ജില്ലയിലെ  ഗ്രാമപഞ്ചായത്തുകളില്‍ 17 എണ്ണം ആദ്യഘട്ടത്തില്‍ സദ്ഭരണ കേന്ദ്രങ്ങളാകുന്നു. പത്തനംതിട്ട കിഴക്കേടത്ത് മറിയം കോംപ്ലക്സില്‍ നാളെ (24) നടക്കുന്ന തദ്ദേശഭ രണ സ്ഥാപനങ്ങുടെ വാര്‍ഷിക പദ്ധതി അവലോകന യോഗത്തില്‍ തദ്ദേശ സ്വയംഭരണ വകുപ്പ് മന്ത്രി കെ.റ്റി.ജലീല്‍ സദ്ഭരണ പ്രഖ്യാപനം നടത്തും. 

    വെണ്ണിക്കുളം ഗവണ്‍മെന്‍റ് പോളിടക്നെിക്ക് കോളേജില്‍ പ്രധാനമന്ത്രി കൗശല്‍ വികാസ് യോജന പദ്ധതിയിന്‍ കീഴിലുള്ള ഹ്രസ്വകാല തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം. 

    ജില്ലാ വികസന സമിതിയോഗം ഈ മാസം 25ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. രാവിലെ 10.30ന്  നടക്കുന്ന പ്രീ-ഡിഡിസി യോഗത്തില്‍ എല്ലാ ജില്ലാതല ഉദ്യോഗസ്ഥരും പങ്കെടുക്കണമെന്ന് ജില്ലാ കളക്ടര്‍ അറിയിച്ചു. 
                                           (പിഎന്‍പി 3123/17)

    ഓച്ചിറ ക്ഷീരോല്‍പ്പന്ന പരിശീലന വികസന  കേന്ദ്രത്തില്‍ ഈ മാസം 28നും 29നും തീറ്റപ്പുല്‍ കൃഷിയില്‍ പരിശീലനം നല്‍കും. ഫോണ്‍: 0476 2698550. 
                                               (പിഎന്‍പി 3122/17)

    കുടുംബശ്രീ ജില്ലാ മിഷന്‍റെ ആഭിമുഖ്യത്തില്‍ സംഘടിപ്പിക്കുന്ന വനിതകളുടെ സെല്‍ഫി വീഡിയോ മത്സരം സ്ത്രീ മനസ്സ് 2017ല്‍ രജിസ്റ്റര്‍ ചെയ്ത അംഗങ്ങള്‍ സിഡിയില്‍ കോപ്പി ചെയ്ത വീഡിയോഗ്രാഫി മത്സരത്തിനായുള്ള വീഡിയോ എത്തിക്കേണ്ട തീയതി ഈ മാസം 30 വരെ നീട്ടി. സ്വന്തം ജീവിതത്തില്‍ ഉണ്ടായ ഒരു പ്രതികൂല സാഹചര്യത്തെ എങ്ങനെ തരണം ചെയ്തു എന്നതാണ് സെല്‍ഫി വീഡിയോയുടെ വിഷയം. 
ഫോട്ടോഗ്രാഫി മത്സരത്തിനായി തെരഞ്ഞെടുത്ത ചിത്രങ്ങള്‍ മത്സരാര്‍ഥികള്‍ ഇന്ന് (23) ഉച്ചയ്ക്ക് 12ന് മുമ്പ് ജില്ലാ മിഷനില്‍ നേരിട്ടോ സിഡിഎസ് മുഖാന്തിരമോ എത്തിക്കണം. കൂടുതല്‍ വിവരങ്ങള്‍ക്ക് ഫോണ്‍: 9497836019, 9645369365.  

    ജില്ലാ എംപ്ലോയ്മെന്‍റ് എക്സ്ചേഞ്ചിന്‍റെ ആഭിമുഖ്യത്തില്‍ സ്വയംതൊഴില്‍ സംരംഭകര്‍ക്കായി ബോധവത്ക്കരണ ശില്പശാല നടത്തും. ഈ മാസം 27ന് രാവിലെ 10ന് പത്തനംതിട്ട ഠൗണ്‍ ഹാളില്‍ ശില്പശാല ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി ഉദ്ഘാടനം ചെയ്യും. കെസ്റു, മള്‍ട്ടിപര്‍പ്പസ് സര്‍വീസ് സെന്‍റേഴ്സ്/ജോബ്  ക്ലബ്, ശരണ്യ, കൈവല്യ എന്നീ സ്വയം തൊഴില്‍ സംരംഭങ്ങളെക്കുറിച്ച് ബോധവത്ക്കരണം നല്‍കും. പങ്കെടുക്കാന്‍ താത്പര്യമുള്ളവര്‍ രാവിലെ 9.30ന് എത്തി രജിസ്റ്റര്‍ ചെയ്യണമെന്ന് ജില്ലാ എംപ്ലോയ്മെന്‍റ് ഓഫീസര്‍ അറിയിച്ചു. ഫോണ്‍: 0468 2222745.                    (പിഎന്‍പി 3120/17)

    പത്തനംതിട്ട എസ്ബിഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ മുത്തുകള്‍, നൂലുകള്‍, പേളുകള്‍ എന്നിവ കൊണ്ട് ഉണ്ടാക്കുന്ന നൂതന ആഭരണങ്ങള്‍, നെറ്റിപ്പട്ടം എന്നിവയുടെ നിര്‍മാണത്തില്‍ സൗജന്യ പരിശീലനം നല്‍കും. 18നും 45നും മധ്യേ പ്രായമുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ ഈ മാസം 30നകം 0468 2270244, 2270243 എന്നീ നമ്പരുകളില്‍ പേര് രജിസ്റ്റര്‍ ചെയ്യണം. 
                                                  (പിഎന്‍പി 3119/17)

    ഡിസംബര്‍ മൂന്നിന് നടക്കുന്ന ചക്കുളത്തുകാവ് പൊങ്കാലയുടെ സുഗമമായ നടത്തിപ്പിന് ആവശ്യമായ ക്രമീകരണങ്ങള്‍ മുന്‍വര്‍ഷങ്ങളിലേതുപോലെ ഏര്‍പ്പെടുത്തുമെന്ന് ജില്ലാ കളക്ടര്‍ ആര്‍.ഗിരിജ പറഞ്ഞു. പൊങ്കാലയോടനുബന്ധിച്ച് വിവിധ സര്‍ക്കാര്‍ വകുപ്പുകള്‍ ഏര്‍പ്പെടുത്തേണ്ട ക്രമീകരണങ്ങള്‍ ചര്‍ച്ച ചെയ്യുന്നതിന് കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ സംസാരിക്കുകയായിരുന്നു കളക്ടര്‍. 

    ജില്ലയിലെ പട്ടികജാതി വിഭാഗത്തില്‍പ്പെട്ടവര്‍ക്ക് ഓട്ടോടാക്സി വായ്പയ്ക്ക് അപേക്ഷിക്കാം. കുടുംബ വാര്‍ഷിക വരുമാനം ഗ്രാമപ്രദേശങ്ങളിലുള്ളവര്‍ക്ക് 98000 രൂപയിലും നഗരപ്രദേശങ്ങളിലുള്ളവര്‍ക്ക് 120000 രൂപയിലും കവിയാന്‍ പാടില്ല. പ്രായം 18നും 50നും മധ്യേ. അപേക്ഷകര്‍ക്ക് ഓട്ടോടാക്സി ഓടിക്കുന്നതിനുള്ള ലൈസന്‍സും ബാഡ്ജും ഉണ്ടായിരിക്കണം. 3.70 ലക്ഷം രൂപ പദ്ധതി തുകയുള്ള വായ്പയ്ക്ക് വസ്തു അല്ലെങ്കില്‍ ഉദ്യോഗസ്ഥ ജാമ്യം നല്‍കണം. കൂടുതല്‍ വിവരങ്ങള്‍ക്ക് പന്തളം പോസ്റ്റാഫീസിന് സമീപമുള്ള കോര്‍പ്പറേഷന്‍റെ ജില്ലാ ഓഫീസുമായി ബന്ധപ്പെടണം. ഫോണ്‍: 04734 253381.

    ലോക എയ്ഡ്സ് ദിനാചരണവുമായി ബന്ധപ്പെട്ട് നാളെ (24ന്) വൈകിട്ട് 3.30ന് എഡിഎംന്‍റെ ചേംബറില്‍ യോഗം ചേരും.                        (പിഎന്‍പി 3116/17)