ച് മാനേജർ അറിയിച്ചു. ഫോൺ: ഇ എസ് ഐ പാപ്പിനിശ്ശേരി ബ്രാഞ്ച് - 04972944501, സബ് റീജിയണൽ ഓഫീസ് കോഴിക്കോട് - 04952772270, എംപ്ലോയീസ് പ്രൊവിഡന്റ് ഫണ്ട് ഓഫീസ് കണ്ണൂർ - 04972 712388 

ജില്ലാ പഞ്ചായത്ത് ജില്ലാ എംപ്ലോയ്‌മെന്റ് മുഖേന നടത്തുന്ന സൗജന്യ മത്സര പരീക്ഷാ പരിശീലനത്തിൽ പങ്കെടുക്കാൻ താൽപര്യമുള്ള പട്ടികവർഗ ഉദ്യോഗാർഥികളിൽ നിന്നും അപേക്ഷ ക്ഷണിച്ചു. എസ്.എസ്.എൽസി പാസായ 18 മുതൽ 35 വയസ് വരെയുള്ളവർക്ക് അപേക്ഷിക്കാം. അപേക്ഷ, ജാതി സർട്ടിഫിക്കറ്റിന്റെ പകർപ്പ് സഹിതം ഇരിട്ടി, പേരാവൂർ, കൂത്തുപറമ്പ്, തളിപ്പറമ്പ് ട്രൈബൽ എക്സ്റ്റൻഷൻ ഓഫീസുകളിൽ സെപ്റ്റംബർ 30 നകം ലഭിക്കണം. ഫോൺ: 9496070386, 9496070387, 9496070388, 9496070401, 0497-2700357

പുറക്കാട് ശാന്തി സദനം സ്കൂൾ ഫോർ ഡിഫറന്റ്ലി ഏബിൾഡ് ചാമ്പ്യന്മാർ