പടിഞ്ഞാറത്തറ കുടുംബാരോഗ്യ കേന്ദ്രത്തിലെ ആർദ്രം പദ്ധതിയിലേക്ക് ഡോക്ടർ നിയമനം നടത്തുന്നു. എംബിബിഎസും ടിസിഎംസി രജിസ്ട്രേഷനുമാണ് യോഗ്യത. സെപ്റ്റംബർ 24 രാവിലെ 10ന് പടിഞ്ഞാറത്തറ ഗ്രാമപഞ്ചായത്ത് ഹാളിൽ നടത്തുന്ന കൂടിക്കാഴ്ചയിൽ എത്തിച്ചേരണം. ഒപ്പം phc.padinjarathara@gmail.com എന്ന മെയിൽ വഴി ബയോഡേറ്റ നൽകുകയും വേണം.

വയോജനങ്ങളുടെ ആരോഗ്യ സംരക്ഷണത്തിന് മുഖ്യ പരിഗണന നല്‍കുന്ന 'ആയുഷ്യം' ആരോഗ്യ പദ്ധതിയുമായി തലക്കുളത്തൂര്‍ ഗ്രാമപഞ്ചായത്ത്. ഗവ. ആയുര്‍വേദ ഡിസ്‌പെന്‍സറിയിയുടെ കീഴിലാണ് ജില്ലയില്‍ ആദ്യമായി പദ്ധതി നടപ്പാക്കുന്നത്. ചികിത്സാ സൗകര്യങ്ങള്‍, മെഡിക്കല്‍ ക്യാമ്പുകള്‍, കലാപരിപാടികള്‍ എന്നിവയെല്ലാം ഉള്‍പ്പെടുത്തി വയോജനങ്ങളുടെ സമഗ്ര ആരോഗ്യ പരിപാലനമാണ് പദ്ധതിയുടെ പ്രധാന ലക്ഷ്യം. 

പനമരം ഇലക്ട്രിക്കൽ സെക്ഷൻ പരിധിയിലെ മൂലക്കര, ആനകുഴി, അമലനഗർ, കൂടമാടിപൊയിൽ, വിക്കലം, ദാസനകര, ലക്ഷ്മി കോളനി, അപ്പൻകവല, ചന്ദനകൊല്ലി, കല്ലുവയൽ, നീർവാരം ടൗൺ, മഞ്ഞവയൽ, നീർവാരം ബ്രിഡ്ജ്, അമ്മാനി, പുഞ്ചവയൽ മിൽ, പുഞ്ചവയൽ ടൗൺ, കീഞ്ഞുകടവ്, മാതോത്ത് പൊയിൽ, ആനപ്പാറ വയൽ, കൊളത്താറ, പാലുകുന്ന്, മാങ്കണി, ക്ലബ്‌ സെന്റർ, പള്ളിമുക്ക്, വെള്ളരിവയൽ, കുരിശുംത്തോട്ടി, ഉരളകുന്ന് പ്രദേശങ്ങളിൽ ഇന്ന് (സെപ്റ്റംബർ 19)  രാവിലെ 9 മുതൽ വൈകിട്ട്  5.30 വരെ പൂർണമായോ ഭാഗികമായോ വൈദ്യുതി മുടങ്ങും.  

പനമരം ഐസിഡിഎസ് പ്രൊജക്ടിന് കീഴിലെ പനമരം, കണിയാമ്പറ്റ ഗ്രാമപഞ്ചായത്തുകളിലെ 74 അങ്കണവാടികളിലേക്ക്  പാൽ വിതരണം ചെയ്യാന്‍ താത്പര്യമുള്ള വ്യക്തികള്‍ അല്ലെങ്കിൽ സ്ഥാപനങ്ങളില്‍ നിന്ന് റീ-ടെന്‍ഡര്‍ ക്ഷണിച്ചു. സെപ്റ്റംബര്‍ 24 ഉച്ച  രണ്ടിനകം ടെന്‍ഡറുകള്‍ പനമരം ബ്ലോക്ക് ഓഫീസ് കെട്ടിടത്തിൽ പ്രവര്‍ത്തിക്കുന്ന പനമരം ഐസിഡിഎസ് പ്രൊജക്ട് ഓഫീസില്‍ ലഭിക്കണം. ഫോണ്‍: 04935 220282, 9446253635.

 മേപ്പാടി ഗ്രാമപഞ്ചായത്ത് അസിസ്റ്റന്റ് എഞ്ചിനീയറുടെ ഓഫീസിലേക്ക് താത്കാലികാടിസ്ഥാനത്തിൽ ഓവർസിയർ നിയമനം നടത്തുന്നു. സിവിൽ എഞ്ചിനീയറിംഗ് മൂന്ന് വർഷ  ഡിപ്ലോമയാണ് യോഗ്യത. യോഗ്യത സർട്ടിഫിക്കറ്റുകളുടെ അസലുമായി  സെപ്റ്റംബർ 22  രാവിലെ 11ന് മേപ്പാടി ഗ്രാമപഞ്ചായത്ത് കോൺഫറൻസ് ഹാളിൽ നടക്കുന്ന കൂടിക്കാഴ്ച്ചയിൽ പങ്കെടുക്കണം. ഫോൺ: 04936 282422.

വൈത്തിരി ഗ്രാമപഞ്ചായത്ത് എൽഐഡി ആൻഡ് ഇഡബ്ലിയു അസിസ്റ്റന്റ് എൻജിനീയറുടെ ഓഫീസിലേക്ക് താത്ക്കാലിക ഓവർസിയർ നിയമനം  നടത്തുന്നു. ബിടെക് സിവിൽ അല്ലെങ്കിൽ സിവിൽ എൻജിനീയറിങ് ഡിപ്ലോമ, ഡ്രാഫ്റ്റ്മാൻ, സിവിൽ/ ഐടിഐ എന്നിവയാണ് യോഗ്യത. സെപ്റ്റംബർ 24 നകം യോഗ്യത സർട്ടിഫിക്കറ്റുകളുടെ പകർപ്പ് സഹിതമുള്ള അപേക്ഷ വൈത്തിരി ഗ്രാമപഞ്ചായത്ത് ഓഫീസിൽ നൽകണം. ഫോൺ: 9496048337.

ജില്ലാ ഭരണകൂടത്തിന്റെ ആഭിമുഖ്യത്തിൽ വിനോദ സഞ്ചാര മേഖലയുടെ വികസനം ലക്ഷ്യമിട്ട് നടത്തുന്ന വയനാട് ഉത്സവം 2025 ന്റെ ഭാഗമായി കാരാപ്പുഴ മെഗാ ടൂറിസം ഫെസ്‌റ്റ്  സംഘടിപ്പിക്കുന്നു. സെപ്റ്റംബർ 29 മുതൽ ഒക്ടോബർ ഏഴ് വരെ കാരാപ്പുഴ ഡാം ഗാർഡനിൽ നടക്കുന്ന ഫെസ്റ്റിൽ ജില്ലക്ക് അകത്തും പുറത്തും നിന്നുള്ള വിവിധ കലാകാരന്മാരുടെ കലാ പരിപാടികൾ അരങ്ങേറും. എല്ലാ ദിവസവും വൈകിട്ട് ആറിനായിരിക്കും പരിപാടി. മെഗാ ടൂറിസം ഫെസ്‌റ്റിന്റ സംഘാടനത്തിനായി കാരാപ്പുഴ ഇറിഗേഷൻ പ്രോജക്റ്റ് എക്സിക്യൂട്ടീവ് എഞ്ചിനീയർ ചെയർമാനായി സംഘാടക സമിതിയും വിവിധ ഉപ കമ്മിറ്റികളും രൂപീകരിച്ചു.

#ചെന്തുപ്പൂർ - പൂവത്തൂർ - ഇരിഞ്ചയം റോഡിൻ്റെ നിർമാണോദ്ഘാടനം നിർവഹിച്ചു#

സംസ്ഥാനത്തെ മുഴുവൻ വീടുകളിലും റേഷൻ കടകൾ വഴി ഓണത്തിന് അരി എത്തിക്കാൻ കഴിഞ്ഞെന്ന് ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി ആർ അനിൽ . ചെന്തുപ്പൂർ - പൂവത്തൂർ - ഇരിഞ്ചയം റോഡിൻ്റെ നിർമ്മാണോദ്ഘാടനം പൂവത്തൂർ ജംഗ്ഷനിൽ നിർവഹിച്ച് സംസാരിക്കുകയായിരുന്നു അദ്ദേഹം.

മുദാക്കൽ ഗ്രാമ പഞ്ചായത്തിലെ  ചെമ്പൂര് ഗവ. എൽപി സ്കൂളിൽ പുതുതായി നിർമ്മിച്ച വർണ്ണക്കൂടാരം വി.ശശി എംഎൽഎ ഉദ്ഘാടനം ചെയ്തു.

ഡിജിറ്റൽ സർവേ ആരംഭിച്ച 530 വില്ലേജുകളിലെ മുൻ സർവ്വേ റെക്കോർഡുകൾ പൊതുജനങ്ങൾക്ക് വേഗത്തിൽ ലഭ്യമാകുന്നതിന് സർവേ ഡയറക്ടറേറ്റിൽ കിയോസ്കും ഹെൽപ്പ് ഡെസ്കും സജ്ജമാക്കുന്നു.