സംസ്ഥാന യുവജനക്ഷേമ ബോർഡിന്റെ 2024 ലെ സ്വാമി വിവേകാനന്ദൻ യുവപ്രതിഭാ പുരസ്‌കാരത്തിനും മികച്ച യുവജന ക്ലബ്ബുകൾക്കുള്ള പുരസ്‌കാരത്തിനും അപേക്ഷ ക്ഷണിച്ചു. വ്യക്തിഗത പുരസ്‌കാരത്തിന്  18നും 40നും മധ്യേ പ്രായമുള്ളവർക്ക് അപേക്ഷിക്കാം. സാമൂഹ്യപ്രവർത്തനം, മാധ്യമപവർത്തനം (അച്ചടി മാധ്യമം, ദൃശ്യമാധ്യമം), കല, സാഹിത്യം, കായികം (വനിത, പുരുഷൻ ), ശാസ്ത്രം, സംരംഭകത്വം, കൃഷി, എന്നീ മേഖലകളിൽ നിന്നും മികച്ച ഓരോ വ്യക്തിക്ക് വീതം ആകെ ഒൻപത് പേർക്കാണ് പുരസ്‌കാരം നൽകുക.

 തീക്കോയി ഗ്രാമപഞ്ചായത്തിലെ രണ്ടാം വാർഡിൽ പണി പൂർത്തീകരിച്ച അറുകോൺമല -കൊല്ലമ്പാറ - ഞായറുകുളം  റോഡ് ഗ്രാമപഞ്ചായത്ത് പ്രസിഡന്റ് കെ.സി. ജെയിംസ് ഉദ്ഘാടനം ചെയ്തു. ബ്ലോക്ക് പഞ്ചായത്തിൽ നിന്നനുവദിച്ച അഞ്ച്  ലക്ഷം രൂപ ഉപയോഗിച്ചാണ് കോൺക്രീറ്റ് പണികൾ പൂർത്തിയാക്കിയത്. തീക്കോയി - തലനാട് ഗ്രാമപഞ്ചായത്തുകളെ ബന്ധിപ്പിക്കുന്ന  റോഡ് ഗതാഗത യോഗ്യമാക്കണമെന്ന് നാട്ടുകാരുടെ ചിരകാലഭിലാഷമായിരുന്നു. ചടങ്ങിൽ ബ്ലോക്ക് പഞ്ചായത്തംഗം  ഓമന ഗോപാലൻ അധ്യക്ഷത വഹിച്ചു. തീക്കോയി സഹകരണ ബാങ്ക് പ്രസിഡന്റ് റ്റി.ഡി. ജോർജ്, രാഷ്ട്രീയ പാർട്ടി പ്രതിനിധികളായ ഹരി മണ്ണുമഠം, എം.ഐ. ബേബി, ജെബിൻ മേക്കാട്ട്, പി.

അകലക്കുന്നം ഗ്രാമപഞ്ചായത്തിന്റെ 2025-26 വാർഷിക പദ്ധതിയിലുൾപ്പെടുത്തി വയോജന കലാ-കായിക മേള 'വർണ്ണ ചിറകുകൾ' പഞ്ചായത്ത് ഓഡിറ്റോറിയത്തിൽനടത്തി. കലാ-കായിക മത്സരങ്ങളുടെ സമാപന സമ്മേളനഉദ്ഘാടനം സർക്കാർ ചീഫ് വിപ്പ് ഡോ. എൻ. ജയരാജ്  നിർവഹിച്ചു. വയോജനങ്ങൾ കൂടുതലായി ഏകാന്തത ജീവിതം നയിക്കുന്ന ഇന്നത്തെ കാലഘട്ടത്തിൽ പരിഹാരമെന്ന നിലയിൽ ഗ്രാമപഞ്ചായത്ത് നൂതനങ്ങളായ പദ്ധതികളാണ് നടപ്പാക്കുന്നത് എന്ന് ഡോ. എൻ. ജയരാജ് പറഞ്ഞു. ഗ്രാമപഞ്ചായത്ത് പ്രസിഡന്റ് സിന്ധു അനിൽകുമാർ അധ്യക്ഷത വഹിച്ചു. മത്സര വിജയികൾക്കുള്ള സമ്മാനദാനം ബ്ലോക്ക് പഞ്ചായത്ത് പ്രസിഡന്റ് ബെറ്റി റോയി മണിയങ്ങാട്ട് നിർവഹിച്ചു.

നീണ്ടൂർ സർക്കാർ ഹോമിയോ ആശുപത്രി ആയുഷ് ഹെൽത്ത് ആൻഡ് വെൽനെസ് സെന്ററിൽ പുതിയ യോഗാ ഹാൾ ഒരുങ്ങി. ജില്ലാ പഞ്ചായത്തിന്റെ 2023-24 വാർഷിക പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവഴിച്ചാണ് നിർമാണം. ഈയാഴ്ചയോടെ യോഗാഹാൾ പൊതുജനങ്ങൾക്കു തുറന്നുകൊടുക്കാനാകും.
രണ്ടുവർഷം മുൻപാണ് ഇവിടെ യോഗ പരിശീലനം ആരംഭിച്ചത്. യോഗ പരിശീലകനുൾപ്പെടെയുള്ള സേവനവും ലഭ്യമാണ്. നൂറ്റൻപതോളം പേർ ഇവിടെ യോഗ അഭ്യസിക്കുന്നുണ്ട്. സൗജന്യമായാണ് പരിശീലനം. ആശുപത്രിക്കെട്ടിടത്തിന്റെ മുകളിൽ താൽക്കാലികമായി തയാറാക്കിയ ഇടത്തായിരുന്നു പരിശീലനം.

ഇൻഫർമേഷൻ- പബ്ലിക് റിലേഷൻസ് വകുപ്പ് കോട്ടയം ജില്ലയിൽ പ്രിസം പാനലിലെ ഒഴിവുകളിലേക്ക് അർഹരായവരെ തെരഞ്ഞെടുക്കാൻ 2025 ചൊവ്വാഴ്ച (ഓഗസ്റ്റ് 26) രാവിലെ 10.30ന് വാക്ക് ഇൻ ഇന്റർവ്യൂ കളക്ട്രേറ്റിലെ മേഖലാ ഡെപ്യൂട്ടി ഡയറക്ടർ ഓഫീസിൽ നടക്കും. സബ് എഡിറ്റർ, ഇൻഫർമേഷൻ അസ്സിസ്റ്റന്റ് പാനലുകളിലാണ് തെരഞ്ഞെടുപ്പ്. ജേർണലിസത്തിൽ ബിരുദം/ബിരുദാനന്തര ബിരുദം, അല്ലെങ്കിൽ ബിരുദവും ജേർണലിസം ഡിപ്ലോമയുമാണ് ഇൻഫർമേഷൻ അസിസ്റ്റന്റാകാൻ യോഗ്യത. മേൽയോഗ്യതയ്‌ക്കൊപ്പം ഒരു വർഷത്തെ ജേർണലിസം പ്രവൃത്തി പരിചയവും ഉള്ളവർക്കു സബ് എഡിറ്ററാകാം.

 വിവിധമേഖലകളിൽ അസാധാരണ മികവുള്ള ആറിനും 18 വയസ്സിനും ഇടയിലുള്ള ഭിന്നശേഷി വിഭാഗത്തിലുള്ള കുട്ടികൾ ഉൾപ്പെടെയുള്ള കുട്ടികളെ കണ്ടെത്തി പ്രോത്സാഹിപ്പിക്കുന്നതിന് സംസ്ഥാന വനിതാ ശിശു വികസന വകുപ്പ്

 വനിത ശിശു വികസന വകുപ്പിന്റെ കീഴിലെ മാടപ്പള്ളി അഡീഷണൽ ശിശു വികസന പദ്ധതി ഓഫീസിലെ ഉപയോഗത്തിനായി വാഹനം വാടകയ്ക്ക് എടുക്കുന്നതിനായി റീ ടെൻഡർക്ഷണിച്ചു. താൽപര്യമുള്ളവർ സെപ്റ്റംബർ 10 ഉച്ചയ്ക്ക് രണ്ടു മണിയ്ക്ക് മുൻപായി ടെൻഡറുകൾ നൽകണം. അന്നേ ദിവസം ഉച്ചയ്ക്ക് ശേഷം 3.30 ന് ടെൻഡറുകൾ തുറക്കും.  വിശദവിവരത്തിന് ഫോൺ: 04812425777.

കാഞ്ഞിരപ്പള്ളി ഐ.ടി.ഡി.പി ഓഫീസിന്റെ പരിധിയിലുള്ള എരുമേലി ഗ്രാമപഞ്ചായത്തിലെ പാക്കാനം പട്ടികവർഗ്ഗ സങ്കേതങ്ങളിൽ ചെണ്ട, വലംതല, താളം, കൊമ്പ്, കവർ, ചെണ്ടക്കോൽ എന്നീ ഉപകരണങ്ങൾ വിതരണം ചെയ്യുന്നതിന് താല്പര്യമുള്ള അംഗീകൃത സ്ഥാപനങ്ങൾ /സർക്കാർ ഏജൻസികൾ/  വ്യക്തികൾ എന്നിവരിൽനിന്നു മത്സര സ്വഭാവത്തിലുള്ള ടെൻഡർ ക്ഷണിച്ചു. താല്പര്യമുള്ളവർ ഓഗസ്റ്റ് 29 വൈകിട്ട് മൂന്ന് മണിക്കുള്ളിൽ  ടെൻഡറുകൾ നൽകണം. അന്നേദിവസം 3.30ന് ടെൻഡറുകൾ തുറക്കും. ഫോൺ: 0482 8202751.

മീനച്ചിൽ ഗ്രാമപഞ്ചായത്ത് പത്താം വാർഡിലെ 71-ാം നമ്പർ അങ്കണവാടിയിൽ ആരംഭിക്കുന്ന അങ്കണവാടി കം ക്രഷിലെ വർക്കർ/ ഹെൽപ്പർ തസ്തികകളിലേയ്ക്ക് വനിതകളിൽനിന്ന് അപേക്ഷ ക്ഷണിച്ചു. മീനച്ചിൽ ഗ്രാമപഞ്ചായത്തിൽ സ്ഥിരതാമസക്കാരായ 18-35 വയസുള്ള വനിതകൾക്ക് അപേക്ഷിക്കാം. പ്ലസ് ടു പാസായവർക്ക് വർക്കർ തസ്തികയിലേയ്ക്കും പത്താം ക്ലാസ് പാസായവർക്ക് ഹെൽപ്പർ തസ്തികയിലേക്കും അപേക്ഷിക്കാം. 2025 ജൂൺ ഒന്നിന് 18 വയസ്സ് പൂർത്തീകരിക്കുകയും അതേ തീയതിയിൽ 35 വയസ് പൂർത്തിയാകുവാനും പാടില്ല. മീനച്ചിൽ ഗ്രാമപഞ്ചായത്തിൽ അർഹരായ അപേക്ഷകൾ ഇല്ലെങ്കിൽ സമീപത്തുള്ള മറ്റു പഞ്ചായത്തുകളിൽ നിന്നും അപേക്ഷകൾ പരിഗണിക്കും.

കോട്ടയം ജനറൽ ആശുപത്രിയിലെ ഇ.എൻ.ടി. ഓപ്പറേഷൻ തീയറ്റേറിലേക്ക് മൈക്രോഡെബ്രിഡർ ഷേവിംഗ് സിസ്റ്റം വിതരണം ചെയ്യാൻ താൽപര്യമുള്ള സ്ഥാപനങ്ങളിൽനിന്നു ദർഘാസ് ക്ഷണിച്ചു. സെപ്റ്റംബർ 12 രാവിലെ 11 മണി വരെ ദർഘാസുകൾ സ്വീകരിക്കും. അന്നേ ദിവസം ഉച്ച കഴിഞ്ഞ് രണ്ട് മണിക്ക് ദർഘാസുകൾ തുറക്കും.