മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ സംസ്ഥാന മിഷൻ ഓഫീസിലേക്ക് സ്റ്റേറ്റ് എം.ജി.എൻ.ആർ.ഇ.ജി.എ. എൻജിനിയർ തസ്തികയിൽ ഡെപ്യൂട്ടേഷൻ വ്യവസ്ഥയിൽ നിയമനത്തിന് അപേക്ഷ ക്ഷണിച്ചു.

        ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്സേഷൻ (ഗിഫ്റ്റ്) പി.എച്ച്.ഡി. (സോഷ്യൽ സയൻസ്) പ്രോഗ്രാമിലേക്ക് അപേക്ഷ ക്ഷണിച്ചു. കൊച്ചിൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജിയുടെ (കുസാറ്റ്) അഫിലിയേഷനുള്ള പി.എച്ച്.ഡി. പ്രോഗ്രാമിന്റെ അടിസ്ഥാന യോഗ്യത ഏതെങ്കിലും സോഷ്യൽ സയൻസ് വിഷയത്തിൽ ബിരുദാനന്തര ബിരുദമാണ്. ഇക്കണോമിക്സ്/ കൊമേഴ്സ് അഭിലഷണീയം.

പര്യടനം ആരംഭിച്ചു

നവംബർ 11, ദേശീയ മന്ത് രോഗ ദിനാചരണത്തിന്റെ ജില്ലാതല ഉദ്ഘാടനവും ബോധവത്കരണ പരിപാടിയും മരക്കാർ കണ്ടി ചന്ദ്രശേഖർ ഓഡിറ്റോറിയത്തിൽ മേയർ മുസ്ലിഹ് മഠത്തിൽ നിർവഹിച്ചു.
 കോർപറേഷൻ ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ എം പി രാജേഷ് അധ്യക്ഷത വഹിച്ചു.

നവംബർ 10 ലോക പ്രതിരോധകുത്തിവെയ്പ്പ് ദിനം ജില്ലയിൽ വിവിധ പരിപാടികളോടെ ആചരിച്ചു.
വിവിധ പ്രാഥമികരോഗ്യ കേന്ദ്രങ്ങൾ, കുടുംബരോഗ്യ കേന്ദ്രങ്ങൾ, സാമൂഹിക ആരോഗ്യ കേന്ദ്രങ്ങൾ സബ് സെന്റർ എന്നിവ കേന്ദ്രീകരിച്ച് പ്രതിരോധ കുത്തിവെപ്പിന്റെ പ്രാധാന്യത്തെക്കുറിച്ചുള്ള ക്ലാസുകളും പൊതുജങ്ങളെ പങ്കെടുപ്പിച്ചുള്ള പരിപാടികളും സംഘടിപ്പിച്ചു. ജില്ലയിലെ പ്രധാന വാക്സിൻ റെസിസ്റ്റൻസ് ഏരിയകളിൽ അംഗൻവാടികൾ കേന്ദ്രീകരിച്ചുകൊണ്ടുള്ള ബോധവത്കരണ പരിപാടികളും നടത്തി. പ്രതിരോധ കുത്തിവെപ്പിന്റെ പ്രാധാന്യത്തെക്കുറിച്ചും യഥാസമയം കുത്തിവെപ്പ് നടത്തേണ്ടതിന്റെ ആവശ്യകതയെക്കുറിച്ചും ക്ലാസുകളിൽ ഊന്നൽ നൽകി.

കണ്ണൂർ സർവകലാശാലയിൽ അസാപ്പിന്റെ സെന്റർ ഫോർ സ്‌കിൽ ഡവലപ്മെന്റ് കോഴ്സ് ആന്റ് കരിയർ പ്ലാനിങ് കേന്ദ്രത്തിൽ എൻറോൾഡ് ഏജന്റ് (ഇഎ) കോഴ്സ് ആരംഭിക്കുന്നു. ബികോം, എംകോം, ബിബിഎ, എംബിഎ- ഫിനാൻസ് ബിരുദധാരികൾക്ക്  അപേക്ഷിക്കാം. സ്‌ക്രീനിങ് ടെസ്റ്റ് മുഖേനയാണ് കോഴ്സിന് പ്രവേശനം നൽകുന്നത്. കോഴ്സ് സംബന്ധിച്ച വിവരങ്ങൾക്ക്
https://asapkerala.gov.in/course/enrolled-agent-offline, ഫോൺ: 7907828369.
 

കാഞ്ഞിരോട് നിന്നും പാറോത്തുംചാൽ, തലമുണ്ട ചൂള റോഡ് വഴി ചക്കരക്കൽ ടൗണിലേക്ക് കേബിൾ സ്ഥാപിക്കുന്ന പ്രവൃത്തി ഉടൻ ടെണ്ടർ ചെയ്യുമെന്നും അടുത്ത മാർച്ചോടു കൂടി കമ്മീഷൻ ചെയ്യാനാണ് ശ്രമിക്കുന്നതെന്നും ചക്കരക്കൽ സെക്ഷൻ അസിസ്റ്റന്റ് എഞ്ചിനീയർ എ സി അബ്ദുൽ നാസർ അറിയിച്ചു.

കണ്ണൂർ എഞ്ചിനീയറിംഗ് കോളേജിലെ മെക്കാനിക്കൽ എഞ്ചിനീയറിംഗ് വകുപ്പിലെ അഡ്വാൻസ് മാനുഫാക്ചറിംഗ് ലാബിലെ സിഎൻസി മില്ലിംഗ് മെഷീൻ പിരിയോഡിക്കൽ മെയിന്റനൻസ് ചെയ്യുന്നതിനും തകരാർ പരിഹരിക്കുന്നതിനുമായി ക്വട്ടേഷൻ ക്ഷണിച്ചു. നവംബർ 25 ന് ഉച്ചക്ക് 12.30 വരെ ക്വട്ടേഷൻ സ്വീകരിക്കും. വെബ്‌സൈറ്റ് www.gcek.ac.in , ഫോൺ : 0497 2780226

കണ്ണൂർ ജില്ലാ പഞ്ചായത്തിന്റെ കീഴിലുള്ള സയൻസ് പാർക്കിലെ ത്രീ ഡി ഷോ തിയറ്ററിലേക്ക് 100 ഉന്നത ഗുണനിലവാരമുള്ള പെർമനന്റ് ത്രി ഡി കണ്ണട വിതരണം ചെയ്യുന്നതിന് ക്വട്ടേഷൻ ക്ഷണിച്ചു. നവംബർ 20 ന് വൈകുന്നേരം മൂന്നിനകം ക്വട്ടേഷൻ ജില്ലാ പഞ്ചായത്ത് ഓഫീസിൽ സമർപ്പിക്കണം.  ഫോൺ : 0497 2700205

ഐ എൻ എസ് സെമോറിൻ, നേവൽ അക്കാഡമി ഏഴിമലയുടെ നേതൃത്വത്തിൽ സംഘടിപ്പിക്കുന്ന കണ്ണൂർ ജില്ലയിലെ നേവി വിധവകളുടെ സംഗമം നവംബർ 13 ന് രാവിലെ 11.30 മുതൽ ഉച്ചക്ക് ഒരു മണിവരെ കണ്ണൂർ ജില്ലാ സൈനിക ക്ഷേമ ഓഫീസിൽ നടത്തുമെന്ന് സൈനിക ക്ഷേമ ഓഫീസർ അറിയിച്ചു.