നാഷണൽ ആയുഷ് മിഷന്റെയും ഭാരതീയ ചികിത്സാ വകുപ്പിന്റെയും സംയുക്താഭിമുഖ്യത്തിൽ 10-ാമത് ജില്ലാതല ആയുർവേദ ദിനാചരണം സംഘടിപ്പിച്ചു.

 ചങ്ങമ്പുഴ പാർക്കിൽ നടന്ന ദിനാചരണം ഉമ തോമസ് എം. എൽ.എ ഉദ്ഘാടനം ചെയ്തു.

വർദ്ധിച്ച് വരുന്ന ജീവിതശൈലി രോഗങ്ങൾ തടയുന്നതിന് ആയുർവേദ ചികിത്സാ രീതികൾ വഹിക്കുന്ന പങ്ക് വളരെ വലുതാണെന്ന് എം.എൽ.എ. പറഞ്ഞു.

‘ആയുർവേദം മാനവരാശിക്കും ഭൂമിക്കും' എന്നതാണ് ഈ വർഷത്തെ ആയുർവേദ ദിനാചരണത്തിന്റെ ആപ്തവാക്യം. ദിനാചരണത്തിന്റെ ഭാഗമായി മെഡിക്കൽ ക്യാമ്പുകൾ, ആരോഗ്യ ആഹാര പ്രദർശനം, ബോധവത്കരണ ക്ലാസുകൾ, എ.ബി.എച്ച്.എ രജിസ്ട്രേഷൻ എന്നിവ സംഘടിപ്പിച്ചു.

കൊച്ചി, സെപ്റ്റംബർ 23, 2025: ലയണൽ മെസ്സിയും

ലോകകപ്പ് നേടിയ

അർജന്റീന ടീമും

കൊച്ചിയിൽ എത്തുന്നതിന്റെ

ഭാഗമായുള്ള ഒരുക്കങ്ങളിൽ

തൃപ്തിയെന്ന് 

അർജന്റീന ടീം മാനേജർ.

ഒരുക്കങ്ങൾ വിലയിരുത്തിയ ശേഷം

സംസാരിക്കുകയായിരുന്നു ഹെക്ടർ ഡാനിയൽ കബ്രേര. സ്റ്റേഡിയം, താമസം, സുരക്ഷാ ക്രമീകരണങ്ങൾ തുടങ്ങിയവയെല്ലാം തൃപ്തികരമാണെന്ന് അദ്ദേഹം സ്ഥിരീകരിച്ചു.

ഇന്ന് രാവിലെ നെടുമ്പാശേരി വിമാനത്താവളത്തിൽ

വലിയ സ്വീകരണമാണ് കബ്രേരക്ക് നൽകിയത്.

മെസിപ്പട പറന്നിറങ്ങുന്ന 

വിമാനത്താവളത്തിലെ 

സൗകര്യങ്ങൾ അദ്ദേഹം

പരിശോധിച്ചു.

വർധിച്ചുവരുന്ന തെരുവ് നായ്ക്കളുടെ എണ്ണം നിയന്ത്രിക്കാൻ മരട് നഗരസഭ പുതിയ കർമ്മ പദ്ധതിക്ക് രൂപം നൽകി. നഗരസഭ ചെയർമാൻ ആന്റണി ആശാംപറമ്പിലിന്റെ അധ്യക്ഷതയിൽ ചേർന്ന മോണിറ്ററിങ് കമ്മിറ്റിയാണ് ഇതു സംബന്ധിച്ച തീരുമാനമെടുത്തത്.

നഗരസഭാ പരിധിയിൽ ഏകദേശം 650 തെരുവ് നായകൾ ഉണ്ടെന്നാണ് കണ്ടെത്തൽ. ആദ്യഘട്ടത്തിൽ ഇവയ്ക്ക് വാക്സിനേഷൻ നൽകുന്നതിനും, സ്വകാര്യ ഏജൻസികളുടെ സഹായത്തോടെ മൃഗജനന നിയന്ത്രണ പരിപാടി (അനിമൽ ബർത്ത് കൺട്രോൾ) നടപ്പാക്കുന്നതിനും കമ്മിറ്റി തീരുമാനിച്ചു.

കൊച്ചി: സംസ്ഥാന വ്യവസായ വാണിജ്യ വകുപ്പ് സംഘടിപ്പിച്ച ഏഴാമത് മെഷീനറി എക്‌സ്‌പോയില്‍ ലഭിച്ചത് 50 കോടി രൂപയുടെ ഓര്‍ഡറുകള്‍. ഇതില്‍ 675 എണ്ണം സുനിശ്ചിത ഓര്‍ഡറുകളാണ്.10.58 കോടി രൂപയുടെ നേരിട്ടു വില്‍പന എക്‌സിബിഷനില്‍ നടന്നു.13,968 അന്വേഷണങ്ങളുണ്ടായി. നാലു ദിവസമായി നടന്ന എക്‌സ്‌പോയിലേതാണ് മികവുറ്റ കണക്കുകള്‍.

പുതിയ യു എസ് താരിഫ്  നയത്തിലൂടെ   കയർ മേഖലയിലെ കയറ്റുമതി വ്യവസായങ്ങളിൽ വന്ന പ്രതിസന്ധി പരിഹരിക്കുന്നതിന്  കേന്ദ്ര പാക്കേജ് വേണമെന്ന് ആവശ്യപ്പെട്ട് മെമ്മോറാണ്ടം കയർ ബോർഡിന് സമർപ്പിക്കാൻ കയർ കോൺക്ലേവിൽ തീരുമാനമായതായി നിയമ, വ്യവസായ, കയർ വകുപ്പ് മന്ത്രി  പി. രാജീവ് പറഞ്ഞു.

സംസ്ഥാന സർക്കാരിൻ്റെ ആഭിമുഖ്യത്തിൽ ആലപ്പുഴ കയർ ക്രാഫ്റ്റ് കൺവെൻഷൻ സെന്ററിൽ   സംഘടിപ്പിച്ച  കയർ കോൺക്ലേവ് 2025ൻ്റെ സമാപന സമ്മേളനത്തിൽ ഉപസംഹരിച്ച്  സംസാരിക്കുകയായിരുന്നു അദ്ദേഹം.

കായംകുളത്ത് പ്രവര്‍ത്തിക്കുന്ന പ്രമുഖ സ്വകാര്യ സ്ഥാപനത്തിലെ വിവിധ ഒഴിവുകളിലേക്ക് ആലപ്പുഴ എംപ്ലോയബിലിറ്റി സെന്റര്‍ മുഖേന അഭിമുഖം നടത്തുന്നു. അഭിമുഖം സെപ്റ്റംബര്‍ 25 ന് രാവിലെ 10 ന് കായംകുളം ടൌണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ നടക്കും. ബിരുദം, എഞ്ചിനീയറിംഗ് (സിവില്‍/മെക്കാനിക്കല്‍/ഓട്ടോമോബല്‍), ടൂവിലര്‍ ലൈസന്‍സ് യോഗ്യതകളുള്ള എംപ്ലോയബിലിറ്റി സെന്ററില്‍ രജിസ്റ്റര്‍ ചെയ്തതവരും അല്ലാത്തവരുമായ 21 നും 35 നും ഇടയില്‍ പ്രായമുള്ള ഉദ്യോഗാര്‍ഥികള്‍ക്ക് പങ്കെടുക്കാം. സ്‌പോട്ട് രജിസ്‌ട്രേഷന്‍ ഉണ്ടായിരിക്കും. 
വിശദവിവരങ്ങള്‍ക്ക്: 0477-2230624, 8304057735, 0479-2442502.
 

അമ്പലപ്പുഴ തെക്ക് ഗ്രാമപഞ്ചായത്തിന്റെ പരിധിയില്‍ കുടിവെള്ള വിതരണം നടത്തുന്ന വാട്ടര്‍ അതോറിറ്റിയുടെ അമ്പലപ്പുഴ തെക്കേനട, കരുമാടി പമ്പ് ഹൗസുകളില്‍ സെപ്റ്റംബര്‍ 26 ന് സൂപ്പര്‍ ക്ലോറിനേഷനും ടാങ്ക് ശുചീകരണവും നടക്കുന്നതിനാല്‍ അന്നേ ദിവസം പമ്പിങ് ഭാഗികമായി മുടങ്ങും. അതിനാല്‍ പ്രദേശവാസികള്‍ സെപ്റ്റംബര്‍ 26, 27 തീയതികളില്‍ കുടിവെള്ളം ഉപയോഗിക്കാന്‍ പാടില്ലെന്ന് വാട്ടര്‍ അതോറിറ്റി പി എച്ച് സെക്ഷന്‍ അസി. എഞ്ചിനീയര്‍ അറിയിച്ചു.  ഉപഭോക്താക്കള്‍ ആവശ്യമായ മുന്‍കരുതലുകള്‍ സ്വീകരിക്കണമെന്ന് വാട്ടര്‍ അതോറിറ്റി അറിയിച്ചു.
 

തദ്ദേശസ്ഥാപന തലത്തിൽ സംഘടിപ്പിക്കുന്ന വികസന സദസ്സുകളോടൊപ്പം  വിജ്ഞാന കേരളം തൊഴിൽ മേളകളും നടത്തുന്നതിന് രൂപരേഖ തയ്യാറാക്കാൻ ജില്ലാ പഞ്ചായത്ത് ഹാളിൽ യോഗം ചേർന്നു. വിജ്ഞാന കേരളംമുഖ്യ ഉപദേഷ്ടാവ് ഡോ. ടി എം തോമസ് ഐസക് അധ്യക്ഷത വഹിച്ചു. പഞ്ചായത്തുകളുടെയും മുനിസിപ്പാലിറ്റികളുടെയും നേതൃത്വത്തിൽ സംഘടിപ്പിക്കുന്ന തൊഴിൽ മേളകൾ യുവാക്കളുടെ തൊഴിൽ സാധ്യതകൾ ഉറപ്പുവരുത്തുന്നതിൽ വലിയ പങ്ക് വഹിക്കുമെന്ന് അദ്ദേഹം പറഞ്ഞു.

ആയുർവേദ ഗവേഷണത്തിനും വികസനത്തിനും ഊന്നൽ നൽകി ആയുർവേദ മേഖലയ്ക്ക് സംസ്ഥാന സർക്കാർ മികച്ച പരിഗണന നൽകിയിട്ടുണ്ടെന്ന് ആരോഗ്യ വകുപ്പ് മന്ത്രി വീണാ ജോർജ് പറഞ്ഞു. പത്താമത് ആയുർവേദ ദിനാചരണത്തിന്റെ സംസ്ഥാനതല ഉദ്ഘാടനം മാസ്‌ക്കറ്റ് ഹോട്ടലിൽ നിർവഹിക്കുകയായിരുന്നു മന്ത്രി.

തദ്ദേശപൊതുതിരഞ്ഞെടുപ്പിന് മുന്നോടിയായി സംസ്ഥാനത്തെ തദ്ദേശസ്ഥാപനങ്ങളിലെ സംവരണവാർഡുകൾ നിശ്ചയിക്കുന്നതിനുള്ള നറുക്കെടുപ്പ് ഒക്ടോബർ 13 മുതൽ 21 വരെ നിശ്ചിത തീയതികളിൽ  നടത്തുമെന്ന് സംസ്ഥാന തിരഞ്ഞെടുപ്പ് കമ്മീഷണർ എ. ഷാജഹാൻ അറിയിച്ചു.