ഈ വർഷത്തെ ശബരിമല മണ്ഡല മകരവിളക്ക് മഹോത്സവതോടനുബന്ധിച്ച് ജില്ലയിൽ  ഹോട്ടലുകളിലെ   ഭക്ഷണവില നിശ്ചയിച്ച് ജില്ലാ കളക്ടർ ഉത്തരവായി. 1955 ലെ അവശ്യ സാധന നിയമത്തിലെ സെക്ഷന്‍ 3 പ്രകാരമാണ്  വില നിര്‍ണ്ണയിച്ച് പ്രസിദ്ധപ്പെടുത്തിയിട്ടുള്ളത്. ഹോട്ടലുകള്‍, ബേക്കറികള്‍ ( 5 സ്റ്റാര്‍ ബാര്‍ ഹോട്ടലുകള്‍ ഒഴികെ) എന്നിവിടങ്ങളിലെ വെജിറ്റേറിയന്‍ ഭക്ഷണ സാധനങ്ങളുടെ വില ജി എസ് ടി ഉൾപ്പെടെയാണ്  നിശ്ചയിച്ചിട്ടുള്ളത്.

ഇടുക്കിയുടെ ചരിത്രത്തിലാദ്യമായി ജലവിമാനമെത്തുന്നു. മൂന്നാറിലെ മാട്ടുപ്പെട്ടി ജലാശയത്തിലാണ് സീപ്ലെയിൻ ഇറങ്ങുക. നവംബർ 11 തിങ്കളാഴ്ച രാവിലെ 11 ന്  മാട്ടുപ്പെട്ടിയുടെ ജലപ്പരപ്പിലേക്ക് സീപ്ലെയിൻ താണിറങ്ങും. ജലവിഭവ വകുപ്പ് മന്ത്രി റോഷി അഗസ്റ്റിൻ്റെ നേതൃത്വത്തിൽ സ്വീകരണം നൽകും. എം എൽ എമാരായ എ. രാജ,എം. എം. മണി എന്നിവർ സന്നിഹിതരായിരിക്കും.

സംസ്ഥാന ന്യൂനപക്ഷ കമ്മീഷന്റെ ആഭിമുഖ്യത്തിൽ കേരള നോളജ് ഇക്കോണമി മിഷനുമായി ചേർന്ന് നടപ്പിലാക്കുന്ന 'സമന്വയ' (ന്യൂനപക്ഷ യുവജനങ്ങൾക്ക് ഒരു ലക്ഷം തൊഴിലവസരങ്ങൾ) പദ്ധതിയുടെ ഇടുക്കി ജില്ലാതല ഉദ്ഘാടനം തൊടുപുഴ കാരിക്കോട് നൈനാർ ജുമാമസ്ജിദ് ഓഡിറ്റോറിയത്തിൽ ഇന്ന് (9) രാവിലെ 9 മണിക്ക് നടക്കും. തൊടുപുഴ നഗരസഭാ ചെയർപേഴ്സൺ സബീന ബിഞ്ചു ഉദ്‌ഘാടനം നിർവ്വഹിക്കും. കമ്മീഷൻ അംഗം എ. സൈഫുദ്ദീൻ ഹാജി അദ്ധ്യക്ഷത വഹിക്കും. ജനപ്രതിനിധികൾ, വിവിധ ന്യൂനപക്ഷ സംഘടനാ നേതാക്കൾ, സംഘാടക സമിതി ഭാരവാഹികൾ തുടങ്ങിയവർ പങ്കെടുക്കും.

സംസ്ഥാന ന്യൂനപക്ഷ കമ്മീഷന്റെ ആഭിമുഖ്യത്തിൽ കേരള നോളജ് ഇക്കോണമി മിഷനുമായി ചേർന്ന് നടപ്പാക്കുന്ന 'സമന്വയ'  പദ്ധതിയുടെ ഇടുക്കി ജില്ലാതല ഉദ്ഘാടനം തൊടുപുഴ നഗരസഭാ ചെയർപേഴ്സൺ സബീന ബിഞ്ചു ഉദ്‌ഘാടനം നിർവ്വഹിച്ചു. ന്യൂനപക്ഷ യുവജനങ്ങൾക്ക് ഒരു ലക്ഷം തൊഴിലവസരങ്ങൾ ഉറപ്പാക്കുന്നതാണ് പദ്ധതി .കാരിക്കോട് നൈനാർ ജുമാമസ്ജിദ് ഓഡിറ്റോറിയത്തിൽ നടന്ന പരിപാടിയിൽ കമ്മീഷൻ അംഗം എ. സൈഫുദ്ദീൻ ഹാജി അദ്ധ്യക്ഷത വഹിച്ചു.

*അന്വേഷണങ്ങൾക്ക്  വാട്സ്‌ ആപ്പ് 9656402182
* https://forms.gle/thMK5QbB2FxGYz3FA

ജില്ലയിലെ വിവിധ ശിശുസംരക്ഷണ സ്ഥാപനങ്ങളിലുള്ള ആയിരത്തിലധികം കുട്ടികളുടെ ചുണ്ടിൽ പുഞ്ചിരിവിരിയിക്കാൻ "ചിന്ന ചിന്ന ആശൈ" പദ്ധതിയുമായി ഇടുക്കി ജില്ലാഭരണകൂടം. ശിശുദിനത്തോടനുബന്ധിച്ച് പതിനെട്ട് വയസുവരെയുള്ള1084 കുട്ടികൾക്ക് പൊതുജനങ്ങളുടെ സഹകരണത്തോടെ സമ്മാനങ്ങൾ നൽകുന്നതാണ് പദ്ധതിയെന്ന് ജില്ലാ കളക്ടർ വി വിഗ്നേശ്വരി പറഞ്ഞു.

ഇലക്ട്രിക്കലി ഓപ്പറേറ്റഡ് ലിഫ്റ്റിങ് ബാരിയര്‍ (ഇ.ഒ.എല്‍.ബി) സ്ഥാപിക്കുന്നതുമായി ബന്ധപ്പെട്ട് പട്ടാമ്പിക്കും പള്ളിപ്പുറം സ്റ്റേഷനും ഇടയിലുള്ള റെയില്‍ ക്രോസിങ് ഗേറ്റ് (എല്‍.സി നം. 167 എ, കി.മീ 597/200-300) നവംബര്‍ 13 (ബുധനാഴ്ച) ന് അടച്ചിടുമെന്ന് ഷൊര്ണൂര്‍ അസിസ്റ്റന്റ് ഡിവിഷണല്‍ എഞ്ചിനീയര്‍ അറിയിച്ചു. റോഡ് യാത്രികര്‍ പട്ടാമ്പി - പള്ളിപ്പുറം റോഡിന് പകരം പട്ടാമ്പിയില്‍ നിന്ന് വെള്ളിയാങ്കല്ല് പാലം വഴി പള്ളിപ്പുറം റോഡ് ഉപയോഗിക്കേണ്ടതാണ്. രാവിലെ എട്ട് മുതല്‍ വൈകിട്ട് അഞ്ച് വരെയാണ് ഗേറ്റ് അടച്ചിടുന്നത്.

വാളയാര്‍ രണ്ടാം വിള ജലവിതരണ തിയതി നിശ്ചയിക്കുന്നതിനായി പദ്ധതി പ്രദേശത്തെ കര്‍ഷകരുടെ കനാല്‍ കമ്മിറ്റി യോഗം  വാളയാര്‍ ഡാം സെക്ഷന്‍ ഓഫീസില്‍ നവംബര്‍ 14 ന് രാവിലെ 11 നും പാറ വാളയാര്‍ കനാല്‍ സെക്ഷന്‍ ഓഫീസില്‍ നവംബര്‍ 15 ന് രാവിലെ 11 നും നടക്കും. നവംബര്‍ എട്ടിന് ചിറ്റൂര്‍ ഇറിഗേഷന്‍ വകുപ്പ് എക്സിക്യൂട്ടിവ് എഞ്ചിനീയര്‍ കിരണ്‍ എബ്രഹാം തോമസിന്റെ അധ്യക്ഷതയില്‍ യോഗം ചേര്‍ന്നു. രണ്ടാം വിള ജലസേചനം, കനാല്‍ നവീകരണം, ഡാം സ്റ്റോറേജ് എന്നിവ യോഗത്തില്‍ വിലയിരുത്തി. ജലസേചന വകുപ്പ് എക്സിക്യൂട്ടിവ് എഞ്ചിനീയര്‍ പി. അരുണ്‍, അസിസ്റ്റന്റ് എഞ്ചിനീയര്‍മാരായ വി. ആര്‍.

ഉപതിരഞ്ഞടുപ്പ് നവംബര്‍ 20 ലേക്ക് മാറ്റിയ സാഹചര്യത്തില്‍ പോളിങ് ഉദ്യോഗസ്ഥര്‍ക്കുള്ള മൂന്നാം ഘട്ട പരിശീലനം നവംബര്‍ 13, 14 തിയതികളില്‍ പാലക്കാട് മേഴ്സി കോളേജ് ഓഡിറ്റോറിയത്തില്‍ നടക്കുമെന്ന് ഇലക്ഷന്‍ ഡെപ്യൂട്ടി കളക്ടര്‍ അറിയിച്ചു. പോളിങ് പാര്‍ട്ടി നമ്പര്‍ ഒന്നു മുതല്‍ 36 വരെയും 50 മുതല്‍ 74 വരെയും നവംബര്‍ 13 ന് രാവിലെ പത്തിനും, 37 മുതല്‍ 49 വരെയും 75 മുതല്‍ 122 വരെയും ഉച്ചയ്ക്ക് രണ്ടിന് നടക്കും.

സവിശേഷ പരിഗണന അർഹിക്കുന്ന കുട്ടികളെ ചേർത്തുപിടിച്ച്  ശ്രദ്ധേയമായ കായികമേളയുടെ സമാപന വേദിയിൽ പ്രണവ് ആലത്തൂരിന് ആദരം. കായികമേളയുടെ മുന്നോടിയായി വിദ്യാഭ്യാസ വകുപ്പ് പുറത്തിറക്കിയ പ്രൊമോ വീഡിയോയിൽ അഭിനയിച്ച പ്രണവ് ആലത്തൂരിനെ പൊതുവിദ്യാഭ്യാസ സെക്രട്ടറി റാണി ജോർജ് ആദരിച്ചു.

ഫുട്ബോള്‍, ചിത്രംവര, നീന്തല്‍ തുടങ്ങിയ മേഖലകളില്‍ കഴിവുതെളിയിച്ചിട്ടുള്ള  പ്രണവ്. ആലത്തൂര്‍ അരിങ്ങാട്ട് പറമ്പ് ദേവകീനിവാസിലെ ബാലസുബ്രഹ്മണ്യന്റെയും സ്വര്‍ണകുമാരി യുടെയും മകനാണ്.