ബിരുദധാരികളായ യുവതീ-യുവാക്കള്‍ക്ക് കണ്ണൂര്‍ ജില്ലാ ഭരണകൂടത്തോടൊപ്പം പ്രവര്‍ത്തിക്കാനുള്ള അവസരമായി ജില്ലാ കലക്ടറുടെ ഇന്റേണ്‍ഷിപ് പ്രോഗ്രാമിലേക്ക് (ഡിസിഐപി) അപേക്ഷിക്കാം. അപേക്ഷ സമര്‍പ്പിക്കാനുള്ള അവസാന തീയതി സെപ്റ്റംബര്‍ എട്ട്. മികച്ച കരിയര്‍ വളര്‍ച്ചയ്ക്കും വ്യക്തിഗത വികാസത്തിനും മുതല്‍കൂട്ടാകുന്ന രീതിയിലാണ് ഇന്റേണ്‍ഷിപ്പ് പ്രോഗ്രാം. ജില്ലയിലെ വിവിധ വികസന, സാമൂഹ്യക്ഷേമ പദ്ധതികളുടെ ഭാഗമായി പ്രവര്‍ത്തിക്കാനും അതുവഴി സര്‍ക്കാര്‍ സംവിധാനത്തെക്കുറിച്ച് വ്യക്തമായ കാഴ്ച്ചപ്പാട് നേടാനും ഡിസിഐപി വഴി ഒരുക്കും.

ജിഎസ്ടി  നിരക്കുകൾ കുറയ്ക്കുന്നതിനെ തുടർന്ന് കേരളം ഉൾപ്പെടെയുള്ള സംസ്ഥാനങ്ങളുടെ വരുമാനത്തിൽ വൻ തിരിച്ചടിയുണ്ടാകുമെന്ന് ധനമന്ത്രി കെ. എൻ.

സർക്കാരിന്റെ സൗജന്യ ഓണക്കിറ്റ് പദ്ധതി പ്രകാരം 6,32,910 കിറ്റുകളാണ് വിതരണം ചെയ്യുന്നതെന്ന് ഭക്ഷ്യ പൊതു വിതരണ വകുപ്പ് മന്ത്രി ജി ആർ അനിൽ പറഞ്ഞു.

കണ്ണൂര്‍ ഗവ. വനിതാ ഐ.ടി.ഐയില്‍ പട്ടികജാതി വിഭാഗത്തിനായി സംവരണം ചെയ്ത ഏതാനും സീറ്റുകളിലേക്ക് സ്പോട്ട് അഡ്മിഷന്‍ നടത്തുന്നു. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍, ടി.സി എന്നിവ സഹിതം രക്ഷിതാവിനൊപ്പം ആഗസ്റ്റ് 29 ന് രാവിലെ 10.30 ന് നേരിട്ട് എത്തണം. ഫോണ്‍: 9400527012

ദേശീയ കായികദിനമായ ആഗസ്റ്റ് 29 ന് ജില്ലയിലെ എല്ലാ അസോസിയേഷനുകളും പഞ്ചായത്ത് സ്പോര്‍ട്സ് കൗണ്‍സിലിന്റെ സഹായത്തോടെ അക്കാദമികളെയും സ്പോര്‍ട്സ് ക്ലബുകളെയും ബന്ധപ്പെടുത്തി വിവിധ കായിക പരിപാടികള്‍ സംഘടിപ്പിക്കണമെന്ന് സ്പോര്‍ട്സ് കൗണ്‍സില്‍ ജില്ലാ സെക്രട്ടറി അറിയിച്ചു.

കൃഷ്ണമേനോന്‍ സ്മാരക ഗവ. വനിത കോളേജ് ടൂറിസം ക്ലബ്, നാഷണല്‍ സര്‍വീസ് സ്‌കീം എന്നിവയുടെ സംയുക്താഭിമുഖ്യത്തില്‍ സ്‌കൂള്‍, കോളേജ് വിദ്യാര്‍ഥികള്‍ക്കായി പ്രത്യേക ഓണാഘോഷ പരിപാടി' പിള്ളേരോണം പൊളിച്ചോണം' സംഘടിപ്പിക്കുന്നു. എല്‍ പി, യു പി വിദ്യാര്‍ഥികള്‍ക്കുള്ള പെയിന്റിംഗ് ജലച്ചായം, ഹൈസ്‌കൂള്‍, ഹയര്‍ സെക്കന്‍ഡറി വിദ്യാര്‍ഥികള്‍ക്കുള്ള എണ്ണച്ചായം, കണ്ണൂര്‍ യൂണിവേഴ്സിറ്റി കോളേജ് വിദ്യാര്‍ഥികള്‍ക്കുള്ള മെഹന്തി മത്സരം എന്നിവ ആഗസ്റ്റ് 30 ന് രാവിലെ 10.30 ന് പള്ളിക്കുന്ന് കൃഷ്ണമേനോന്‍ സ്മാരക ഗവ. വനിതാ കോളേജില്‍ നടക്കും.

സംസ്ഥാന ടൂറിസം വകുപ്പും ജില്ലാ ടൂറിസം പ്രൊമോഷന്‍ കൗണ്‍സിലും ചേര്‍ന്ന് സെപ്റ്റംബര്‍ രണ്ട് മുതല്‍ ഒന്‍പത് വരെ സംഘടിപ്പിക്കുന്ന ഓണാഘോഷ പരിപാടികളുടെ ഭാഗമായി കണ്ണൂര്‍ നഗരത്തിലെ സര്‍ക്കാര്‍, അര്‍ധ സര്‍ക്കാര്‍, പൊതുമേഖല, സ്വകാര്യ മേഖല സ്ഥാപനങ്ങള്‍ക്കായി പൂക്കള മത്സരം സംഘടിപ്പിക്കുന്നു. അതാത് സ്ഥാപനങ്ങളില്‍ തന്നെയാണ് പൂക്കളം ഒരുക്കേണ്ടത്. വിജയികളാകുന്ന ആദ്യ മൂന്ന് സ്ഥാനക്കാര്‍ക്ക് 10,000, 7500, 5000രൂപ വീതം ലഭിക്കും. പോത്സാഹന സമ്മാനമായി അഞ്ച് പേര്‍ക്ക് 1000 രൂപ വീതവും നല്‍കും. അതാത് സ്ഥാപനങ്ങളില്‍ സന്ദര്‍ശിച്ചാണ് വിധി നിര്‍ണയം നടത്തുക.

കോന്നി അരുവാപ്പുലം ഗ്രാമപഞ്ചായത്തില്‍ ഉന്നതനിലവാരത്തില്‍ നിര്‍മിച്ച ടര്‍ഫ് കോര്‍ട്ടിന്റെ ഉദ്ഘാടനം ഓഗസ്റ്റ് 27 ന് വൈകിട്ട് മൂന്നിന് കല്ലേലില്‍ കായിക വകുപ്പ് മന്ത്രി വി. അബ്ദുറഹിമാന്‍ നിര്‍വഹിക്കും. ഗ്രാമപഞ്ചായത്ത് പ്രസിഡന്റ് രേഷ്മ മറിയം റോയി അധ്യക്ഷയാകും. അഡ്വ. കെ.യു ജനീഷ് കുമാര്‍ എംഎല്‍എ മുഖ്യപ്രഭാഷണം നടത്തും. ജില്ലാപഞ്ചായത്ത് അംഗങ്ങളായ വി.ടി അജോമോന്‍, ജിജോ മോഡി, കോന്നി ബ്ലോക്ക് പഞ്ചായത്ത് വൈസ് പ്രസിഡന്റ് ആര്‍.ദേവകുമാര്‍, പഞ്ചായത്ത് അംഗങ്ങള്‍ തുടങ്ങിയവര്‍ പങ്കെടുക്കും.

ജില്ലാ വികസന സമിതി യോഗം ആഗസ്റ്റ് 30 ശനിയാഴ്ച രാവിലെ 10.30 ന് കലക്ടറേറ്റ് ഓഡിറ്റോറിയത്തില്‍ ചേരും.

ഇളമണ്ണൂര്‍-കലഞ്ഞൂര്‍ റോഡില്‍ ടാറിങ് നടക്കുന്നതിനാല്‍ വാഹനഗതാഗതത്തിന് നിയന്ത്രണം ഏര്‍പ്പെടുത്തി.  വാഹനങ്ങള്‍ ഇളമണ്ണൂര്‍-കലഞ്ഞൂര്‍ വഴി ഭൂതംകര റോഡിലൂടെ തിരിഞ്ഞുപോകണം.