തീരദേശത്തെ മത്സ്യത്തൊഴിലാളികള്‍ക്ക് സുരക്ഷിത മേഖലയില്‍ സ്വന്തമായി വീട് എന്ന സ്വപ്നത്തിന് ഇന്ന് (നവംബര്‍ 22) സാക്ഷാത്ക്കാരമാകും.  മത്സ്യത്തൊഴിലാളി പുനരധിവാസ പദ്ധതിയുടെ സംസ്ഥാനതല ഉദ്ഘാടനം ഇന്ന് വൈകിട്ട് നാലിന് അഞ്ചുതെങ്ങില്‍ ഫിഷറീ വകുപ്പ് മന്ത്രി ജെ. മെഴ്‌സിക്കുട്ടി അമ്മ നിര്‍വഹിക്കും.  നിയമസഭ ഡെപ്യൂട്ടി സ്പീക്കര്‍ വി. ശശിയുടെ അധ്യക്ഷതയില്‍ നടക്കുന്ന ചടങ്ങില്‍ സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ ഭവന നിര്‍മാണ ധനസഹായവിതരണം നടത്തും.

     ഈ സര്‍ക്കാരിന്റെ കാലാവധി പൂര്‍ത്തിയാക്കുന്നതിന് മുന്‍പായി 50,000 പട്ടികജാതി വിഭാഗക്കാര്‍ക്ക് തൊഴില്‍ ലഭ്യമാക്കുമെന്ന് പട്ടികജാതി വകുപ്പ് മന്ത്രി എ.കെ. ബാലന്‍ പറഞ്ഞു.  അതിനു വേണ്ടുന്ന സാഹചര്യങ്ങള്‍ ഓരോന്നായി സര്‍ക്കാര്‍ ലഭ്യമാക്കിക്കൊണ്ടിരിക്കുകയാണെന്നും മന്ത്രി അറിയിച്ചു.  പട്ടികജാതി വികസന വകുപ്പിനു കീഴുലുള്ള വിവിധ ഐ.റ്റി.ഐ കളില്‍ നിന്ന് കഴിഞ്ഞ വര്‍ഷം വ്യത്യസ്ഥ ട്രേഡുകളില്‍ പരിശീലനം പൂര്‍ത്തിയാക്കിയ വിദ്യാര്‍ഥികള്‍ക്ക് വിവിധ തൊഴില്‍ മേഖലകളില്‍ പ്ലേസ്‌മെന്റ് ലഭ്യമാക്കുന്ന തൊഴില്‍മേളയുടെ ഉദ്ഘാടനം മണ്ണന്തല അംബേദ്കര്‍ ഭവനില്‍ നിര്‍വഹിക്കുകയായിരുന്നു മന്ത്രി.

     തിരുവനന്തപുരം ജില്ലാ പഞ്ചായത്തിന്റെ രണ്ടാം വാര്‍ഷികത്തിന്റെ ഭാഗമായി, നെടുമങ്ങാട് ജില്ലാ ആശുപത്രിയില്‍ നടപ്പാക്കിയ ആറ് പുതിയ വികസന പദ്ധതികള്‍ നാളെ (നവംബര്‍ 23) ഉദ്ഘാടനം ചെയ്യും.  വൈകുന്നേരം മൂന്ന് മണിക്ക് ആശുപത്രി അങ്കണത്തില്‍ ജില്ലാ പഞ്ചായത്ത് പ്രസിഡന്റ് വി.കെ. മധുവിന്റെ അധ്യക്ഷതയില്‍ നടക്കുന്ന ചടങ്ങില്‍ തദ്ദേശ സ്വയംഭരണ വകുപ്പ് മന്ത്രി കെ.റ്റി. ജലീല്‍ പദ്ധതികള്‍ നാടിനു സമര്‍പ്പിക്കും. 

.

     ജില്ലാ വികസന സമിതി യോഗം ഈ മാസം 25ന് രാവിലെ 11 മണിക്ക് കലകട്രേറ്റ് കോണഫറന്‍സ് ഹാളില്‍ ചേരും.

             ശബരിമല മണ്ഢലകാല മകരവിളക്ക് മഹോത്സവത്തൊടനുബന്ധിച്ച് ജില്ലയില്‍ ഏര്‍പ്പെടുത്തിയിരിക്കു ക്രമീകരങ്ങള്‍ അവലോകനം ചെയ്യുതിന് വിവിധ വകുപ്പുകളുടെയും തദ്ദേശ സ്വയംഭരണ സ്ഥാപനങ്ങളുടെയും സംഘടനകളുടെയും യോഗം ഇ്  ഉച്ചക്ക് 2.30 ന് വണ്ടിപ്പെരിയാര്‍ പഞ്ചായത്ത് ഹാളില്‍ ചേരും.