കേരള സംസ്ഥാന യുവജന കമ്മീഷൻ കോഡിനേറ്റർമാരുടെ ദ്വിദിന ശിൽപശാല ഓഗസ്റ്റ് 27,28 തീയതികളിൽ തിരുവനന്തപുരം വെള്ളാർ കേരള ആർട്സ് ആൻഡ് ക്രാഫ്റ്റ് വില്ലേജിൽ നടക്കും.

ക്ഷയരോഗ ബാധിതര്‍ക്ക്  സാമൂഹിക പിന്തുണ നൽകിയ നിക്ഷയ് മിത്ര അംഗങ്ങളുടെ സംഗമവും അനുമോദനവും സംഘടിപ്പിച്ചു.  കളക്ടറേറ്റ് കോൺഫറൻസ് ഹാളിൽ നടന്ന ചടങ്ങ് ജില്ലാ കളക്ടർ അനുകുമാരി ഉദ്ഘാടനം ചെയ്തു.

പദ്ധതിയുടെ ഭാഗമായി  30 പേർക്ക് സൗജന്യ ഭക്ഷ്യ കിറ്റ് വിതരണം ചെയ്തു.  കളക്ടർ, അസിസ്റ്റന്റ് കളക്ടർ ശക്തിവേൽ, ഭീമ ഗോവിന്ദൻ തുടങ്ങിയവർ പുതുതായി നിക്ഷയ് മിത്രമായി ചേർന്നു. രോഗബാധിതര്‍ക്ക് അധിക പോഷകവും സാമൂഹിക പിന്തുണയും ഉറപ്പാക്കാന്‍ ദാതാക്കളെ കണ്ടെത്തുന്ന പദ്ധതിയാണ് നിക്ഷയ് മിത്ര.

നെഹ്റു ട്രോഫി വള്ളംകളി ദിനമായ ആഗസ്റ്റ് 30 ശനിയാഴ്ച ആലപ്പുഴ  ജില്ലയിലെ എല്ലാ സര്‍ക്കാര്‍ ഓഫീസുകൾക്കും, വിദ്യാഭ്യാസ സ്ഥാപനങ്ങൾക്കും പ്രാദേശിക അവധി അനുവദിച്ച് ജില്ലാ കളക്ടര്‍ ഉത്തരവിട്ടു. നേരത്തെ ജില്ലയിലെ ചേര്‍ത്തല, അമ്പലപ്പുഴ, കുട്ടനാട്, കാര്‍ത്തികപ്പള്ളി, ചെങ്ങന്നൂര്‍ എന്നീ താലൂക്കുകളിലെ എല്ലാ സര്‍ക്കാര്‍ ഓഫീസുകൾക്കും, വിദ്യാഭ്യാസ സ്ഥാപനങ്ങൾക്കും പ്രാദേശിക അവധി അനുവദിച്ചിരുന്നു. തുടര്‍ന്ന് മാവേലിക്കര താലൂക്കിലും അവധി പ്രഖ്യാപിക്കുകയായിരുന്നു. പൊതുപരീക്ഷകള്‍ മുന്‍ നിശ്ചയ പ്രകാരം നടക്കും.
(പിആര്‍/എഎല്‍പി/2570)

സംസ്ഥാന യുവജന കമ്മീഷന്‍ കോഡിനേറ്റര്‍മാരുടെ ദ്വിദിന ശില്‍പശാല ആഗസ്റ്റ് 27, 28 തീയതികളില്‍ തിരുവനന്തപുരം വെള്ളാര്‍ കേരള ആര്‍ട്സ് ആന്‍ഡ് ക്രാഫ്റ്റ് വില്ലേജില്‍ സംഘടിപ്പിക്കും. ശില്‍പശാല 27ന് രാവിലെ 11 മണിക്ക്  മന്ത്രി സജി ചെറിയാന്‍ ഉദ്ഘാടനം ചെയ്യും.

ചടങ്ങില്‍ യുവജന കമ്മീഷന്‍ ചെയര്‍മാന്‍ എം. ഷാജര്‍ അധ്യക്ഷത വഹിക്കും. വിവിധ ജില്ലകളില്‍ നിന്നുള്ള തിരഞ്ഞെടുക്കപ്പെട്ട പ്രതിനിധികൾ പരിശീലന പരിപാടിയില്‍ പങ്കെടുക്കും.

പട്ടികജാതി വികസനവകുപ്പിന് കീഴില്‍ ചാവടിയില്‍ പ്രവര്‍ത്തിക്കുന്ന കാഞ്ഞിരംകുളം ഐടിഐ യിലെ പ്ലംബര്‍ ട്രേഡില്‍ (ഒരു വര്‍ഷം) പട്ടികജാതി വിഭാഗത്തില്‍ സീറ്റ് ഒഴിവുള്ളതിലേക്ക് സ്‌പോട്ട് അഡ്മിഷന്‍ നടത്തും. താത്പര്യം ഉള്ളവര്‍ അസല്‍ സര്‍ട്ടിഫിക്കറ്റ് സഹിതം ഉടൻ ബന്ധപ്പെടുക.

കൂടുതല്‍ വിവരങ്ങള്‍ക്ക് 9605235311 .

കയർ തൊഴിലാളി ക്ഷേമനിധിയിൽ അംഗങ്ങളായ കയർ തൊഴിലാളികളുടെ പെൺമക്കൾക്ക് ഉപരി പഠനത്തിനുള്ള സ്‌കോളർഷിപ്പ് പദ്ധതിക്ക് സർക്കാർ 10 ലക്ഷം രൂപ അനുവദിച്ചു. ഹയർ സെക്കൻഡറി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ പെൺകുട്ടികളിൽ 100 പേർക്ക് 10,000 രൂപ പ്രകാരം ഉപരിപഠനത്തിനുള്ള സ്‌കോളർഷിപ്പായാണ് തുക അനുവദിച്ചത്. കയർ തൊഴിലാളികൾക്കായി രണ്ട് ലക്ഷം രൂപ കവറേജ് വരുന്ന അപകടമരണ ഇൻഷുറൻസ് പദ്ധതി നടപ്പിലാക്കുന്നതിനും സർക്കാർ ഭരണാനുമതി നൽകി. ക്ഷേമനിധി അംഗങ്ങൾക്കായി നടപ്പാക്കുന്ന രണ്ടു പദ്ധതികൾക്കുമായി ആകെ 27.40 ലക്ഷം രൂപയാണ് ഓണക്കാലത്ത് സർക്കാർ അനുവദിച്ചത്.

സപ്ലൈകോ ഓണം ഫെയറിന്റെയും സഞ്ചരിക്കുന്ന ഓണച്ചന്തയുടെയും  കോട്ടയം ജില്ലാ തല ഉദ്ഘാടനം ഇന്ന് (ഓഗസ്റ്റ് 26, ചൊവ്വ). രാവിലെ 9.30ന് തിരുനക്കര മൈതാനത്ത് സഹകരണ - തുറമുഖ- രജിസ്‌ട്രേഷൻ വകുപ്പ് മന്ത്രി വി.എൻ. വാസവൻ ഉദ്ഘാടനം നിർവഹിക്കും. തിരുവഞ്ചൂർ രാധാകൃഷ്ണൻ എം.എൽ.എ. അധ്യക്ഷത വഹിക്കും. അഡ്വ. കെ. ഫ്രാൻസിസ് ജോർജ് എം.പി.  ആദ്യ വിൽപ്പന നിർവഹിക്കും. സഞ്ചരിക്കുന്ന ഓണച്ചന്തയുടെ ഫ്‌ളാഗ് ഓഫ് ജില്ലാ പഞ്ചായത്ത് പ്രസിഡന്റ് ഹേമലത പ്രേം  സാഗർ നിർവഹിക്കും.

: ജീവനക്കാരുടെ ക്ഷേമം മുൻനിർത്തിയുള്ള പ്രവർത്തനങ്ങളിൽ സഹകരണ മേഖല മാതൃകയാണെന്ന് സഹകരണ-തുറമുഖം-ദേവസ്വംവകുപ്പുമന്ത്രി വി.എൻ. വാസവൻ. സംസ്ഥാന സഹകരണ ജീവനക്കാരുടെ വെൽഫെയർ ബോർഡ് അംഗങ്ങളുടെ മക്കൾക്ക് വിദ്യാഭ്യാസമികവിനുള്ള സ്‌കോളർഷിപ്പു വിതരണവും
കുടിശിക ഒഴിവാക്കിയുള്ള അംഗത്വ ക്യാമ്പയിന്റെ സംസ്ഥാനതല ഉദ്ഘാടനവും നിർവഹിച്ചു പ്രസംഗിക്കുകയായിരുന്നു അദ്ദേഹം.

 വനിതാ ശിശുവികസന വകുപ്പ് ബേട്ടി ബച്ചാവോ ബേട്ടി പഠാവോ 2025-2026 പദ്ധതിയുടെ ആഭിമുഖ്യത്തിൽ ജില്ലയിലെ പ്ലസ് ടു കഴിഞ്ഞ വിദ്യാർഥിനികൾക്കായി അസാപ്പുമായി ചേർന്ന് വെർച്യുൽ റിയാലിറ്റി ഡെവലപ്പർ കോഴ്‌സും ചങ്ങനാശ്ശേരി മീഡിയ വില്ലേജുമായി ചേർന്ന് ആറുദിവസം നീണ്ടുനിൽക്കുന്ന ഡിജിറ്റൽ ഫിലിം മേക്കിങ് വർക്ക് ഷോപ്പും സൗജന്യമായി നൽകുന്നു. താല്പര്യമുള്ളവർ ഓഗസ്റ്റ് 30ന് വൈകീട്ട് അഞ്ചിനു മുൻപായി dhewktm@gmail.com എന്ന മെയിൽ ഐഡിയിലേക്ക് അപേക്ഷിക്കണം. വിശദവിവരത്തിന്് ഫോൺ: 9446127547, 8891693494.