ജില്ലാതല ഓണാഘോഷം സെപ്റ്റംബർ മൂന്നുമുതൽ എട്ടുവരെ വിപുലമായ പരിപാടികളോടെ സംഘടിപ്പിക്കാൻ സഹകരണ-തുറമുഖം-ദേവസ്വം വകുപ്പുമന്ത്രി വി.എൻ. വാസവന്റെ അധ്യക്ഷതയിൽ കളക്‌ട്രേറ്റിൽ ചേർന്ന യോഗത്തിൽ തീരുമാനിച്ചു. ജില്ലാതല ഉദ്ഘാടനം സെപ്റ്റംബർ മൂന്നിന് വൈകിട്ട് ആറുമണിക്ക് തിരുനക്കര മൈതാനത്തു നടക്കും. ഓണാഘോഷത്തോടനുബന്ധിച്ചു വൈവിധ്യമാർന്ന കലാപരിപാടികളും മത്സരങ്ങളും സംഘടിപ്പിക്കും. സമാപനത്തോടനുബന്ധിച്ച് ദേശീയ ചലച്ചിത്ര പുരസ്‌കാര ജേതാവ് നടൻ വിജയരാഘവന് സ്വീകരണമൊരുക്കും. വർണാഭമായ ഘോഷയാത്രയും സംഘടിപ്പിക്കും.

ആധുനികയുഗത്തിൽ  തൊഴിൽസാഹചര്യങ്ങൾ മാറിക്കൊണ്ടിരിക്കുമ്പോൾ പുതിയ സാങ്കേതികവിദ്യകളും വളർച്ചയും എല്ലാ തൊഴിലാളികളെയും സഹായിക്കുന്നുവെന്നും ആരും പിന്നോട്ട് പോകുന്നില്ലെന്നും ട്രേഡ് യൂണിയനുകൾ ഉറപ്പാക്കണമെന്ന് മന്ത്രി വി ശിവൻകുട്ടി പറഞ്ഞു.

2025-26 അധ്യയന  വർഷത്തേക്കുള്ള റെഗുലർ ഡിപ്ലോമ പ്രവേശനവുമായി ബന്ധപ്പെട്ട് നെയ്യാറ്റിൻകര ഗവ. പോളിടെക്നിക് കോളേജിലെ ഒഴിവുള്ള ഏതാനും സീറ്റുകളിലേക്ക് ആഗസ്റ്റ് 29 ന് സ്പോട്ട് അഡ്മിഷൻ നടക്കും.

#സാക്ഷരതാമിഷന്റെ  പത്താം തരം, ഹയർ സെക്കണ്ടറി തുല്യതാ പരീക്ഷയെഴുതിയ അസം സ്വദേശി#

''ഗായ്സ്.... ഞാൻ അസം സ്വദേശി ആശാദുൾ ഹഖ്.  എന്റെ ജീവിതത്തിൽ ഇതുവരെ കിട്ടാത്ത കാര്യം ആര്യനാട് ഗ്രാമ പഞ്ചായത്തും സാക്ഷരതാ മിഷനും കേരള സർക്കാരും കൂടി നടത്തിത്തന്നിരിക്കുകയാണ് ഗായ്‌സ്...

 തനി മലയാളത്തിൽ ഇങ്ങനെ പറഞ്ഞുകൊണ്ട് ആശാദുൾ ഹഖ് തന്റെ യൂട്യൂബ് ചാനലിൽ പങ്കുവെച്ചിട്ടുള്ളത്  ഒരു  സ്വപ്ന സാക്ഷാൽക്കാരത്തിന്റെ  സന്തോഷ നിമിഷങ്ങളാണ് .

ഈ വര്‍ഷത്തെ ഓണാഘോഷ പരിപാടികള്‍ പ്രകൃതി സൗഹൃദമാക്കി മാത്രം നടത്തണമെന്ന് ജില്ലാ കളക്ടര്‍ അറിയിച്ചു. സര്‍ക്കാര്‍ ഓഫീസുകളും സ്ഥാപനങ്ങളും ഇക്കാര്യം ശ്രദ്ധിക്കണം. ആഘോഷങ്ങള്‍ ഹരിതമാക്കി മാറ്റുന്നതിന് ആവിഷ്‌കരിച്ച ' വരവായി വൃത്തിയുടെ ചക്രവര്‍ത്തി, ഈ ഓണം ഹരിത ഓണം ' ക്യാംപയ്‌ന്റെ ലോഗോ കളക്ടര്‍ പ്രകാശനം ചെയ്തു. പൂര്‍ണ്ണമായും പ്രകൃതി സൗഹൃദ വസ്തുക്കള്‍ ഉപയോഗിച്ചുകൊണ്ടും സര്‍ക്കാര്‍ നിരോധിച്ച ഒറ്റത്തവണ ഉപയോഗ പ്ലാസ്റ്റിക് വസ്തുക്കള്‍ ഒഴിവാക്കിക്കൊണ്ട് നടത്തണം. വീഴ്ച വരുത്തുന്ന ഓഫീസുകള്‍ക്കെതിരെ ശക്തമായ നടപടി സ്വീകരിക്കുമെന്നും കളക്ടര്‍ അറിയിച്ചു

കേരള ഫിഷറീസ് വകുപ്പ് നടപ്പിലാക്കുന്ന മലപ്പുറം ജില്ലയിലെ ആദ്യ മത്സ്യസേവന കേന്ദ്രമായ ‘അക്വാപോയിന്റ് മത്സ്യസേവന കേന്ദ്രം’ ഏലംകുളം പഞ്ചായത്തിലെ കുന്നക്കാവിൽ ജില്ലാ പഞ്ചായത്ത് പ്രസിഡന്റ് എം. കെ. റഫീഖ ഉദ്ഘാടനം ചെയ്തു. 

പ്രധാന മന്ത്രി മത്സ്യ സമ്പദാ യോജന പദ്ധതി പ്രകാരം സംസ്ഥാന ഫിഷറീസ് വകുപ്പ് നടപ്പിലാക്കുന്ന ഈ പദ്ധതിയിൽ വെള്ളത്തിന്റെ ഗുണനിലവാര പരിശോധന, മണ്ണ് പരിശോധന തുടങ്ങിയ ആവശ്യങ്ങൾക്ക് അനുയോജ്യമായ ലാബുകളും കൺസൾട്ടൻസി സർവീസും അക്വാട്ടിക് ഇൻപുട്ട് സർവീസും ഒരുക്കിയിട്ടുണ്ട്. കുടിവെള്ളത്തിൻ്റെ ഗുണനിലവാര പരിശോധനയും ഇവിടെ നടത്താം.

മാറഞ്ചേരി ഗവ. ഐ.ടി.ഐയിലെ ഡിടിപിഒ ട്രേഡില്‍ ഒഴിവുള്ള സീറ്റുകളിലേയ്ക്ക് ആഗസ്റ്റ് 26 മുതല്‍  30 വരെ സ്‌പോട്ട് അഡ്മിഷന്‍ നടക്കും. അപേക്ഷ എല്ലാ ദിവസവും ഉച്ചയ്ക്ക് 12.30 വരെ സ്വീകരിക്കും. പ്രവേശനം നേടാനാഗ്രഹിക്കുന്നവര്‍ അസ്സല്‍ സര്‍ട്ടിഫിക്കറ്റുകളും അതിന്റെ പകര്‍പ്പുകളും സഹിതം നേരിട്ട് മാറഞ്ചേരി ഗവ.ഐ.ടി.ഐ ഓഫീസില്‍ അപേക്ഷ സമര്‍പ്പിക്കണം. ഫോണ്‍: 0494 2676925

ചേളാരി എ കെ എന്‍ എം ഗവ. പോളിടെക്‌നിക് കോളേജില്‍ ഇലക്ട്രോണിക്‌സ് ആന്റ് കമ്മ്യൂണിക്കേഷന്‍, ഇലക്ട്രോണിക് എന്‍ജിനീയറിങ്, കമ്പ്യൂട്ടര്‍ എന്‍ജിനീയറിങ് എന്നീ ത്രിവത്സര ഡിപ്ലോമ കോഴ്‌സുകളില്‍ ഒഴിവുള്ള സീറ്റുകളിലേക്ക് ലാറ്ററല്‍ എന്‍ട്രി സ്‌പോട്ട് അഡ്മിഷന്‍ നടക്കും. അഡ്മിഷന്‍ എടുക്കാന്‍ താത്പര്യമുള്ള അപേക്ഷകര്‍ ആഗസ്റ്റ് 27ന് രാവിലെ ഒന്‍പത് മുതല്‍ 10.30 വരെ ചേളാരിയിലെ പോളിടെക്‌നിക് കോളേജ് ഓഫീസില്‍ രജിസ്‌ട്രേഷന് എത്തണം.

കേന്ദ്ര ടൂറിസം മന്ത്രാലയവും സ്വച്ഛ് ഭാരത് മിഷനും ഗ്രാമീണ മേഖലകളില്‍ മികച്ച ആതിഥേയ സേവനം ലഭ്യമാക്കുന്ന സ്ഥാപനങ്ങള്‍ക്ക് ഏര്‍പ്പെടുത്തിയിട്ടുള്ള സ്വച്ഛ്താ ഗ്രീന്‍ ലീഫ് റേറ്റിങ് ജില്ലയില്‍ 23 സ്ഥാപനങ്ങള്‍ക്ക് ലഭിച്ചു. റേറ്റിങ് ലഭിച്ച സ്ഥാപനങ്ങള്‍ക്കുള്ള സര്‍ട്ടിഫിക്കറ്റ് ജില്ലാ കളക്ടര്‍ വി.ആര്‍. വിനോദ് വിതരണം ചെയ്തു. വൃത്തിയുടേയും ശുചിത്വ സംവിധാനങ്ങളുടെയും അടിസ്ഥാനത്തില്‍ ജില്ലയിലെ ഗ്രാമീണ മേഖലകളിലെ ഹോട്ടലുകള്‍, റിസോര്‍ട്ടുകള്‍, ഹോം സ്റ്റേകള്‍ തുടങ്ങിയ സ്ഥാപനങ്ങള്‍ക്കാണ് സര്‍ട്ടിഫിക്കറ്റുകള്‍ വിതരണം ചെയ്തത്. 27 സ്ഥാപനങ്ങളാണ് ജില്ലയില്‍ റേറ്റിങിനായി അപേക്ഷിച്ചത്.

പട്ടാമ്പി ഗവ. സംസ്‌കൃത കോളേജിലെ 2025-26 വര്‍ഷത്തെ ഒന്നാം വര്‍ഷ ബിരുദാനന്തര ബിരുദ കോഴ്‌സുകളില്‍ സീറ്റുകള്‍ ഒഴിവുണ്ട്. എം.എ. ഇക്കണോമിക്സ് (ഒബിഎക്‌സ് 1), എംഎസ്‌സി കെമിസ്ട്രി (എസ്.സി/എസ്.ടി 1) എന്നിങ്ങനെയാണ് ഒഴിവുകള്‍. യോഗ്യരായ വിദ്യാര്‍ത്ഥികള്‍ നാളെ (ആഗസ്റ്റ് 26) വൈകീട്ട് നാലിനുള്ളില്‍ സര്‍ട്ടിഫിക്കറ്റുകളുമായി അതത് വകുപ്പ് മേധാവികള്‍ മുന്‍പാകെ ഹാജരാകണം. ഫോണ്‍: 8921816429