കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോടു കൂടി ഒരു വര്‍ഷം, ആറ് മാസം, മൂന്ന് മാസം ദൈര്‍ഘ്യമുള്ള ലോജിസ്റ്റിക്സ് ആന്‍ഡ് സപ്ലൈ ചെയിന്‍ മാനേജ്മെന്റ് കോഴ്‌സുകളില്‍ തിരുവനന്തപുരം, ആറ്റിങ്ങല്‍ അംഗീകൃത പഠന കേന്ദ്രങ്ങളിലേക്ക് അപേക്ഷ ക്ഷണിച്ചു. എസ് എസ് എല്‍ സി, പ്ലസ് ടു, ഡിഗ്രി പാസായവര്‍ക്ക് ഇന്റേണ്‍ഷിപ്പോടുകൂടി റെഗുലര്‍ / പാര്‍ടൈം ബാച്ചുകളിലേക്ക് അപേക്ഷിക്കാം. ഫോണ്‍: 7994926081
 

പടിയൂര്‍ ഐ ടി ഐയില്‍ ഫിറ്റര്‍ ട്രേഡില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നു. മെക്കാനിക്ക് എഞ്ചിനീയറിംഗില്‍ ബി ടെക്കും ഒരു വര്‍ഷ പ്രവൃത്തി പരിചയം/ മെക്കാനിക്ക് എഞ്ചിനീയറിംഗില്‍ മൂന്ന് വര്‍ഷ ഡിപ്ലോമയും രണ്ട് വര്‍ഷ പ്രവൃത്തി പരിചയം/ ഫിറ്റര്‍ ട്രേഡില്‍ എന്‍ ടി സി/ എന്‍ എ സിയും മൂന്ന് വര്‍ഷ പ്രവൃത്തി പരിചയവുമുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം സെപ്റ്റംബര്‍ 23 ന് രാവിലെ 10.30 ന് പ്രിന്‍സിപ്പല്‍ മുമ്പാകെ അഭിമുഖത്തിന് എത്തണം. ഫോണ്‍: 04602 278440
 

ഭിന്നശേഷി അവകാശ നിയമത്തെക്കുറിച്ചുള്ള ഏകദിന സെമിനാര്‍/ സംവാദം സെപ്റ്റംബര്‍ 23 ന് രാവിലെ ഒന്‍പത് മണി മുതല്‍ മാങ്ങാട്ടുപറമ്പ് കണ്ണൂര്‍ ഗവ. എഞ്ചിനീയറിംഗ് കോളേജില്‍ നടക്കും. ഫോണ്‍: 9447063686

തലശ്ശേരി താലൂക്കിലെ പോത്തന്‍ ജോസഫ് ആന്‍ഡ് സണ്‍സ് കമ്പനിയുടെ ഉടമസ്ഥതയിലുള്ള ഭൂമി, മിച്ചഭൂമിയായി ഏറ്റെടുക്കാന്‍ തലശ്ശേരി ലാന്‍ഡ് ബോര്‍ഡ് നടപടികള്‍ ആരംഭിച്ചു. തൃപ്പങ്ങോട്ടൂര്‍ അംശം പൊയിലൂര്‍ ദേശത്ത് റീ സര്‍വേ നമ്പര്‍ 272, 273, 275/1എ, 278 ല്‍ ഉള്‍പ്പെട്ട 741.91 ഏക്കര്‍ ഭൂമിയാണ് ഏറ്റെടുക്കുക.

കേരള സര്‍ക്കാര്‍ ഉന്നത വിദ്യാഭ്യാസ വകുപ്പ് ''വിജ്ഞാന കേരളം'' പദ്ധതിയുടെ ഭാഗമായി, അസാപ് കേരളയുടെ ആഭിമുഖ്യത്തില്‍ തൊഴില്‍ മേള സെപ്റ്റംബര്‍ 21 ന് രാവിലെ 9.30 മുതല്‍ പാലയാട് കമ്മ്യൂണിറ്റി സ്‌കില്‍ പാര്‍ക്കില്‍ നടക്കും. https://forms.gle/6JExSscins83qv3w9 ലിങ്ക് വഴി മുന്‍കൂട്ടി രജിസ്റ്റര്‍ ചെയ്യാം. ഉദ്യോഗാര്‍ഥികള്‍ ബയോഡാറ്റയും ബന്ധപ്പെട്ട സര്‍ട്ടിഫിക്കറ്റുകളും സഹിതം അന്നേദിവസം പാലയാട് കമ്മ്യൂണിറ്റി സ്‌കില്‍ പാര്‍ക്കില്‍ ഹാജരാകണം. തൊഴില്‍ അവസരങ്ങള്‍ നല്‍കാന്‍ ആഗ്രഹിക്കുന്ന സ്ഥാപനങ്ങള്‍ക്കും ബന്ധപ്പെടാവുന്നതാണ്. ഫോണ്‍: 9495999712

വിജ്ഞാന കേരളം പദ്ധതിയുടെ ഭാഗമായി ജില്ലയിലെ നാലാമത്തെ പ്രാദേശിക ജോബ് ഫെയര്‍ സെപ്റ്റംബര്‍ 20 ശനിയാഴ്ച എകെഎഎസ് ജിവിഎച്ച് എസ് എസ്സില്‍ നടക്കും. പയ്യന്നൂര്‍ ബ്ലോക്ക് പഞ്ചായത്തും പയ്യന്നൂര്‍ നഗരസഭയും ചേര്‍ന്ന് സംഘടിപ്പിക്കുന്ന മേള  രാവിലെ 10 മണിക്ക് ടി. ഐ. മധുസൂധനന്‍ എം.എല്‍.എ ഉദ്ഘാടനം ചെയ്യും. വിവിധ മേഖലകളില്‍ പ്രവര്‍ത്തിക്കുന്ന 35 കമ്പനികളിലെ 180 ലധികം തസ്തികകളിലായി 800 ലധികം തൊഴിലവസരങ്ങള്‍ മേളയില്‍ ലഭ്യമാണ്. യുഎഇ, ഒമാന്‍, ഖത്തര്‍, കുവൈത്ത് തുടങ്ങിയ ഗള്‍ഫ് രാജ്യങ്ങളിലെ  നൂറിലധികം വിദേശ തൊഴിലവസരങ്ങളും  ജോബ് ഫെയറില്‍ ലഭ്യമാക്കിയിട്ടുണ്ട്. 

അറ്റകുറ്റപ്പണി, ലൈനിലേക്ക് ചാഞ്ഞു നില്‍ക്കുന്ന മരച്ചില്ലകള്‍ മുറിച്ചുമാറ്റുന്ന പ്രവൃത്തി എന്നിവ നടക്കുന്നതിനാല്‍ കെ.എസ്.ഇ.ബി കണ്ണൂര്‍ സെക്ഷന്‍ പരിധിയില്‍ സെപ്റ്റംബര്‍ 19 വെള്ളിയാഴ്ച രാവിലെ ഏഴു മണി മുതല്‍ 11 വരെ യോഗശാല റോഡ്, ഓലച്ചേരി കാവ്,വീനസ് പ്രൊഡക്ട്, ജവഹര്‍ ലൈബ്രറി, ലീഗല്‍ മെട്രോളജി, രാം റോഡ്, സ്റ്റേഡിയം, ഫാത്തിമ ഹോസ്പിറ്റല്‍, ട്രാഫിക് പോലീസ് സ്റ്റേഷന്‍, കോപ്പറേഷന്‍ ഓഫീസ്, കോടതി, പഴയ ബസ് സ്റ്റാന്‍ഡ് കോളേജ് ഓഫ് കോമേഴ്‌സ്, ഹെഡ് പോസ്റ്റ് ഓഫീസ് എന്നീ ഭാഗങ്ങളില്‍ വൈദ്യുതി മുടങ്ങും.

തൃക്കുന്നപ്പുഴ കുടുംബാരോഗ്യ കേന്ദ്രത്തിന്റെ സേവന പരിധിയില്‍പെടുന്ന  തൃക്കുന്നപ്പുഴ ഗവ.  എല്‍ പി സ്‌കൂളിൽ  മുണ്ടിനീര് രോഗം സ്ഥിരീകരിച്ചതിനാലും ചെറിയ കുട്ടികളിലെ അസുഖ വ്യാപന സാധ്യത കണക്കിലെടുത്തും   സെപ്റ്റംബര്‍ 19  മുതല്‍ 21 ദിവസം ഈ സ്കൂളിന്
അവധി അനുവദിച്ച് ജില്ലാ കളക്ടര്‍ ഉത്തരവായി. വിദ്യാലയങ്ങളില്‍ മുണ്ടിനീര് പടര്‍ന്നു പിടിക്കാതിരിക്കാനുള്ള മുന്‍കരുതല്‍ നടപടികള്‍ ആരോഗ്യ തദ്ദേശ സ്വയം ഭരണ വകുപ്പുമായി ചേര്‍ന്ന് നടത്തേണ്ടതാണ് എന്ന് ജില്ലാ കളക്ടർ നിർദ്ദേശിച്ചു.
 

ആഗോള അയ്യപ്പ സംഗമത്തിലൂടെ ശബരിമലയുടെ സമഗ്രവികസനമാണ് ലക്ഷ്യമെന്ന് ദേവസ്വം വകുപ്പ് മന്ത്രി വി എൻ വാസവൻ. സെപ്റ്റംബർ 20 ന് പമ്പാ തീരത്ത് നടക്കുന്ന ആഗോള അയ്യപ്പ സംഗമത്തിന്റെ അവസാനഘട്ട അവലോകന യോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു മന്ത്രി.

ഐസിഫോസ്സിൽ കേന്ദ്ര സർക്കാർ ഫണ്ട് നൽകുന്ന ഗവേഷണ പ്രോജക്ടിലേക്ക് കരാറടിസ്ഥാനത്തിൽ ഇന്റേണുകളായി ബിരുദധാരികളെ നിയമിക്കും.