കുടിശ്ശികയായ 3,11,271 രൂപ ഈടാക്കുന്നതിനായി തിരൂരങ്ങാടി താലൂക്കില്‍ തേഞ്ഞിപ്പലം വില്ലേജിലെ ബ്ലോക്ക് 04ല്‍ റീസര്‍വേ 73/3-5 ലെ 0.0159 ഹെക്ടര്‍ ഭൂമി ഒക്ടോബര്‍ ഏഴിന് രാവിലെ 11ന് തേഞ്ഞിപ്പലം വില്ലേജ് ഓഫീസില്‍ വച്ച് ചെയ്യും.

മലമ്പുഴ ഗവ. മൃഗസംരക്ഷണ പരിശീലന കേന്ദ്രത്തില്‍ 'പന്നി വളര്‍ത്തല്‍' എന്ന വിഷയത്തില്‍ സെപ്റ്റംബര്‍ 24ന് രാവിലെ 10 മുതല്‍ അഞ്ചു വരെ സൗജന്യ പരിശീലനം ഉണ്ടായിരിക്കും. പരിശീലനത്തില്‍ പങ്കെടുക്കുന്നവര്‍ 0491 2815454 എന്ന നമ്പറില്‍ വിളിച്ച് മുന്‍കൂട്ടി രജിസ്റ്റര്‍ ചെയ്യണം. ആധാര്‍ കാര്‍ഡിന്റെ പകര്‍പ്പും കൊണ്ടുവരണം.

ജില്ലയിലെ വിമുക്തഭടന്മാര്‍ക്കും ആശ്രിതര്‍ക്കുമായി കെല്‍ട്രോണിന്റെ കുറ്റിപ്പുറം, എടപ്പാള്‍ സെന്ററില്‍  പുനരധിവാസ പരിശീലന കോഴ്സ് സംഘടിപ്പിക്കും. മൂന്നുമാസം ദൈര്‍ഘ്യമുള്ള സര്‍ട്ടിഫിക്കറ്റ് കോഴ്സ് ഇന്‍ മൊബൈല്‍ ടെക്നോളജിയിലാണ് പരിശീലനം നല്‍കുന്നത്. താത്പര്യമുള്ളവര്‍ സെപ്റ്റംബര്‍ 23ന് മുമ്പായി ജില്ലാ സൈനിക ക്ഷേമ ഓഫീസുമായി ബന്ധപ്പെടണം. ഫോണ്‍: 04832 734932.

ഒരു മാസത്തില്‍ കൂടുതല്‍ അവധി മൂലമുണ്ടാകുന്ന ഒഴിവിലേക്ക് ഡോക്ടര്‍ തസ്തികയില്‍ കരാര്‍ /ദിവസവേതനാടിസ്ഥാനത്തില്‍ നിയമന റാങ്ക് ലിസ്റ്റ് തയാറാക്കുന്നതിനായുള്ള അഭിമുഖം സെപ്റ്റംബര്‍ 24ന് രാവിലെ 10ന് മലപ്പുറം ജില്ലാ മെഡിക്കല്‍ ഓഫീസില്‍ നടക്കും. താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റുകളും പകര്‍പ്പും സഹിതം ഹാജരാകണം. ഫോണ്‍: 0483 2736241.

ജില്ലയില്‍ 339 കുട്ടികള്‍ക്ക് സൗജന്യ ഹൃദയ ശസ്ത്രക്രിയ നടത്തി

അസംഘടിത തൊഴിലാളി സാമൂഹിക സുരക്ഷാ പദ്ധതിയില്‍ ജില്ലയില്‍ അംഗങ്ങളായ തൊഴിലാളികളുടെ മക്കള്‍ക്ക് 2025-26 വര്‍ഷത്തെ വിദ്യാഭ്യാസ ആനുകൂല്യത്തിനുള്ള അപേക്ഷ സ്വീകരിക്കുന്ന അവസാന തീയതി നീട്ടി. എസ്എസ്എല്‍സി പാസായതും സര്‍ക്കാര്‍ അംഗീകാരമുള്ള സ്ഥാപനങ്ങളില്‍ റെഗുലര്‍ കോഴ്സിന് ഉപരിപഠനം നടത്തുന്ന കുട്ടികളുടെ രക്ഷിതാക്കള്‍ ഒക്ടോബര്‍ 10നകം  https://services.unorganisedwssb.org/index.php/home എന്ന ലിങ്ക് വഴി അപേക്ഷിക്കണം.

പഴയ എന്‍എച്ച് 17 തൃക്കണ്ണാപുരം മുതല്‍ നരിപ്പറമ്പ് വരെയുള്ള ഭാഗത്ത് റോഡ് നവീകരണ പ്രവൃത്തികള്‍ നടക്കുന്നതിനാല്‍ സെപ്റ്റംബര്‍ 20 മുതല്‍ പ്രവൃത്തി പൂര്‍ത്തിയാകുന്നത് വരെ  ഗതാഗത നിയന്ത്രണം ഏര്‍പ്പെടുത്തി. തൃക്കണ്ണാപുരത്ത് നിന്നും നരിപ്പറമ്പിലേക്ക് പോകുന്നതും തിരിച്ചു വരുന്നതുമായ വാഹനങ്ങള്‍ കുറ്റിപ്പുറം-എടപ്പാള്‍ റോഡ്, എന്‍എച്ച് 66  വഴി പോകണം.

ജില്ലയില്‍ വിവിധ വകുപ്പുകളില്‍ സര്‍ജന്റ് (നേരിട്ടുള്ള നിയമനം) (കാറ്റഗറി നമ്പര്‍: 289/2024), സര്‍ജന്റ് (തസ്തിക മാറ്റം വഴിയുള്ള നിയമനം) (കാറ്റഗറി നമ്പര്‍: 290/2024) തസ്തികകളിലേക്ക് 2025 മെയ് 28ന് പ്രസിദ്ധീകരിച്ച ചുരുക്കപ്പട്ടികകളില്‍ ഉള്‍പ്പെട്ട യോഗ്യരായ ഉദ്യോഗാര്‍ത്ഥികളുടെ ശാരീരിക അളവെടുപ്പും അഭിമുഖവും സെപ്റ്റംബര്‍ 24 ന് പി എസ് സി കോഴിക്കോട് മേഖല ഓഫീസില്‍ നടക്കും. അര്‍ഹരായ ഉദ്യോഗാര്‍ത്ഥികള്‍ പ്രൊഫൈലില്‍ ലഭ്യമായിട്ടുള്ള ഇന്റര്‍വ്യൂ മെമ്മോ ഡൗണ്‍ലോഡ് ചെയ്ത് നിര്‍ദ്ദേശിച്ച പ്രകാരമുള്ള പ്രമാണങ്ങളുടെ അസ്സല്‍ സഹിതം അഭിമുഖത്തിന് ഹാജരാകണം.ഫോണ്‍: 0483- 2734308.

തിരൂര്‍ ടി എം ഗവ. ക്യാംപസിനെ വികലാംഗ സൗഹൃദമാക്കുന്നതിന് എല്ലാ കെട്ടിടങ്ങളിലേക്കും റാംപ് സൗകര്യവും സ്‌കൈ വാക്ക് കണക്റ്റിവിറ്റിയും നിര്‍മിക്കുന്നതിന് അംഗീകൃത പി.എം.സി ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു. പ്രിന്‍സിപ്പല്‍, ടി എം ഗവ. കോളേജ് തിരൂര്‍, വക്കാട് പി.ഒ, തിരൂര്‍, മലപ്പുറം, 676502 എന്ന വിലാസത്തില്‍ സെപ്റ്റംബര്‍ 29ന് ഉച്ചയ്ക്ക് രണ്ടിനകം ക്വട്ടേഷന്‍ സീല്‍ ചെയ്ത കവറില്‍ ലഭ്യമാക്കണം. ഫോണ്‍: 9447116833.

ജില്ലാ വികസന സമിതി യോഗം സെപ്റ്റംബർ 27 രാവിലെ 11ന്  ആസൂത്രണ ഭവനിലെ എപിജെ ഹാളിൽ ചേരുമെന്ന് ജില്ലാ കളക്ടര്‍ അറിയിച്ചു.