പൊതുവിദ്യാഭ്യാസ വകുപ്പിന്റെ നേതൃത്വത്തില്‍ ചായോത്ത് ഗവണ്മെന്റ് ഹയര്‍ സെക്കന്ററി സ്‌കൂളില്‍ നടന്ന ദിശ ഹയര്‍ സ്റ്റഡീസ് കരിയര്‍ ഗൈഡന്‍സ് എക്സ്പോയുടെ  ഭാഗമായി ജില്ലാ ആരോഗ്യ വകുപ്പ് ഒരുക്കിയ പോഷകാഹാര പ്രദര്‍ശന മേള കുട്ടികളുടെ ഇടയില്‍ ശ്രദ്ധ ആകര്‍ഷിച്ചു. കുട്ടികളുടെ ഇടയില്‍ ആരോഗ്യകരമായ ഭക്ഷണശീലം വളര്‍ത്തിയെടുക്കുക, പോഷക മടങ്ങിയ പലഹാരങ്ങളെയും ഭക്ഷണങ്ങളെയും പരിചയപ്പെടുത്തുക, ജങ്ക് ഫുഡിന്റെ   ഉപയോഗം കുറക്കുക, ജീവിത ശൈലി ക്രമപ്പെടുത്തുക എന്നിവ ലക്ഷ്യമിട്ടാണ് ആരോഗ്യ വകുപ്പ് ഇത്തരത്തില്‍ പ്രദര്‍ശന മേള ഒരുക്കിയത്.

ഇ-ദര്‍ഘാസ് ക്ഷണിച്ചു

കാസര്‍കോട് ബ്ലോക്ക് പഞ്ചായത്ത് എല്‍.ഐ.ഡി ആന്‍ഡ്.ഇ.ഡബ്ല്യു സബ്  ഡിവിഷന്‍ കാസര്‍കോടിന്റെ  എട്ട് പൊതുമരാമത്ത് പ്രവര്‍ത്തികള്‍ നടത്തുന്നതിന് ദര്‍ഘാസ് ക്ഷണിച്ചു. ഇ-ദര്‍ഘാസ് ഫോറം  ഓണ്‍ലൈനില്‍ ലഭിക്കുന്ന അവസാന തീയതി സെപ്തംബര്‍ 30 ഉച്ചക്ക് ഒന്ന്. ഇ-ദര്‍ഘാസ് ഫോറം  സമര്‍പ്പിക്കേണ്ട അവസാന തീയതി സെപ്തംബര്‍ 30 ഉച്ചക്ക് ഒന്ന്. ഒക്ടോബര്‍ മൂന്നിന് രാവിലെ 11 ന് ടെണ്ടര്‍ തുറക്കും. വെബ്സൈറ്റ് -  www.tender.lskerala.gov.in. ഫോണ്‍- 04994 297004.
 

കാഞ്ഞങ്ങാട് നഗരസഭാ കേരളോത്സവം മത്സര ഇനങ്ങളില്‍ പങ്കെടുക്കാന്‍ താല്‍പര്യമുള്ളവര്‍ സെപ്തംബര്‍ 25ന് വൈകുന്നേരം നാലിനകം https://keralotsavam.com/  സംസ്ഥാന യുവജനക്ഷേമ ബോര്‍ഡിന്റെന വെബ് സൈറ്റില്‍ രജിസ്റ്റര്‍ ചെയ്യണം. ഫോണ്‍- 7510634160.

മാലിന്യ സംസ്‌കരണ രംഗത്തെ നിയമലംഘനങ്ങള്‍ തടയുന്നതിനായി ജില്ലാ എന്‍ഫോഴ്‌സ്‌മെന്റ് സ്‌ക്വാഡ് നടത്തിയ പരിശോധനയില്‍ നിരോധിത ഒറ്റത്തവണ ഉപയോഗ പ്ലാസ്റ്റിക് ഉല്‍പ്പന്നങ്ങള്‍ പിടിച്ചെടുത്തു. മുളിയാര്‍ പഞ്ചായത്ത് മാസ്ത്തിക്കുണ്ടിലെ മാര്‍ട്ട്,  ചെങ്കളയിലെ റഹ്‌മാനിയ നഗറിലെ സൂപ്പര്‍ മാര്‍ക്കറ്റ്, നായന്മാര്‍മൂലയിലെ ഏജന്‍സീസ് എന്നിവിടങ്ങളിലെ ഉടമകള്‍ക്ക് 10,000 രൂപ വീതം പിഴ ചുമത്തി. ഒറ്റത്തവണ ഉപയോഗിക്കുന്ന നിരോധിത പ്ലേറ്റുകളും ഗ്ലാസുകളും പ്രകൃതിക്ക് ദോഷകരമാണെന്നതിനാല്‍ ജില്ലയില്‍ പരിശോധനകള്‍ ശക്തമായി തുടരുന്നുവെന്ന് അധികൃതര്‍ അറിയിച്ചു.

സംസ്ഥാനത്തെ ഹൈസ്‌കൂള്‍ അധ്യാപകര്‍ക്കായി ബാലാവകാശ കമ്മീഷന്‍ സംഘടിപ്പിക്കുന്ന എറണാകുളം ജില്ലാതല പരിശീലന പരിപാടി കമ്മീഷൻ അംഗം കെ.കെ.ഷാജു ഉദ്ഘാടനം ചെയ്തു.

സമയബന്ധിതമായി നിർമ്മാണം പൂർത്തിയാക്കുമെന്ന് മന്ത്രി പി.രാജീവ്*

എറണാകുളം ജില്ലയിലെ മുട്ടാർ നദിക്കു കുറുകെയുള്ള ചേരാനല്ലൂർ ഏലൂർ ചൗക്ക പാലം നിര്‍മ്മാണത്തിന് ഭരണാനുമതി ലഭിച്ചതായി വ്യവസായ മന്ത്രി പി. രാജീവ് അറിയിച്ചു. 27.70 കോടി രൂപയുടെ പദ്ധതിയാണിത്. ഒട്ടേറെ വ്യവസായ സ്ഥാപനങ്ങളുടെ കേന്ദ്രമായ ഏലൂരിൽ നിന്ന് ദേശീയപാതയിലേക്ക് അത്യാവശ്യ സാഹചര്യങ്ങളിൽ ഉപയോഗിക്കാൻ കഴിയുന്ന പാലം എന്ന നിലയിൽ വലിയ പ്രാധാന്യം കൽപിക്കപ്പെടുന്ന പദ്ധതിയാണിത്. വർഷങ്ങളുടെ പഴക്കമുള്ള ജനകീയാവശ്യമാണ് നിരന്തരമായ ശ്രമത്തിനൊടുവിൽ ഇപ്പോൾ സാക്ഷാത്കരിക്കപ്പെടുന്നതെന്ന് മന്ത്രി പി.രാജീവ് പറഞ്ഞു.

കുഴുപ്പിള്ളി ഗ്രാമപഞ്ചായത്തിൽ പള്ളത്താംകുളങ്ങര ബീച്ച് റോഡിൽ പുതുതായി നിർമ്മിക്കുന്ന ആയുർവേദ ആശുപത്രിയുടെ

ശിലാസ്ഥാപനം കെ.എൻ ഉണ്ണികൃഷ്ണൻ എം.എൽ.എ നിർവഹിച്ചു.

നിലവിൽ വാടക കെട്ടിടത്തിൽ പ്രവർത്തിക്കുന്ന ആശുപത്രിയിൽ മതിയായ സൗകര്യങ്ങൾ ഇല്ലാത്തതിനാൽ ജനങ്ങളും ആരോഗ്യ പ്രവർത്തകരും ബുദ്ധിമുട്ടുന്ന സ്ഥിതിയായിരുന്നു. 

ഈ സാഹചര്യത്തിലാണ് പതിനൊന്നാം വാർഡിൽ പഞ്ചായത്തിൻ്റെ ഉടമസ്ഥതയിലുള്ള സ്ഥലത്ത് പുതിയ ആശുപത്രി കെട്ടിടം നിർമ്മിക്കാൻ തീരുമാനിച്ചത്.

 2025-26 സാമ്പത്തിക വർഷത്തെ വാർഷിക പദ്ധതിയിൽ ഉൾപ്പെടുത്തിയാണ് നിർമ്മാണം. 

ജില്ലാ ഡെപ്യൂട്ടി ഡയറക്ടർ ഓഫ് പ്രോസിക്യൂഷന്റെ ഓഫീസ് ആവശ്യത്തിനായി കരാർ അടിസ്ഥാനത്തിൽ വാടകയ്ക്ക് ഡ്രൈവറുൾപ്പെടെ കാർ ലഭ്യമാക്കുന്നതിന് വ്യക്തികൾ / സ്ഥാപനങ്ങൾ എന്നിവരിൽ നിന്നും ക്വട്ടേഷൻ ക്ഷണിച്ചു. സീൽ ചെയ്ത ക്വട്ടേഷനുകൾ ജില്ലാ ഡെപ്യൂട്ടി ഡയറക്ടർ ഓഫ് പ്രോസിക്യൂഷന്റെ കാര്യാലയത്തിൽ ഒക്ടോബർ ആറിന് വൈകീട്ട് അഞ്ച് മണിക്കകം ലഭിക്കണം. ഫോൺ: 9497607

സാങ്കേതിക വിദ്യാഭ്യാസ വകുപ്പിന് കീഴിലുള്ള നെരുവമ്പ്രം ഗവ. ടെക്‌നിക്കൽ ഹൈസ്‌കൂളിൽ കാർപെൻററി വിഭാഗത്തിൽ താൽക്കാലിക അടിസ്ഥാനത്തിൽ ട്രേഡ്‌സ്മാനെ നിയമിക്കുന്നു, അപേക്ഷകർ അസ്സൽ സർട്ടിഫിക്കറ്റുകൾ സഹിതം ഓഫീസ് സൂപ്രണ്ട് മുമ്പാകെ എത്തണം. ഫോൺ: 9400006495, 9446301684