ബിസില്‍ ട്രെയിനിങ് ഡിവിഷന്‍ നടത്തുന്ന തൊഴില്‍ അധിഷ്ഠിത സ്‌കില്‍ ഡിപ്ലോമ ഇന്‍ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്‌സിലേക്ക് പ്ലസ്ടു കഴിഞ്ഞവര്‍ക്ക് അപേക്ഷിക്കാം. ഇന്റേണ്‍ഷിപ്പും പ്ലേസ്‌മെന്റ് അസിസ്റ്റന്‍സും ലഭിക്കും. ഫോണ്‍: 7994449314.

ദേശീയ പോഷകാഹാര മാസാചരണത്തിന്റെ ഭാഗമായി ജില്ലാതല പോഷകാഹാര പ്രദര്‍ശനവും ബോധവല്‍ക്കരണ ക്ലാസും നടന്നു. കൊല്ലങ്കോട് വാസുദേവന്‍ മേനോന്‍ മെമ്മോറിയല്‍ ഹാളില്‍ നടന്ന പരിപാടി കെ.ബാബു എം.എല്‍.എ ഉദ്ഘാടനം ചെയ്തു. ആരോഗ്യകരമായ ജീവിതത്തിന് പോഷകാഹാരത്തിന്റെ പ്രാധാന്യത്തെക്കുറിച്ച് ബോധവല്‍ക്കരിക്കുക എന്നതാണ്  ദേശീയ പോഷകാഹാര മാസാചരണത്തിന്റെ ലക്ഷ്യം. ജില്ല മെഡിക്കല്‍ ഓഫീസ്, ദേശീയ ആരോഗ്യ ദൗത്യം, കൊല്ലങ്കോട് കുടുംബാരോഗ്യ കേന്ദ്രം, കൊല്ലങ്കോട് ബ്ലോക്ക് ഐ സി ഡി എസ് പ്രൊജക്ട് എന്നിവയുടെ സഹകരണത്തോടെയാണ് പരിപാടി സംഘടിപ്പിച്ചത്.

പാട്യം ഗവ.ആയുർവേദ ഡിസ്പെൻസറിയിൽ ദേശീയ ആയുർവേദ ദിനാചരണം സംഘടിപ്പിച്ചു. ഭാരതീയ ചികിത്സാ വകുപ്പ്, കണ്ണൂർ നാഷണൽ ആയുഷ് മിഷൻ, പാട്യം പഞ്ചായത്ത് സർക്കാർ ആയുർവേദ ഡിസ്പെൻസറി എന്നിവയുടെ നേതൃത്വത്തിൽ ആയുർകർമ്മ പദ്ധതിയുടെ സംസ്ഥാനതല ഉദ്ഘാടനം ആരോഗ്യ വകുപ്പ് മന്ത്രി വീണാ ജോർജ് ഓൺലൈനായി നിർവഹിച്ചു. കെ.പി. മോഹനൻ എം എൽ എ അധ്യക്ഷനായി.
പരിപാടിയുടെ ഭാഗമായി ആയുർവേദത്തിന്റെ സാമൂഹിക പ്രസക്തി,  ജീവിതശൈലിയുമായി ബന്ധപ്പെട്ട ആരോഗ്യ സംരക്ഷണ മാർഗ്ഗങ്ങൾ എന്ന വിഷയങ്ങളിൽ പ്രഭാഷണങ്ങളും നടന്നു.

ജില്ലാ ആയുർവേദ ആശുപത്രിയിൽ ഭാരതീയ ചികിത്സാ വകുപ്പും നാഷനൽ ആയുഷ് മിഷനും സംയുക്തമായി നടപ്പാക്കുന്ന ‘ദൃഷ്ടി’ ആയുർവേദ നേത്ര സംരക്ഷണ യൂണിറ്റിന്റെയും (റെറ്റിന ക്ലിനിക്)  ജീവിതശൈലീ രോഗ പ്രതിരോധ ക്ലിനിക്കിന്റെയും (എൻസിഡി) ഉദ്ഘാടനം മന്ത്രി വീണാ ജോർജ് ഓൺലൈനായി നിർവഹിച്ചു. കണ്ണിലെ ഗുരുതര രോഗങ്ങളെ നേരത്തേ കണ്ടെത്തുക, ഫലപ്രദമായ ചികിത്സ നൽകുക എന്നിവ ലക്ഷ്യമിട്ടാണ് ദൃഷ്ടി പദ്ധതി ആരംഭിക്കുന്നത്. പ്രമേഹ റെറ്റിനോപ്പതി, മാക്യുലാർ ഡിജനറേഷൻ, ഗ്ലോക്കോമ തുടങ്ങിയ രോഗങ്ങളുടെ പ്രാരംഭ പരിശോധനയ്ക്കും ചികിത്സയ്ക്കും പുതിയ സംവിധാനം സഹായകമാകും.

പത്താമത് ദേശീയ ആയുര്‍വേദ ദിനാചരണത്തിന്‍റെ ഭാഗമായി സംസ്ഥാനത്ത് 12 പുതിയ പദ്ധതികളുടെയും ജില്ലയിലെ വിവിധ ആയുർവേദ ക്ലിനിക്കുകളുടെയും ഉദ്ഘാടനം ആരോഗ്യ വകുപ്പ് മന്ത്രി വീണ ജോർജ് ഓൺലൈനായി നിർവഹിച്ചു. ശാസ്ത്രീയ പ്രസവ ശുശ്രൂഷയും ആയുഷ് യോഗ ആപ്പും ഉള്‍പ്പെടെ 14.39 കോടി രൂപയുടെ 12 പദ്ധതികളാണ് ഉദ്ഘാടനം ചെയ്തത്. 

#കുന്നുനട-ആലങ്കോട് റോഡിന്റെ നവീകരണ ഉദ്ഘാടനം  ജി. സ്റ്റീഫൻ എം.എൽ.എ നിർവഹിച്ചു#

കേരളത്തിൻ്റെ അടിസ്ഥാന സൗകര്യവികസനത്തിനും ഗ്രാമീണ റോഡുകളുടെ വികസനത്തിനും  സർക്കാർ പ്രത്യേക ശ്രദ്ധയാണ് കഴിഞ്ഞ ഒൻപത് വർഷമായി നൽകിക്കൊണ്ടിരിക്കുന്നതെന്നും വികസനത്തിന്റെ പുതിയ കാലഘട്ടമാണിന്ന് കാണുന്നതെന്നും ജി. സ്റ്റീഫൻ എം.എൽ.എ പറഞ്ഞു.

ഉഴമലയ്ക്കൽ ഗ്രാമപഞ്ചായത്തിലെ കുന്നുനട- ആലംകോട് റോഡ് നിർമ്മാണത്തിനായി എം.എൽ.എയുടെ ആസ്‌തി വികസന ഫണ്ടിൽ നിന്നും 35,17,480 രൂപയാണ് അനുവദിച്ചിരിക്കുന്നത്.

ഭിന്നശേഷി കുട്ടികൾക്ക് പഠനോപകരണങ്ങൾ വാങ്ങാൻ ധനസഹായം നൽകുന്ന സാമൂ​ഹ്യനീതി വകുപ്പിന്റെ വിദ്യാജ്യോതി പദ്ധതിയിലേക്ക്  അപേക്ഷ ക്ഷണിച്ചു.

 ഒൻപതാം ക്ലാസ് മുതൽ ബിരുദാനന്തര ബിരുദം അല്ലെങ്കിൽ പ്രൊഫഷണൽ കോഴ്സ് പഠിക്കുന്നവർക്ക് അപേക്ഷ നൽകാം. ബില്ലുകളിൽ വിദ്യാർത്ഥികളുടെ പേര് രേഖപ്പെടുത്തണം.  അപേക്ഷകർ സർക്കാർ, എയ്ഡഡ്, സർക്കാർ ഇതര അംഗീകൃത സ്ഥാപനത്തിലോ  പഠിക്കുന്ന ആളായിരിക്കണം.

 അവസാന തീയതി ഡിസംബർ 31. വിശദവിവരങ്ങൾക്ക്, ജില്ലാ സാമൂഹ്യനീതി ഓഫീസ്, തിരുവനന്തപുരം, പൂജപ്പുര- 695012 എന്ന വിലാസത്തിൽ ബന്ധപ്പെടുക. ഫോൺ: 0471-2343241. വെബ്സൈറ്റ്: https://suneethi.sjd.kerala.gov.in

സംസ്ഥാന സ്കൂൾ ഗെയിംസിൽ   അണ്ടർ 19 ബോയ്സ് വിഭാഗം ഫുട്ബോൾ ഫൈനൽ മത്സരം സെപ്റ്റംബർ 24 ബുധനാഴ്ച രാവിലെ ഏഴ് മണിക്ക് കണ്ണൂർ പോലീസ് മൈതാനിയിൽ നടക്കും. മലപ്പുറവും കോഴിക്കോടുമാണ് ഫൈനലിൽ മത്സരിക്കുന്നത്. തുടർന്ന് അണ്ടർ 19 ഗേൾസ് ഫുട്ബോൾ മത്സരങ്ങൾ നടക്കും.

 അണ്ടർ 17 ജൂനിയർ ആൺകുട്ടികളുടെയും പെൺകുട്ടികളുടെയും ബോക്സിങ് മത്സരങ്ങൾ ജി വി എച്ച് എസ് എസിലും അണ്ടർ 19 സീനിയർ ആൺകുട്ടികളുടെ വോളിബോൾ മത്സരങ്ങൾ തലശ്ശേരി ചമ്പാട് ഇൻഡോർ സ്റ്റേഡിയത്തിലും ബുധനാഴ്ച നടക്കും. 

സംസ്ഥാന സർക്കാരിന്റെ 45 ദിന മനുഷ്യവന്യജീവി സംഘർഷ ലഘൂകരണ തീവ്രയജ്ഞത്തിന്റെ ഭാഗമായി ആറളം ഗ്രാമപഞ്ചായത്തിലെ പഞ്ചായത്ത്തല അവലോകന യോഗം ചേർന്നു. പഞ്ചായത്ത് പ്രസിഡന്റ് കെ.പി രാജേഷിൻ്റെ അധ്യക്ഷതയിൽ ചേർന്ന യോഗത്തിൽ ആറളം അസിസ്റ്റൻ്റ് വൈൽഡ് ലൈഫ് വാർഡൻ  രമ്യാ രാഘവൻ പദ്ധതി വിശദീകരണവും വകുപ്പ് നടത്തിവരുന്ന പ്രവർത്തനങ്ങളും വിശദീകരിച്ചു. തീവ്രയജ്ഞത്തിൻ്റെ ഭാഗമായി സെപ്‌റ്റംബർ 15 മുതൽ പഞ്ചായത്തിലും റെയിഞ്ച് ഓഫീസിലും സ്ഥാപിച്ച പരാതിപ്പെട്ടി വഴിയും ഹെൽപ്പ് ഡെസ്ക് വഴിയും ലഭിച്ച പരാതികളും അതിൽ സ്വീകരിച്ച നടപടികളെ പറ്റിയും റെയിഞ്ച് ഓഫീസർ വിശദീകരിച്ചു.