വിനോദസഞ്ചാര വകുപ്പിന്റെ ആഭിമുഖ്യത്തിൽ ഒക്ടോബർ രണ്ടിന് സംഘടിപ്പിക്കുന്ന ചാമ്പ്യൻസ് ബോട്ട് ലീഗ് വള്ളംകളി സീസൺ രണ്ടിന്റെ സംഘാടകസമിതി യോഗം സെപ്റ്റംബർ 25 ന് വൈകുന്നേരം നാലുമണിക്ക് മുഴപ്പിലങ്ങാട് ഈസ്റ്റ് എൽ പി സ്‌കൂളിൽ നടക്കും. ഒക്ടോബർ രണ്ടിനാണ് മത്സരം.
 

കൊടുവള്ളി നഗരസഭയിലെ മുഴുവന്‍ കുടുംബങ്ങള്‍ക്കും കുടിവെള്ളം ലഭ്യമാക്കുക എന്ന ലക്ഷ്യത്തോടെ അമൃത് 2.0 പദ്ധതിയിലുള്‍പ്പെടുത്തി 14.38 കോടി രൂപ ചെലവില്‍ ആരംഭിക്കുന്ന സമ്പൂര്‍ണ കുടിവെള്ള പദ്ധതിയുടെ പ്രവൃത്തി ഉദ്ഘാടനം നെടിയാല്‍കുഴിയില്‍ (കോട്ടക്കല്‍) നഗരസഭ ചെയര്‍പേഴ്‌സണ്‍ വെള്ളറ അബ്ദു നിര്‍വഹിച്ചു. ഡെപ്യൂട്ടി ചെയര്‍പേഴ്‌സണ്‍ വി സി നൂര്‍ജഹാന്‍ അധ്യക്ഷയായി.

സംസ്ഥാന ചലച്ചിത്ര അക്കാദമി സംഘടിപ്പിക്കുന്ന തലശ്ശേരി ഇന്റർനാഷണൽ ഫിലിം ഫെസ്റ്റിവലിന്റെ സംഘാടക സമിതി ഓഫീസ് സെപ്റ്റംബർ 24 ബുധനാഴ്ച്ച വൈകുന്നേരം മൂന്ന് മണിക്ക് നിയസഭാ സ്പീക്കർ അഡ്വ. എ.എൻ ഷംസീർ തലശ്ശേരി സബ് ട്രഷറി ഓഫീസിന് മുൻവശം തലശ്ശേരി പൈതൃക ടൂറിസം ഓഫീസിൽ ഉദ്ഘാടനം  ചെയ്യും. ഒക്ടോബർ 16,17,18,19 തീയതികളിൽ തലശ്ശേരി ലിബർട്ടി തിയേറ്റർ സമുച്ചയത്തിലാണ് ഫിലിം ഫെസ്റ്റിവൽ സംഘടിപ്പിക്കുന്നത്.

ഇരിട്ടി നഗരസഭയുടെ ജലബജറ്റ് നഗരസഭ ചെയർപേഴ്സൺ കെ ശ്രീലത പ്രകാശനം ചെയ്തു. ഹരിത കേരളം മിഷന്റെ നേതൃത്വത്തിലാണ് ജല ബജറ്റ് തയാറാക്കിയത്. നഗരസഭയിൽ നിലവിൽ ലഭിക്കുന്ന ജലവും വിനിയോഗിക്കുന്ന ജലവും കണക്കാക്കിയാണ് ജല ബജറ്റ് തയ്യാറാക്കിയത്. ഗാർഹികം, കൃഷി, വ്യവസായം, വാണിജ്യം, വിനോദ സഞ്ചാരം തുടങ്ങിയ ആവശ്യങ്ങൾക്ക് ഒരു വർഷം ആവശ്യമായ ജലത്തിന്റെ അളവും നഗരസഭാ പരിധിയിൽ ലഭ്യമാകുന്ന വെള്ളത്തിന്റെ അളവും ബജറ്റിൽ കണക്കാക്കിയിട്ടുണ്ട്.

81.26 ശതമാനം സ്വകാര്യ കിണറുകളും 87.21 ശതമാനം പൊതുകിണറുകളും ക്ലോറിനേറ്റ് ചെയ്തു

വിവര ശേഖരണം ആരംഭിച്ചു

ശ്രദ്ധേയമായി ജില്ലാ കലക്ടറുടെ ഇന്റേണ്‍ഷിപ്പ് പ്രോഗ്രാമിന്റെ ഭാഗമായി ഗ്രീന്‍ പീസ് ഇന്ത്യയുമായി ചേര്‍ന്ന് നടത്തിയ തിയേറ്റര്‍ ശില്‍പശാല

പനങ്ങാട് ഗ്രാമപഞ്ചായത്ത് ഒമ്പതാം വാര്‍ഡ് പൂവമ്പായിലെ കല്ലിടുക്കില്‍-കരിന്താറ്റില്‍ റോഡിന്റെ പ്രവൃത്തി ഉദ്ഘാടനം കെ എം സച്ചിന്‍ദേവ് എംഎല്‍എ നിര്‍വഹിച്ചു. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി, എംഎല്‍എയുടെ ആസ്തി വികസന ഫണ്ട് എന്നിവയില്‍നിന്ന് അനുവദിച്ച 25 ലക്ഷം രൂപ വിനിയോഗിച്ചാണ് പ്രവൃത്തി നടത്തുക.

ചടങ്ങില്‍ ഗ്രാമപഞ്ചായത്ത് പ്രസിഡന്റ് വി എം കുട്ടികൃഷ്ണന്‍ അധ്യക്ഷനായി. വാര്‍ഡ് മെമ്പറും ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണുമായ കെ കെ പ്രകാശിനി, മണ്ഡലം വികസന സമിതി കണ്‍വീനര്‍ ഇസ്മായില്‍ കുറുമ്പൊയില്‍ തുടങ്ങിയവര്‍ പങ്കെടുത്തു.