സെന്റർ ഫോർ ഡെവലപ്മെന്റ് ഓഫ് ഇമേജിങ് ടെക്നോളജി (സി-ഡിറ്റ്) യുടെ ഇൻഫർമാറ്റിക്സ് ഡിവിഷന്റെ എന്റെ കേരളം, വിജ്ഞാന കേരളം തുടങ്ങിയ പ്രോജക്ടുകളിലേക്ക് താത്കാലിക അടിസ്ഥാനത്തിൽ സ്റ്റൈപ്പന്റോടെ ഡിസൈനർ ഇന്റേൺഷിപ്പിനായി യോഗ്യതയുള്ളവർക്കായി വാക് ഇൻ ഇന്റർവ്യു നടത്തും. തിരുവനന്തപുരം ഫൈൻ ആർട്സ് കോളജ് ക്യാമ്പസിൽ സെപ്റ്റംബർ 9ന് രാവിലെ 10.30 മുതൽ 1.30 വരെയാണ് ഇന്റർവ്യു.

കേരളത്തിലെ മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ അംഗങ്ങൾ ഉൾപ്പെട്ട കൂട്ടുത്തരവാദിത്ത സംഘങ്ങളിൽ (JLGs)/ വ്യക്തികളിൽ (Individuals) 

കേരളത്തിലെ മുന്നാക്ക സമുദായങ്ങളിൽ സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ അംഗങ്ങൾ ഉൾപ്പെട്ട സ്വയം സഹായ/ കൂട്ടുത്തരവാദിത്ത സംരംഭകത്വ സംഘങ്ങളിൽ (SHGs/JLGs) നിന്നും 2025-26 വർഷത്തെ സംരഭസമുന്നതി - സ്വയംതൊഴിൽ സംരംഭ വായ്പകൾക്കുള്ള പലിശ സഹായ പദ്ധതിയുടെ കീഴിൽ

        തിരുവനന്തപുരം കോളേജ് ഓഫ് എൻജിനിയറിങ്ങിൽ ഫിസിക്കൽ എഡ്യൂക്കേഷൻ വിഭാഗത്തിൽ ഇൻസ്ട്രക്ടർ തസ്തികയിലേക്ക് 800 രൂപ ദിവസ വേതന നിരക്കിൽ ജോലി നോക്കുന്നതിന് താൽപര്യമുള്ള വ്യക്തികളിൽ നിന്ന് അപേക്ഷ ക്ഷണിച്ചു. അംഗീകൃത ഫിസിക്കൽ എഡ്യുക്കേഷൻ ബിരുദം/ ബിരുദാനന്തര ബിരുദം/ സർട്ടിഫിക്കറ്റ് കോഴ്സ് വിജയിച്ചിവർക്ക് അപേക്ഷിക്കാം.

കേരള സംസ്ഥാന യുവജന കമ്മീഷൻ കോഡിനേറ്റർമാരുടെ ദ്വിദിന ശിൽപശാല ഓഗസ്റ്റ് 27,28 തീയതികളിൽ തിരുവനന്തപുരം വെള്ളാർ കേരള ആർട്സ് ആൻഡ് ക്രാഫ്റ്റ് വില്ലേജിൽ നടക്കും.

ക്ഷയരോഗ ബാധിതര്‍ക്ക്  സാമൂഹിക പിന്തുണ നൽകിയ നിക്ഷയ് മിത്ര അംഗങ്ങളുടെ സംഗമവും അനുമോദനവും സംഘടിപ്പിച്ചു.  കളക്ടറേറ്റ് കോൺഫറൻസ് ഹാളിൽ നടന്ന ചടങ്ങ് ജില്ലാ കളക്ടർ അനുകുമാരി ഉദ്ഘാടനം ചെയ്തു.

പദ്ധതിയുടെ ഭാഗമായി  30 പേർക്ക് സൗജന്യ ഭക്ഷ്യ കിറ്റ് വിതരണം ചെയ്തു.  കളക്ടർ, അസിസ്റ്റന്റ് കളക്ടർ ശക്തിവേൽ, ഭീമ ഗോവിന്ദൻ തുടങ്ങിയവർ പുതുതായി നിക്ഷയ് മിത്രമായി ചേർന്നു. രോഗബാധിതര്‍ക്ക് അധിക പോഷകവും സാമൂഹിക പിന്തുണയും ഉറപ്പാക്കാന്‍ ദാതാക്കളെ കണ്ടെത്തുന്ന പദ്ധതിയാണ് നിക്ഷയ് മിത്ര.

നെഹ്റു ട്രോഫി വള്ളംകളി ദിനമായ ആഗസ്റ്റ് 30 ശനിയാഴ്ച ആലപ്പുഴ  ജില്ലയിലെ എല്ലാ സര്‍ക്കാര്‍ ഓഫീസുകൾക്കും, വിദ്യാഭ്യാസ സ്ഥാപനങ്ങൾക്കും പ്രാദേശിക അവധി അനുവദിച്ച് ജില്ലാ കളക്ടര്‍ ഉത്തരവിട്ടു. നേരത്തെ ജില്ലയിലെ ചേര്‍ത്തല, അമ്പലപ്പുഴ, കുട്ടനാട്, കാര്‍ത്തികപ്പള്ളി, ചെങ്ങന്നൂര്‍ എന്നീ താലൂക്കുകളിലെ എല്ലാ സര്‍ക്കാര്‍ ഓഫീസുകൾക്കും, വിദ്യാഭ്യാസ സ്ഥാപനങ്ങൾക്കും പ്രാദേശിക അവധി അനുവദിച്ചിരുന്നു. തുടര്‍ന്ന് മാവേലിക്കര താലൂക്കിലും അവധി പ്രഖ്യാപിക്കുകയായിരുന്നു. പൊതുപരീക്ഷകള്‍ മുന്‍ നിശ്ചയ പ്രകാരം നടക്കും.
(പിആര്‍/എഎല്‍പി/2570)

സംസ്ഥാന യുവജന കമ്മീഷന്‍ കോഡിനേറ്റര്‍മാരുടെ ദ്വിദിന ശില്‍പശാല ആഗസ്റ്റ് 27, 28 തീയതികളില്‍ തിരുവനന്തപുരം വെള്ളാര്‍ കേരള ആര്‍ട്സ് ആന്‍ഡ് ക്രാഫ്റ്റ് വില്ലേജില്‍ സംഘടിപ്പിക്കും. ശില്‍പശാല 27ന് രാവിലെ 11 മണിക്ക്  മന്ത്രി സജി ചെറിയാന്‍ ഉദ്ഘാടനം ചെയ്യും.

ചടങ്ങില്‍ യുവജന കമ്മീഷന്‍ ചെയര്‍മാന്‍ എം. ഷാജര്‍ അധ്യക്ഷത വഹിക്കും. വിവിധ ജില്ലകളില്‍ നിന്നുള്ള തിരഞ്ഞെടുക്കപ്പെട്ട പ്രതിനിധികൾ പരിശീലന പരിപാടിയില്‍ പങ്കെടുക്കും.

പട്ടികജാതി വികസനവകുപ്പിന് കീഴില്‍ ചാവടിയില്‍ പ്രവര്‍ത്തിക്കുന്ന കാഞ്ഞിരംകുളം ഐടിഐ യിലെ പ്ലംബര്‍ ട്രേഡില്‍ (ഒരു വര്‍ഷം) പട്ടികജാതി വിഭാഗത്തില്‍ സീറ്റ് ഒഴിവുള്ളതിലേക്ക് സ്‌പോട്ട് അഡ്മിഷന്‍ നടത്തും. താത്പര്യം ഉള്ളവര്‍ അസല്‍ സര്‍ട്ടിഫിക്കറ്റ് സഹിതം ഉടൻ ബന്ധപ്പെടുക.

കൂടുതല്‍ വിവരങ്ങള്‍ക്ക് 9605235311 .

കയർ തൊഴിലാളി ക്ഷേമനിധിയിൽ അംഗങ്ങളായ കയർ തൊഴിലാളികളുടെ പെൺമക്കൾക്ക് ഉപരി പഠനത്തിനുള്ള സ്‌കോളർഷിപ്പ് പദ്ധതിക്ക് സർക്കാർ 10 ലക്ഷം രൂപ അനുവദിച്ചു. ഹയർ സെക്കൻഡറി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ പെൺകുട്ടികളിൽ 100 പേർക്ക് 10,000 രൂപ പ്രകാരം ഉപരിപഠനത്തിനുള്ള സ്‌കോളർഷിപ്പായാണ് തുക അനുവദിച്ചത്. കയർ തൊഴിലാളികൾക്കായി രണ്ട് ലക്ഷം രൂപ കവറേജ് വരുന്ന അപകടമരണ ഇൻഷുറൻസ് പദ്ധതി നടപ്പിലാക്കുന്നതിനും സർക്കാർ ഭരണാനുമതി നൽകി. ക്ഷേമനിധി അംഗങ്ങൾക്കായി നടപ്പാക്കുന്ന രണ്ടു പദ്ധതികൾക്കുമായി ആകെ 27.40 ലക്ഷം രൂപയാണ് ഓണക്കാലത്ത് സർക്കാർ അനുവദിച്ചത്.