കേപ്പിന്റെ ചീമേനിയിലെ തൃക്കരിപ്പൂര്‍ എഞ്ചിനീയറിംഗ് കോളേജ് ലേഡീസ് ഹോസ്റ്റലിലേക്ക് അടുക്കള സഹായിയുടെ (പാചകക്കാരി) താത്കാലിക ഒഴിവിലേക്ക് ദിവസ വേതനാടിസ്ഥാനത്തില്‍ വനിത ഉദ്യോഗാര്‍ത്ഥികളെ നിയമിക്കുന്നു. പാചകം ചെയ്യാനും എഴുത്തും വായനയും അറിഞ്ഞിരിക്കണം. താല്‍പര്യമുള്ള ഉദ്യോഗാര്‍ത്ഥികള്‍ പ്രായം, വിലാസം എന്നിവ തെളിയിക്കുന്നതിനുള്ള അസ്സല്‍ പ്രമാണങ്ങളും വ്യക്തി വിവരണം എന്നിവയും സഹിതം നവംബര്‍ 25 ന് രാവിലെ 10.30നകം ടെസ്റ്റ്, അഭിമുഖത്തിന് ഹാജരാകണം. ഫോണ്‍- 04672250377, 9495656060.
 

ജില്ലയുടെ സമഗ്രമായ വികസനമാണ് ഭരണസമിതിയുടെ കാഴ്ചപ്പാടെന്നും നൂതന ആശയങ്ങൾ ഉൾപ്പെടുത്തികൊണ്ട് പദ്ധതികൾ നടപ്പിലാക്കണമെന്നാണ് ആഗ്രഹിക്കുന്നതെന്നും കണ്ണൂർ ജില്ലാ പഞ്ചായത്ത് പ്രസിഡന്റായി അധികാരമേറ്റ ശേഷം അഡ്വ. കെ.കെ രത്നകുമാരി പറഞ്ഞു. ത്രിതല പഞ്ചായത്ത് സംവിധാനത്തിൽ, പ്രതിപക്ഷം ഇല്ല ഭരണപക്ഷം മാത്രമേയുള്ളൂ. എല്ലാവരും ചേർന്ന് തുടർന്ന് വരുന്ന പദ്ധതികളെ പൂർത്തീകരിക്കുക എന്നതാണ് ലക്ഷ്യമിടുന്നത്. ഒട്ടും പ്രതീക്ഷിക്കാതെയാണ് ജില്ലാ പഞ്ചായത്ത് പ്രസിഡന്റ് സ്ഥാനത്തേക്ക് എത്തുന്നതെന്നും രത്നകുമാരി
പറഞ്ഞു.

കാസര്‍കോട് ജില്ലാ പഞ്ചായത്ത് വാര്‍ഷിക പദ്ധതിയില്‍ ഉള്‍പ്പെടുത്തി ഫിഷറീസ് വകുപ്പ് നടപ്പിലാക്കുന്ന ലൈവ് ഫിഷ് മാര്‍ക്കറ്റ് പദ്ധതിയിലേക്ക് അപേക്ഷ ക്ഷണിച്ചു. അഞ്ച് ലക്ഷം രൂപയാണ് പദ്ധതിയുടെ യൂണിറ്റ് കോസ്റ്റ്. ലൈവ് ഫിഷ് മാര്‍ക്കറ്റ് സ്ഥാപിക്കുന്നതിനായി ഗുണഭോക്താവ് സ്വന്തം നിലയില്‍ മുതല്‍ മുടക്കി പദ്ധതി മാനദണ്ഡ പ്രകാരം ഷെഡ് നിര്‍മ്മിക്കുകയും പോര്‍ട്ടബിള്‍ പ്ലാസ്റ്റിക് പൂള്‍-2, എയറേഷന്‍ ആന്റ് വാട്ടര്‍ എക്സേഞ്ച് ഫെസിലിറ്റി ഉപകരണങ്ങള്‍, ഫ്രീസര്‍-രണ്ട്, ഫിഷ് ഡ്രസ്സിംഗ് ഫസിലിറ്റി ഉപകരണങ്ങള്‍ എന്നിവ വാങ്ങി സ്ഥാപിക്കുകയും വേണം. ജനറല്‍ വിഭാഗത്തിന് യൂണിറ്റ് കോസ്റ്റിന്റെ 40% തുക സബ്സിഡിയായി ലഭിക്കും.

കണ്ണൂർ ജില്ലാ പഞ്ചായത്ത് പ്രസിഡന്റായി അഡ്വ. കെ.കെ രത്നകുമാരി സത്യപ്രതിജ്ഞ ചെയ്ത് അധികാരമേറ്റു.  വരണാധികാരി ജില്ലാ കളക്ടർ അരുൺ കെ വിജയന്റെ മുമ്പാകെ ജില്ലാ പഞ്ചായത്ത് ഹാളിലാണ് സത്യപ്രതിജ്ഞ നടന്നത്. പേരാവൂർ ഡിവിഷൻ ആറിലെ അംഗം യുഡിഎഫ് സ്ഥാനാർഥി ജൂബിലി ചാക്കോയെ ഏഴിനെതിരെ 16 വോട്ടുകൾക്കാണ് അഡ്വ. കെ കെ രത്നകുമാരി പരാജയപ്പെടുത്തിയത്. ഭരണ, പ്രതിപക്ഷ അംഗങ്ങൾ പുതിയ പ്രസിഡന്റിനെ അഭിനന്ദിച്ചു. ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബിനോയ് കുര്യൻ ഹാരാർപ്പണം നടത്തി.

മൊഗ്രാല്‍ പുത്തൂര്‍ ഗ്രാമ പഞ്ചായത്ത് പൊതുമരാമത്ത് പ്രവര്‍ത്തികള്‍ ഏറ്റെടുത്ത് നടത്തുന്നതിന് അംഗീകൃത കരാറുകാരില്‍ നിന്നും ദര്‍ഘാസുകള്‍ ക്ഷണിച്ചു. ഇ-ദര്‍ഘാസ് ഫോറങ്ങള്‍ നവംബര്‍ 20 രാവിലെ 10 വരെ ഓണ്‍ലൈനില്‍ ലഭിക്കും. നവംബര്‍ 20ന് വൈകുന്നേരം ആറിനകം ഇ-ദര്‍ഘാസ് ഫോറങ്ങള്‍ സമര്‍പ്പിക്കണം. നവംബര്‍ 23ന് രാവിലെ 11ന് ഇ-ദര്‍ഘാസ് തുറന്ന് പരിശോധിക്കും.  വെബ്സൈറ്റ് - www.tender.lskerala.gov.in.
 

കാസര്‍കോട് ബ്ലോക്ക് പഞ്ചായത്ത് എല്‍.ഐ.ഡി ആന്‍ഡ് ഇ.ഡബ്ല്യു സബ് ഡിവിഷന്‍ കാസര്‍കോടിന്റെ 2024-25 വാര്‍ഷിക പദ്ധതിയിലുള്‍പ്പെട്ട 13 പൊതുമരാമത്ത് പ്രവര്‍ത്തികള്‍ ഏറ്റെടുത്ത് നടത്തുന്നതിന് ദര്‍ഘാസുകള്‍ ക്ഷണിച്ചു. ഇ-ദര്‍ഘാസ് ഫോറങ്ങള്‍ നവംബര്‍ 18 വൈകുന്നേരം നാല് വരെ ഓണ്‍ലൈനില്‍ ലഭിക്കും. നവംബര്‍ 18ന് വൈകുന്നേരം നാലിനകം ഇ-ദര്‍ഘാസ് ഫോറങ്ങള്‍ സമര്‍പ്പിക്കണം. നവംബര്‍ 19ന് വൈകുന്നേരം നാലിന്   ഇ-ദര്‍ഘാസ് തുറന്ന് പരിശോധിക്കും. ഫോണ്‍- 04994 4297004. വെബ്‌സൈറ്റ് - www.tender.lskerala.gov.in.

ശിശുദിന വാരാഘോഷത്തിന്റെ ഭാഗമായി ജില്ലാ ശിശു സംരക്ഷണ യൂനിറ്റും സംസ്ഥാന ബാലാവകാശ സംരക്ഷണ കമീഷനും ചേര്‍ന്ന് സംഘടിപ്പിച്ച ബാലസൗഹൃദ യാത്രക്ക് മലപ്പുറം കളക്ടറേറ്റില്‍ സ്വീകരണം നല്‍കി. ജില്ലാ കലക്ടര്‍ വി.ആര്‍ വിനോദ് ഉദ്ഘാടനം ചെയ്തു. ജില്ലാ ചൈല്‍ഡ് പ്രൊട്ടക്ഷന്‍ ഓഫീസര്‍ ഷാജിത ആറ്റാശ്ശേരി, സി.ഡി.പി.ഒമാരായ വി. പ്രമീള, റജീന, ടി.എം ഷാഹിന, പ്രൊട്ടക്ഷന്‍ ഓഫീസര്‍മാരായ എ.കെ മുഹമ്മദ് സാലിഹ്, മുഹമ്മദ് ഫസല്‍ പുള്ളാട്ട്, ചൈല്‍ഡ് ഹെല്പ്‌ലൈന്‍ കോഓര്‍ഡിനേറ്റര്‍ സി. ഫാരിസ എന്നിവര്‍ സംസാരിച്ചു.

ജില്ലാ കളക്ടർ എൻ എസ് കെ ഉമേഷ്‌ മുഖ്യരക്ഷാധികാരിയായി ഇന്റർനാഷണൽ അസോസിയേഷന്റെ ജില്ലാതല ചാപ്റ്റർ രൂപീകരിച്ചു. ഐ ക്യൂ എ ഏഷ്യയുടെ ഇന്ത്യയിലെ നാലാമത്തെ ചാപ്റ്റർ ആണിത്.

സബ് കളക്ടർ കെ മീര, ഡോ ജോർജ് സ്ലീബ, തോമസ് എബ്രഹാം (രക്ഷാധികാരികൾ ), പ്രദീപ് എ ആർ (പ്രസിഡന്റ്‌ ), ടോണീഷ് തോമസ് (വൈസ് പ്രസിഡന്റ്‌ ), എ.ശ്രീറാം (സെക്രട്ടറി ), സവിത സി ചെറിയാൻ (ജോയിന്റ് സെക്രട്ടറി ), കെ. ഗോപിക (ജില്ലാ കോ ഓഡിനേറ്റർ ), കെ. സന്ദീപ്, ശരത്ത്‌ മോഹൻ,
ജോൺ ഫിലിപ്പ് (എക്സിക്യൂട്ടീവ് അംഗങ്ങൾ ) എന്നിവരടങ്ങുന്ന ജില്ലാ ചാപ്റ്ററാണ് രൂപീകരിച്ചത്. ഔദ്യോഗിക ജില്ലാതല ക്വിസ് ചാമ്പ്യൻഷിപ്പ് ഡിസംബർ ആദ്യവാരം നടക്കും.

71 -ാമത് സഹകരണ വാരാഘോഷം സംസ്ഥാനതല ഉദ്ഘാടനം

സഹകരണ മേഖലയിലെ സാമ്പത്തിക ഇടപാടുകൾ സുതാര്യമായിരിക്കണമെന്നും ക്രമക്കേടില്ലാത്തതും അഴിമതി തീണ്ടാത്തതുമായി മേഖലയെ നിലനി൪ത്തണമെന്നും മുഖ്യമന്ത്രി പിണറായി വിജയ൯. 71 ാമത് സഹകരണ വാരാഘോഷത്തിന്റെ സംസ്ഥാനതല ഉദ്ഘാടനം കളമശേരി ആശിസ് കൺവെ൯ഷ൯ സെന്ററിൽ നി൪വഹിക്കുകയായിരുന്നു മുഖ്യമന്ത്രി. ക൪ക്കശമായി ഇടപെട്ട് ക്രമക്കേടുകൾ പൂ൪ണ്ണമായി ഇല്ലാതാക്കാനുള്ള ശ്രമം നടത്തണം.

പാചക മത്സരം സംഘടിപ്പിക്കും

സ്‌കൂള്‍ പാചക തൊഴിലാളികള്‍ക്കു സംഘടിപ്പിക്കുന്ന ജില്ലാതല പാചക മത്സരം നവംബര്‍ 16-ന് കാക്കനാട് എംഎഎഎംജി.എല്‍.പി എസില്‍ നടക്കും. തൃക്കാക്കര നഗരസഭ ചെയര്‍പേഴ്സന്റെ അധ്യക്ഷതയില്‍ തൃക്കാക്കര എം എല്‍ എ ഉമ തോമസ് മത്സരത്തിന്റെ ഉദ്ഘാടനം നിര്‍വഹിക്കും.

റസിഡന്റ് താത്കാലിക നിയമനം

എറണാകുളം സര്‍ക്കാര്‍ മെഡിക്കല്‍ കോളേജ് ആശുപത്രിയില്‍ റേഡിയോ ഡയഗ്‌നോസിസ് വിഭാഗത്തില്‍ ജൂനിയര്‍ റസിഡന്റ് തസ്തികയില്‍ താത്കാലിക നിയമനം നടത്തും.