താമരശ്ശേരി ചുരം റോഡിലെ അപകടകരമായ കല്ലുകള്‍ ഉടന്‍ മാറ്റാന്‍ നടപടി സ്വീകരിക്കാന്‍ ജില്ലാ കലക്ടറുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനം. റോഡിന് മുകളില്‍ അപകടകരമായി നില്‍ക്കുന്ന കല്ലുകള്‍ നീക്കം ചെയ്യുന്നതിനുള്ള സാധ്യതാ പഠനം നടത്താന്‍ യു.എല്‍.സി.സിക്ക് കത്ത് നല്‍കും. ജിയോളജി, സിവില്‍ എഞ്ചിനീയറിങ് വിദഗ്ധരെ ഉള്‍പ്പെടുത്തി ചുരത്തില്‍ പരിശോധന നടത്താനും കലക്ടറുടെ ചേംബറില്‍ ചേര്‍ന്ന യോഗത്തില്‍ തിരുമാനമായി.

കോഴിക്കോട് സിവില്‍ സ്‌റ്റേഷന്‍ വിവരാവകാശ സൗഹൃദമാക്കുന്നതിന്റെ ഭാഗമായുള്ള പ്രവര്‍ത്തനങ്ങള്‍ വിലയിരുത്തുന്നതിനായി വിവരാവകാശ കമീഷണര്‍ അഡ്വ. ടി കെ രാമകൃഷ്ണന്റെ അധ്യക്ഷതയില്‍ കലക്ടറേറ്റ് കോണ്‍ഫറന്‍സ് ഹാളില്‍ യോഗം ചേര്‍ന്നു. കലക്ടറേറ്റിലെ പ്രവര്‍ത്തനങ്ങള്‍ എഡിഎം പി സുരേഷ് വിശദീകരിച്ചു. തുടര്‍ന്ന് വിവിധ ഓഫീസുകളില്‍ ഇതുസംബന്ധിച്ച് സ്വീകരിച്ച നടപടികള്‍ ഉദ്യോഗസ്ഥര്‍ വിശദീകരിച്ചു. 

പനങ്ങാട് ഗ്രാമപഞ്ചായത്ത് 2025-26 വാര്‍ഷിക പദ്ധതിയില്‍ ഉള്‍പ്പെടുത്തി പട്ടികജാതി കര്‍ഷകര്‍ക്ക് ഫലവൃക്ഷത്തൈകള്‍ വിതരണം ചെയ്തു. കര്‍ഷകന്‍ പ്രദീപ്കുമാര്‍ പിള്ളാടിക്കണ്ടിക്ക് വൃക്ഷത്തൈ കൈമാറി ഗ്രാമപഞ്ചായത്ത് പ്രസിഡന്റ് വി എം കുട്ടികൃഷ്ണന്‍ ഉദ്ഘാടനം നിര്‍വഹിച്ചു. 100 കര്‍ഷകര്‍ക്കാണ് സൗജന്യമായി മാവ്, പ്ലാവ്, പേര തൈകള്‍ നല്‍കിയത്. 

വികസന സ്ഥിരം സമിതി അധ്യക്ഷന്‍ ഷാജി കെ പണിക്കര്‍ അധ്യക്ഷനായി. ക്ഷേമകാര്യ സ്ഥിരം സമിതി അധ്യക്ഷ കെ കെ പ്രകാശിനി, പഞ്ചായത്ത് അംഗം റംല വെട്ടത്ത്, വാര്‍ഡ് മെമ്പര്‍ റിജു പ്രസാദ്, കൃഷി ഓഫീസര്‍ സി മുജീബ് തുടങ്ങിയവര്‍ പങ്കെടുത്തു.

ചിത്രകലാകാരന്മാർ ഒരുക്കുന്ന ഭീമൻ ലഹരിവിരുദ്ധ ക്യാൻവാസ് ഇന്ന് ഫ്രീഡം സ്ക്വയറിൽ 

വിവരാവകാശ കമീഷന്‍ സിറ്റിങ് ഇന്ന്

സംസ്ഥാന വിവരാവകാശ കമീഷന്‍ ഇന്ന് (സെപ്റ്റംബര്‍ 19) രാവിലെ 10.30ന് കോഴിക്കോട് കലക്ടറേറ്റ് കോണ്‍ഫറന്‍സ് ഹാളില്‍ സിറ്റിങ് നടത്തും. സംസ്ഥാന വിവരാവകാശ കമീഷണര്‍ അഡ്വ. ടി.കെ രാമകൃഷ്ണന്‍ ഹരജികള്‍ പരിഗണിക്കും.

ഗതാഗതം നിരോധിച്ചു

കക്കോടി മുതല്‍ കണ്ണാടിക്കല്‍ വരെ റോഡില്‍ പ്രവൃത്തി നടക്കുന്നതിനാല്‍ പ്രവൃത്തി അവസാനിക്കുന്നത് വരെ ഗതാഗതം നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു. ഇതുവഴി പോകേണ്ട വാഹനങ്ങള്‍ കണ്ണാടിക്കല്‍-വടക്കിനാല്‍ തണ്ണീര്‍പന്തല്‍ വഴിയും തിരിച്ചും പോകണം. 

വനം-വന്യജീവി വകുപ്പിന്റെ വന്യജീവി വാരാഘോഷത്തോടനുബന്ധിച്ചുള്ള ജില്ലാതല മത്സരങ്ങള്‍ ഒക്ടോബര്‍ രണ്ട്, മൂന്ന് തീയതികളില്‍ മലപ്പുറം ഗവ. കോളെജില്‍ നടക്കും. ജില്ലയിലെ എല്ലാ സര്‍ക്കാര്‍/എയ്ഡഡ്/അംഗീകൃത അണ്‍-എയ്ഡഡ സ്വാശ്രയ സ്‌കൂള്‍/കോളേജ്, പ്രൊഫഷണല്‍ കോളേജിലെയും വിദ്യാര്‍ത്ഥികള്‍ക്ക് മത്സരങ്ങളില്‍ പങ്കെടുക്കാം. ഹയര്‍ സെക്കന്‍ഡറി വിദ്യാര്‍ത്ഥികളെ കോളേജ് തലമായാണ് പരിഗണിക്കുക. എല്‍.പി, യു.പി, ഹൈസ്‌കൂള്‍, കോളേജ് വിദ്യാര്‍ത്ഥികള്‍ക്ക് മത്സരങ്ങള്‍ പ്രത്യേകമായിരിക്കും.

ജില്ലാ സ്‌പോര്‍ട്‌സ് കൗണ്‍സിലിന്റെ കീഴിലുള്ള കോട്ടപ്പടി ഫുട്‌ബോള്‍ സ്റ്റേഡിയം ഷോപ്പിംഗ് കോംപ്ലക്‌സിലെ എ ബ്ലോക്കുകളില്‍ ഒഴിഞ്ഞു കിടക്കുന്ന മുകള്‍ നിലയിലെ ഏഴ് കടമുറികളും കോട്ടപ്പടി ഫുട്‌ബോള്‍ സ്റ്റേഡിയത്തിലെ മൂന്ന് ബങ്കുകളും (4, 8, 11) സെപ്തംബര്‍  24ന് രാവിലെ 11 ന് ജില്ലാ സ്‌പോര്‍ട്‌സ് കൗണ്‍സില്‍ ഓഫീസില്‍ ലേലം ചെയ്യും. ഫോണ്‍: 0483 2734701.

മഞ്ചേരി ഡിവിഷണല്‍  ഡാക് അദാലത്ത് സെപ്റ്റംബര്‍ 25ന് രാവിലെ 11 ന് മഞ്ചേരി ഡിവിഷണല്‍ പോസ്റ്റല്‍ സൂപ്രണ്ടന്റ്   ഓഫീസില്‍ നടക്കും. മഞ്ചേരി പോസ്റ്റല്‍ ഡിവിഷന് കീഴിലെ തപാല്‍ ഓഫീസുകള്‍ നല്‍കുന്ന സേവനങ്ങളുമായി ബന്ധപ്പെട്ട പരാതികള്‍ സെപ്റ്റംബര്‍ 22ന് മുമ്പ് 'പോസ്റ്റല്‍ സൂപ്രണ്ടന്റ്, മഞ്ചേരി ഡിവിഷന്‍, മഞ്ചേരി 676121' എന്ന വിലാസത്തില്‍ അയക്കാം. പരാതികള്‍ അയക്കുന്ന കത്തുകളുടെ പുറത്ത് ഡിവിഷണല്‍ ഡാക്ക് അദാലത്ത്, സെപ്റ്റംബര്‍ 2025'  എന്നു രേഖപ്പെടുത്തണം. പരാതി നല്‍കിയവര്‍ നിശ്ചിത സമയത്ത് നേരിട്ട് ഹാജരാവണം.

പാലക്കാട് വെള്ളിയാങ്കല്ലിലുള്ള നാഗലശ്ശേരി ഐടിഐയില്‍ ഡ്രാഫ്ട്‌സ്മാന്‍ സിവില്‍ ട്രേഡില്‍ ഈഴവ സംവരണ വിഭാഗത്തില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നതിനുള്ള അഭിമുഖം സെപ്റ്റംബര്‍ 22ന് രാവിലെ 10ന് ഐടിഐയില്‍ നടക്കും. യോഗ്യത- ബി.വോക്/എഐസിടി അംഗീകൃത സര്‍വ്വകലാശാലയില്‍ നിന്ന് സിവില്‍ എഞ്ചിനീയറിംഗ്/യുജിസി അംഗീകൃത എഞ്ചിനീയറിംഗ് കോളേജ്/ ബന്ധപ്പെട്ട മേഖലയില്‍ ഒരു വര്‍ഷത്തെ പരിചയവും. അല്ലെങ്കില്‍ മൂന്ന് വര്‍ഷത്തെ എഐസിടിഇ അംഗീകൃത സിവില്‍ എഞ്ചിനീയറിംഗ് ഡിപ്ലോമ/ സാങ്കേതിക വിദ്യാഭ്യാസ ബോര്‍ഡില്‍ നിന്നോ ഡിജിടിയില്‍ നിന്ന് അഡ്വാന്‍സ്ഡ് ഡിപ്ലോമയും (വൊക്കേഷണല്‍) രണ്ട് വര്‍ഷത്തെ പരിചയവും.

തവനൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ 2020-2021 അധ്യയന വര്‍ഷം പ്രവേശനം നേടിയ വിദ്യാര്‍ത്ഥികളില്‍ കോഷന്‍ ഡെപ്പോസിറ്റ് തിരിച്ചു വാങ്ങാനുള്ളവര്‍ ഒക്ടോബര്‍ 10നുള്ളില്‍ കോളേജ് ഓഫീസില്‍ ഐഡി കാര്‍ഡ് സഹിതം ഹാജരായി തുക കൈപ്പറ്റണം. ഫോണ്‍: 9188900204.