ഡിസംബര്‍ 27,28,29 തീയ്യതികളില്‍ കോഴിക്കോട് നടക്കുന്ന സംസ്ഥാന തുടര്‍വിദ്യാഭ്യാസ കലോത്സവം പരിസ്ഥിതി സൗഹൃദമായ രീതിയില്‍ നടത്താന്‍ സംഘാടക സമിതി തീരുമാനിച്ചു. സംസ്ഥാന സാക്ഷരതാ മിഷന്‍ ഡയറക്ടര്‍ ഡോ. പി.എസ് ശ്രീകലയുടെ സാന്നിധ്യത്തില്‍ കോഴിക്കോട് ഇന്‍ഡോര്‍ സ്റ്റേഡിയത്തില്‍ ചേര്‍ന്ന യോഗത്തിലാണ് തീരുമാനം കൈക്കൊണ്ടത്. ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി അദ്ധ്യക്ഷത വഹിച്ചു. കലോത്സവത്തിന്റെ പ്രചാരണം മുതല്‍ ഭക്ഷ്യശാലവരെയുളള എല്ലാ ഇടങ്ങളിലും പ്ലാസ്റ്റിക് മുക്തമാവും. ഭക്ഷണം നല്‍കുന്നതിന് സ്ലീല്‍ പാത്രങ്ങള്‍ ഉപയോഗിക്കും.

 കേരള കാര്‍ഷിക സര്‍വ്വകലാശാലയുടെ കീഴിലുളള പിലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തിലെ ഒക്‌ടോബര്‍ മാസം വിളവെടുത്ത തേങ്ങകളും കൃഷിയിടത്തില്‍ നിന്നും ശേഖരിച്ച ചെറുതും മുളച്ചതുമായ തേങ്ങകളും ഉള്‍പ്പെടെ 9500 തേങ്ങകളും 400 ഗുണനിലവാരം കുറഞ്ഞ തേങ്ങകളും ദര്‍ഘാസ്/ലേല വ്യവസ്ഥകള്‍ക്ക് വിധേയമായി ലേലം ചെയതു വില്‍ക്കുന്നു.   ക്വട്ടേഷനുകള്‍ നവംബര്‍ 29 ന് വൈകിട്ട് 3 മണിക്ക് മുമ്പ് ഓഫീസില്‍ ലഭിക്കണം.  ദര്‍ഘാസ് സ്വികരിക്കുന്നതിന്റെ നിര്‍ദ്ദിഷ്ട സമയം കഴിഞ്ഞാല്‍ നാളികേരത്തിന്റെ പരസ്യ ലേലം നടത്തും.  ഫോണ്‍: 0467 2260632.
പി എന്‍ സി/4439/2017

 ജില്ലാ പഞ്ചായത്തിലെയും എഞ്ചിനീയറിങ്ങ് വിഭാഗത്തിലെയും കമ്പ്യൂട്ടര്‍, അനുബന്ധ ഉപകരണങ്ങളുടെയും വാര്‍ഷിക അറ്റകുറ്റപ്പണി കരാര്‍ എടുക്കുന്നതിനായി അംഗീകൃത സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു.    ഡിസംബര്‍ 5 ന് വൈകിട്ട് 3 മണി വരെ ടെണ്ടര്‍ സ്വീകരിക്കും.
പി എന്‍ സി/4438/2017

ടെക്‌സ്റ്റൈല്‍ മന്ത്രാലയത്തിനു കീഴില്‍ 3 മാസത്തെ തയ്യല്‍ കോഴ്‌സിന് പരിശീലനം ആരംഭിക്കുന്നു.  എ ടി ഡി സി തളിപ്പറമ്പ് നാടുകാണി സെന്ററിലാണ് പരിശീലനം.  18 നും 45 നും ഇടയില്‍ പ്രായമുളള യുവതീ യുവാക്കള്‍ എസ് എസ് എല്‍ സി ബുക്കിന്റെ കോപ്പി, ആധാറിന്റെ കോപ്പി, 2 ഫോട്ടോ എന്നിവ സഹിതം 24 നകം നേരിട്ട് ഹാജരാകണം. ഫോണ്‍: 9746394616, 0460 2226110. 
പി എന്‍ സി/4437/2017

സംസ്ഥാന ഭാഗ്യക്കുറി വകുപ്പിന്റെ സുവര്‍ണ്ണ ജൂബിലി ആഘോഷങ്ങളുടെ ജില്ലാതല സംഘാടക സമിതി രൂപീകരണ യോഗം 24 ന് 4 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.  
പി എന്‍ സി/4436/2017

ജില്ലാ കേരളോത്സവത്തിന്റെ ഭാഗമായി ജില്ലാതലം മുതല്‍ നടക്കുന്ന ദേശീയ യുവോത്സവ ഇനങ്ങളായ മണിപ്പൂരി, കഥക്, ഒഡീസി, സിത്താര്‍, ഫ്‌ളൂട്ട്, വീണ, ഹാര്‍മോണിയം, ഗിത്താര്‍ എന്നീ ഇനങ്ങളില്‍ മത്സരിക്കുന്നവര്‍ 26 നകം ജില്ലാ കണ്‍വീനര്‍, ജില്ലാ പഞ്ചായത്ത് സെക്രട്ടറി, ജില്ലാ കേരളോത്സവം, ജില്ലാപഞ്ചായത്ത് ഓഫീസ്, കണ്ണൂര്‍ എന്ന വിലാസത്തില്‍ അപേക്ഷിക്കണം.  പ്രായം ജനുവരി ഒന്നിന് 15 വയസ് തികഞ്ഞവരും 30 വയസ് കവിയാത്തവരുമായിരിക്കണം.  ഫോട്ടോ, തിരിച്ചറിയല്‍ കാര്‍ഡിന്റെ പകര്‍പ്പ് എന്നിവയും അപേക്ഷയോടൊപ്പം സമര്‍പ്പിക്കണം.
പി എന്‍ സി/4435/2017

വനംവകുപ്പിലെ ഫോറസ്ട്രി പ്രവൃത്തികള്‍ ഏറ്റെടുത്ത് നടപ്പിലാക്കുന്നതിന് എ/ബി/സി വിഭാഗങ്ങളില്‍പ്പെട്ട കരാറുകാര്‍ക്ക് രജിസ്റ്റര്‍ ചെയ്യാം.  രജിസ്‌ട്രേഷനുളള അപേക്ഷ നിര്‍ദ്ദിഷ്ട പ്രൊഫോര്‍മയില്‍ കണ്ണൂര്‍ ഡിവിഷണല്‍ ഫോറസ്റ്റ് ഓഫീസര്‍ക്കാണ് നല്‍കേണ്ടത്. അപേക്ഷാ ഫോറങ്ങള്‍ കണ്ണോത്തുംചാലിലെ ഡിവിഷണല്‍ ഫോറസ്റ്റ് ഓഫീസില്‍ നിന്ന് നേരിട്ട് ലഭിക്കും.  500 രൂപയാണ് ഫീസ്.  വനം വകുപ്പിന്റെ വെബ്‌സൈറ്റില്‍ www.keralaforest.gov.in നിന്നും അപേക്ഷ ഫോറം ലഭിക്കും. ഫോണ്‍: 0497 2704808.
പി എന്‍ സി/4434/2017

ആലപ്പുഴ: പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പാഠ്യ-പാഠ്യേതര ഭാഗങ്ങളെ ആസ്പദമാക്കി ഡിജിറ്റൽ ഉള്ളടക്കം നിർമിക്കുന്നതിന് സംസ്ഥാന വിദ്യാഭ്യാസ ടെക്‌നോളജി ഇൻസ്റ്റിറ്റ്യൂട്ടിനെ(എസ്.ഐ.ഇ.റ്റി.) ശക്തിപ്പെടുത്തുമെന്ന് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് പറഞ്ഞു. എസ്.ഐ.ഇ.റ്റി. ആലപ്പുഴ വിദ്യാഭ്യാസ ജില്ലയുടെ സഹകരണത്തോടെ വിദ്യാർഥികൾക്കായി നാലുദിവസമായി നടത്തിയ ചലച്ചിത്രശിൽപശാലയുടെ സമാപനസമ്മേളനം തകഴി സ്മാരകത്തിൽ ഉദ്ഘാടനം ചെയ്യുകയായിരുന്നു അദ്ദേഹം. 

തലശ്ശേരി താലൂക്ക് വികസന സമിതിയുടെ ഡിസംബര്‍ മാസത്തെ യോഗം   2 ന് നബിദിനം പ്രമാണിച്ചുള്ള അവധിയായതില്‍ ചേരുകയില്ലെന്ന് തഹസില്‍ദാര്‍ അറിയിച്ചു.
പി എന്‍ സി/4432/2017

ഡിസംബര്‍ 4 വരെ നടക്കുന്ന വാസക്ടമി പക്ഷാചരണത്തോടനുബന്ധിച്ച് ആരോഗ്യവകുപ്പിന്റെ നേതൃത്വത്തില്‍ പുരുഷന്മാര്‍ക്കായി വന്ധ്യംകരണ ശസ്ത്രക്രിയ (നോ സ്‌കാല്‍പ്പല്‍ വാസക്ടമി) ക്യാമ്പുകള്‍ സംഘടിപ്പിക്കുന്നു. നവംബര്‍ 25 ന് കണ്ണൂര്‍ ജില്ലാ ആശുപത്രിയിലും 28 ന് പേരാവൂര്‍ താലൂക്ക് ആശുപത്രിയിലുമാണ് ക്യാമ്പ്. ശസ്ത്രക്രിയയ്ക്ക് വിധേയരാകാന്‍ ആഗ്രഹിക്കുന്നവര്‍ കണ്ണൂര്‍ ജില്ലാ ആശുപത്രി: 9846689289, പേരാവൂര്‍ താലൂക്ക് ആശുപത്രി : 9605015508 എന്നീ നമ്പറുകളില്‍ ബന്ധപ്പെടണം.
പി എന്‍ സി/4431/2017