ബാലസൗഹൃദ ജില്ലയാകുന്നതിന്റെ ഭാഗമായി ജില്ലയിലെ ജനപ്രതിനിധികള്‍ക്കും ഉദ്യോഗസ്ഥര്‍ക്കുമുളള ഏകദിന പരിശീലനം നവംബര്‍ 28 ന് രാവിലെ 9.30 മുതല്‍ ജില്ലാ ആസൂത്രണഭവനിലെ ഡോ.എ.പി.ജെ ഹാളില്‍ ചേരും.

                വ്യാജമദ്യത്തിന്റെ ഉല്‍പ്പാദനം, കടത്ത്, വില്‍പ്പന എന്നിവ ജനകീയപങ്കാളിത്തത്തോടെ നിര്‍മ്മാര്‍ജ്ജനം ചെയ്യുന്നതിനായി രൂപീകരിച്ച ജനകീയ കമ്മറ്റിയുടെ ജില്ലാതല യോഗം നവംബര്‍ 30ന് ഉച്ചയ്ക്ക് 2.30ന് കളക്‌ട്രേറ്റ് മിനി കോണ്‍ഫറന്‍സ് ഹാളില്‍ ചേരും.

                വെള്ളാര്‍മല ജി.വി.എച്ച്.എസ്സ്.എസ്സില്‍ വി.എച്ച്.എസ്.സി വിഭാഗത്തില്‍ നോണ്‍ വൊക്കേഷണല്‍ ടീച്ചര്‍ (ജൂനിയര്‍) ഇക്കണോമിക്‌സ് തസ്തികയില്‍ താല്‍ക്കാലിക നിയമനം നടത്തുന്നു. നവംബര്‍ 23 ന് ഉച്ചയ്ക്ക് 2 ന് കൂടിക്കാഴ്ച സ്‌കൂള്‍ ഓഫീസില്‍ നടക്കും. ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം. ഫോണ്‍ 04936 236690

                വെളിച്ചെണ്ണ, തേന്‍, വിവിധ കറിപൗഡറുകള്‍ എന്നിവ  അഗ്മാര്‍ക്ക് മാനദണ്ഡങ്ങള്‍ പാലിച്ച് ഉല്‍പാദിപ്പിച്ച് വിതരണം ചെയ്യുന്നതിന് താല്‍പര്യമുള്ളവര്‍ക്ക് ആവശ്യമായ മാര്‍ഗ്ഗനിര്‍ദ്ദേശങ്ങള്‍ സുല്‍ത്താന്‍ ബത്തേരി കാര്‍ഷിക മൊത്ത വിപണന കേന്ദ്രത്തില്‍ പ്രവര്‍ത്തിക്കുന്ന അഗ്മാര്‍ക്ക് ലാബില്‍ നിന്നും ലഭിക്കും.

സുല്‍ത്താന്‍ ബത്തേരിയിലെ അമ്മായിപ്പാലത്തുള്ള ഗ്രാമീണ കാര്‍ഷിക മൊത്ത വിപണന കേന്ദ്രത്തില്‍ സെക്യൂരിറ്റി ചുമതല ഏറ്റെടുക്കാന്‍ തയ്യാറുള്ള സര്‍ക്കാര്‍ അംഗീകൃത ഏജന്‍സികളില്‍ നിന്നും സീല്‍ ചെയ്ത ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ നവംബര്‍ 28ന് ഉച്ചയ്ക്ക് 12 വരെ സ്വീകരിക്കും. വിവരങ്ങള്‍ക്ക് ഓഫീസുമായി ബന്ധപ്പെടുക.