കണ്ണൂർ ജില്ലയിലെ തൃപ്പങ്ങോട്ടൂർ ഗ്രാമപഞ്ചായത്തിനെയും കോഴിക്കോട് ജില്ലയിലെ നാദാപുരം ഗ്രാമപഞ്ചായത്തിനെയും ബന്ധിപ്പിക്കുന്ന ചെറ്റക്കണ്ടി പാലത്തിന്റെ അറ്റകുറ്റപ്പണികൾ നടക്കുന്നതിനാൽ സെപ്റ്റംബർ എട്ട് മുതൽ സെപ്റ്റംബർ 23 വരെ  ഇതുവഴിയുള്ള വാഹനഗതാഗതം പൂർണമായും നിരോധിച്ചതായി കണ്ണൂർ പൊതുമരാമത്ത് പാലങ്ങൾ ഉപവിഭാഗം അസി. എക്‌സിക്യൂട്ടീവ് എഞ്ചിനീയർ അറിയിച്ചു. വാഹനങ്ങൾ മുണ്ടത്തോട് വഴിയോ പെരിങ്ങത്തൂർ വഴിയോ പോകണം. ഫോൺ: 0497 2700310

മലബാർ ദേവസ്വം ബോർഡ് തലശ്ശേരി അസി. കമ്മീഷണറുടെ ഔദ്യോഗിക ആവശ്യങ്ങൾക്കായി മാസത്തിൽ ശരാശരി 1000 കിലോമീറ്റർ യാത്ര ചെയ്യുന്നതിനായി ടാക്‌സി പെർമിറ്റുള്ള ഏഴ് സീറ്റ് വാഹനം ഡ്രൈവറടക്കം നൽകുന്നതിന് ക്വട്ടേഷൻ ക്ഷണിച്ചു. ഏഴ് വർഷത്തിൽ താഴെ പഴക്കമുള്ള വാഹനം മാസവാടക നിരക്കിൽ ഒരുവർഷത്തേക്കാണ് ലഭിക്കേണ്ടത്. ക്വട്ടേഷനുകൾ സെപ്റ്റംബർ 18 ന് ഉച്ചയ്ക്ക് രണ്ട് മണിക്കകം മലബാർ ദേവസ്വം ബോർഡ് അസിസ്റ്റന്റ് കമ്മീഷണറുടെ ഓഫീസിൽ ലഭിക്കണം. ഫോൺ: 0490 2321818

കണ്ണൂർ ഗവ. ഐ.ടി.ഐയിൽ നടത്തുന്ന ഫയർ ആൻഡ് സേഫ്റ്റി, ഓയിൽ ആൻഡ് ഗ്യാസ് ടെക്‌നോളജി, എയർപോർട്ട് മാനേജ്‌മെന്റ് വിത്ത് സപ്ലൈ ചെയിൻ ലോജിസ്റ്റിക്‌സ്, ഡിജിറ്റൽ മാർക്കറ്റിങ്ങ് വിത്ത് എ ഐ ഡിപ്ലോമ കോഴ്‌സുകളിലേക്ക് അപേക്ഷ ക്ഷണിച്ചു. ഫോൺ: 8301098705

കണ്ണൂർ ഗവ. വനിത ഐ.ടി.ഐയിൽ ഐ എം സി യുടെ ആഭിമുഖ്യത്തിൽ പത്താം ക്ലാസ് മുതൽ യോഗ്യതയുള്ളവർക്ക് തൊഴിലധിഷ്ഠിത എയർ കാർഗോ ഷിപ്പിംഗ് ആൻഡ് ലോജിസ്റ്റിക് മാനേജ്മെന്റ്, എയർലൈൻ ഹോസ്പിറ്റാലിറ്റി ആൻഡ് ട്രാവൽ മാനേജ്മെന്റ് (ഏവിയേഷൻ), ഇന്റർനാഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ, എ സി മെക്കാനിക്ക് കോഴ്സുകളിലേക്ക് അഡ്മിഷൻ ആരംഭിച്ചു. ഫോൺ: 8921512459

കെ.എസ്.ആർ.ടി.സി പയ്യന്നൂർ യൂണിറ്റ് ബജറ്റ് ടൂറിസം സെല്ലിന്റെ നേതൃത്വത്തിൽ പഞ്ചപാണ്ഡവ ക്ഷേത്ര തീർത്ഥയാത്ര സംഘടിപ്പിക്കുന്നു. സെപ്റ്റംബർ രണ്ടിന് പുലർച്ചെ അഞ്ചിന് പയ്യന്നൂരിൽ നിന്നും പുറപ്പെട്ട്് നാലിന് പുലർച്ചെ തിരിച്ചെത്തുന്ന വിധത്തിലാണ് യാത്ര. പഞ്ചപാണ്ഡവ ക്ഷേത്രങ്ങൾക്ക് പുറമെ ചോറ്റാനിക്കര ദേവി ക്ഷേത്രം, വൈക്കം മഹാദേവ ക്ഷേത്രം, ഏറ്റുമാനൂർ മഹാദേവ ക്ഷേത്രം, അമ്പലപ്പുഴ ശ്രീകൃഷ്ണ ക്ഷേത്രം, മണ്ണാറശാല നാഗരാജ ക്ഷേത്രം എന്നിവിടങ്ങളും ആറന്മുള വള്ള സദ്യയും പാക്കേജിൽ ഉൾപ്പെടുത്തിയിട്ടുണ്ട്. ആദ്യം ബുക്ക് ചെയ്യുന്ന 36 പേർക്കാണ് അവസരം. ഫോൺ: 9495403062, 9745534123

കേരള സംസ്ഥാന യുവജനക്ഷേമ ബോർഡിന്റെ 2024 ലെ സ്വാമി വിവേകാനന്ദൻ യുവപ്രതിഭാ പുരസ്‌കാരത്തിന് നാമനിർദേശം ക്ഷണിച്ചു. സാമൂഹ്യ പ്രവർത്തനം, മാധ്യമ പ്രവർത്തനം (അച്ചടി, ദൃശ്യ മാധ്യമം), കല, സാഹിത്യം, കായികം (വനിത, പുരുഷൻ), സംരംഭകത്വം, കൃഷി എന്നീ മേഖലകളിൽ മികച്ച പ്രവർത്തനം നടത്തിയ വ്യക്തികൾക്കാണ് പുരസ്‌കാരം. 50,000 രൂപയും പ്രശസ്തി പത്രവും നൽകും. വ്യക്തിഗത പുരസ്‌കാരത്തിനായി അതത് മേഖലകളിലെ 18നും 40നും മധ്യേ പ്രായമുളള യുവജനങ്ങളെ നാമനിർദേശം ചെയ്യാം. സ്വയം അപേക്ഷ സമർപ്പിക്കാൻ കഴിയില്ല.
 

*മാരാരിക്കുളം മത്സ്യ മാർക്കറ്റ് നിർമ്മാണ ഉദ്ഘാടനവും മാരാരിക്കുളം ക്ഷേത്രം റോഡ് ഉദ്ഘാടനവും മന്ത്രി നിർവഹിച്ചു

അമ്പലപ്പുഴ-ഹരിപ്പാട് റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 92 (കോമന ഗേറ്റ്) ആഗസ്റ്റ് 27ന് രാവിലെ എട്ടു മണി മുതല്‍ 28ന് വൈകിട്ട് ആറുമണിവരെ അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ ലെവല്‍ ക്രോസ് നമ്പര്‍ 91(എഎംപിഎ വടക്ക്) വഴി പോകണം.

പുളിങ്കുന്ന് വില്ലേജില്‍ സര്‍വ്വെ നമ്പര്‍ 545/11-3 ല്‍ പെട്ട 2.24.81 ഹെക്ടര്‍ പുറമ്പോക്ക് നിലത്തിലെ 1201 -ാമാണ്ടിലെ പുഞ്ചകൃഷി അവകാശം സെപ്റ്റംബര്‍ രണ്ടാം തീയതി രാവിലെ 11 മണിക്ക് പുളിങ്കുന്ന് വില്ലേജ് ഓഫീസില്‍ പരസ്യമായി ലേലം ചെയ്യും കൂടുതൽ വിവരങ്ങൾക്ക് ഫോൺ: 0477-2702221.

മെഡിക്കൽ വിദ്യാഭ്യാസ വകുപ്പ് നടത്തിയ ഡി.ഫാം പാർട്ട് 11 (റഗുലർ/ സപ്ലിമെന്ററി) മെയ് 2025ന്റെ പരീക്ഷാഫലം പ്രസിദ്ധപ്പെടുത്തി.

തിരുവനന്തപുരം ജില്ലാ എംപ്ലോയ്മെന്റ് എക്സ്ചേഞ്ചിനു കീഴിലുള്ള എംപ്ലോയബിലിറ്റി സെന്ററിൽ ആഗസ്റ്റ് 29ന് രാവിലെ 10ന് സ്വകാര്യ സ്ഥാപനങ്ങളിലെ വിവിധ ഒഴിവുകളിലേക്ക് അഭിമുഖം നടക്കും.