ജില്ലാ പദ്ധതി രൂപീകരണവുമായി ബന്ധപ്പെട്ട് വനിതാസംഘടനകളുടെയും വനിതരംഗത്ത് പ്രവര്‍ത്തിക്കുന്ന സന്നദ്ധ സംഘടനകളുടെയും യോഗം ഉസമിതി ചെയര്‍മാനും ആന്തൂര്‍ മുനിസിപ്പാലിറ്റി അധ്യക്ഷയുമായ പി.കെ ശ്യാമള ടീച്ചറുടെ നേതൃത്വത്തില്‍ ചേര്‍ന്നു. കണ്ണൂരിനെ സ്ത്രീ സൗഹൃദ ജില്ലയാക്കുന്നതിനുള്ള പദ്ധതികള്‍ യോഗം ചര്‍ച്ച ചെയ്തു. 

നവംബര്‍ 25ന് രാവിലെ മാങ്ങാട്ടുപറമ്പ് ബറ്റാലിയന്‍ ആസ്ഥാനത്ത് നടക്കുന്ന കേരള ആംഡ് പൊലീസ് നാലാം ബറ്റാലിയന്റെയും മലബാര്‍ സ്‌പെഷല്‍ പൊലീസ് റിക്രൂട്ട് പൊലീസ് കോണ്‍സ്റ്റബിള്‍മാരുടെയും സംയുക്ത പാസിംഗ് ഔട്ട് പരേഡില്‍ മുഖ്യമന്ത്രി പിണറായി വിജയന്‍ സല്യൂട്ട് സ്വീകരിക്കും. സംസ്ഥാന പൊലീസ് മേധാവി ലോക്‌നാഥ് ബെഹ്‌റ, എ.ഡി.ജി.പി സുധേഷ്‌കുമാര്‍, ഡി.ഐ.ജി ഷഫീന്‍ അഹമ്മദ്, കേരള ആംഡ് പൊലീസ് നാലാം ബറ്റാലിയന്‍ കമാന്‍ഡന്റ് കെ. സഞ്ജയ്കുമാര്‍ ഗുരുഡിന്‍, എം.എസ്.പി ബറ്റാലിയന്‍ കമാന്‍ഡന്റ് കെ.പി ഫിലിപ്പ് തുടങ്ങിയവര്‍ സംബന്ധിക്കും.
പി എന്‍ സി/4414/2017

ജില്ലാ തല എയ്ഡ്‌സ് ദിനാചരണത്തിന്റെ ഭാഗമായി വിവിധ പരിപാടികള്‍ നടത്തുന്നതിനായി ജില്ലാ പഞ്ചായത്ത് പ്രസിഡന്റ് രക്ഷാധികാരിയും ജില്ലാ കളക്ടര്‍ ചെയര്‍മാനുമായി സംഘാടക സമിതി രൂപവത്കരിച്ചു. ജില്ലാ മെഡിക്കല്‍ ഓഫീസര്‍ (ആരോഗ്യം) കണ്‍വീനായിരിക്കും. 

മീസില്‍സ്-റൂബെല്ല ്രപതിരോധ കുത്തിവെപ്പ് ക്യാംപയിന്റെ ആദ്യഘട്ടത്തില്‍ പിറകിലായിരുന്ന കണ്ണൂര്‍ ജില്ല കഴിഞ്ഞ മൂന്നാഴ്ചയ്ക്കകം വന്‍ പുരോഗതി കൈവരിച്ചതായി ജില്ലാ കലക്ടര്‍ മീര്‍ മുഹമ്മദലിയുടെ നേതൃത്വത്തില്‍ നടന്ന അവലോകന യോഗം വിലയിരുത്തി. മൂന്നാഴ്ച മുമ്പ് 37 ശതമാനമായിരുന്നത് നിലവില്‍ 81.5 ശതമാനമായി ഉയര്‍ന്നു. കുത്തിവയ്‌പ്പെടുക്കേണ്ട 5,93,129 കുട്ടികളില്‍ ഇതിനകം 4,83,400 പേര്‍ ഇതിനകം വാക്‌സിന്‍ സ്വീകരിച്ചു. വരുംദിനങ്ങളില്‍ കൂടുതല്‍ കുട്ടികള്‍ വാക്‌സിനെടുക്കാന്‍ സന്നദ്ധരായതായി സ്‌കൂള്‍ അധികൃതര്‍ അറിയിച്ചു.

കണ്ണൂര്‍ ജില്ലാ ആശുപത്രിയെ ഹൃദയ ശസ്ത്രകിയ ഉള്‍പ്പെടെ നടത്താവുന്ന വിധം വികസിപ്പിക്കുമെന്ന് ആരോഗ്യ, കുടുംബക്ഷേമ വകുപ്പ് മന്ത്രി കെ.കെ ശൈലജ ടീച്ചര്‍ പറഞ്ഞു. ജില്ലാ ആശുപത്രിയിലെ നവീകരിച്ച മോര്‍ച്ചറിയുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. ജില്ലാ പഞ്ചായത്ത് സമര്‍പ്പിച്ച ജില്ലാ ആശുപത്രി മാസ്റ്റര്‍ പ്ലാനിന് കിഫ്ബിയില്‍നിന്ന് 76 കോടി രൂപ സര്‍ക്കാര്‍ അനുവദിച്ചിട്ടുണ്ട്. ഇനിയും കൂടുതല്‍ തുക ആവശ്യം വരുമ്പോള്‍ അനുവദിക്കും. ഇവിടെ കാത് ലാബിന് ടെന്‍ഡര്‍ ആയിക്കഴിഞ്ഞതായി മന്ത്രി അറിയിച്ചു. 

2017 ഡിസംബര്‍ എട്ടു മുതല്‍ 15 വരെ തിരുവനന്തപുരത്ത് നടക്കുന്ന 22-ാമത് അന്താരാഷ്ട്ര ചലച്ചിത്രമേളയുടെ മീഡിയ രജിസ്‌ട്രേഷന്‍ ഇന്ന് (നവംബര്‍ 22)ആരംഭിക്കും.  റിപ്പോര്‍ട്ടു ചെയ്യാനെത്തുന്ന മാധ്യമപ്രതിനിധികള്‍ 24നകം www.iffk.in ല്‍  ഓണ്‍ലൈനായി രജിസ്‌ട്രേഷന്‍ പൂര്‍ത്തിയാക്കണം.  ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയാക്കിയവരുടെ പേരു വിവരം അടങ്ങിയ ലിസ്റ്റ് സ്ഥാപനത്തിന്റെ തിരുവനന്തപുരം ബ്യൂറോ ചീഫ് സാക്ഷ്യപ്പെടുത്തി നവംബര്‍ 28 ന് വൈകുന്നേരം അഞ്ചു മണിക്കു മുമ്പ് പി.ആര്‍.ഡി പ്രസ് റിലീസില്‍ എത്തിക്കണം.

മംഗളം ടെലിവിഷന്‍ മാര്‍ച്ച് 26ന് സംപ്രേഷണം ചെയ്ത വാര്‍ത്തയെപ്പറ്റി അന്വേഷണം നടത്താന്‍ നിയുക്തമായ ജസ്റ്റിസ് പി.എസ്. ആന്റണി കമ്മീഷന്‍ റിപ്പോര്‍ട്ട് മുഖ്യമന്ത്രി പിണറായി വിജയന് സമര്‍പ്പിച്ചു. രണ്ട് വാള്യങ്ങളിലായി 405 പേജുകളുളള റിപ്പോര്‍ട്ടാണ്  സെക്രട്ടേറിയറ്റിലെ മുഖ്യമന്ത്രിയുടെ ചേംബറിലെത്തി കമ്മീഷന്‍ സമര്‍പ്പിച്ചത്. 

പി.എന്‍.എക്‌സ്.4959/17

പട്ടികജാതി വിദ്യാര്‍ത്ഥികളുടെ വീടിനോട് ചേര്‍ന്ന് പഠനമുറിയും പട്ടികവര്‍ഗ ഊരുകളില്‍ കമ്മ്യൂണിറ്റി പഠനമുറിയും ഒരുക്കുന്നതിലൂടെ പഠനനിലവാരം ഉയര്‍ത്താന്‍ സാധിക്കുമെന്ന് പട്ടികജാതി പട്ടികവര്‍ഗ പിന്നാക്ക സമുദായ ക്ഷേമ മന്ത്രി എ. കെ. ബാലന്‍ പറഞ്ഞു. തിരുവനന്തപുരം യൂണിവേഴ്‌സിറ്റി സ്‌റ്റേഡിയത്തില്‍ എം. ആര്‍. എസ്, ഹോസ്റ്റല്‍ കായികമേള കളിക്കളത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു മന്ത്രി.

കണ്ണൂര്‍ പറശിനിക്കടവ് എം.വി.ആര്‍ ആയുര്‍വേദ മെഡിക്കല്‍ കോളേജില്‍ കേരള ആരോഗ്യ സര്‍വകലാശാല (KUHS) അംഗീകരിച്ച 2017 -18 വര്‍ഷത്തെ ബി.എസ്.സി നേഴ്‌സിംഗ്(ആയുര്‍വേദം), ബി.ഫാം (ആയുര്‍വേദം) കോഴ്‌സുകളിലേക്കുളള പ്രവേശനത്തിന്റെ മൂന്നാംഘട്ട അലോട്ട്‌മെന്റ്  www.lbscentre.in  എന്ന വെബ്‌സൈറ്റില്‍ പ്രസിദ്ധീകരിച്ചു.  അപേക്ഷകര്‍ വെബ്‌സൈറ്റില്‍ നിന്നും പ്രിന്റൗട്ടെടുത്ത അലോട്ട്‌മെന്റ് മെമ്മോയും ഒറിജിനല്‍ സര്‍ട്ടിഫിക്കറ്റുകളും സഹിതം നവംബര്‍ 23നകം കോളേജില്‍ ഹാജരായി നിര്‍ദിഷ്ട ഫീസ് അടച്ച് പ്രവേശനം നേടണം.  ഫോണ്‍: 0471 2560361, 2560362.

പി.എന്‍.എക്‌സ്.4957/17

Shri P. Sathasivamji, Hon’ble Governor of Kerala; Smt. J. Mercykutty Amma Hon’ble Minister for Fisheries, Harbour Engineering & Cashew Industry, Govt. of Kerala; Prof. K.V. Thomas, Member of Parliament; Dr. T. Mohapatra, Secretary, DARE and Director General, ICAR; Dr. J.K. Jena,Chairman, Asian fisheries Society Indian branch (AFSIB); Dr. C.N. Ravishankar, All Invited Guests, Delegates of the Conference, Representatives from the Press & Media; and brothers and sisters, Namasthe!